مايعجبك ومالايعجبك فى كليتنا

سلام عليكم
ازيكم يا طلبة السن
عاملين ايه
عايزين فى الموضوعنكتب مايعجبك ومالايعجبك فى كليتنا
عايزين اراء صريحه
بس بدون تجريح فى اى حد

ما يعجينى

1-برستيج كلية الالسن بين الكليات

2-رقى طلاب الالسن الى حد ماولكل قاعدة اكيد شواذ

3-ثقافة طلابنا كمان بس التافهين اكتر

4-فى دكاترة كتير بيعاملونا حلو نظرا لاسم الكلية

5-الكانتين

santa

ثانيا مالا يعجبنى

1-الذل الى بنشوفه فى المكتبه

2-كمية المواد الى بنشوفها الترم التانى

3-بحس طلابنا مش مندمجين مع القضايا المحلية ولا الدولية

4-مفيش استراحات لطلبة السن

5-لازم يتاح لينا دخول قاعة النت

دول اهم حاجة يمكن ولسه ليه رجعة

شكرا يامى بس اتمنى محدش يخبط فى الحلل والاطباق والشوك

ايه الجمال دا
ايون كدا ياريت كل الناس تقول نققدها بطريقه بناءه وجميله زيك كدا يا فله

ما يعجبنى

1_سلوك طلبة كلية الالسن مقارنة بطلبة الكليات الاخرى
2_اسم الكلية ووضعة ككلية الالسن
3_عميد كلية الالسن ومحاولة تقربه من الطلبة ومعرفة مشاكلهم والمساعدة فى حلها

ما لا يعجبنى

1_مفيش كافتيريا للطلبة علشان يرتاحو فيها بين المحاضرات ويفكو شوية
2_تحكم بعض اساتذة الكلية فى الطلبة ودا حال كل الكليات

دى الحاجات اللى على بالى دلوقتى

وشكرا ليكى يا مى على اتاحة الفرصة فى التعبير

ما يعجبنى
1- وجود خبراء اجانب بنستفيد منهم
2- دكتور سيد بصراحة بيحاول ينظم الكلية ويشوف مشكلاتنا و يحلها
3- اسلوب بعض الداكترة تغير للاحسن
4- النشاطات اصبحت اكتر و احسن
5- الكورسات اللى بيعملوها الدكاترة فى الكلية

ما لا يعجبنى
1- محاضرات العربى والمنهج
2- عدم وجود اماكن كافية للجلوس
3- مش بنسمع الدكاترة عشان العدد الكبير وعايزين مايك
4- عدم انضباط المواعيد

اللى بيعجبنى.........

1. الدكاتره بتوعنا.....بتوع اسبانى يعنى..... بجد ناس على مستوى عالى قوى من الذوق والتقدير والاحتراام.......بيحسسوا الواحد انه ليه فايده كده......وان كل واحد له قيمه.........

2. برضه الخبراء الاجانب ...مظبطنا والله....بيدونا فرصه جميله قوى ان احنا خلال محاضرتهم اللى بتستمر حوالى 3 ااو 4 سعاات ...ان احنا نتكلم اسبانى ونمارس اللغه....كانك بتاخد كورس فى احسن مكان......وكمان مهيصنا اغانى اسبانى وفلااااااام كمااان........

3 . بيعجبنى كمان نشاطات القسم بره الكليه .....يعنى مثلا يعرفونا اخر الاخبار اللى متعلقه باللغه بره الكليه ....يعنى مثلا لو اى دكتور هيلقى محاضره ف المركز الثقافى الاسبانى بيقولولنا وبيشجعونا اننا نيجى......ومثلا الترم اللى فات كان الجيسويت بيعرض لمده 10 ايام افلام بالاسبانى ....ومترجمه بالعربى....ف الخبيره الاسبانيه عملت زى بوسترات عشان تعلن ع الموضوع ده ووزعته على كل القسم......وكمان بعتت مع البنات والاولا اللى فى المدينه عشان يعلقوه هناااااااااك.......وهناك كان الموضووع جمييل.....زى ما تكون بتروح مع الدكاتره بتوعك النادى بعد الظهر........

