احلم معايا

فى ظل الضغوط الماديه والاقتصادية والكلية للبلد

مازال عندنا امل فى بكره

يااااااااااااااااه

ياترى بكرة دا هيكون شكلوا ايه

تعالوا نحلم

ياترى البلد بعد 10 سنين هايكون شكلها ايه

طبعا كل واحد فينا ليه احلامه مع شريك حياتوا

تعالوا كدا نعيش 10 سنين ادام

كل واحد فيكوا هيبقى زوج او زوجه

مسئول عن بيت واسره

كل واحد فيكوا هيبقى عايش فى المجتمع بتاعنا دا

يلا غمضوا عنيكوا وتخيلتوا

ياترى لما تخيلتوا كان شكلكوا ايه

وكان عندك كام ولد وكام بنت

كان حال البلد عامل ازاى

ووكنت بتشتغل ايه

طيب كنت مبسوط ولا ايه

بجد بجد ياجماعه انا عايزاكوا تغمضوا عنيكوا وتعملوا زى مابقولكوا كدا انا مش بهزر

انا عايزه فعلا شعور كل واحد فيكوا كان ايه

ياريت اشوف ردودكوا

انا احلم انى راجل اعمال قد الدنيااااااا
ومتزوج بنت الحلال اللى اخترتها
وبالف انا وهى العالم كله
بحكم عملى طبعا

وعندى 12 عيل وبنت
6 ولاد
6بنات
علشان كلهم ينضموا للمقاومه فى الراق وفلسطين الحبيبه
ويكونوا عاملين لدين الله

وكمان حال مصر يكون تغير
وسياستها خلاص تغيرت وبقيت احسن
والفول والطعميه ترخص
وبرضه احلم بانى افتح اكبر مطعم فول وطعميه فى العالم كله وافتح له فروووع فى كل انحاء العالم

وكفايه علشان انا صحيت

جمممممميييييييييييييييييل
ربنا يحققلك الى بتحلم بيه ان شاء الله يارب
ويارب كدا عقبال مانشوف احلام ناس تانيه

اكيد هيكون شعوري جميل جدا وسعيييييييييد انشاء الله
لما ربنا يكرمني بشريكة حياتي اللي اكيد هيكون صعب الاقيها طبعا

بس ده أكيد لما أخلص الكليه وسافر بره البلد ده
البلد ديه اللي انا بكرها طبعا عمرها مهتتغير ابدا بل كل يوم هي في النازل مفيش تقدم ابدا
ربنا يكرمني كده واطفش منها

ربنا يكرمك ويحققلك حلمك

شكرا على الرد
والله الاحلام كتير
بس عاوزه شوية عزيمه
يعنى مثلا
احلم برضه انى لا ارى طابور اى كان نوعه فى مصر
ممكن الحلم ده يتحقق؟

ممكن يتحقق
بس لو حد حط هدف ادامه انه يلغى الطوابير
ان شاء الله هتتلغى

انت مسمعتيش عن المقوه الجديده

بلد بتاعة طوابير صحيح

طيب انا فى اللحظه دى باحلم بساندوتش فول وطعميه

والمطعم قفل
ممكن احقق الحلم ده ازاى؟؟

ههههههههههههههههه
تصدق بالله انت عملتلى عقده نفساويه من الفول اولطعميه
بص انت لو مالقتش فول وططعميه
روح انتحر بقى احسن

شكرا على لحظة الحلم الجميل
لكن
انا مش هغمض عنيا واحلم
انا هشتغل بكل طاقتي
ومش هدي فرصه للوقت يضيع مني
مفيش احلام في واقع والي اقدر اعمله دلوقتي اعمله من غير تردد
معنديش فرص
معنديش وسطه
بمجهودي اصنع الفرصه لنفسي
وافضل احاول لحد ماخد حقي من الدنيا
وانا مفتح عنيا

مبدا جميل اوى
احييك عليه

لازم بكره يبقى احلى لو نظمنا حياتنا شويه
نفسى مايبقاش فى حروب ولا فقر ومصر تبقى احلى
واسافر ماليزيا
واجيب عربيه
واجوز واحد يكون ابن ناس

انا غمضت عنيا اهوه.................
................................
..............................
انا مش عارفه اكتب حاجه وانا مغمضه عنيا.....

انا شايفه نفسى بعد عشر سنين.......انى فى بيتى الجميييل.......اللى ديكوراته جميله قوى.....
و فيه اوضه للاطفال مليانه لعب جميله

ومعايا شريك حياتى اللى اخترته بدقه.......وبحاول اسعده بكل حاجه اقدر عليها.......عايزه اوري له فعلا يعنى ايه زوجه صالحه
ويكون متدين.....يصحينى كل يووم نصلى الفجر مع بعض.....ونحب ربنا مع بعض

وربنا يبارك لنا فى حياتنا

و يبقى عندى ولد اسمه على وولد تانى اسمه ادهم......و ان شاء الله بعد كاام سنه كده يبقى عندى بنت ......بس مش عارفه اسمها ايه
............

