رساله

في زميل لينا
على المنتدي كان كاتب موضوع بيتكلم فيه عن مشكله
او تجربه مر بيها مع واحد صحبه كانت متعبه نفسيا بالنسباله
المهم في عدد من الاعضاء ردو على الموضوع بتاعه وانا كنت واحد منهم
لكن انا رديت باسلوب مختلف
حاولت من خلاله اني اهون عليه
وبكلام بسيط جدا وكانه بكلم واحد صحبي غالي عليا
انا لما قريت موضوعه حسيت بيه وتاثرت عشانه جدا
ولما رديت كان هدفي اني احسسه اني موجود وهسمعه لكن للاسف هو
تقريبا فهم عكس كده وظن اني بستهين بمشاعره
انا كنت هعتزر عن سوء التفاهم الي حصل لو كان سئلني اقصد ايه مدام هو مافهمش
لكن يا جماعه انا اتصدمت بالرد بتاعه ولاقيته بمنتهى الجرائة بيغلط فيا
بشكل فظيع لدرجة اني ماصدقتش
هو ده الي بيتكلم عن مراعاة شعور الاخر في قصته
طبعا الاسلوب غير مباشر لكن انا اتاكد
انه يقصدني انا لانه جاب كلمه من كلمات التعليق بتاعي في رده .
الموقف ده خلاني في حيره فظيعه قعدت اقول معقول هو ده الشخص الحساس
والانسان الجميل الي كنت لسا امبارح بقرا قصته مع صحبه
والي هو بيخاف على جرح الناس
قعدت اتفرج ازاي بيجرح فيا لدرجة اني قعدت اتخيل صورته
وهو بيكتب ردو عليا بجد صعب عليا وخلاني اعيد التفكير في الموقف الي كان بيتكلم عنه وانه ازاي ممكن يهدم نفسه قصاد الناس بسهوله
وان وسيلة في الدفاع عن نفسه وسيلة طفوليه جدا
مع اننا في منتدى النقاش مجاش في باله انه لازم يستوعب كل الاراء والردود
شفته ازاي بمنتهى التهور والتسرع بيغلط في حد هو ماحولش يدي لنفسه فرصه حتى يعرفه او على الاقل يفهم قصده
المفروض لما حد بيغلط في حد مايعرفوش هيسئلو انت تعرفني انت بتغلط فيا ليه قبل مايفكر يرد عليه ازاي
انا رجعت لكل الكتابات بتاعته وعاشان اعرف الشخصية دي كويس
وللاسف اكتشفت ان في فرق فظيع
بين الي بيكتبه وبيحاول يوصله لينا وبين التصرف الاخير ده
ولان المبادئ مابتتجزئش وللاسف دي حقيقة الي قدامي دلوقت

كان نفسي بجد اكون غلطان واعتزرله
ولا انه يكسر صورته قدامي بالشكل ده

حقيقي موقف لا يحسد عليه