الحقيقه......هههههه..ضحكتنى

يا ترى ايه هى الحقيقه بتاعة كل واحد فينا؟
كل واحد بيقولك على التاني انت ما تعرفوش على حقيقته
طب ليه احنا مش بنعرف الناس على حقيقتها؟
او بلاش كده نقول السؤال بطريقه تانيه
ليه الناس مش بتتعامل مع بعض على حقيقتها؟
طب احنا بنرمي الاتهام دايما للناس ليه ما نتهمش نفسنا
مين فينا بيتعامل مع الناس بحقيقته 100%من غير مجامله او كذب او نفاق
اقولكم انا قليل اوى فينا اللى بيتعامل ب 80% من حقيقته
انما 100% ده بيخش مستشفى الامراض العقليه
عشان احنا مش فى زمن الحقيقه
احنا فى المفروض والواجب والبديهي
كل حاجه ماشيه زي المسلسلات بالظبط بقينا كأننا بننفذ سيناريو سهل اوى حد يتوقع ايه اللى حيحصل قدام ومين حسيب مين ومين حيبقى مع مين كل حاجه تحس انها مترتبه حتى ردود افعالنا بتبقى حسب الموقف والشخص بتبقى مرسومه ومتوقعه جدا
طب الحقيقه بتاعتنا فين من كل ده
هل اصحابنا هم اصحابنا الحقيقين ولا الحياه والعشره هى الى فرضتهم علينا؟
طب بلاش اللى احنا بنعمله كل يوم هوا اللى احنا عايزينه ولا لا؟
كام مره حسيت ان انت مش نفسك ولقيتك بتقول لنفسك انا مش كده ايه اللى انا بعمله ده؟

عندك حق قليل من ناس الى تعرفهم ع حقيقتهم لان ناس بتخبى كل حاجه

على فكره كل واحد فى الزمن ده مش بيظهر على حقيقته
وكله بيتظاهر على كله
الا ما رحم ربك
بااااااااااى

فل يانجم وانت بنسبه كام بقي ما تظهرش حقيقتك كسؤال يعني

ميدو
فى ناس فعلا مابتظهرش حقيقتها من اول مره لكن مره مع مره بيبان وانت لازم تكون عندك حس وفهم ووعى بالناسالى ادامك
احيانا كتير مافهمتش حقيقة الناس الى ادامى غير بعد مده كبيره اوى
اوى اوى كمان
بس ادينى فهمت
بس اصل طبع الانسان مابيبانش ومابيظهرش الا فى مواقف معينه هتعرف دا ايه ودا مين ودا شخصيته عامله ازاى
لكن احنا ليه مش فاهمه كل شويه نقول احنا فى زمن مش عارفه ايه وزمن ايه
للعلم الموضوع مش جديد بس بيختلف باختلاف الاجيال طول مافى توسع اكتر
فى عيوب اكبر تظهر وهكذا
الكدب والنفاق واخفاء الشخصيه مش حاجه جديده
ولا احنا فى زمن ماينفعش معاه غير كدا
وفيها ايه لما تبقى صريح وفى نفس الوقت مجامل والمجامله مش عيب
بس الاهم انك تبقى عارف الفرق مابين المجامله والنفاق

كتير ياتراف بنعمل حاجه غير موجودة بشخصيتنا

بجد بس مش دايما فى مواقف لازم تهرب منها بانك تكدب صح او تنافق او تجامل بس مادام مش هيضر حد يبئى تمام ده نظرى ده لربما يفيد كمان

شكرا ليك ترااف موجود رائع

شكرا ياميدو على الموضوع الجميل
ده وبشكر الجميع فعلا على ردودهم الجميلة
لان ردودهم كملت بعضها
المفروض انته بتحس بالواحد اللى قدامك
ان كان على حقيقته ولا بيجامل
بس فى كلتا الحالتين طول ما المجاملة دى
مش هتاذى حد يبقى مفيش مانع منها
بل بالعكس بتيقى مطلوبة فى معظم الاوقات
الناس عايزة كده وتزعل لو كان الانسان صريح