بفضفض 4

فضفضة النهارده اشكن ..... يلا بينا

ايام المدرسه كانو العيال بيلعبوا بطريقة العصابات
يعني كل واحد ليه شوية اصحاب يبقى اسمهم عصايه وطبعا
كاي عصايه ربنا خلقها في الدنيا لازم يبقا ليها معلم
وليهم الطريقة الي بيعبرو بيها عن وجودهم وليهم سلطتهم ومناطق نفوزهم في المدرسه
طبعا انا بقول كلام كبير شويه
بس هما فعلا لما اجي اتكلم عنهم لازم اقول كده لانهم كان ليهم شكل
وده مكانش في مدرستي انا بس لا في اغلب المدارس تقريبا كانت حاجه عجيبه بجد
بس انا مش عارف العصابات دي مستمره لحد دلوقت ولا اتقبض عليهم اقصد يعني راحو فين
ولا طريقة اللعب اختلفت في المدارس
المهم عشان ماطولش كالعاده ولوني شكلي هطول المرادي
انا طبعا كنت بعيد كل البعد عن جو العصابات ده انا كنت في وادي والناس كلها في وادي تاني
لا ده كمان الاكتر من كده كنت اتفرج على العصابات دي وهيا بتتكون وانا مش فاهم
هو ايه المفروض اعمله اروح انضم لعصابه منهم ولا اكون انا عصابه جديده من نفسي
بس عموما دي برضه كانت مجرد افكار بتيجي كده في دماغي وانا في الفسحه بدون ادنى اهتمام مني
والمشكله بقا في الموضوع اني انا شكلي كان مستفز لكذا عصابه في المدرسه
وياما كنت اخلص المدرسه واجري على البيت لحسن يقيمو عليا الحد
وكتير كان يبعتولي رسايل تهديد مكتوبه او شفهيه مع فرد من افراد العاصابه
يعني مثلا يجي واحد يقولي خد ياد عارف لو ماتعدلتش احنا هنعلمك الادب وانا اقوله انا زعلتك في ايه يامعلم
يقولي اهو انا كده عاجبك ولا مش عاجبك اقوله ماشي يامعلم حاضر ..وقبل مامشي يقولي اوعى ياد تقول لحد من الاساتذه هنضربك انت والاستاذ الي هيتصدرلك ...وايه الي فايدك ده انا اقوله سندوتش مربا
يقولي معاك منه كام واحد قبل ما ارد عليه يكون خد السندوتشات عشان العصابه تتغزى حقهم برضه هياكلو منين مش مشكله السندوتشات يمكن يكونو بيحبو المربى طيب اقول لماما تغير وبلاش مربى
اكتشفت بعد كده انهم بيحبو السندوتشات أي كان نوعها ........
عدت ايام كتير وانا في صراع مع العصابات والمشكله ان اصحابي الانتيم ( كيمو وشيزو) كانو ملهمش في الشقاوه خالص ومسالمين جدا مكنتش عارف اتصرف بسببهم ده غير كده كمان كانو اول ناس بتختفي لما يلاقو حد من العصابه جي علينا كنت ابص حوليا اقرا الفاتحه على الرجاله واتشاهد وخلاص
خلاص دي يعني اني هروح البيت النهارده اقل حاجه متعور الحمدلله كنت بضرب بكرامتي اه الرجوله ادب وانا اتعلمت الادب اكتر من مره في المدرسه الهباب دي
لحد بقا ماظهرت اخطر عصابه في المدرسه واكتشفت مع العصابه دي ان كل الي فات كان تهريج وكان مسح زور مش اكتر كنت بشوف عمليات التعذيب الوحشيه الي كانوا بيعملوها في العيال في المدرسه
كاني كنت بتفرج على فيلم رعب عارفين ولا سجن ابو غريب
المعلم بتاع العصابه دي كان من الفصل بتاعي وكان جي محول من مدرسه حكومي يعني عنده ثقافة والفاظ شعبيه يندى لها الجبين كان كفايا يشتم بس عشان يخوف العيال
وكان اسمه غريب جدا ولا الافلام كان اسمه (سطوحي ) ايون المعلم سطوحي انا عن نفسي مكنتش مصدق ان
في اسم في الدنيا دي اسمه كده
بس كان لايق عليه اوي وعلى تركيبته وعلى اسلوبه
انا كنت متجاهلو تماما ومش مديله وضعه خالص بس كان عندي احساس ان الايام مش هتعدي كده بالساهل
لان نوعيات الناس الي زي سطوحي يكرهو جدا الي زي ده غير كمان اني فنان حبتين وعايش الدور ميت حبه
واعرف كام مدرس وفي شوية احترام
فكان عندي يقين ان فيوم من الايام هتحصل مشكله كبيره بيني وبين سطوحي اقصد الملعم سطوحي
