شبابيك

شبابيك
طبعا كلنا عارفين البرنامج ده
وانا عايزة نعمل زيه بس على المنتدى
هنحدد موضوع نتناقش فيه كلنا
فى كل الموضوعات فى كل حاجة وعن اى حاجة
بس ياريت نشارك كلنا

الموضوع الاول:
اهلنا وعلتنا
ناس كتير لما بتتكلم عن العائلة بتقول يا ساتر انا مش بحب عائلتى
ولو فى يوم بنتجمع معاهم نص ساعة نقعدنا و نمشى بسرعة عشان نخرج مع اصحبنا
بننسى ان ليهم حق علينا وان هما بيحبونا
كل يوم خميس بروح عند جدو و بنتجمع كلنا الخالات و الخيلان و العائلة و عائلة العائلة
بصراحة بكون مبسوطة جدا وانا معاهم
بضحك و بنتكلم فى كل حاجة وياسلام على قاعدتنا احنا الصغيرين بنهز ونضحك
بس للاسف ناس كتير مش بيحبوا ده مش عارفه ليه؟
لما الام بتقول لابنها روح سلم على جدك وجدتك طبعا بينفض و يقول مرة تانى ان شاء الله
عايزة اعرف رأيكم فى الموضوع ياريت تشاركوا

ويلا نفتح على الحياة شبابيك
خلى الدنيا شباب بيك

بصراحة بقالى كتير اقوى ما اتجمعتش مع العائلة كلها
نظرا لان اهلى منقسمين بين القاهرة والمنيا فانا تقريبا نسيت شكلهم
وانا طبعا مش مبسوطة بده
كل اجازة بقول هروح ازورهم بس ما بيحصلش بس ان شاء الله هشوفهم قريب فى فرح اختى
اللى طبعا كلكم معزومين فيه
و شكر يا انجل

انا عن نفسى جدى وجدتى اتوفو من زمان اما بالنسبة لبقية الاقارب فللاسف معظمهم بره مصر والباقى نادر لما اروح عندهم لان معندهمش حد فى سنى وانا بفضل اكون مع اصحابى اكتر وقت ممكن

وشكرا يا انجل على الموضوع الجميل دا

انجل بشكرك على الموضوع الرائع

ثانيا انا بستنى اليوم الى بنتجمع فيه والعايلة بفارغ الصبر

انا بحب عيلتى اكتر من صحابى طبعا

لان عيلتى هما الى هيبقولى فى كل حال

باخد منهم وبتعلم منهم كتير

الى مش بيحب اهله ده فى اعتقادى انه قليل الاصل

اقل حاجه الانسان مفروض يعملها لاهله انه يزورهم ويودهم

لان دى صلة رحم والرسول والقران امرنا بيهم

والرسول خيرنا لاهله

فلنتعلم منه ياريت

بصر احه انا ببقا مبسوطه اوى لما بر وح لجدتى عشان بقابل هناك عيلتى كلها بجد بقضى يوم جميل
وانا بعمل ده كل اسبوع وببقى مستنيه اليوم ده بفارغ الصبر
لا ن الانسان اللى ملو ش خير فى اهله يبقى ملوش خير فى اى حاجه تانيه
وبعدين المفر وض ان الانسان لازم يصل ر حمه لا ن الرسول عليه الصلاه والسلام وصانا بكده
والمفروض ان احنا نعمل با لوصيه دى
ومير سى يانجل على الموضوع الجامد ده

اولا شكرا يا انجل على الموضوع ده

عائلتنا بتتجمع كل خميس ولكن أنا طبعاً بفضل أن أكون مع أصحابي وألعب في النادي
يعنى فعلا بنفض
بس هما ليهم حق علينا
وشكراًُ على الموضوع الجميل ده

شكرا يا انجل على الفكرة الجميلة دى
بصراحة فى افراد فى العائلة بشوفهم باستمرار لاننا ساكنين فى عمارة واحدة
ودى عائلة بابا
اما عائلة ماما مش بشوفهم كتير عشان هما فى الجيزة
بحب جدا ابقى معاهم وبقبى مبسوطة جدا وانا معاهم
رغم ان احنا مش بنجمع كتير الا اننا بنحب بعض وبنخاف على بعض جدا
ومع بعض فى اى مشكلة
وشكرا ليكى يا انجل

