طراف على الكرسى...بهدلوه...خلوه يكره روحه

حرام عليكى يا ندا والله
انا هفضل فى المحكمه دى كتير كدا

انا لما قولت هبدا اعمل حاجه
بدات احاول فى نفسى الاول كان لازم اغير من نفسى والحمد لله غيرت جزء ولسه طبعا بغير لسه ماوصلتش للدرجه الى انا عايزاها او بمعنى اصح الى المفروض اكون عليها

بعد كدا فكرت انى ادرب تنميه بشريه عشان ابدا ابقى مدربة تنميه
عشان مش عايزه احلم لوحدى
نفسى الناس كلها تحلم معايا
والناس كلها تتغير معايا
الناس كلها يبقى عندها امل فى بكره عشان نقدر ننجز
ايد لوحدها ماتسقفش
بس يا ستى دا لحد دلوقتى الى انا عملتوا ودا كان جزء اى نعم هيتوقف شويه اليومين دول
عشان الامتحانات بس ان شاء الله هرجع اكمل فى نفس طريقى فى اول يوم اخلص فيه
بجد نفسى اوصل فكرى دا للناس كلها
دا كل الى انا قادره اعملوا دلوقتى
ومرسى على تشجيعك يا نودى باشا يا عسل
وان شاء الله ياترب كلنا نبقى فعالين فى مجتمعنا ونسيب بصمه فيه

اولا ....ميرسى على ردك

ثانيااا.....ايه هو بالظبط اللى انتى غيرتيه فى نفسك....وايه هو اللى عايزه تغيريه لسه؟؟؟؟

ثالثا.....هو تغييريك فى نفسك بيتوقف ليه فى فتره الامتحانات؟؟؟؟....ولا النتى قصدك على دورات التنميه البشريه؟؟؟؟

رابعا.....بعد ما تغيرى نفسك ايه تانى وتالت ورابع خطوه عايزه تاخديها؟؟؟؟؟

معلش يا ميوى على التطووووويل

...ايه هو بالظبط اللى انتى غيرتيه فى نفسك....وايه هو اللى عايزه تغيريه لسه؟؟؟؟


بصى يا ستى انا كنت يائسه من الحياه جدا وكل حاجه شايفاها سودا
كان جوايا طاقه مش عارفه افجرها فين وازاى عندى امل بس امل كسلان امل يائس
كان عندى شوية طباع مش عاجبانى نظرتى للحياه وشويه معاملات مع الناس كنت بخطئ فيها شويه
وشوية حاجات كدا تانى لانى مش هافتكرها كلها
الى عايزه اغيره لسه
لسه فى حاجات كتير لسه انا جوايا كذا عيب نفسى اخلص منه
نفسى انهى العصبيه نفسى ابطل تسرع نفسى انظم وقتى اكتر
بردو فى لسه حاجات كتير بس بتيجى مع الوقت

..هو تغييريك فى نفسك بيتوقف ليه فى فتره الامتحانات؟؟؟؟....ولا النتى قصدك على دورات التنميه البشريه؟؟؟؟


عشان ابو بالين كداب زى مابيقولوا
انا تغييرى فى نفسى فى الحته دى قصدى الايجابيه الى عندى التنمية البشريه والجمعيات وهكذا هضطر اوفقف نشاطى شويه لانى عايزه اكون اد ثقة مامتى فيا لانها سابتنى براحتى اعمل الى انا عايزاه واخد تنميه وامارس نشاطاتى
وانا المفروض احترم دا واركز فى الشئ الى يسعدها زى ماهى اسعدتنى ومامنعتنيش فى الى انا بعملوا دا

ما تغيرى نفسك ايه تانى وتالت ورابع خطوه عايزه تاخديها؟؟؟؟؟

بصى يا ستى تانى خطوه انا ذكرتها فوق وكانت انى عايزه ابقى مدربة تنميه بشريه
وبعدها ماانفذ دا وبشكل احترافى واحس انى عملت حاجه فى المجال دا قويه وفعلا ساعدت حد هابتدى انتقل لنقظه الاعلام لانى من زمان نفسى ابقى مذيعه اقدم حاجه هادفه ومفيده وجميله وبعد مااقدم الحاجه دى وتحس انها فعلا غيرت حاجه وفعلا ليها قيمه
وبعد كدا بعد مااشسوف انى نجحت فى الخطوات الولى ليا هابتندى اشوف باقى الخطوات بتاعتى ودى هتبقى على حسب نجاح الخطوه الاولى والتانيه
اى نعم انا رسمالهم حاجات فى دماغى بس يعنى مااعرفش ان كانوا هيتحققوا ولا لاء
فمابحبش اتكلم عنهم كتير