قبل ماانسى على فكره مكانش ينفع اقول لمعلم العصابه اسمه من غير كلمت معلم
دي تبقى مصيبه ولو بعتلي مرسال من طرفه يعتبر معلم برضه لحد ماارد على الكبير بتاعه
سطوحي اتشغل شويه بتظبيط وضعه في المدرسه وسط العيال وكان سايبني للاخر عشان يمزمز براحته لحد مانا عكيت مع دراعه اليمين
دراعه اليمين ده كان برضه فظيع زيه كده اسم وشكل ومضمون كان اسمه خاطر وكان زي اعداء الشمس كانت عينه حمرا حمرا بجد وكان ابيض جدا وسنانه طايره ومابعيرفش يتكلم ودي حاجه كانت تنرفزو هو جدا كده من نفسه اول مكان بيسمع صوته هو يتنرفز انا طبعا ماكنتش امسك نفسي من الضحك
كنت بشوفه شبه الكائنات الفضائية الي كنت بشوف صورها في مجلات الاطفال في الوقت ده
وكنت مسميه ( أي تي ) على اسم شخصيه فضائيه كان ليها فيلم مشهور اوي
ودي كانت سبب المشكله عرف من واحده زميلتي في المدرسه اني مطلع عليه ( اي تي )
جه بيقولي ( انتماشينشىىؤخثجلمن ضللثللااصحؤصصىلات....تق رثضحن ) زي مانتو قريتو بالظبط
اه والله دي كانت طريقة كلامه حد فهم حاجه طبعا لأ ولا انا عمري فهمت منه حاجه
بس فهمت انه ناوي يولع فيا واني عملت مصيبه
عرفت من واحد تبعهم بعد ما دفعت سندوتش جبنه رومي انهم مستنيني بره المدرسه يوم الخميس
الي جاي وكان فاضل على الخميس يومين
حسيت ساعتها انه يوم القيامه بالنسبالي
طبعا ذاد همي اكتر لما كنت ابص على اصحابي الرجاله يعني كنا بنقول على بعض كده واحنا عيال
والاقيهم ولا الدموع
وقولهم طب خليكو معايا طيب اقفوا بعيد حتى تشيلوني لحد البيت.........طبعا لا تعليق
جينا يوم الخميس الصبح ومش عارف هتصرف ازاي في المصيبه دي
عصابة سطوحي وخاطر مستنين وانت لوحدك يامسكين
وتروح فين الشمس من على قفا الفلاح
روحت كلمت اساذ سيد مدرس الالعاب عشان يلحقني ويقف معايا وحكيتله على كل الموضوع
طلع استاذ سيد زي اصحابي بالظبط شكرا يا استاذ سيد
عرفت ساعتها ان ده قدري ونصيبي ومحدش بياخد في المدرسه دي قصدي الدنيا دي الا نصيبه
جرس الحصه الاخيره ضرب وخرجت جري من المدرسه
وسمعت صوت واحد بيقول
طالع من الباب يامعلم
امسكوه .....ابن....... ابن........
انا فهمت ان الكلام عليا !! ... اجري باقصى سرعه ولاقيت الحرب قامت
سطوحي استعان بعيال مدربه هههههههه من مدرسه تاني جنبنا جاين يعملو معاه واجب بيجاملوه في عمليه صغيره انتو عارفين طبعا حياة العصابات مره عندك مره عندي .... المهم
فضلت اجري وقبل اول الشارع وقبل اول حزام اخده
ربنا يبعت خالي لاقيته معدي بالعربيه ناديت عليه وشاف الجيش الي طالع يجري ورايا ركن بسرعه ونزل وجري وراهم مسك مين
مسك مين
مسك الزعيم يامعلمين ايون مسك المعلم سطوحي راس الافعي وزعيم الكفار في المدينه
وراح خده والعيال جريت طبعا ودخلنا بيه المدرسه وطلع للمدير وضربو ضرب بهدلوه ولاول مره اشوف سطوحي المعلم بيبكي وكفايا حرام مش هعمل كده تاني حرمت حرمت وانا بسمع عياطه
كاني بسمع بولا بولا بارومبلا وانا مبسوط اوي ومتكيف على الاخر وبقول دوق الي كنت بتدوقه للعيال في المدرسه يابن ......... يابن........... دول الي اتشتمت بيهم قبل كده
استدعو ولي امره وكان هيرفدوه من المدرسه وكانت مشكله
واتكسر بعدها كسره كبيره وفارقوه اصحابوه وشلة اتبعترت وخاطر مبقاش يعرفوه تاني وانتهت الاسطوره
انا مش عارف لو خالي ماظهرش في الوقت المناسب كان حالي هيبقا ايه
تقريبا مكنتش هبقا معاكو دلوقتي
والنبي ادعو لخالي ربنا يكرمه
لانه من الاسباب الي مخلياني قاعد معاكو دلوقت عايش وبحكي وبتكلم
ياعالم لو ربنا مبعتوش كان زماني فين دلوقتي

