الموت حل بخاطري‏

.::.

الموت حل بخاطري

حلَ الموتُ في خاطري
أرقَ مضجعي ،
وأبعد أنس النوم عن عيني
غاب ذكره عني لسنوات عديدة ،
لكنه الليلة جاء زائراً لفكري
على غير ميعاد
فعشتُ هذه اللحظات الأخيرة

جاءني ملك الموت بهيبته التي انتزعت قلوب الكثير

فكانت تلك العبرات تعبر طريقها

أحزناً على ما مضى ؟
أم خوفاً مما أقدم عليه ؟
أم رجاء الرحمة ؟
لن أستطيع الزيادة من عملي
فملكُ الموتِ شل حركتي

وأخرس لساني
فرحمتك بي ياالله
فلم يبقَ لي سوى لحظات تفكير وذكرى
تفكرتُ في حال من حولي إن أنا رحلتُ صامتاً
ولكن من سيبكي علي ??
وكم هم إن كانوا موجودين ??
تذكرتُ

[ أمـي ]

لهفي عليكِ أمي
ماذا لو دخلتِ لإيقاظي
فلان ، فلان ، فلان
قمْ ألم تكتفي ؟
تأخرت عن موعدكَ
لكن لأول مرة لا أجيبُكِ وأكتفي بصمت الأموات
فقد أخرس الموتُ لساني
عـذراً

[ أختي الصغيرة ]

لن أستجيب لنداء لعبكِ معي مرة أخرى
أعذريني ، الموتُ أخذني قهراً
وأبعدني عنكِ
عزائي يا أختي إنكِ لا زلت صغيرة
وستتكفل الحياة بنسيانك لي
أراكِ هناك

[ أخي .......... ]

كنْ رجلاً كما عهدتك
الرجالُ مواقفٌ وهذا موقفكَ
اعتذر لك وقد أتى رسول الفراق
ربما أغضبتك ،،،
ربما ألقيت كلمةً لا أعي معناها
ربما رفعتُ صوتي عليك
ربما ...
ربما ...
ربما...

فاغفر لي فلن يكون لقاءٌ بيني وبينك

[ جميع من أحبني ]

هل ستبكون على فراقي ؟؟!!
بالطبع لأنكم أحببتموني
ومن أحب لا يقوى فراق حبيبه
أحبكم
أحبكم بكل ما تحمل هذه الكلمة لمعنى تطيقه
اذكروني بالخيرِ
لأني ادعو الله دائماًَ أن يجمعني بكم في جنات النعيم

[ من أخطئت في حقه ]

عذراً
أعلم أني مسئ
لكن هذه لحظات الموت
فاعفوا عني
لن تخسر شيئاً
وأنا سأربح الكثير
فاعفوا عني

بدأت بأمي لأنها خير مبدوء

وأختم بأحب شخصٍ رأته عيني

بمَنْ تربع على عرش قلبي لوحده

[ أبي العزيز ]

حارت كلماتي ،،
وضاعت أبجدياتي
أنا الآن أبكي لأني أعلم أنك ستتألم لفقدي
والله يا أبي لو كان الأمرُ في يدي
لما جعلت الألم يعرف طريق قلبك ،
ولما جعلت دموعك الطاهرة تنسكب
فأنت معلمي الأول ومثلي الرائع بعد النبي الكريم وآله
أرجوك أبي كنْ شامخاً ولا تهتز أبداً
أنا والله لست أهلاً أن أحرك منك شيئاً يا أبي
لا أريد أن يعزيك الناس بي بل كنْ أنت المعزي لهم

أبي

أحبك
أراك في جنة الخلد

أعذروني أطلتُ عليكم ولكنها خاطرة الموت
وآخر الكلمات قبل أن يأتي مفرق الجماعات

أحبكم حياً و ميتاً

اكتبوا شعوركم عن الموت

كيف تتخيلوه

كيف تتخيلوا شعور اهلكم عليكم

اكتبو اليهم احساسكم

وان لله وان اليه راجعون

الموت
طبعا هوالوجه الاخر للعمله
وهو الحقيقه الثابته في الدنيا الي لا تقبل التغيير
وهو الجزء الاخر من الحياه
ونصف العمر القادم

