تعمل ايه مع الناس الرزله

عمرك اتعاملت مع حد انت مش قابله ؟

هل في مرة لقيت ان فيه حد معين بيضايقك ومش عارف تحبه ؟
هل فيه حد مضطر تتعامل معاه كل يوم على الرغم من ان انت مش طايقه ؟
حصل.. مش كده ؟
نعمل إيه بقى مع الناس دي ؟
فيه مبدا بيقول لك: تقبل الناس كما هم
أكيد شايف ده صعب مش كده ؟
**********
لو قريت في الجزئية دي و شفت الخبراء بيقولوا إيه هاتلاقي العجب
نبدأ للموضوع من أوله
كل واحد بيتعامل طبقا لخبراته
كل واحد مننا بيتعامل مع الناس و الدنيا اللي حواليه طبقا للخبرات والتجارب اللي واجهها في حياته
كل واحد فينا في طفولته بيجمع الخبرات من البيئة اللي حواليه .. يعني من الأب و الأم والأسرة و المدرسة ووسائل الإعلام و الشارع.. و عن طريق المعلومات دي بيتعامل مع الدنيا اللي حواليه ..طبقا للخبرات دي زي ما قلنا

لو واحد متربي في بيت كله مدخنين.. ممكن يطلع مش شايف إن التدخين غلط قوي
طيب..إذن كل واحد مننا بيتصرف طبقا للتجارب والخبرات اللي عاشها في حياته هو.. و عن طريقها بيتصرف في كل المواقف اللي بتواجهه في حياته
**********

خبرات الآخرين غير خبراتنا
كل واحد فينا مر بتجارب و ظروف و مواقف غير التاني.. عشان كده دايما بنلاقي ناس مختلفه عننا في أفكارها و تصرفاتها.. و احنا مش قادرين نتقبل الإختلاف ده
**********

تصرفات الناس بتئذيني

ممكن قوي واحد يطلع يقوللي: لأ الكلام اللي بتقوله ده مش صحيح قوي.. فيه ناس ماقدرش اتقبلهم عشان هم بيئذوني و بيضايقوني بتصرفاتهم.. أعمل يه معاهم ؟
حلو قوي السؤال ده.. دا بينقلنا لحته تانيه مهمة جدا : ماتحكمش على حد من تصرفاته.. احكم عليه من معنى التصرفات دي بالنسباله
يعني إيه الكلام ده ؟
يعني ممكن التصرف اللي الشخص بيعمله و بيضايقك, ممكن التصرف ده (طبقا لخبراته) معناه عنده غير معناه عندك

لي واحد صاحبي مغربي.. كان ظبطني في موضوع كده.. فقلت له
و الله انت راجل جدع
عارفين عمل إيه ؟
اتضايق مني و سابني و مشي و معادش بيكلمني
ليه عمل كده ؟
سألت نفسي و قررت إن أنا ماحكمش عليه بسبب تصرفه و افهم الدوافع اللي خلته يعمل كده
عارفين طلع الموضوع إيه ؟
كلمة جدع في المغرب طلعت شتيمة.. و هو افتكر إني باشتمه
خبراته و تجاربه في الحياة بتقول إن الكلمة دي شتيمة.. و انا كانت خبراتي و تجاربي بتقول إنها مدح
و لما كل واحد فينا فهم دوافع التاني اتصالحنا وضحكنا كتير على الموقف ده**********

غلط نحكم على حد بسبب تصرف عمله
المهم هو: معنى التصرف ده بالنسباله هو.. مش بالنسبالك انت

واحد جه يقوللي: أبويا مش بيحبني.. لأنه دايما بيعاقبني بقسوة
و دي يمكن بنسمعها كتير قوي
العقاب بقسوة معناه بالنسبة للإبن: ابويا بيعاقبني بقسوة لأنه مش بيحبني
طيب.. تعالى نشوف معنى التصرف ده بالنسبه للأب نفسه
أنا باعاقبه بقسوة عشان بحبه و عايزه يتربى و يكون أحسن واحد في الدنيا
شفت معناها بالنسبه للأب مختلف ازاي ؟
لأن خبرات الأب و تجاربه و الأسلوب اللي اتربى عليه خلاه يتصرف بالأسلوب ده.. و خبرات الابن خلته يعتقد إن ده دليل على الكراهية
يبقى ماتحكمش عليه انه بيكرهك.. دوافعة اللي خلته يعمل كده هي انه بيحبك و هي دي طريقته في التعبير عن حبه و اهتمامه بيك
**********
من تصرفاتهم.. كل واحد بيتصرف طبقا لخبراته هوّ مش خبراتك انت
ماتفترضش ان الناس عارف إيه اللي بيضايقك.. قول لهم انت
افهم دوافع الناس و ماتحكمش عليهم
وماتفترضش ان الناس بتعمل تصرف عشان تئذيك.. اسألهم
**********
الحرية مدمرة ان لم تصحبها المعرفة والشعور بالمسؤلية
منقول

جميل موضوعك اوى يا مصطفى
بجد انا مش لاقيه تعليق اقوله لانه فعلا شمل كل حاجه فى النقطه دى
مرسى ليك

موضوع رائع يا مصطفى شكرا لمجهودك

thankssssss

thanks sasa

شكرا ليكم ياجماعه وتمنى ان نستمر معا فى طرح الموضوعات المهمه والتى نحاول بها تغيير الواقع فى التعامل مع الاشخاص

grazia sasa

شكرا يامصطفى