انا هختار اصحابي

مش هينفع نختار اصحبنا لاننا لازم نعرفهم الاول كويس عشان نقرر هما كويسن معا والا لا
وكمان مفيش حد هيكون ملاك خالى من العيوب اول ما نشوفه نقول هو ده اللى هنختاره
هى طبعا حاجة تحير فعلا زى ما بيقولوه بطيخة مش هتعرف لونها الا لما تفتحها
بس حتى لو اكتشفنا حاجة وحشة في الصديق دة اعتقد ان العشرة و الذكريات الجميلة بينا هى اللى هتصبرنا و تخلينا نتغاضى عن حاجات كتيرة
و شكرا ليك يا جرين هارت بجد مواضيعك هايلة

يمكن الزمن بيفرض علينا ناس الوواحد ماكانش يتصور انه يبقى معاهم فى يوم من الايام
بس كتير اوى بنتعرض لموقف دا
بس الواحد بيتقرب من صديقه دا المفروض بحذر الاول وبعد مابيكتشف معدنه عادى بقى بيطمنله ويقرب اكثر
انا بجد ناس كتير اوى عمرى ماكنت اتصور انهم بقوا اصحابى والحمد لله دلوقتى بقوا من اعز اعز اصحابى عندى
عادة (لاتكرهوا شيئا عسى ان يكون خيرا لكم)فيعنى زى ماقالت ديرا كدا بطيخ والله وحشنى البطيخ يا ديرا
مرسى ليك على الموضوع الجميل دا
ومرسى لديرا على البطيخ عشان الدنيا حر

الصداقة دى اسمى علاقة فى الدنيا احساس جميل اوى انك تلاقى ناس يهتموا بيك حولك هى بالنسبة ليا زى الهوا مش بنقدر نشوفه بس بنحس بيه

عندك حق يا مى ممكن ناس عمرنا ما تخيلنا انهم يكونوا اصحابنا نلاقيهم اصحابنا و اكتر من الاخوات
الواحد مش عارف الخير فين
وبصراحة ومن غير زعل يا جرين مش قادرة استوعب حكاية اختيار الاصدقاء ده
الاصدقاء بيبانوا من تصرفتهم و وقفتهم معانا فى المواقف المختلفة ومن خلالها بنقدر نحدد دول اصحاب بجد
و الا لا ممكن المظرة الاولية ماتبيش كل حاجة وكتير ناس بنعيش معاهم سنين و بنكتشف حاجات جديدة عنهم بعد فترة طوليه
اعتقد انها مسألة قياسية

الصداقة تجربة اكيد مش هتلاقى الشخص المناسب من اول مرة بس لازم تحاول وتعمل علاقات مع ناس كتير
عشان تقدر تحدد مين اصحابك
مين صاحبك اوى ومين انتيمك
يعنى اعرف الناس كلها و خلى الناس كلها اصحابك بس ده هيكون من خلال التعاملات مش من غير مانعرفهم
يعنى مثلا اصحابى اللى معايا دلوقتى ماكنتش يوم اتخيل انهم يكونوا اصحابى اقوى كده مع انى كنت اعرفهم بس من خلال التعاملات و وجودنا مع بعض المستمر تقريبا مش بنسيب بعض الا لما نيجى ننام
(حاجة تقرف ههههههههه) و بعتبر انها احلى حاجة حصلت و هما اغلى حاجة فى حياتى
وتحية خاصة لاصحابى و اخواتى:مى ميوى انجل برنسس
نور رنوش باربى نودى لومى
احلى اعضاء فى المنتدى اموووووووووووووه

حلو اوي موضوع التحيه الخاصه الي انتي قولتيها
حسستيني كاننا في فرح ههههههههه
بس نسيتي تقولي الف مبروك للعرسين

عموما نورتيني وشكرا على اهتمامك وردك على الموضوع ووجهة نظرك فيه
بس كان ليا تعليق صغير في مواقف حقيقية هي الي بتبين الصاحب الي بجد المواقف دي صعب تتحقق كلها في وقت واحد
لكن الوقت هو الي بيبين زي مانتي قولتي لكن انه وقت بالظبط دي تفرق وعلى فكره ممكن الناس الي انتي شايفه ان حياتك صعب تستمر من غيرهم
ممكن يجي ناس تانيه غيرهم يملو حياتك برضه وتقولي كده بينك وبين نفسك انا كنت عايشا قبلهم اذاي
متستغربيش الدنيا لوقا وفرقا
والي كنت اقصده من موضوع اختيار الصاحب كنت بشوف قلوب الناس اتغيرت لحد فين

