تبااااااااا لهذه السلبية ... متى نقتلها ... حتى نستيقظ ؟...

السلبية ..مشكلة حقيقية لأنها مزروعة فالشعب المصرى و متربيين عليها و رضعينها مع الفول و بيورثوها لولادهم

الشعب المصرى من النوع السلبى الاصيل و لما الناس بتواجه اى مشكلة مش بتفكر ازاى تحلها انما بتفكر ازاى تتعايش معاها مثال لو ماصورة مية او مجارى انفجرت و غرقت الشارع الناس مبتفكرش تتصل بحد يصلحها انما بتحط طوب تعدى عليه ( يمكن لنهم اتعودوا ان اصواتهم تذهب هباءا و محدش بيعبرهم لو اتكلموا انت عايز تقضى مصلحة و الموظف طلب منك فلوس مش من حقه حتديله و تقضى المصلحة و تخلص و لا تروح تشتكيه و متخلصش اصل حتشتكى مين و لا مين ده كلهم كده اساسا
يمكن متقدرش تلوم ع الناس قوى ..الناس اتعودت ان صوتها ملوش لزمة و محدش بيسمع شكوتها
و بعدين دى من الموروثات

الناس بتربى ولادها على كلمة انت مالك و بتبص لتصرفات الطفل الايجابية ( بوادر يعنى) على انها عبط عيال و تسخر منها ( عيل مش فاهم حاجة فاكر انه حيصلح..يصلح ايه ما هى الدنيا ماشية كده ..يلا بكرة يكبر و يفهم و بعدين دى حاجة عبيطة اساسا ) و طبعا المفروض ميشغلوش بالهم بعبط العيال و يوجعوا دماغهم و شكلهم حيبقى عبيط و هما ماشيين ورا عبط العيال
مثلا واحد ماشى مع باباه و شاف رجال صاحب حمار بيضربه بافترى ..يقول لباباه طبعا ان الراجل ده حرام عليه و مش لازم يعمل كده و رفقا بالحيوان و حاجات كده و لازم تقله يا بابا ميعملش كده
اغلب الآباء حيقولوا للولد يا بنى انت مالك هو انت الحمار :واه يابوي ثم خلينا فحالنا هما اصحاب الحمير بيعملوا كده عادى
عيل شاف دبان ماشى ع اللحمة عند واحد جزار و يقول لباباه يقول لجزار يغطى اللحمة مثلا ( عيل ميعرفش ان الدبان مفيد)
اغلب الآباء حيقولوا لبنهم ده يابنى انت عايز ابوك ينضرب ساطور دلوقتى
تكون النتيجة ان البوادر دى تنطمس و يطلع سلبى صميم لانه فهم خلاص ان محاولات تصليحه لحاجة شافها غلط عبط عيال
و هى ممكن تكون حاجة عبيطة فعلا و عباطة عيال بجد بس تشجيع النقطة دى فيه او اخمادها له اثر نفسى ع الطفل
عارف امتى حنبطل سلبية
أما كل واحد يبطل يخاف على نفسه و عياله

{قُلْ إِن كَانَ آبَاؤُكُمْ وَأَبْنَآؤُكُمْ وَإِخْوَانُكُمْ وَأَزْوَاجُكُمْ وَعَشِيرَتُكُمْ وَأَمْوَالٌ اقْتَرَفْتُمُوهَا وَتِجَارَةٌ تَخْشَوْنَ كَسَادَهَا وَمَسَاكِنُ تَرْضَوْنَهَا أَحَبَّ إِلَيْكُم مِّنَ اللّهِ وَرَسُولِهِ وَجِهَادٍ فِي سَبِيلِهِ فَتَرَبَّصُواْ حَتَّى يَأْتِيَ اللّهُ بِأَمْرِهِ وَاللّهُ لاَ يَهْدِي الْقَوْمَ الْفَاسِقِينَ} (24) سورة التوبة

عندك حق يا ياسر بس للاسف الناس مش هتبطل سلبية دى حاجة بتجرى فى دمنا

السلبية مش حتروح لو بطلنا نخاف على اللى حوالينا ..
عادى جداً أن "المؤمن" يخاف ... و إلا لما شرعت صلاة الخوف
مينفش نلغى شعور ربنا خلقه فينا عن طريق أننا نلغى شعور تانى ...!

السلبية حتروح لما نبتدى نؤمن أن السلبية دى جوانا و وجودها ده غلط (مش بس كده)

لازم نكون عارفين هو غلط ليه أنها تبقى موجوده فينا من أساسه ...

لأننا بطلنا نرمى حملنا على الله

وشكرا على المرور ANGEL