الحجاب اللى مش حجاب بصراحه مش عارفه هو ايه؟؟؟؟

نقول بسم الله الرحمن الرحيم

يالا نبدا

طبعا كلنا عارفين الموضه اليومين دول و بلاوي الموضه و انا معرفش حد اتكلم عنها و لا لا
بس انا مش هكلم عليها لاني لو اكلمت عليها محتاجه عشر مواضيع مش موضوع واحد

انا عايزه اكلم عن حاجه واحده و معرفش كمان نزلت قبل كده و لا لا بس اهو جيت افضفض معاكم و لو مكرر يبقي طلعت الي جوايا و خلاص

لما نكون الصبح كده وانا نازله لا بيا ولا عليا وحاطه الشنطه علي كتفي و نازله ركبت الميكروباص بعد عذاب و جري و تنطيط و ورايحه الكليه وربنا يعلم الواحد بيتعذب قد ايه كلنا عارفين طبعا الاقي منظر غريب جدا


بنت محجبه و تمام و بلوزه واسعه ووووووووووو جيبه قصيره طب سؤال يطرح نفسه تيجي ازاااااااااااااااااااااااااااااي؟

شويه و ابص شمالي (ماشيه ابص كده اركز و اجيبلكم مشاكل و اراء ما وراء الطبيعه الي بينعشها) الاقي ايه بنت محجبه و محترمه و ننزل شويه نلاقي بنطلون ضيق جدااااااااااااا و قصير تحت الركبه بالضبط طب حد يقولي ازااااااااااااي؟

هل الحجاب بقي موضه؟ مجرد شكل بنلبسه علي اي لبس بدون احترام الحجاب ده ؟

و الله انا متوقعه في يوم اشوف واحده لبسالي كت و فوقيه حجاب ما هي بتيجي بالتدريج

الصراحه انا معنديش كلام تاني الا الصمت مع عباره نو كومنت كبيره اوي ارسمها علي وشي لما اشوف المنظر ده انتوا بقي ايه رايكم؟ ؟؟؟؟؟؟؟؟؟؟؟

فعلا انا بحس ان البنات بتلبس الحجاب اليومين دول موضه وكل واحدة بتعملها بطريقة غير التانية
كله حسب الموضه

شكرا يا رودى على الموضوع الجميل ده

خدى من دا كتيييييييييير
لاو الحجاب الى فى نص الشعر لو واحده كاويه شعرها فى يوم وفرحانه بيه تلاقى حاطلاك الطرحه مش طرحه
عادة بجد ودى انا شوفتها بعينى
ان الى بيعملوا كدا
بيبقوا لابسين الطرحه اما كسل او بخل يعنى الناس دى بتبقى بتوفر تمن الكوافير بتاع كل اسبوع او مكسله تروح لجد هناك
او اهلها ضاغطين عليها بالحجاب
المشكله انهم مش فاهمين بانهم باللى هنم بيعملوا دا بيسوءوا صورة الحجاب والمسلمات بشكل عام
وربنا يهدينا كلنا يارب

ربنا يهدى الجميع
و مرسيه يا رودى

والله موضوع الحجاب ده
موضوع كبير وجامد
وانا سعيد انى ارى واحده بتكتب عنه

نادرا ما يرى الشخص واحده بنت ناس ومحترمه لابسه حجاب شرعى وكويس ومحترم

وهذا اعطى انطباع زى الزفت للكليه بتاعتنا
وبقيت سمعة الكليه فى التراب

الناس بتيجى من الكليات التانيه للفرجه علينا
برضه ده كلام
ربنا يهدى جميع بنات المسلمين

وجزاك الله كل خير

مااااااااااااازن شكرا لردك ومرورك

مى عندك حق والله كده اساءة للمسلمين
والمناظر اللى بتقولى عليها دى فعلا بنشوففهاا ربنا يهدينا

لولى شكرا ياقمر على ردك

ابو زياد الفاتح شكرا لمرورك وردك لكن الحقيقه ان فى ناس كتير محترمات ومحجبات بشكل صحيح
بس بصراحه هما بتوع حجب الموضه كترو اوىىىى

جرين هارت شكرا لردك الجميل
وفعلا انا اعرف ان الشباب لما بييجو يختارو واحده للجواز
اكيد بيختارو الجوهرة المصونه
مش السلع الرخيصه
لان دى اللى هتقدر تبقى ام لاولاده
وتربى التربيه الصحيحه

وشكرا ياجماعه على ردودكم الجميله
جزاكم الله خيرا

ياااااااااااااارودى ايه الموضوع الحلو ده

طبعا انا وانتى ياما بنشوف بلاوى فى الحجاب

ببئى اهون علينا انها تخلعه احسن مانشوف واحدة مش محترماه

ربنا يهدى بنات المسلمين يارب

صح الكلام بس اى بنت اقبل ماتحجب تحجب نفسها الاول ممكن يكون فى بنات لابسين الحمار او النقاب لكن يكونوا من جواهم مش صافين ومش كويسين ولكن لازم البنت المتحجبة تلبس وتحترم دنها بس الواحد ما يحكمش على البنت من لبسها ومرسى على الموضوع

شكرا ليكى داليا

بس لو قلنا انها تتعلم الاول عشان تبقى اد اللبس اللى هتلبسه يبقى مش هتابس

لكن احنا نلبس والللبس المحترم ده غصب عننا هيخلينا محترمين

(ان الله لا يغير ما بقوم حتى يغيروا ما بانفسهم)

يعنى لازم ناخد خطوه

وعلى فكره اللبس برضه ليه تاثير جااااامد على الشخصيه وهو اللى بيحكم الشخصيه اللى قدامك

وطبعا مش كلهم وحشين او كلهم حلويين فى كده وفى كده