واكون دكتوره ف الكليه ......وفى نفس الوقت يبقى ليا نشاط بره الكليه .......هو ايه؟؟؟؟؟؟؟؟؟........اكيد انتى عارفه....البرامج الاسلاميه اللى بالاسبانى.....فى القناه الفضائيه الاسلاميه بتاعتى....

و ده طبعا مش هيشغلنى عن على وادهم.........هربيهم احسن تربيه.....تربيه اسلاميه ....وهطلعهم رجاله ان شاء الله .......
وهعلمهم الاسبانى من و هما صغيرين هكلمهم اسبانى عشان بيطلعوا بيتكلموه جاااهز.......ويا سلام لو يبقى فيه مدارس اسبانى..........

وهذاكرلهم كوييس.....وهبقى صحبتهم اللى بيحبونى وبيحكولى على كل حااجه..........

وفى اخر كل اسبوع نطلع انا وهما وبا باهم..........ونروح اى حته بالعربيه بتاعتنا عشان نتفسح.........

وهركبهم المراجيح والاعبهم واجيبلهم غزل البنات و فيشااار.............

بس اللى انا خايفه منه بجد....انى حاسه ان وضع البلد بعد عشر سنين...... هتكون مصر محتله.....انا عندى احساااس جامد ان ده اللى هيحصل......
..عشان كده خايفه قوى ما اقدرش احقق حلمى الصغير ده...............

انا فتحت عينى خلااااص........يا رب احقق حلمى

بحلم انى اعيش حياة هادية كلها حب مع الشخص اللى احبه ويحبنى وما يكونش من المنيا طبعا
وانى اعدى الكلية دى على خير و يكون عندى مشروع خاص بيا
و اجيب ولد اسميه عمر و افضل انا واصحابى مع بعض على طول
ويكون عندى شقة كبيرة على البحر فى الاسكندرية واجيب عربية
و نفسى احج انا و هو مع بعض
ونفسى دلوقتى اكل بيتزا و اشرب كنز بيبسى
و ياريت حد يصحينى بسرعة من الحلم اللى انا فيه
هههههههههههههههههههههههههههه Sleep

يارب يا ا حبايبى ربنا يحققلكوا احلامكم كلكم يارب
ومشاركتكم اسعدتنى اوى

مرسى يا لولى نوتينى يا قلبى
وربنا يوفقك يانودى ياقمر
ونرتينى يا انجل يا سكر
انتوا بجد زى العسل

انا بقى يا ادمن
حلمى صغير قوى
نفسى يكون عندى شركة خاصة اديرها
وده والحمد لله انا ادعى انى موهوب فى الادارة
وعلى الرغم من انى مبحبش انزل شركة بابا لانى بحس انها
مش ملكى
لكن لما بنزل بغير حاجات كتير
دا طبعا بجانب الاحلام اللى الناس كلها بتحلم بيها
النجاح وراحة البال و العربية (بتاعتى انا مش بابا ومن فلوسى الخاصة ) والشقة اللذيذة
اللى ديكورها جامد والزوجة الصالحة
بس تعرفى كل دا ممكن اتخلى عنه
لو اتاكدت لحظة انى ممكن ادخل الجنة
وبالنسبة لجرين
انا مش موافقه فى رايه
انا شايف ان الانسان لازم يحلم
اه يشتغل بكل طاقته
بس لازم يكون عنده حلم يشتغل علشانه
هو انا بتعب نفسى ليه ؟؟؟؟؟؟؟؟؟
هو ده السؤال
حتى لو هو حاطط هدف فالهدف ده فى حد ذاته حلم
لازم يشتغل لو عايز يحققه
زى باقى الاحلام
وشكرا يا ادمن على الموضوع الجميل ده
واتمنى انى اكون مطولتش عليكو

لا طولت ولا حاجه
احنا كلنا هنا عشان نسمع احلام بعض
مرسى ليك يا سايتو على الرد الجميل دا
وربنا يوفقك يارب ويحققلك حلمك ان شاء الله

انا بقي
غمصط عنيا وشوفت نفسي مع راجل و بنتين وولدين علي صفره
في بيت حلو
مليان سعاده
طبعا ده جوزي و دول اولادي
بنتفرج علي التلفزيون علي فلم كارتون عايزينه اولادي
جات اخبار بتقول ان الحاله الاقتصاديه اتحسنت %99
و تحسنت الحاله الاقتصاديه للعراق و فلسطين بعد مرور عامين من الاستقلال
و تخلصت لبنان و السودان من النزاعات الاهليه

و ساد السلام في العالم
و الحمد لله

انا نفسى احلم بحاجات كتيييييير

بس الحلم الاكبر بالنسبة لى

ان اشوف فلسطين دولة حرة مستقلة

واروح اصلى فى المسجد الاقصى

دى اكتر حاجة بحلم بيها

يارب يانور الحاله الاقتصاديه تكون كويسه وربنا يحققلك حلمك
وان شاء الله فلسطين تتحرريا موزا
وربنا يححقلكوا احلامكوا يارب