البنات عايزة اية من الشباب وبردو الشباب عايز اية؟؟؟؟؟؟؟؟؟؟؟؟

البنات عايزة ايه-بالظبط-من الشباب ؟؟؟
وبرضه الشباب عاوز ايه ؟؟؟
يعني اكيد في تفكير كل بنت مواصفات أو ظروف معينة للشخص اللي ممكن توافق عليه كعريس .
المواصفات ديه في منها يعتبر شروط اساسية لا يمكن التنازل عنهاأبدا .
و في منها قابل للتفاوض.-و نقول فيها:خلاص هتنزل المرة دي-
فسؤالي هو ايه الحاجة اللي مش ممكن تتنازلي عنها في العريس ؟
-ايه الحاجة اللي مش ممكن تتنازل عنها في العروسة؟؟-
و ايه اللي ممكن تقولي فيها..ليس كل ما يتمناه المرء يدركه..تأتي الرياح بما لا تشتهي السفن...؟

-ونفس الأسئلة طبعا للشباب -
بس قبل الاجابة من فضلكم عندي طلبين
الاول الصراحة الواقعية(من غير مثالية) يعني قبل ما تقولي رد تفكري هتقدري تنفذيه ولا لأأ
-نفس الكلام ليك_
التاني بلاش الكلام العام زي: يعاملني كويس ...لأن اكيد مفيش واحدة عايزة زوج يعاملها وحش...
و بنت تتقي الله ...لأن برضه مفيش واحد عاوز زوجة مفترية
والهدف من اسئلتي بجد ان كل طرف يعرف _جزء_من تفكير الطرف الاخر وده أكيد هيساعده اما في قبول بعض الامور أو في التغير من نفسه (دي وجه نظر)
يعني مثلا اذا لقيتو-انتوا البنات_ان الشباب بيفضل البنت المجنونة يبقى تتجننوا البنات عايزة اية من الشباب وبردو الشباب عايز اية؟؟؟؟؟؟؟؟؟؟؟؟ Kerkerker

البنات عايزة اية من الشباب وبردو الشباب عايز اية؟؟؟؟؟؟؟؟؟؟؟؟ Kerkerker

بس المشكلة اذا كانوا عاوزين البنت العاقلة تعملوا ايه البنات عايزة اية من الشباب وبردو الشباب عايز اية؟؟؟؟؟؟؟؟؟؟؟؟ Thinking

وهكذا ........

موضوع لذيذ
بص هو اولا يعنى بلاش الواحد يقعد يقول انا عايز وعايز ومواصفات بقى وكدا لانه بيلاقى نفسه ماخدش ولا اى حاجه منها فى الاخر
وبواقعيه انا هاتكلم عن نفسي
كنموذج من البنات
انا عايزاه يكون انسان
متعاون بمعنى انه يكون عارف انى عندى اهداف وطموحات المفروض احققها والمفروض انه ماايقفش فى طريقى فيها زى مابيعمل كل الازواج لا دا لازم يكون بيشجعنى
ولازم يكون بردو هو كمان طموح وعنده هدف فى حياته
مثقف عشان ماحسش انى بتكلم مع طفل
محترم يعنى مش بيشتم وعنده زوق وكدا عشان اقدر احترمه
دى شروط اساسيه الى هما لايمكن الاستغناء عنها ابدا
ومرسي على الموضوع الجميل دا

الموضوع تحفة
عايزن نشوف مواصفاتك
عن نفسى:
اطول منى -بحبنى عشان شخصيتى-بيعرف يتكلم كويس- وسيم- مرجلش-اهم حاجة انه جرئ -يكون فى نفس مستوايا الفكرىوالمادى او اعلى-مفيش حاجه معينة
اى انسان بيكون فيه حاجات حلوة و حاجات وحشة المهم انه يعرف يظهر للناس دة من تعاملاته معاهم
ممكن نتخيل حاجة ان احنا مش هنتنازل عنها لكن يحصل العكس
مكن نكتشف حاجات حلوة كتير فى الشخص ده اكتر من اللى بنحلم به
المهم انهم يكلموا
وممكن تعرف اللى اقدامك بيحب ايه و تعمله عشان بس تسعده
الحياة تنازلات لازم نتنازل عشان المركب تمشى
ياما مش هنلاقى حد نحبه لان مفيش حد ملاك

تحياتى على الموضوع الرائع
اهم حاجة ان الاتنين يكونوا متفاهمين مع بعض وبعدين يحاولو يقربو من بعض وكل واحد يشوف التانى بيحب ايه لان محدش هيلاقى كل اللى هو عايزه فى التانى بس المهم ميكنش الفارق بينهم كبير

الموضوع جامد جدا ومهم جدا
بس المهم في كل ده بالنسبالي طبعاً إن أحس أحس إن البنت تكون عاقله وده طبعاً نادر جداً أغلب اللي
الواحد بيسمع عنه إن البنات دي تافهيييييييييييييييييين جداااااااااااااااا وأي واحد يضحك عليهم بكلمتين على طول بيسدقوا
طبعاً ده رأيي مع أحترامي لكل زميلاتي
وشكراً