حزام لله البنطلون هايقع

شبابنا هم أمالنا هم حاضرنا ومستقبلنا هم ذخيره أي وطن..... هم الحيويه ....هم النشاط .... هم الهمه ....هم الرجوله ....هم العافيه ....هم الصحه ....هم الأمل في بكره أحسن ....هم كل حاجه حلوه في أوطانا ....ولكن للأسف .... وآه من لكن .... حالهم هذه الأيام وجريهم وراء الموضه( الخايبه) يثير الأسي والحزن علي شباب الامه ...فنسبه كبيره من الشباب لو أستوقفته ونظرت لهيئته ستجد العجب ...لو نظرت في حقيبته التي يحملها ستجد معه علبه كبيره مثل علب الحلاوه الطحينيه الكبيره !!! ويقول لك ده جل !!! أنظر بسرعه الي شعره ستجده واقف لفوق كأن كهرباء 380فولت قد مرت عليه ؟؟؟ خلاف أنه ملزق ويلمع بلمعه زيت الذره !! ستسأل ما هذا يا حبيبي ...سيرد .... ده ...سبيكي....أو فرزاتشي...!! ايه يابني ده ده مضاد حيوي ولا نوع ساندوتشات ؟؟ لا يا عموا دي تسريحه !!طيب يابني يا حبيبي ...أطباء الامراض الجلديه بينصحوا بعدم وضع الجل لأنه يجمع الأتربه والميكروبات من الجو خلاف أنه يكتم الشعر ويزيد القشره ... يرد صاحبنا عنعمل ايه يا عمو ... دي أستايل وروشنه طحن !!! ...طيب نترك الشعر وننظر لبقيه الأكسسوارات التي يرتديها من ((بندانا )) في يده لزوم الروشنه !! وتيشيرت ملزق علي جسمه !! والأمر الذي أستوقفني البنطلون ((النيجر ))والبنطلون أبو وسط ساقط ولازم يكون مرتدي تحته بوكسر ((ملابس داخليه ملونه)) علشان تظهر عندما يسقط البنطلون أكثر وأكثر !!!! خلاف الجزمه ذات 4 أو5 كيلو التي يرتديها وممكن تكون ((سيفتي )) مثل الذي يرتديها العمال في الأعمال الخطره !!!طبعا ممكن يكون شعره((القطاط)) نازل حتي رقبته !!!!مافيش أي مشكله ..!! في النهايه تنظر للشاب منهم ...وتحزن وتزعل بصدق ...وتتسأل هم دول شباب الوطن !!! المفروض أن يحدث التغيير والاصلاح بهم ....المفروض أن يتصدوا للظلم والفساد في أوطانا ....ولكن من المخطيء ؟؟؟ كلنا مخطيء ... الشباب .... أهل الشباب .... الأعلام الداعر الذي يقدم ..القدوه لهم شباب مخنث !! رجال الدين ....؟ الذين تفرغوا لمشاكل ثانويه وتركوا التربيه .....منظمات المجتمع المدني ...من جمعيات وهيئات ونقابات وأحزاب ونوادي ....أين أنتم من هذا المسخ !!!! يا ساده ....أنقذوا شبابنا ..... أنقذواالأمل

والله كلامك محزن جدا لأن ده اللي بنشوفه بالفعل
ربنا يهدي الجميع

بجد حاجه تكسف فعلا

ربنا يهدي

يا رب
شكرا على الموضوع

ربنا يصلح حال الشباب والله
ايه رايكم نعمل حمله فى الكليه

تحت رعاية اتحاد الطلبه
بخصوص الموضوع ده

حمله تصحيح البنطلونات

ربنا يهدى شبابنا وبناتنا
اللهم اميييييييييييين
لان فعلا حالهم يحزن
شكرا على الموضوع

شكرا لمروك ومشاركتك
ربنا يكرمك