في المنيا .. الي بيفكرنا بـ طه حسين هو يوم الخميس

يوم الخميس في المنيا
يوم كل المنياويه عارفينه كويس
هو يوم لبس الي على الحبل
والنزول في الشارع اليتيم الي في المنيا بتاع الراجل المعروف ده الي اسمه طه حسين
على فكره في الاول كان تمجيد للدكتو طه حسين ان
اسمه يتخلد في بلده انه يتسمى بيه شارع وميدان
وفعلا ده شيئ رائع
لكن بعد مده لاقيت ان طه حسين اتهزء واتهان بسبب الشارع ده
شارع طه حسين اشهر شارع في المنيا كلها على الاطلاق وهقولوكو ليه اتهزء مع ان ممكن يكون وصلوكو انا
اقصد ايه
المنظر الاول ممكن تتابعه من عند المستشفى يوم الخميس بتبدا حفلة المشي في طه حسين من الساعه 8 زحمه مش طبيعيه
اولاد وبنات كتير جدا وكلهم بيجو يوم الخميس ويبقو متفائلينا جدا ومقبلين على الحياه
مش عارف ليه
البنات نازلين عشان يتعاكسو كويس مع انهم بيبينو عكس ولو سمعت كلمه حلوه يبقا خير برضه
ولو شافها عريس تبقا رزقت والخميس بتاع الاسبوع ده جاب فايده
والشباب نصين نص نازل تايه مش عارف يروح فين ونص نازلين يتفرجوا على البنات
ويشوفو ايه الجديد الي بيقدموا كل خميس في عالم البادي واللوويست
وتحس انك ماشي في عرض ازاياء بس مستمر طول شارع ولفتره اكتر من اربع ساعات
وتحس كمان انك في الليله الكبيره تشوف شخصيات وتسمع كلام وتشوف دنيا بحالها وعالم مقفول على نفسه جوا
شارع طه حسين ... والله .. خساره فيه الاسم
وتتفرج بقا على شيئ غريب جدا بيتعمل بشكل اوتو ماتيك شويه لو وقفت لمدة نص ساعه في نفس المكان
هتلاقي ان الناس هما هما بيلفو ورا بعض بيوصلو لاخر شارع طه حسين ويلفو ويرجعو تاني وبعد كده يكملوا مشي
ويعدو ميدان المستشفى ويدخلو شارع ابن خصيب ويخلصوه بسرعه عشان يكملوا السبع اشواط في طه حسين يعني ممكن نقول ان اولاد وبنات المنيا بيعملوا عمره كل خميس في شارع طه حسين بارك الله فيهم وعليهم
الغريب في الموضوع ان الشارع ضيق جدا رايح جاي بالعافيه وفي مناطق الاضائة فيها ميته
والاسوء من كده ان الشارع طريق مواصلات عموميه وفي كمان عربيات مركونه على الصفين وناهيك عن العيال المجنونه الي بتجري بالعربيات
بسرعه فظيعه وعلى الصفين ناس ماشيين غير المحلات الي موجوده
غير بقا مصورة البشر الي بتضرب في طه حسين يوم الخميس بسبب فرح
ومفيش فرح في بلد ي غير لما يباركه الحج طه حسين والزفه تدخل طه حسين ورايح جي
والشارع يترش بدل وكلكسات تشتغل وحوادث وقرف و زيطه وزحمه وخنقه
ورغم كل الهم ده و الزحمه والضيق الي في الشارع ده نلاقي ان الشباب بيقاوم الي المصاعب دي وبيجي على نفسه وبيتحمل
وبيضرب شعره جل والي بتحط فول ميكب عشان يعملوا الي عليهم وده اذا دل فيدل على
ان شباب وبنات المنيا ولا احلى ولا اطعم من كده ومتلاقيهمش غير في ........مش هقول
في يوم من اهم ايام المنيا المتكرره الا وهو يوم الخميس
اليوم الي لو فات حد يزعل اوي ولو انت ضيعته على حد يتخنق منك باقي الاسبوع لحد مايجي الخميس الي بعده
ويعمل الي في نفسه
وكمان كان في ملاحظه غريبه اوي ان الناس بقت تشتم طه حسين من الي بيشوفوه فيه والي بيحصل فيه
وسبحان الله الراجل ده خد شتيمه بعمره وكان زنبه انه من البلد دي الي المفروض تحترمه لا محترمتوش ومبطلتش اهانه في اسمه
حتى لو كان قصدهم او نيتهم هو الشارع مش الاسم
لكن المؤسف ان الشارع اخلاقه اخلاق الكباريهات والنايت كلب ... ينفع اني افتح كباريه واسميه مثلا
كباريه رفاعه الطهطاوي....!!!ازاي
انا عن نفسي كنت فتره احب اخرج في الشارع ده بس الفتره ده ماكنتش متعلقه بيوم الخميس
بس بسرعه لاحظت كل المشاكل دي في الشارع استغربت لما لاقيت الناس مصرين على التواجد فيه
المنيا بلد ليه طبع غريب اوي البلد ضيقه جدا فتلاقي الناس
كلها تعرف بعض والي مايعرفش التاني مش هيغلب عشان يجيب اخبار عنه كفايا يسئل واحد صحبه وصحبه يسئل صحبه
يقدر بالطريقه دي يعرف كل المعلومات الي هو عايزها وده من خلال طه حسين برضه شارع النميمه
والي ماش قادر يعرف حاجه يقف شويه في طه حسين ملا تعدي يمش وراها برضه هيعرف
المهم ان طه حسين العامل المشترك بين الجد والهزار في المنيا
في الزحمه والصخب الشديد ده اتهان الراجل الطيب ده الي كان كل ذنبه ان كان من المنيا ونجح واشتغل
ومكانش عنده شارع بيمشي فيه يوم الخميس
رحمة الله عليك يا طه حسين ولك الله
وانا اسف على الي حصل والي بيحصل وانا عن نفسي قاطعة يوم الخميس من زمان
وقاطعة كل مكان في اهانه لانسان

