بنتكلم ونرد على نفسنا

انا بلاحظ فى كليتنا او فى اغلب الجامعات اوفى كل الجامعات المصرية اننا بنتكلم ونرد على نفسنا فعلى سبيل المثال ناقش العميد معانا فى الساعة الحرة مشاكل الطلبة وشكواهم من الدكاترة وطمنهم ان مفيش حد منهم هيتأذى او هيتعرض للظلم من قبل الدكاترة وفى نفس الوقت قال ان مفيش قانون فى مصر بينص على اعادة تصحيح الامتحان والتظلم دا عبارة عن مراجعة لجمع الدرجات فقط يعنى لو الدكتور اداك على السؤال صفر محدش ليه عنده حاجة ولا يقدر يراجع وراه طيب امال ايه فايدة ان احنا نشتكى وهو اساسا مفيش امل

وللاسف دا من عيوب النظام المصرى العقيم اللى بيملك الدكتور رقبة الطلبة

هنعمل ايه
عندك حق
مرسى

مسير النظام هيتغير
المشوار لازم يبدا بخطوه
بس احنا لازم بردو مانسكتش على حقنا
لو ليك حق فى حاجه
طالب بيه
موت عشانه
لانك لو عشت وانت حقك ضايع يبقى مااعتقش ان الحياه بقى ليها لازمه
واحنا اتعودنا نسكت
ودا رد فعل طبيعى جدا لسكوتنا

مصطفى كلامك صح احنا بوادى وهما بوادى تانى

مش بناخد غير شوية وعود مسكنة

بس فعلا يعنى هو الدكتور ده مش انسان بيغلط ويصيب

يعنى نسال الله التساهيل لغاية مانخلص من الكلية

شكرا ليك

thanks for your reply