4. بحس كمان ان كليتنا الموظفين اللى فيها متنقين ع الفرازه والله.......تلاقيهم كلهم بيتعملوا باحترام وزوق كده....يعنى يخلصولك ورقك بسرعه.......غير الكليات التانيه......بيزلوا الطلبه يا عينى عشان يمشولهم ورقهم......

5. بس بجد بجد اكتر حاجه بحبها فى كليتنا ان فيها منتدى جميييييييييييييل كده............بيجمع طلبه الكليه كلهم مع بعض

اللى مش بيعجبنى............

1. طبعا ومن غير كلام وكلنا عارفييييييييين الماده الذيذه اللى علينا فى كل الاقسام من اولى لرابعه.....اللى بنستفيد منها كتيييييييير........ودكاترتها اللى على مستوى عاااااااااااااااااااااااااااالى من الاحتراااااااام

2. انا بكره كمان ان اللغه التانيه اجباريه.........وبكره جدااااااااااااااااااا ان مع الاسبانى لازم تاخد فرنساوى.......عشان فيه شبه كبير بين الاسبانى والفرنساوى والموضوع ده بيلغبطنا قوووى.....بمجرد ان ان احنا نبدا نذاكر فرنساوى تلاقى الاسبانى باظ........ف انا شايفه انهم يدونا لغه بعيده تماما عن الاسبانى زى الانجلش عشان ما نتلغبطش......او يسيبوا كل واحد يختار اللغه التانيه اللى عايزها........اللى بيحبها

3 . انا شايفه كمان ان المفرووض يبقى الانجلش ده اجبارى على كلغه تانيه......وقسم انجلش ياخد اى لغه من اللغات التانيه الموجوده ف الكليه كلغه تانيه.......عشان كلنا عارفين قد ايه الانجلش مهم ومش هينفع نشتغل من غيره......واحنا لما نسيبه لمده اربع سنين هيتنسى ده زائد ان فى لغه تانيه هتحل محله ومش هنبقى حتى عارفين نرجع لمستوانا بتاع ثااانوى.......وازاى كل الكليات اللى ف الجامعه ياخدوا انجليزى واحنا لأ؟؟؟؟ واحنا بتوع السن؟؟؟؟؟صح؟؟؟؟ وكده كده لااازم هتاخد كورسات انجلش عشان تعرف تشتغل......

4 . معظم الطلبه بتوع الكليه اللى شوفتهم لغايه دلوقتى .....ما عندهمش كده روح المشاركه.....كل همهم اللى بناخده و المنهج.....او نوع تانى لا همه المذاكره ولا غيرها.....يعنى مثلا حاجه زى الافلام دى...معظم العيال ما جوش عشان نصهم بيقوول ...لا ما فيش وقت عايزين نذاكر.....وشويه يقولوا بلا افلام بلا بتاع ....هو الاسبانى ده ورانا ورانا حتى ف الافلااام.......
.ده حتى محاضره الخبيره الاجنبيه اللى بتبقى كلها حاجات كده لذيذه بنعملها .....محاضره خفيفه كده بتبقى عامله زى ما نكووون فى حضانه سعات بنمثل وسعات بنغنى........يقولوا ايه بقى......النص المتفوق يقولوا.....لا دى محاضره مش مهمه ما بناخدش فيا اى معلومه جديده........وبرضه ......نقعد نذاكر شويه ف المواد المهمه........اما الجزء الاخر يقووووووول .....اصلا الامتحان بتاعها بيبقى سهل جدااا.......مش محتاج انك تحضرى خااالص....وحتى اللى بيحضروا بيبقوا قاعدين طووول الوقت مكشرين ونايمين ع الدسك او قاعديين يبصوا ف الساعه ويقولوا كل دى محاااااضره؟؟؟؟؟؟؟اوووووووووووووف.....وطبعا لا بيشاركوا ولا بيعملوا حاجه...ولو هى اجبرتهم بيعملوها بملل غير عااادى
........ بس انا مش بقوول ان كلهم كده لا معظمهم ....مع ان انا بحس ان محاضرتها اكتر محاضره مهمه ....كفايه انك تعود ودنك على انها تسمع اسبانى بس لمده ساعات....وانك تقدر تتكلم ولو قليل بالاسبااانى......فى محاضره عسوووووووووله