يااااااااااه من زمان نفسى حد يجاوبنى

ليه يوم الخميس بالذات الى يكون طه حسين مليان

حتى لو بالاجازة بردو الخميس هو الى بيكون مليان ناس

وعربيات واستظراف وعروض ازياء ومعاكسات

فعلا شارع يخنق ياجرين هارت

وتحس انه نادى مش شارع عمومى ابدا

تحس انه تبع النادى الرياضى

كل الى ممكن نعمله بالنادى بيتعمل فى طه حسين

الا حاجة واحدة بتظهر يوم الخميس

وهو الكمين الى بيكون واقف فى نص الشارع

انا مرة وقفونى وعشان كده والله كرهت الشارع ده يوم الخميس

فعلا تحس البنت الى بتنزل الشارع ده يوم الخميس لو نزلت الجمعة مثلا

ممكن متعرفهاش!!!!!!!

ربنا يهدينا ويهديهم

انا عن نفسى بحب فى المنيا الكورنيش احب منظر النيل والجبل والخضرة

بس بكرة الاولاد الى بتكون هناك وقلة الادب الى الواحد بيشوفها

يلا خلينا فى بيوتنا احسن ...........

شكرا يا صاحب اجمل المواضيع

عندك حق بس الناس هتعمل ايه ماهو الشارع الوحيد اللي يمكن يكون فيه شوية حيوية يغير فيها الواحد بدل الشوارع الكئيبة ولان المنيا بلد مفيهاش مكان ممكن يتراح بس ده راي وشكرا على الموضوع الرائع ده

ههههههههههههههههههههههههههههه
كلام حلو
هههههههههههههههههههههههههههه

ربنا يخلكي يافله
الف شكر على ردك
وانتي عندك حق في الاضافه بتعتك وموضوع الكمين الي بيبقا موجود
زي قلته بالظبط
فعلا احنا في زمن المسخ كل حاجه متغيرا وواخده شكل مش شكلها
وبتتغير كل مادى للاسوء
والاسوء من كده كمان يا فله
ان المنيا ملهاش طعم ولا ليها كيان ولا ليها اي اثر في المجتمع المصري
بلد تقليد وتقاليع وموضه ومظاهر وسلبيه وبطاله وفقر كمان
ان كنت بحب الكورنيش ولسا برضه بحبه بس لما يبقا رايق وبحبه اكتر في الشتا
بحس اني قاعد في جنينة خاصه بيا
وبتنفس هوا نقي

شكرا فله مره تاني

نايل جيرل
انتي رايك صح طبعا ده حظ البلد دي
بس انا لما كتبت الموضع مكتبتوش لفرض راي كتبته لاني برصد ظاهره سيئة جدا
كلنا عارفينها بس مش عايزين نتكلم عليها
وكمان لاني كرهت الواقع ده
ونصيحه مني حاولي تفكري تاني في الموضع
وشكرا لمرورك

هههههههههههههههههههههههههه
والله عندك حق

بس على فكره هو مبقاش يوم الخميس بس
هو يمكن يمكن الخميس فى وقت الدراسه