بس ياستى
اعتقد كدا انتوا ماسبتوش حاجه الا وماسئلتوا فيها
هو انا امتى اختار الى بعدى
ياريت تقولى على الميعاد
علشان انا مش باحسب
فاول مانتى تقوليلى ابتدى اختارى انا هاختار على طول
اوك

ايه اغلى حاجه فى حياتك؟؟

اغلى حاجه ىفى حياتى هوا حلمى وامى واختى واصحابى دولا اغلى حاججات فى حياتى

3AMLTY EL MONTADA LEIH ,EL FKRA GATLK AZAAAY?

عملتوا يا ستى لانى حسيت انى فى تباعد كبير مابين طلبة السن
نفسى اقرب المسافه دى
نفسى نبقى كلنا ايد واحده
بس للاسف الفكره ماووصلتش 90%من الى بيدخلوا المنتدى
بيدخلوا تشاتنج وقسم النكت واللعب
قليلين اوى الى بيدخلوا يدوروا على فايده حقيقيه من ورا المنتدى
ودا اكتر شئ مزعلنى
الفكره واللله جاتنى كدا فجاه هما كانوا بيقولوا عايزيتن يعملوا موقع لالسن وكدا
بس الماليه والميزانميهو حوارات
فانا اول مالقيت المنتدى الفور فرى
حبيت اعمله كهديه منى لكليتى
بس كدا

ميرسى يا مى.....خلاص خلصت فتره محاكمتك..................اختارى بقه مين اللى هيقعد على كرسى الاعتراف بعدك..............ويا ريت تبعتيله رساله خاصه عشان لو ما شافش اللعبه اصلا..........

عيب عليكى وانا هختار حد غريب بردو
لازم اختارك اتنتى ياللى دبستينى اول مره

يلا يا ستى اجهزى وانا هاجيب الاسئله واجى

بمانسبة الاحلام
عايزاكى تحكى تقرير مفصل بقى عن احلامك؟

مااااااااااااااشى يا مى....ربنا يسامحك.....

وايه تقرير مفصل دى كمااان.....انتى شكللك هتطلعى عليا كل اللى عملوه فيكى......
..انا اللى جبت ده كله لنفسى

بصى يا ستى .... احلامى ....انا كنت قولتهالك قبل كده...فى ندوه التنميه البشريه.....بس يلا اقولهم تانى وخلاص....
..احلامى...انى عايزه اعمل اى حاجه تخدم الاسلام....عشان يوم القيامه لما يجى الاسلام ...متمثل فى انسان....ويعدى على كل واحد من الناس....ويقول ... يا رب هذا نصرنى....وعلى اخر يقول....يا رب هذا خذلنى......
ما يقوليش عليا انا يا رب هذه خذلتنى........

لو كل واحد فينا فكر .... ازاى يقدر يخدم الاسلام من الحته اللى هو بيعرف يعملها ومتميز فيها.....الامه دى هتنهض ان شاء الله...لان ربنا ما خلقش اى حد غير لما يكووون عندوا حاجه معينه يقدر يبدع فيها ويعطى فيهااا اكتر من غيره........ما فيش حاجه اسمها انا فاشل....انا ما بعرفش اعمل حاجه فى حياااتى

اللى عرفنى الكلام ده...او ادانى الفكر ده..هو الاستاذ عمرو خالد....جزاه الله كل خير يا رب....فى برنامج صناع الحياااه....البرنامج ده...انا بحمد ربنا جداا انى كنت بتابعه.....خلانى انظم حياتى كده قبل ما ابتديهااا....
لما كنتت اسه فى اول مرحله ممكن تحدد مستقبلك.........فى اولى ثانوى..

