اصعب حاجه

اكتر حاجه ممكن تقتل الانسان ........ الخيانه
ممكن الانسان يستحمل اى حاجه فى الدنيا بس صعب عليه اوى انه
يشوف اقرب الناس عنده انه يخدعه او يخونه
كتير اوى ممكن يسأل نفسه ليه؟ ليه يعمل كده
ايه سبب الخيانه ليه يقدر يجرح انسان بيحبه
تخيلوا كده لو
واحد بيحب انسانه وشايف فيها شريكة حياته وفجأه يحس انها متنفعش تكون معاه طول عمرها لاسباب هو ميعرفهاش مش ده اسمه خيانه؟
طيب هو مطلوب منه ايه بامن لحد تانى بعدها ولا يعيش بيشك فى كل حاجه قدامه
انا نفسي الواحد لما يخون يحط نفسه مكان الانسان التانى
بس هو مش بيشوف حد غير نفسه
انا بتكلم او يصراحه بحكى الى جوايا
ممكن الواحد ينسا اى حاجه بس صعب ينسى نفسه
مش عايز اطول عليكم بس
قولت اقول كل حاجه جوايا مع ناس متعرفنيش بس يمكن تحس بيا اكتر من الى .......سلام

انا معاك ان اصعب حاجه هى الخيانه
وعندك حق فى كل اللى بتقوله
بس يمكن اللى انت حاسس انها خانتك دى
لاسباب انت مش عارفه مش يمكن عندها اسباب قويه بس مش قادره تقولها
ماهو اصل ما فيش حد بيعمل حاجه من غير سبب الا لو كان
الخيانه دى طبع عنده وانت اكتر واحد ممكن يحدد الموضوع ده

عندك حق
بس الانسان الى بيحب هو اقل واحد يقدر يعرف خبيبه علشان هو مش بيشوف اى غيوب فيها
وحتى لو شاف عيب ممكن يعتبره بينه وبين نفسه انه ميزه بس اكيد هى خانتنى ولو حتى بكلمه
كلمة (انا ومعاك عمرى ما هسيبك ) بس سبيتنى ده مش اسمع وعد
ممكن انا حكمى غلط بس بجد مش عارف اقول يه.....؟

انا الوحيد الي عارف حقيقتك

بص يا اسلام اى حد لما لما بيجرح او بيخون مابيعرفش نفسوا انه جرح او خان الشخص الى ادامه
الخيانه كلمه كبيره اوى
احيانا بنطلقها على حاجات عامه وصغيره بس دا بيبقى من كتر جرحنا ومن كتر حبنا للانسان دا
يمكن انت تكون عملت حاجه غلط
فشلت فى حاجه معينه
اقعد امسك ورقه وقلم
واكتب غلطاتك
عشان ماتكررهاش تانى
وماتسميهوش فشل
سميها تجربه مضت واتعلمت منها
وخد بالك المره الجايه
واول تختار بدقه كويسه اوى
فى موضوع كان كاتبه ياسر حلو اوى ممكن تقراه
اسمه ليس كل من ابتسم لك يحبك
ياريت تقراه
وماتزعلش على حاجه راحت

iaani eh ana elwaheed ele arf haeatak ia green

فعلا الخيانة من اشد الاشياء قسوة على البنى ادم لكن لازم تتحمل علشان المركب تمشى وتحاول تستفيد من اللى فات

اسلام اذا كنت بتحبها زي مابتقول فحاول تعرف الاسباب وتسامح

لان التسامح من صميم الحب وممكن الاسباب تكون خارجه عن ارادتها

ولو مش عاوز يبقى انسى علشان تقدر تحب وتتحب تاني لان من كلامك واضح انك

حساس اوي ومش حتقدر تعيش من غير حب بس ياريت المره الي جايه تحب

باحساسك وتحسبها بعقلك وتبصلها بعقلها علشان تقدر تعرف اذا كانت بتحبك ولا مبسوطه

باهتمام وحب واحد ليها ------ وميرسي جدا يا اسلام باي....

Prinzessin كتب:: انا معاك ان اصعب حاجه هى الخيانه
وعندك حق فى كل اللى بتقوله
بس يمكن اللى انت حاسس انها خانتك دى
لاسباب انت مش عارفه مش يمكن عندها اسباب قويه بس مش قادره تقولها
ماهو اصل ما فيش حد بيعمل حاجه من غير سبب الا لو كان
الخيانه دى طبع عنده وانت اكتر واحد ممكن يحدد الموضوع ده

فعلا
انا معاكي في الرئي

فعلا الخيانه اصعب حاجه فى الوجود
بس انت لو بتحبها بجد اسالها وشوف ايه الداعى لكده
مش يمكن فى سبب كبير لده
وعلى العموم عليك انك تستحمل شويه وتستفيد من الموقف ده
والمثل بيقول ر ب ضر ه نافعه

برضه انا الوحيد الي عارف حقيقتك

قال رسول الله صلي الله عليه وسلم

ما تركت علي امتي فتنه من بعدي اشد من فتنه النساء
صدق رسول الله صلي الله عليه وسلم

والقرأن بيقول ان كيدهن عظيم
فربنا يكفينا ويكفيك كيد النساء يا اسلااااااااااااااااااام
واسال مجرب

سهران طول الليل والتباع نايم
اديها في الغيرات تديك في المطبات
واحنا بتوع الاتوبيس

هههههههههههههههههههههه
يااااااااااااااااه ع الرخامة
بدايتك ونهايتك متناقضين
خااااااااااااااالص خف ع الناس شوية
يابو شحاته بس عندك حق( ان كيدهن عظيم)

الرد:
جرين الوحيييييييد اللى عارف حقيقتك....

انا شايفة انك تحاول تعرف منها الاسباب اللي خلتها تبعد وتحاولو تحلوها مع بعض بس لو انت حسيت ان هي مش عايزة تكمل يبقي خلاص وانت كدة تتعلم و تخلي بالك وتفكر بعقلك مش بس تحب بقلبك

بص يا اسلام
الانسان لما بيحب بيتعمى
بيفتكر ان حبيبه ده ملاك
وان كل حاجة فيه حلوة
بس للاسف
لما بيخونه
بيفوق
وبيكتشف ان حبيبه مجرد انسان عادى جدا مش ملاك يعنى
وممكن يخون وممكن يكدب وممكن يغلط
انت الحب عماك عن الحقيقة
دى تجربة وعدت
بس بعدها متكررش غلطاتك
ومتثقش فى حد الا لما يكون فعلا يستحق ثقتك
الحياة مش هتقف
هتحب تانى وممكن تتجرح تانى بردو
بس لازم هتكمل
وربنا يوفقك