لكن تقريبا اسبوعياااااااااااااا فى الاجازة

وفعلا الشارع تكدس رهيب من الولاد والبنات
ولو مشينا شويه فى الشارع
بحس انى حفظت كل الموجودين
زى ما انت قولت رايحين جاييين
اكنها عمرره فعلا

بجد ممكن البنات والولاد دول يستغلو الفراغ ده فى حاجه مفيده بدل المعاكسات
والكلام الفاضى ده

جزاك الله خيرا على موضوعك جرين هارت
تقبل مرورى

هههههههههههههههههههههههههههههه.............حلوه كباريه رفاعه الطهطاوى دى.........ههههههههههه........ميرسى على موضوعك الرائع ده يا جرين

ميرسى كتير ليك جرين على الموضوع الجامد ده
بس انا بقول ان المنيا فعلا مفهاش مكان يتراح غير الشارع ده والكورنيش
وساعات عدنان
طيب الناس اللى مابتخرجش غير يوم الخميس باعتبار ان الجمعة اجازة
الناس دى تروح فين؟
الناس اللى بتحب تتمشى بالليل
سواء فى الشتاء او فى الصيف
وانا من الناس دى
نروح نتمشى فين ؟
قوللى على مكان احسن امشى فيه ومن بكرة مش هتشوفنى فى طه حسين

هوا فعلا انت عشان تلاقى مكان تتمشى فيه غير طه حسين مافيش
بس طه حسين دا فعلا فعلا مشكله
يعنى اللكام بييجى من وراه والمشاكل كلها بتيجى من الشارع دا
مالوا عدنان نفسى اعرف اشتكى ولا مالوا الكورنيش
ودلوقتى فى الى هوا طريق دماريس دا على الكورنيش
حتة طريق تحفه هادى جدا وحلو اوى
فى بردو الكوبرى الى بيودى المنيا الجديده التمشه عليه ملهاش حل
هوا احنا لو عايزين امناكن فالامكان كتير بس احنا بنكسل وبنستسهل الاخ طه حسين
وسيبك بقى من بنستسهل
نسجى نبص للنقطه تانيه
انا بتكلم ببالنسبه للبنات فى النقطه دى
لو البنت مشيت فى طه حسين
يبقى نازله علشان تتعاكس
لو راحت النادى يبقى رايحه تظبط واحد
لو ماشيه على الكورنيش فدى تبقى ماشيه عشان الاولاد يلفوا حواليها بالعربيات
لو رايحه كوفى شوب زى زاد او سفن الفن يبقى رايحه عشان تستعرض نفسها ادام الاخوه الولاد الى هما مش فاضيين غير للبص وبس
لو راحت مكان هادى مثلا زى جامايكا او اتون او مثلا على الكوبرى او الحتت الهاديه دى
يبقى الله دى رايحه اكيد تقابل حد
نفسى اعرف بقى البنات تعمل ايه
روحوا موتوا روحكوا احسن يا بنات
هههههههههههههههههه
مرسى على الموضوع الجامد دا يا جرين