لما عرفت انى اكيد ربنا خلق فيه حاجه هابقى متميزه فبها....فضلت ادور عليها....كنت بدور بين المواد الكتيييير اللى كنا بناخدها فى اولى ثانوى.....لاقيت انى بحب الانجليزى والفرنساوى والتاريخ. اكتر من باقى المواااد
.....فقررت انى ادخل ادبى عشان ادخل السن....اضمن يعنى من علمى بدل ما انى اجيب مجمو قليل فى علمى وما ادخلهاااش....غير انى ما كنتش عايزه طب وصيدله والحاجااات دى خااالص.....فاكنت خايفه انى لو جبت مجموووع عالى يفضلوا بقى يلومونى لما اسيب الكليات العظيمه دى "على حد تعبيرهم" وادخل السن....وكانت اول خطوه صح اخدها....بالرغم ان الكل كان معترض...لانى فى اولى ثانوى كنت فى فصل المتفوقيين....فا ازااااى؟؟؟؟ تدخلى ادبى وانتى كنتى فى فصل المتفوقييين؟؟؟؟ (على اساس ان ادبى ده عملوه لذوى الاحتياجات الخاصه).....كان فى فصلين متفوقين ف المدرسه...فيهم 60 بنت......57 واحده دخلت علمى...وتلاته بس دخلوا ادبى وانا كنت منهم...ف انا بعتبر ان ده اول قرار صح اخده بالرغم من كل الاعتراااااااض

حسيت انى حتى فى 2 و 3 ثانوى...انى بهرب من كل المواد وافضل اذاكر انجليزى....فالموضوع ده كان بيدعم الفكره اللى عندى......بس برضه كنت بذاكر باقى المواد عشان الكليه ما تضعش منى.........


هتسالينى طبعااا.....وبعدين؟؟؟؟...........بعد ما حبيت الانجليزى و دخلتى السن....ايه اللى هيحصل؟؟؟؟

انا نفسى بقه انى اتقن اللغه كويس""الاسبانى""""...........عشان اعمل برامج بالاسبانى للمسلمين الغير ناطقين بالعربيه...........زى الاستاذ معز مسعووود....اللى كان بيعمل برامج بالنجليزى على اقرا........


ونفسى الموضوع يطور......... واعمل قنااه خاصه بالموضوع ده للاجانب المسلميين.........ويبقى فيها كل اللغات .......اعملها انا واصحاااااااااابلى بتوع السن فى كل الاقسااام

و عايزه بعد ما اخلص الكليه اخد معهد اعداد دعااااه عشان اقدر ادعوهم....وبحاول دلوقتى انى احفظ قراااان عشان ابقى داعيه حافظه القرااان........انا عارفه ان الموضوع صعب وعايز جهد....وعايز اكتر من الجهد....ان يكون عندى امل جاااامد....يا رب يتحقق
عايزه حاااجه تاااانى؟؟؟؟؟؟؟؟؟؟؟؟؟؟؟؟..........بتهيقلى ما فيش تقرير مفصل اكتر من كده.........

هو ما حدش يقدر يجرح كرامتى......لما كبرت........بس وانا صغيره.......كنت بحب واحده صحبتى جدااااااا.........كنت بمووت فيها...وهى كانت بتحبنى برضه بس مش زى ما انا كنت بحبها.....

فى يوم.......قصيت ورقه ملونه على شكل قلب.......وعلقت فى الورقه دى خيط.....بقت عامله زى السلسله كده..............وبعدين كتبت جوا القلب ده...."اعلق نفسى فيكى ولا اعمل فيكى ايه"..........اللى هى من اغنيه احبك اكرهك بتاعت عمرو دياب........
واديتلها السلسله دى.....واحنا داخلين الحصه فى المدرسه...ومشيت على طوووول....وبعد ما خلصت الحصه.....كنت متوقعه انها هتيجى فرحانه قوى بالسلسله.......وتفضل تشكر فيا....وتقولى ان هى كمان بتحبنى وما بتقدرش تبعد عنى........

بس اللى حصل كان حااجه تانيه خااااالص.........بعد الحصه ما خلصت..........جت عند التخته بتاعتى.....وقالتلى ايه دى....ايه العبط اللى انتى كتباه ده؟؟؟.......وسابتلى السلسله ومشيت......

مش بجد موقف يجرح الاحساس..............بس ما عالينا هى كانت صغيره....عملت كده بعبط يعنى....وما كنتش.ومش عارفه انها ضايقتنى للدرجه دى.......

اى خدمه يا احمد

ليكى حق يا ندا
فى مواقف بتعدى على ناس كتير انها صغيره مع انها فى الحقيقه كبيره جدا جدا جدا
ايه اكتر مره حسسيتى فيها انا بتكرهى انسان او انسانه معهينه

طيب انا جيت حد عايز يسئلني

نودى
ايه احسن حاجة فى حياتك

انا هسال نودى
ايه اجمل لحظه عشتيها فى حياتك؟؟؟؟؟؟؟؟

ماكملتيش يعنى يا نودى
مستنيين الباقى
انما ماعنديش اسءله لانهم عصروكى بصراحه