موضوع فعلا جميل يا انجل شكرا ليكي

بالنسبه ليا الحمد لله في تواصل دائم مع العائله سواء اللي في المنيا أو القاهره أو السعوديه

ربنا يقدرني دايما على زيارتهم أو حتى تليفون

قليل مننا ميعرفش ايه مميزات صله الرحم وفضائلها اللي منها

عن عبد الرحمن بن عوف رضي الله عنه قال : سمعت رسول الله - صلى الله عليه وسلم - يقول : ( قال الله تبارك وتعالى : أنا الله وأنا الرحمن ، خلقت الرَّحِم ، وشققت لها من اسمي ، فمن وصلها وصلته ، ومن قطعها بتَتُّه ) .

كما وردت أحاديث كثيرة ترغب في صلة الأرحام وتبين أجرها وثوابها ، فصلة الرحم شعار المؤمنين بالله واليوم الآخر ، وفي الحديث : ( من كان يؤمن بالله واليوم الآخر فليصل رحمه ) رواه البخاري ، وهي من أعظم أسباب زيادة الرزق والبركة في العمر ، قال - صلى الله عليه وسلم - : ( من أحب أن يبسط له في رزقه وينسأ له في أثره فليصل رحمه ) رواه البخاري ِ، وعند الترمذي أن رسول الله - صلى الله عليه وسلم - قال : ( تعلموا من أنسابكم ما تصلون به أرحامكم ، فإن صلة الرحم محبة في الأهل ، مثراة في المال ، منسأة في الأثر ) .

شكرا لكل اللى شاركوا
ومن الواضح ان اكترهم اهله بعاد عنه عشان فى بلد تانية او برة مصر كلها
دول للاسف مفيش حل
شكرا لياسر على الاحاديث بجد فى موضعها

انا قريبه من عيله ماما
دايما بنتجمع فى الاعياد عند جدتى ودايما بنروح فى الاجازه بنقعد كتير اوى هناك اى نعم انا بزهق من كدا لان مافيش حد من سنى وانا مابحبش قعدة البيت
بس يعنى بحب اقعد بيومين تلاته مش اكتر
بس احنا الحمد لله مترابطين مع بعض جدا
لكن عيلة بابا انا حاولت اصل رحمهم قبل كدا كذا مره بس
هوا مافيش فايده
بس طبعا مش كلهم
انا عندى فى قرايبى من عيلة بابا بردو قريبين منى جدا وبحبهم موووووووووت
ومرسى ليكى يا انجل على الموضوع الجامد دا

طبعا صله الرحم من اهم المواضيع

وقال الرسول صلى الله عليه وسلم(لا يدخل الجنه قاطع رحم

فلازم يبقى صلتنا قويه بقرايبنا

حتى لو فى ناس مش بنودهم اوووى

لازم برضه نسال عليهم

ومش معقول فى حد ميحبش اهله

شكرا ليكوا على المشاركات و يارب كلنا نصل الرحم
وان شاء الله الموضوع الجى هيكون احلى وياريت الكل يشارك
لسه فى باقى على رأى جرين

واللة انت عندك حق فعلا دة بيحصل وبالذات من الولاد بيحبو بيفضلو يخرجو مع اصحابهم دل ميروحو يشوفو جدهم وجدتهم يمكن عشان بيحسو ان تيتهمم وجدهم من زمان مبيعرفوش يتكلمو معاهم واحيانا نلاقى تيتة او جدو بيعدو يقولو حجات من زمان هما فكرناها حلوة بس على ايامنا بتبقى عادية بس انا بستمتع بالحكاات الى جدو بيقولهالى عن زمان بس يمكن هو وقت وقت صدقنى لما يعدو كتير مريحوش عند تيتتهم وجدوهم لوحدهم بتلقيهم بيقولو انهم ريحين لهم عشان وحشوهم , صح ؟

ياريت الكل يكمل شبابيك 2