انا بضم صوتي لصوت ادمن والبقاء لله
معلش ادي الله وادي حكمته

هو طبعا فى اسباب كتير عشان طه حسين يوم الخميس شكله كده
يعنى مثلا الناس كلها بتنزل يوم الخميس عشان اجازة لكل المدارس
و الجامعات و كل الناس بيكون نفسها تخرج
و مش بس طه حسين اللى بيكون زحمة من اخر شارع الحسينى الى اخر الاخصاص
كل ده بيكون زحمة
وطبيعة البنات انها لما تكون نازلة فى يوم زحمة كده لازم تكون لابسة احسن لبس و عاملة اللى ما يتعمل
و الولاد برده نفس النظام و فعلا طه حسين اكتر شارع الناس بتمشى فيه لو كان فيه شارع زيه اكيد هيمشوا فيه
برده و المشكلة الاكبر ان البنات لو راحت اى حته تيقى رايحة عشان تتعاكس رحنا زاد او 7/11 عايزين نظبط
رحنا النادى او مشينا فى الشارع عايزين نتعاكس طيب نروح فين
شكرا يا جرين على الموضوع

هو طه حسين كده ع طول زحمه وهو الحياه بنسبه للمنيا يوم الخميس اساس المنا مفيهاش اماكن خروج كتير حتى مكان خروج نعود نقول عليه عادى ناس مخنوقه بتنزل

صح كلامكم كلكوا بس نسيتوا تضيفوا حاجه مهمه قوي

عن محافظتنا الحبيبه

انها بؤرة النميمه والنفاق والأهم من دول الحواراااااااااااااااااااااااات

موضوع النميمه ماتنساش بس الفكره ان ده في كل مكان مش هتفرق في المنيا اكتر من غيرها
بس الي مخليه واضح في المنيا نفس السبب ضيق المكان و البلد عباره عن شارعين يعني نرجع لاول الموضوع
بس انا مش عارف ده حظ مين حظ المنيا ولا حظنا حنا

والله زمان يا طه حسين

الله و الله بتعبر عن اللي الواحد حاسس بيه
انا الموضوع دة مدايقني من زمان انا مش عارفة اية الحلو للدرجة دي في طه حسين ؟
و يا ريتها تيجي علي طه حسين بس لأ دة الكورنيش اللي هو المنفس الوحيد لينا بقي اسخم و اضل من طه حسين
الناس في طه حسين رايحين جيين و بس اما بقي علي الكورنيش ملتقي الاحبة بتحصل حاجات تاني مفيش داعي
لذكرها
انا دلوقتي لو اضطريت اني اروح طه حسين ببقي ماشية في منتهي الاستغراب من الوضع و بحس اني عايزة امشي منه
و بشتري اللي انا عايزاه و اهرب بسرعة قبل ما اخدلي كلمتين
حتي الكوبري مبقاش ينفع نقف عليه طيب انت عارف انا هقلك علي حاجة
كنت واقفة عليه مرة انا و بنت عمتي و اتنين معديين تخيل قالو اية :
مش هيجو ممكن نيجي احنا ؟
علي اساس اننا واقفين مستنيين حد
سبحان الله و علي طول رحنا خدنا بعضنا و مشينا
الواحد مش حاسس بأي حرية خالص و اي حاجة عادية ممكن تعملك سمعة زفت
خصوصا ان المنيا صغيرة
انا قلت بعد ما النادي الرياضي اتقفل يمكن الناس تهدا شوية لكن العكس هو اللي حصل
كل اللي كان بيروح النادي اعتبر الشارع دة بقي النادي و الله حاجة غريبة
بس عموما لسة في اماكن كويسة ممكن تتراح
مثلا نادي الجامعة او نقابة المهندسين او عدنان
ربنا بس يستر علي الاماكن دي و متتحولش لطه حسين
بس ارجع و اقول ان الكورنيش لا غني عنه و البنت المحترمة هيبان عليها
و البنت اللي نازلة عشان تتعاكس بردو هيبان عليها
انا بصراحة سمعت مهازل حصلت في طه حسين دة من قتل و ضرب و كل حاجة
بس مهما كان البنت لو محترمة و ماشية كويس يبقي ميهمهاش حد
لأن الشباب دلوقتي بقي بياخد الصالح مع الطالح من غير ما يفكر
بشكرك جدا جدا جدا انك عرضت الموضوع المؤلم دة يا جرين