hiiiiiiiiii green
it is avery nice topic
this one and the other (3)
i loved them both
but i loved this alittel bit more
it is so funny ........... and the same thing happend to me
but no one came in his time
but i used to be more flexible
and thanks god
i didn,t get myself beaten before
i,ll wait the next one from you
with all my love
seito

ههههههههههههههههه
عارف
حسستنى انى قريت قصه كرتونيه من الى كنت بقراهم زمان فى مجلة علاء الدين
بجد القصه جامده
واحداثها مترتبه كويس
ههههههههههههههههههههه
مرسى للقصه الجميله دى
وباسم اعضاء منتدى السناوى وصلنا شكرنا لخالك

هههههههههههههههه

بجد ياجرين هارت دى حكاية

حلوة اوى ربنا يخليك

ياخالو لولاك مكنش هنعرف

الانسان العبقرى الى معانا ده

انا عن نفسى كنت فى ابتدائى فى مدرسة

مختلطة

والله كنت بشوف العجب وكنت ارجع البيت

ابكى واحكى لماما واقولها ان بخاف من الاولاد الى معانا

مرة ولد شد شعرى وكنت بترعب منه جدا

وكان بيروح معانا فى الباص

ده انا كنت بنفذ اوامره بالحرف هاتى شيبسى

اجيب هاتى بيبسى اجيب

كنت جبانة جدا

تخيل شد شعرى مرة والله انا عمرى مانسى الايام دى

ايام العيال والعصابات دى فعلا

كانت موجودة بكل مدراس مصر واضح

اكيد دلوئت طوروا النظام وطرق الاتصال بينهم

بس ياجرين هارت ربنا بيحبك

وبعتلك خالك فى الوقت المناسب ياترى

انت تعرف المعلم سطوحى ده مين دلوئت بتسوفه يعنى

انا الاولاد الى كانوا بيعملوا العصابات

والله بحكيلك بئوا اكبر معلمين جزارة عندنا

هههههههه يعنى لانهم من صغرهم بيتعلموا

شكرا كتير مستنيين خمسة وستة وسابعه

مش هنشبع ابدا من حكاياتك الحلوة دى

هههههههههههههههههههههههههههههههههههههههههههههههههههههههههههههههههههه

تحفه ............تحفه .............تحفه...........يا جرييين

الحلقه المره دى كومديه قوى......واللى قبلها كانت رومانسيه..........بس انت بجد يا جرين .......مبدع فى الاتنيين

وربنا ينتقم منك يا سطوحى انت و اى تى........زى ما كنتوا هتضيعوا مننا صاحبنا الفنان.......
..وعلى فكره يا جرين ده لقبك الجديد اللى انا بطلقه عليييك...........يا صاحبنا يا فنان

ههههههههههههه
بجد قصه جامده جدا وانا حسيت زى احساس مى بالظبط انى
بتفرج على فيلم كرتون لانى كنت بتخيل كل حاجه بالمشاهد
فضفضك تحفه واوعى تبطل تكتب لان احنا بقينا نستناها
وبستمتع بيها جدا يا فنان حسب اللقب الجديد