ولسا في باقي

فى قصة معروة بتقول ان مرة واحد قابل حكيم و قاله نفسى الاقى كنز
فوصفله طريق ومكان للكنز فبعد سنين وصل الراجل للكنز بس مالقاش حاجة
الكنز الحقيقى كان فى الناس اللى عرفهم و حبهم فى طريقة
القصة دى انا بصدقها اوى لان مهما الانسان وصل لدرجات من النجاح
او كان معاه فلوس كتير فان كل ده بدون اصحاب و بدون ناس حوليه مالهاش اى طعم ولا معنى
لذلك يا نودى ان شاء الله هتلاقى الاصحاب الكويسن وبصى حوليكى كويس يمكن انتى مش شيفاهم

شكرا يا جرين على موضوعاتك الرائعه بجد شكرا


انا عندى موضوع الصحاب دى ..........مشكله كبيره قوى..........
.بتصاحب ع الناس بسرعه..........ولو لقيت فيهم عيووب جامده.........مش بتهون عليا العشره والايام اللى قضيناها سوا.......ببقى مش قادره اسيبهم .......ومش قادره اكمل معاهم زى الاول....حتى لو عيوبهم دى ممكن تضرنى قوى........
.انا عارفه ان ده غلط جداا.......بس انا مش بقدر...اعمل ايه يعنى؟؟؟......بس ان شاء الله العيب ده هيتغير مع الايام..........لانى بعد ما حصلى كده بقيت........للاسف...........بفرمل نفسى قبل ما اتصاحب على اى واحده..........وبينى وبينكم.......الموضوع ده صعب عليا اكتر........لانى بدوس على طبيعتى وعلى شخصيتى. اللى هى اجتماعيه وبتتصاحب ع الناس ببساطه..........
انا عن نفسى مش عارفه خااااااااااالص يا جريين.......حتى انى ارد على موضوعك......ده انا اللى عايزه الرد والنصيحه.....بحس موضوع الصحاب ده معقد جدااا وبسيييط بمجرد انى الاقى صديقه تغنينى عن الباقى

انا مش بركز انا هصاحب مين وما اصاحبش مين
اللى بيجيبه النصيب.......مش بقعد اختار يعنى....
يعنى فى عز ما كنت متدينه
ما كنتش بمنع نفسى انى اعرف بنات ابعد ما يكونوا عن التدين
وقولت اخد باديهم واخليهم زيى
وكنت بقوول لو كل الكويسين اتصحبوا ع الكوييسن اللى زيهم هيعملوا ايه اللى مش متدينين
اكيد هيضيعوا اكتر
بس فا ماكنتش بشوف البنات اللى هما مش كويسين فى( عين الناس) انهم كده
وبقوول اكيد هما من جواهم كويسين......وانا كان ممكن ابقى بدلهم
و اكيد هما عايزين يبطلوا اللى بيعملوه.......اكيد

وفعلا اتصاحبت على كام واحده كده......وكنت ناويه والله انى اخد باديهم

بس اكتشفت بعد سنه ان مش انا اللى باخد بايديهم
ده هما اللى بيشدونى ليهم
ولق


حاولت كتير انى اغيرهم.......كنت بتغاظ قوووووووووى من اللى بيعملوه........بس كنت بصبر........واقول انا هخدهم واحده واحده.........
بس الموضوع زاد عن حده وحسيت انهم مش هيتغيرواااا
وبقيت مش طايقه افعالهم...

ومن ساعتها......ولما ياست انهم هيتغيروا....ولما لقيت انهم بيبعدونى عن ربنا.........انا عمرى مثلا ما افتنت بلبسهم اللى انا مش راضيه عنه........بس من كتر ما بقعد معاهم.........خلونى تافهه شويتين
......وكانوا بيقولولى انى معقده حبيتين...........الكلام ده ما كانش بياثر فيا الاول.....زبس شويه شويه حسيت انى معقده المواضيع....وبات اتنازل عن حاجات واحده واحده

بحاول ابعد عنهم
بس بيصعبوا عليا
حاولت انى اسيبهم وابعد عنهم حوالى 7 مراات
بس برجع تانى
عارف انتى حته العشره دى والايام اللى عشناها سوا
مش بتهون عليا خااالص
مش بنسى الايام اللى قضيناها سوى
وكل ما اشوف فيديو كنا متصورينه مع بعض
بزعل اوى وبعيط


وقولتلهم
يا اما تتغيروا يا اما والله ما هكلمكم تانى........بس انا عارفه انهم مش هيتغيروا......زلانهم هما نفسهم مش عايزين يتغيروا


دى بتوصل معايا انى بدعى ربنا وانا بصلى انه يبعدنى عنهم ويبعدهم عنى.....انا عمرى ما كنت اتصور انى ابقى وحشه للدرجه دى.....بس هما اللى اضطرونى لكده......

