بيتهيألى

و انا قعد في امان الله لا بيا ولا عليا , راجع من الشغل هلكان و فاتح الاخبار اقرأ اخر المصايب و البلاوي اللي بتتحدف على بلدنا كل يوم لقيت القرار العظيم ده
الخبر من الاهرام و بيقول ان دكتور احمد نظيف وافق على ترقية 400 الف موظف حكومي و هيديهم علاوات اجماليها 44 مليون جنيه مصري
ساعتها ضحكت و انفرجت اسارير قلبي و قلت اخيرا هقدر اجيب وجبة كنتاكي
و فجأة كملت الخبر : بما يعادل جنيه و نصف كحد ادنى الى ستة جنيهات شهريا كحد اقصى لكل موظف
و هنا خرجت الكلمة اللي مش نظيفة و اكلت الجرنال
جنيه و نص مرة واحدة .... ايه يا جدعان التبذير ده .. يعني بكرة مناديل تواليت كل شهر .. الشعب كده فعلا هيبقى نظيف

المشكلة يا جماعة مش في الجنيه و نص ولا في الستة جنيه .. المشكلة في ال 400 الف موظف اللي هيترقوا و هياخدوا الحوافز الرهيبة دي

لان سعادتك و بدون اي فكاكة لو قلت ان كل الموظفين هياخدوا الستة جنيه مرة واحدة هيبقى اجمالي العلاوات 2 مليون و 400 الف جنيه فقط
400.000 x 6 = 2.400.000
طب ازاي و اجمالي العلاوات 44 مليون يا جدعان !! يعني في 41 مليون و 600 الف جنيه طاروا
لا ده اكتر من 41 مليون كمان لان مش الكل هياخد 6 جنيه و في ناس هتاخد جنيه و نص بس

متهيألي احنا اخدنا كتير اوي بجد و كفاية علينا لحد كده

RASMY MOSH HAYKSH

ههههههههههههههههههه
عيب عليك يا محمد
احنا بلدنا هنطمع بردو
مش عارفه انا ايه لشعب الطماع دا
يا حول ولا قوه الا بالله
ومن هنا
نوجه الشكر لبابا نذيف الى منذفنا دايما
مرسى يا بابى

جنيه واحد كان كفايا ليه التبذير ده
شكرا يا رسمى

ياجماعة احنا المفروض نحمد ربنا اننا طلنا من المبلغ ده حاجة
الحمد لله اللهم دومها نعمة واحفظها من الزوااااااااااااااااااااال
قولوا امييييييييييييييييييييييييين

يلا علشان محدش يقول ان الحكومة حرمانا من حاجة