اولا خالي بيقولكو لا شكر على واجب

الف شكر سايتو
شكرا ادمن
وشكرا فله وكفايا نفخ فيا لحسن هفرقع خلاص
شكرا نودي جدا .. وامين يارب العلمين وشكرا على اللقب الجميل
والف شكر برنسيز

ومش عارف اقولوكو ايه بجد انا مبسوط ان الفضفضه عجبتكو الشيئ البسيط الي مابيكلفنيش حاجه
بالعكس ببقا مستمتع وانا بفتكر معاكو اجمل ايام حياتي بحلوها ومرها
وببقا فرحان اكتر لما بحس ان الفضفضه دي بتحبوا تقروها وتستنوها وبتفرحكوسعات وبتضحكو سعات
بتفكركو بالي فات
انا مبسوط اني معاكو هنا ويارب ديما
وانا المرادي كنت قاصد ان تضحكو
شويه والحمد لله وصلت الحكايه كويس مع انها مكتوبه
بصراحه انتو السبب في استمرار الفضفضه
وانشاء الله قريب فضفضه 5

ولسا في باقي

الف شكر ليكو

والله يا جرين بتفكارنا بايام جميلة وعمرها ما تتنسى
احنا فى المدرسة بردة كنا زى كده بس عشان بنات
كنا بنسميها شلة مش عصابة وكان عندنا شلل كتير
وطبعا كلهم بتخانوا فى بعض ولو الريسة مش عاجبها بنت فى الشلة الكل لازم يخاصمها
و خناقات من دى على طول و تغير الشلة واتخابات الريسة شغل على كبير قوى بس احنا كنا صغيرين اوى
فى 5 ابتدائى بس
شكرا يا جرين هارت و مستنين الباقى

شكرا انجل
طيب لو في حكايه زمان ماتقوليها
فكري واكتبي اي حاجه وكل حاجه تيجي في بالك
وانتي بتفتكري هتلاقي كلام كتير تكتبيه
انا بعمل كده يادوب امسك القلم واكتب اول كلمه الاقي
نفسي رجعت سنين لورا واشوف كل حاجاه زي الحلم
واكتب واقول ومعنديش مشكله في الصراحه
حاولي بجد مش عايز اخبي عليكي تجربه ممتعه جدا
لما تدوني ذكرياتك بحلوها ومرها
وانا بحس كل لما افضفض اني بكون احسن
زي مايكون سافرت وغيرت جو وعندي استعداد للحياه من تاني
انا هستنا اول حكايه تحكيها
اوكيه اتفقنا..... اتفقنا ولا متفقناش

اوك
مرة وانا فى تانية ابتدائى قررت اهرب من البيت لانى كنت زعلانة من بابا و ماما
بعد المدرسة مشيت لوحدى فى الشارع وشليت السندوتشات عشان اكلها بليل واشتريت اكبر شيكولاتة
ومشيت فى الشوارع و زرت كل اصحابى وقال اية روحت لزعيمة الشلة عشان اديها البراية اللى نسيتها معايا
المهم مامتها ما صدقتش الموضوع و اتصلت فى البيت عندى و بابا جرى بسرعة وجه واستخبيت منه فى بير السلم ولما اطمنت انهمشى خرجت بس للاسف كان لسه بره و اتمسكت واول ما شوفت بابا قولته
صداع يا بابا انا تعبانة اوى الحقوانى وعملت نفسى مغم عليا
وخدتنى على البيت وتانى يوم طبعا لاقيت البنت الزعيمة بتاعتنا واقفة فى نص المدرسة و وراها طبور البنات
كلهم بيخاصمونى و قعدت بعدها اسبوع كامل عشان يصالحونى
شكرا ليك يا جرين بجد على تشجيعك ليا

تانيه ابتدائي وعايزه تهربي
من البيت
ده ايه القلب الجامد ده
بس حمدلله على السلامه
وحظك حلو انك رجعتي واحنا حظنا احلى انك معانا
حكايتك تحفه
انا بتخيل لو كنتي نفذتي الهروب الكبير ده
كان مستقبلك بقا شكله ايه
اكيد في ...............مش مهم
المهم انك ابتديتي تحكي وكملي انتي لسا في تانيه ابتدائي احنا معاكي سنه سنه
اوك
الف شكر ليكي
ومستنين تاني

ولسا في باقي