ناس كتير فاهمين الدين غلط
يمكن من وجهة نظرى انهما غلط
انا مش فقيهه
بس الناس بقت بتفهم الدين وحب ربنا غلط اوى اليومين دول
الشكليات بقت اهم حاجه
نسينا من جوا
نسينا حب الله
نسينا ان احنا نرضى ربنا فى نفسنا وفى اهلنا وفى مجتمعنا وفى اصحابنا
حتى ياربى الى بيعمل حاجه عشان يفيد بيها حد بيبقى حساباته كلها الناس واسمه ونفسه مابقولش انك ماتعملش حساب لنفسك
لا طبعا
لان انت علشان تحب ربنا وترضيه لازم تحب نفسك عشان تقدر تديها مكانتها وتقومها وتبعدها عن الخطا
بس كان فى دعاء جميل اوى
اوانا عن نفسى بحبوا جدا
(اللهم ارزقنى حبك وحب من احبك وحب عمل يقربنى اليك وحب رسول الله صلى الله عليه وسلم )
برتاح اوى نفسيا لما بادعى ربنا بالدعاء دا
وكنت بدور على كل حب من دول منفردا
طبعا العمليه كانت صعبه للغايه
بس اكتشفت بعد كدا حاجه او مش اكتشفتها
ربنا يكرمه استاذ فاضل كان بيناقشنى فى الموضوع دا وهوا الى دلنى عليها
ساعتها قاللى انتى كدا بتتعبى نفسك اوى
ركزى فى حاجه واحده
الى هى حب الله
وبعديها هتلاقى كل حاجه جايه مترتبه وراه
طب ايه علاقة الكلام الى انا كتبته دا باللكلاك الى فوق خالص
علاقته بسيطه اوى
عايزين مع بعض نفهم حب الله صح
نبتدى نسعى ونبتدى ندور على حاجه جديده نرضى بيها الله على حسب قدرتك
قال رسول الله صلى الله عليه وسلم (أحب الناس الى الله أنفعهم , وأحب الأعمال الى الله عزوجل سرور تدخله على مسلم , او تكشف عنه كربة , أو تقضي عنه دينآ ,أو تطرد عنه جوعا)