وهما اللى مش حاسين بقمتى......(وده مش غرور والله).........ومش هيحسوا بيها غير بعد ما اسيبهم


ومن ساعت الموضوع ده يا جرين وانا بفرمل نفسى قبل ما اصاحب اى واحده.......وبكده انا بدووس على نفسى....لانى كنت بتعامل ببساطه ف الاول.....
هى مشكله كبيره فعلا يا جرين ولا انا اللى مكبره الموضوووووع؟؟؟؟؟؟
......هى دى كل الحكايه........بس يمكن انا ما قدرتش اشرحه ف الاول........وميرسى لييك قوى يا جرين انك بتخلينى احكى وافضفض كده

ومستنيه ردك..........

هيا طبعا مشكله كبيره انتي مش مكبراها ولا حاجه لان احنا في الدنيا مانقدرش نعيش فيها
من غير ناس
والناس دول اهلنا واصحابنا
وصعب جدا نلاقي كل الناس زي ماحنا عايزياولا شكرا ليكي يا نودي
ن
لكن على قد مانقدر بنحاول طول ماحنا عايشين نعرف ده ونفارق ده عشان
في الاخر نرتاح مع حد نثق فيه ونكمل معاه
وانتي عندك حق في الي عملتيه والي فكرتي فيه
فعلا اليومين دول صعب جدا تهدي حد او تلاقي حد يقبل النصيحه
مع اننا كلنا في اشد الاحتياج للي يخاف علينا وينصحنا ويكون قلبه علينا
وكان في حديث عن الرسول صلى الله عليه وسلم ومفيش اصدق من كده
لما شبه الصديق السوء بنافخ الكير
فعلا انتي لازم تبعدي عن الاشخاص السلبيين في حياتك لانهم فعلا ممكن ياذوكي لان انتي بتحاربي لوحدك
ومدام مفيش استعداد عند الانسان يبقا خلاص انتهى الامل فيه
ولازم تبعدي
ربنا قال للرسول صلى الله عليه وسلم انك لاتهدي من احببت ولكن الله يهدي من يشاء
والناس عندهم حق في ان قربك من اصحابك دول هيشوه شكلك لان انا
لو عايز اعرف حد هشوف مين اصحابه ولو ماشي مع شله اخلاقها مش تمام
اكيد هبقا متاكد ان كلهم زي بعض
لان الطيور على اشكالها تقع
واحسن حاجه انتي قولتيها واعترضي عليها في نفس الوقت ليه الكويسين كلوهم يعرفو بعض طيب وباقي الناس تروح فين
في حديث عن الرسول برضه بيقول
المرء على دين خليله فلينظر احدكم من يخالل
معنى الحديث

يعني أن الإنسان يكون فيالدين ، وكذلك في الخلق على حسب من يصاحبه ، فلينظر أحدكم من يصاحب ، فإن صاحب أهلالخير ؛ صار منهم ، وإن صاحب سواهم ؛ صار مثلهم

وعن تجربه شخصيه والله الناس الي من النوع ده او على الاقل عندنا اختلاف واضح في وجهات النظر
بتلاقينا طول الوقت في صدمات
وانا الصديق او الصاحب بالنسبالي ايه
وبالنسبالنا كلنا ايه
الصديق ملجأ وبيت وامان ومستودع اسرار وهو رايي وهو نصيحيتي
لو مكانش كل ده مش اقل من كده ماينفعش يكون صديق ولا صاحب
في حاجه تقولك الصديق وقت الضيق
ده شيئ اساسي
تخيلي بقا لما اصدقائي هما سبب ضيقي وهمي طول الوقت
اظن دي مش حياه طبيعيه
خلاصة الكلام
انتي عندك حق وانتي لو كنتي حاولتي معاهم يتغيرو للاحسن يبقا انتي عملتي الي عليكي
ولازم تستمر حياتك بيهم من غيرهم واكيد طول مانتي متاكده من انك بتعملي الصح والي بيمليه عليكي
دينك وضميرك مش مهم اي حاجه واكيد ربنا هيجمعك بالي ذيك والي في اخلائك
انشاء الله
وبشكرك مره تانيه
وبعتزر لو كنت طولت

ولسا في باقي