شعور الموت سواء كان بالرغبه فيه او بالخوف منه
مختلف بين الناس وبعضيها
امتى يكون عندي الاحساس بالرغبه في الموت
وامتى اخاف من الموت
الرغبه في الموت بتيجي نتيجة عوامل كتير زي الياس من الحياة بكل مافيها
وانعدما الامل وضياع الاحلام
وده على العكس تمام من الخوف من الموت

وعلى فكره في حاله وسط بين الشعورين دول هو شعور المؤمن انها سنة الحياة
وانه في لقاء ربه وضميره مستريح طبعا
لانه عمل الي عليه
وعمله كله كان في سبيل الله

هجاوب على استفسارك عن شعوري الشخصي عن الموت
انا بصراحه مش خايف من الموت
مش ياس في الحياه ولا ايمان قوي
لكن حاله من الملل يمكن تكون دلوقتي بس يمكن بكره اكون احسن
يمكن تستمر معايا
انا مش حاطط الموت هدف قصادي بتعب عشان ارتاح لو جاني في اي وقت
مع ان ده غلط

شعور اهلي لو موت اكيد هيموتو عليا عيني
والله اعلم بالموت
الموت بيتدولد كبير وبيصغر لحد مايموت هو كمان
حكمة ربنا كده
احنا بنموت كل يوم في النوم مش بيقولو عليه الموت الاصغر
والرسايل الي بنشوفها في الاحلام هيا رسايل من عالم الاموات العالم الاصلي للحياه
عشان كده انا بيجلي شعور الموت زي ماكون حاسس اني هبقا نايم وهصحي من حلم طويل
كنت عايش فيه
ونعكس الحكايه شويه عشان نعرف الحقيقه
الحقيقه هي ان الحياه مجرد حلم والموت هو الاستيقاظ من الحلم ده
والحساب والقيامه هو تفسير الحلم الانساني
باختصار طلعت حياتنا حلم تفسيره لما نموت
دي وجهة نظري الخاصه جدا واحساسي بالموت يافله
ياوردة المنتدى الحزينه

ولسا في باقي

شكرا كلامك جميل جدا ياجرين هارت

اول مرة اعرف ان الاحلام رسايل من عالم الاموات

دي حاجه انا حاسس بيها اوي

انا بالنسبالى بحس ان الموت دا قريب منى اوى
بحس انى دايما عمرى قصير ليه مش عارفه
بس بردو احساسى بيه مش رعب وكدا
يعنى حاسه انه هايكون الواحد فى رحمة ربنا احسن كتير من الدنيا
يارب يجعل قبورناا كلنا نورا يارب
والموضوع رائع يا فله تسلمى يا حبيبتى

تعرفى يامى انا كمان بحس انى عمرى قصير

لان فى ناس كنت بحبهم كتير وفى شنى ورحلوا عن العالم

من ساعتها وانا احس بقرب الموت

شى جميل على فكرة

عشان يخلينا دايما صاحيين لافعالنا ونخاف دايما ربنا

شكرا لمرورك العسل ده

احساسي بالموت بيختلف من وقت للتاني علي حسب تصرفاتي

و غالبا بقدر اعرف مستوي يماني و طاعتي لربنا من خلال احساسي بالموت

لما ببقي مش خايفة منه و مش شايلة همه و مستعدة ليه

بعرف اني عاملة اللي عليا و ببقي راضية عن نفسي

لكن لما ببقي خايفة منه و خايفة من مواجه ربنا بعرف اني مقصررة اووي

و بحاول اصلح من نفسي و بحاول اقرب من ربنا

و دة حالي دلوقتي

حاسة اني مقصرة اوووي فخايفة جدا من الموت

و نفسي اموت و انا عاملة اللي عليا و نفسي اموت شهيدة

بجد امنية حياتي اموت شهيدة او بعد عمرة مقبولة مثلا

و بتمني من ربنا اني اموت قبل الناس اللي بحبهم

عشان هزعل عليهم اووي و مش هستحمل فراقهم

بس ف الاخر الواحد بيصبر نفسه و يقول ان الحياة دي شوية ايام كدة

و هتعدي و ان شاء الله هنرتاح في جنات ربنا سبحانه و تعالي

ربنا يا رب يجعلنا جميعا من اصحاب جنته و يرحمنا برحمته

فلة شكرا ليكي ع الموضوع المؤثر دة