ياللا نؤسس دوله

ياللا يا جماعة نلعب اللعبة دى

اللعبة ببساطة اننا نعمل بلد وهمية و كل واحد فينا يعمل دور وزير حاجة معينة

وزير الدفاع
وزير التعليم
وزير التموين
الخ…..
الخ……
الخ…….
رئيس الوزراء

و بعدين نعمل اجتماع مجلس وزراء و كل واحد يقول مقترحاته

ياللا بسرعة …. كل واحد يختار له وزير

و فكروا معايا فى اسم البلد دى

*********************************

يعنى كل عضو
يقترح اسم البلد
ويختار وزاره معينه
ولا اقولكم كده ممكن تتخانقوا على الوزارات

اللى يدخل الاول ياخد الوزاره الاولى
واللى يدخل التانى ياخد التانيه
وهكذا

واسماء الوزارات المقترحه هى

وزارة التربيه والتعليم

وزارة التعليم العالى

وزارة الخارجيه

وزارة الداخليه

وزارة البحث العلمى

وزارة التموين

وزارة الصحه والسكان

وزارة التخطيط

وزارة الدفاع
وزارة التجاره

وزارة الصناعه

وزارة الاتصالات

وزارة الرياضه

ولما نملى الوظايف دى الاول نبقى نكمل بس نشوف ردودكم وتعليقاتكم
بعد اكتمال الوزارات
نرشح واحد من بيننا ليكون رئيس وزراء
***********************

انا اقترح انه اسم البلد يكون

(الاندلس)

والعاصمه (فجر) ايه رايكم

عاوزين نشوف احنا ممكن نعمل ايه لو مسكنا مناصب زى دى

وهل فعلا ممكن نقدر نحكم نفسنا بنفسنا ونمارس الحريه والديموقراطيه اللى بنحلم بيها كلنا

منتظر الاراء والمشاركات

كل واحد يدخل يختار وزاره بس ارجو انه محدش يختار وزاره يكون عضو قبله اختارها

وانا اول واحد هختار
وزارة الداخليه

معلش انا رئيسة الجمهورية

شكرا اللعبةجميلة يابو زياد

وانا وزير التعليم العالى
ومير سى على اللعبه الحلوه دى
وعلى فكر ه حلو اوى اسم البلد

اولا شكرا على المشاركه

بس احب اوضح حاجه

رئيس الجمهوريه هايكون بالترشيح

ممكن حضرتك ترشحى نفسك لما نفتح باب الترشيح

واللى عاوز يرشح نفسه برضه يتفضل

واللى ياخد اصوات اكتر يفوز بالمنصب

ولو كان اختار وزاره يتخلى عن وزارته اذا فاز بالرئاسه يعنى

ومنتظرين مشاركة باقى الاعضاء

انا وزير الخارجية
علشان اشتغل فى العراق

اوك

مبروك الوزاره

ومنتظرين الناس تشارك

وزير الدفاع والانتاج الحربي

اسم الدوله موافق عليه

العاصمه مش موافق

طيب اقترح اسم للعاصمه

ومبروك الوزاره

وفين باقى الاعضاء

محدش عاوز يشارك ليه فى الدوله

هو محدش عاز يشارك ليه

الفكره مش عجباكم ؟.

اهلا ابو زياد
معاك وزير التجاره الجديد

مبروك عليك الوزاره يا معلم

هو محدش بيحب المناصب يعنى

عاوزين نبدء بقى يا جماعه
ونعمل انتخابات الرئيس

شدوا حيلكم

وعاوزين وزراء كتير ومحافظين

ورونا الهمه يا جماعه

مش ناويين تكلموا اللعبه ولا ايه
عاوزين نعمل الدوله ونعمل انتخابات ياللا يا جماعه

شكرا على اللعبة
ومعاك
وزير البحث العلمى

وزيرة الاتصالات جت

ماشى
مبروك الوزاره
بس يارب تكونى قد المسؤليه

وبعد الانتهاء من الامتحانات
هنبدء فى تاسيس دولتنا
والنشيد الوطنى بتاعها
واللى عنده اى اقتراح يقوله
وتحياتى

و انا وزيرة السياحة