ليه؟.....وإزاى؟.....ويعنى إيه؟؟؟؟؟؟؟؟؟؟؟

إلا هو يعنى إيه حنان؟ وإيه يكون شعورك لو حسيت بالبتاع اللى بيقولوا عليه إن اسمه الأمان؟
ويعنى إيه لما الأم تكون بتحب عيالها ؟وإزاى الأب يبقى حنين على أولاده؟
طب هو حضن الأم ده شكله إيه؟طعمه إيه؟بيبقى عامل إزاى؟
وإزاى الواحد يكون عنده أخوات يحبوه ويساعدوه ويقفوا جمبه ف شدته ويكونوا أصحابه ف وحدته؟
ويعنى إيه لما الواحد يكون عنده صحاب؟صحاب بجد مشش أى كلام معاهم يضحك ويحزن ويحسوا بأوجاعه .
وليه الواحد ميحسش ف بلده بالأمان؟
وليه ميمشيش بليل ف الشارع وميكونشى خايف وجبان؟
طب وإزاى مفيش حد بيحب حد وميجرحوش وميكدبش عليه وميعذبوش؟
وفيها إيه لو الواحد خلص تعليم ولقى شغلانة كويسة وبمرتب محترم كمان؟
طب هو الواحد لو عاش مرتاح البال متهنى هيبقى سعيد ولا برده هيبقى تعبان؟
وهو الواحد لما يكون أعز الناس لقلبه هما سبب معاناته ومصدر ألمه المفروض يعمل إيه؟
وليه الأسود دايما هو اللى بيبهت على الأبيض مش العكس؟
وإزاى الواحد يشتكى ويفضفض باللى جواه؟ويشتكى لمين أساسا؟
وليه الواحد لما بينجرح مبيعرفش يزعل ويعيط ويدبدب ويقوم الدنيا وميقعدهاش؟
وليه الواحد مننا على طول مخنوق ؟
ف الفرح مخنوق وف الجرح مخنوق.
ف الفرح مخنوق ميقدرش يعلن فرحته.
وف الجرح مخنوق متقدرش منه تنزل دمعته.
وهو الواحد ليه ميقدرشي يسيب الدنيا والناس كلها ويروح يعيش لوحده؟
وهما ليه دايما بيكدبوا وبيقولوا إن مفيش مشكلة ملهاش حل؟
لأ......فيه ألف وألف مشكلة ملهاش حل.
وليه دايما الواحد ساكت وراضى ع الحلو والوحش؟ - أصل ده مش رضا عن اقتناع كمان-
طب وليه الدنيا على قد ما هى واسعة قوى ضيقة قوى؟
وليه الناس على قد ما هما حلوين قوى وحشين قوى؟
وليه وليه وليه؟
وليه العمر بيفوت واحنا لسه بنسأل ليه؟.....وإزاى؟.....ويعنى إيه؟؟؟؟؟؟؟؟؟؟؟

موضوع ممتاز والله

ولقد خلقنا الاسان فى كبد

وهو الانسان كده
نكدى على طول ويخنق

دايما اللحظات الحلوة بتبقى عمرها قصير

ولان الانسان فعلا كان جهولا لانه تحمل

مسئولية التعمير فى الارض

وكل مدى بنبتعد عن كتاب ربنا بيزيد جوانا الحزن

لان الحياة فيها ماديات سيطرت علينا

شكرا ليك ياسر