كفااايه كده لحسن انا رغاااااااااااااايه قوووووووى........بس لو افتكرت حاجه تانى هكتبهااالك..........ههههههههههههه

بس بجد موووضوع هاااايل ميرسى قوى يا ميوووووى

واللى مش من الكليه دى

يعمل ايييييه...............................؟؟؟؟؟

معلش يا رودى يا حبيبتى
تتعوض فى مره تانيه
والبيت بيتك بردو

مرسى ردودكوم الجميله والصريحه دى
عايزين راى باقى الاعضاء

شكرا على الموضوع الرائع ده
اولا :اللى بيعجبنى

انا عن نفسى علاقتى بكل الناس كويسه جدا اتمنى انها تكون دايما فى الطالع
بدايةمن سياده العميد د /السيد سهيم
على فكرة راجل فى قمة من التقدير والاحتراموالبساطة وعدم التشديد
اعضاء هيئة التدريس والموظفين والعمال
واخيرا اخوانى واخواتى اللى بحبهم واقدرهم جدا

والبقية تاتى فيما بعد ان شاء الله
العشرى008 لا ندعى التميز ولكن......ن

انا عن نفسي هعلق على كلام ندى ان احنا معندناش مانع اننا نسمع ونشارك اسباني ومحاضره لذيذه بس مش 4 ساعات متواصل لو فيلم بيعلمولوا فاصل دي اخرها 5 دقايق وبالعافيه وعلى ايديك
اما السلبيه التانيه فاللغه التانيه انا عن نفسي حباها مع ان فعلا بتغلبط كتييييييير مع المنهج والمشكله الاكبر انك لازم تجمع في حاجه من الاتينين ..... اما عن الايجابيات

فافضل حاجه ومحدش لسه بيعرف قيمتها هي الصداقه مع اني مبداتش اكون صداقات غير السنه دي

2- احترام ومعاملات الدكاتره معانا
3- الاراء المتباده بين كل الاقسام

وبس

وميرسي موووووووووووووووت عالموضوع الجامد ده ربنا يوفقكم للخير يارب

مايعجبنى فى الكلية

1- تعاون وحب الطب لبعضهم البعض خاصة فى قسم ايطالى
2- تعاون الدكاترة مع الطلبة
3-برستيج الكلية وسط الكليات
4- دكتور سيد سهيم عميد الكلية وتعاونة مع الطلبة
5- طبعا الخبراء الاجانب اللى بيدولونا خاصة دكتورة اليزابيتا
6- منتدى الكلية اللى فعلا من احسن المنتديات اللى انا دخلتها فى النت

ما لايعجبنى
1- عدم وجود مادة محادثات
2- ان اللغة التانية اجبارى وهى الفرنسى
3- مفيش كافتريا فى الكلية
4- طبعا مادة العربى اللى مش بتفدينا بقرش
5- مفيش انجليزى ان مش عارف اذاى بعد اربع سنين حشتغل فى السياحة من غير انجليزى
6- ( طبعا مشكلة المشاكل ( المكتبة
7- تكدس المحاضرات

شكرا على تعليقك سويتى......بس احنا كانت يا اما بتدينا ال4 سعات بفاصل كان حوالى ربع ساعه لو تفتكرى....وكنا بنستعبط دايما و نجيلها بعد نص ساعه او اكتر... ف ما كانتش بترضى تدينا فاصل...وكانت بتخلصلنا بدرى بدل ما ناخد فاصل.... يعنى لو هناخد 3 سعات كانت مش بتدينا فاااصل.....