علي فكرة يا جرين ماما قرت موضوعك دة
و بتقول ان انت عندك حق
و قالتلي خلاص يسموه شارع الشباب
Laughing

انا قلتلها يعني هو ناقص شباب
بس بشكرك مرة تاني علي موضوعك

شكرا يا جرين هارت على الموضوع الجامد ده
بس انتى متمرده جامده على حال البلد اكتر من اى وقت
و بجد كلامك صح و ده كله من الفضا سواء فى الشغل او فى المكان
انا احلى حاجه احبها فى المنيا و مش هلاقيها فى مكان تانى
انى لما اكون متضايق اروح اشوف الكورنيش و اشوف النيل و جماله
عمار يا مصر

بدايه والله الموضوع دا جااااااااااااااااااااامد يا استاذ جرين
يوم الخميس بس فى ايام الدراسه بيبقى طه حسين زحمه
لكن فى الاجازه كل يوم زحمه
ودا ليه كل واحد ونيته
فى اللى رايح يعاكس بنات ودا بالنسبه لبعض الشباب
وفى اللى رايح علشان يقابل اصحابه
وفى اللى رايح علشان يلعب فى النادى
وفى اللى رايح علشان كله اللللى فاااااااااااااااااات
بس على فكره والله فى شباب محترم كتيييييييييييييييير
بيقف فى طه حسين علشان يغير جو وبس

وفى اللى بيشترى لبس
وفى وفى

...................

وفى بعض الاحيان بيكون فى بنات

بتحب تتعاكس

لا يلومون الا انفسهم

وفى النهايه

انما الاعمال بالنيات ولكل امرء ما نوى

وشكرا يا استااااااااااااااااااااااااااااااذ جريييييييييييييييييييين
على الموضوع الجميل دا

معاك حق ياجرين
وهو شارع اصلا يتيم
ومش حلو للدرجة
بس هنعمل ايه
مقدمناش غيره
المنيا اصلا كلها شبر فى شبر
هنروح فين يعنى
ميرسيه يا جرين مرة كمان

و اللة عندك حق دى مهازل اللى بتحصل يوم الخميس دى فالشارع دة و لو مفيش غيرة يبقى الواحدة تقعد فالبيت يوم الخميس دة
و انا مع ادمن فكلامها بس خلاص دى المنيا و دول اهلها هنعمل اية
مبيبطلوش كلام كلام كلام كلام اووووووووووووووف

hahahahahahaha

موضوعك جميل يا ..جرين..وتصدق انا فعلا بكره الشارع ده جدا عارف بقول لصحابى ايه عليه ...شارع شبهة... بس عندى اعتراض على تشبيه رايحين جايين كانهم بيعملوا ..عمرة...ما ينفعش تشبه شى طاهر وعبادة زى...العمرة...بالمهاذل اللى بتحصل فى طه حسين.شكرا ليك.