وبالنسبه ل اللغه التانيه ف ده اختلاااف فى الاراااء..........

شكرااا على ردك يا سوسو...وسلاموزو على رايك......ههههههههههه

موضوع رائع وصريح

شكرا der beste

طب ماشى موضوع جميل وصريح فين ردك عليه

على فكرة انا بتفق مع FULLA
فى رايها لانه فعلا فيه بعض حاجات المفروض ان كليتنا تتمتع بيها
زى استراحات للطلبة او حتى كافتيريا تليق بكلية الالسن
اللى المفروض انها كلة قمة
DER BESTE FU"R IMMER

اتمنى انى اكون رديت عليكى يا مى

DER BESTE FU"R IMMER
BIS BALD

مرسى لردودكوا كلكوا
نورتوا الموضوع
ومستنية باقى الناس

أنا فى قسم انجليزى بيعجبنى:
1- المواد اللى بندرسها لذيذة ومش معقدة وبدون حشو
2- الدكاترة بيعاملونا كويس وخاصة د. لاميس بتعاملنا باحترام وعندها اهتمام زائد بشرح المادة
3- زمايلى ناس محترمين زى معظم طلاب الكلية
4- مواعيد المحاضرات كويسة
5- بحس إن التصحيح فيه عدل على الأقل بالنسبة لى
6- معامل اللغات
ما لا يعجبنى:
1- مافيش كافيتريا
2- المكتبة قدراتها محدودة والمعاملة فيها سيئة
3- دكاترة العربى
وشكرا على الموضوع الحلو ده والأحلى إن الميد متابع المنتدى وعارف مشاكلنا وبيحاول يحلها

جميل اوى رايك ياراوية

انا بيعجبنى
الذوق اللي الدكاترة والموظفين بيعاملونا بيه
ومش بيعجبنى حاجة واحدة بس
ان المكتبه فيها عمال كتير وكلهم مش بيشتغلوا بمعنى اصح عماله زايدة ودايما مأثرين علي اللي قاعد في المكتبة

كل الكلم ده فعلا بيحصل فى الكليه ومفيش عندى جديد أضيفه بس أحنا أحسن من غيرنا بكتيييييييييير أحمدوا ربنا

هوه انا اعرف ان الكلام ده بيوصل لدكاتره في الجامعه
ممكن يكون في اقترااااااااح؟؟؟؟؟؟؟؟!!!!!!!!!!!!!
ان المكتبه فيها كتب كتير و الكتب دي معاها شرايط و بتفيد الطلبه و انا بتكلم خصوصا على قسم اسباني ان في قصص كامله او مختصر لقصص معدله بحيث ان الطالب المبتدئ او المتوسط لو قرئها يقدر يفهمها بسهوله شويه من غير قاموس،المهم ان القصص كده ادت 50% من دورها انك عرفتك حاجه بس لسه ناقص 50 % تانيه و هيه ان القصص معاها شريط لحد اسباني بيتكلم او بيقرأ القصه + ان في كتب تعليميه كتير صعب ان الواحد يستعيرها من غير الشريط و طبيعي ان الشريط ممنوع استعارته ، على الرغم ان سياحه و فنادق فيها استعارت الكتاب بالشريط.
هوه مش ممكن اذا كانت الحكايه بتخوف ان الشريط يحصل فيه حاجه ان الجامعه تعمل نسخه من الشريط و تسمح باستعارته و تخلي الاصلي عندها عشان ميخربش،
او لو ان خمس او عشر طلاب جمعوا نفسهم يتفتحلهم المعمل و يسجلوا الشريط
ده اقتراح و الله اعلم ممكن ولا لأ
بس موضوع جميل و متأسف على التطويل

بس اقتراحك بجد رائع مووووووووت
وان شاء الله دكتور سييد متابع معانا فى الموضوع دا
ويارب يتحقق الى اتنت عايزة