شبابيك 2

هنفتح الشباك النهاردة على موضوع غريب :
توأم روحى او SOUL MAT
ساعات كتير بحس ان فى شخص تانى فى اى مكان فى العالم بيكملنى
يعنى انا و هو او هى بنكمل بعض .بمعنى اصح فولة و انقسمت نصين
فى صفات فيه بتكمل صفاتى يعنى فى حاجات ناقصة هو يكملها و العكس طبعا
و طبعا مش هيكون فى اى اختلاف مابنا اكننا شخص واحد بالضبط
ممكن ما نتقابلش او يكون فى القطب الشمالى او الجنوبى مثلا فى اى مكان فى العالم
الحياة معاه اكيد هتكون شكل تانى
ياترى انتوا شافين ايه فى الموضوع
فى حاجة اسمها توأم روح ؟ والا لا؟
لقيته و الا لا؟؟؟؟؟؟؟

ويلا نفتح على الحياة شبابيك
خلى الدنيا شباب بيك

امممممممممممممممممممممممممممممممممممممممم انا عقتقد ان ان فية فعلا تؤام روح بس امتى دة بيحصل مثلا لما واد بيحب واحدة بيحس انها تؤام روحو ومثلا بنت وماماتها بس حكاية انو ميشفهوش دى بس يبقى حاسس ان فية تؤام لروحو معتقدش طب اة الى محسسو بكدة ؟؟؟؟؟؟؟؟؟
فهمتو قصدى

اكيد فى توأم روح
بصراحة انا ما فكرتش فى الموضوع بس عندى سؤال :
هوهينفع انى احسن ان كذا حد توأم روحى؟؟؟؟؟؟؟؟؟؟
وهل لازم يكون بين ولد و بنت والا بنت و بنت و ولد و ولد والا ايه بالضبط؟
بس فى كل الحالات انا لسه مالقتوش

وياريت الكل يشارك

موضوع جمل يا انجل بتاع المرده دى بجد السول مات دا انا بقتنع بيه جدا
فعلا فى حد كدا ممكن تلاقيه بيوافق الانسان الى ادامه
قليل الى بيلاقى السول مات بتاعه بس ممكن تلاقيه
ربنا يرزقنا كدا وكل واحد فينا لاقى السول مات بتاعه

موضوع جميل انجل

اعتقد أن توأم الروح ..هو الانسان الذي اصبحت انت كل شيء في عالمه.. وهو كل شيء في عالمك
وفي مفهوم توام الروح ..تكون المشاعر جسرا متبادلا مزدحما ارضه الخوف على الاخر ومداده الحب وزاده نبضات قلب لا يتوقف..
وفي مفهومي ان القلب يتوقف نبضه في بعضنا وهو مازال حيا يرزق ..
وقد يكون توام روحك صديق وبالطبع ستعامله معاملة الصديق ولكن ليس اي صديق ..
وقد يكو جمادا في حياتك لكنك تعتبره كذلك ..فأحدهم توام روحه بحر يزوره يلقي عليه التحية ويستمع الى حديث امواجه ..
ان توام الروح هو المتنفس الذي تهدأ روحك الجميلة بين احضان روحه شعورا نقيا من كل شيء الا الحب ..
وليس صعبا ان نجد توام الروح في حياتنا ولكن الاصعب حقا ان يستمر هو كذلك ..فلا تتوهم وجوده الا اذا طرق باب قلبك حبه النقي وشعورهه الطفولي الصادق الذي ابقت دمعته في عينيه رهينة لك انت وحدك!!

شكرا ليكوا بس ياسر هل لاقيت توأم روحك والا لسه
لولى بصراحة لا اعتقد ان ممكن اكتر من شخص يكون توامك
اكيد حد منهم بيفهمك اكتر من التانى وانتى بترتاحى معاه اكتر
الاء شعورك نحاية مامتك هو شعور امومة وحب بنت لامها
بس ما ينفعش انها تكون توأم روحك ومى ان شاء الله هتلاقيه
وشكرا للمشاركة

توام الروح ..هو اول من ترغب في سماع
صوته وهو اول من ترغب ان يسعفك موبايلك
ليظهر اسمه على شاشته ..وهو اول من تريد
اخباره بكل شيء حتى لو لم تملك ماتخبره به..
تسلم اديكى يانجل على الموضوع الجميل ده
بس للاسف صعب ان الواحد يلاقى توام روحه
فى الزمن اللى احنا فيه ده وربنا يوفق الجمييييع

والله يا انجل أنا لسه ربنا مرزقنيش بتوأم روحي

أنا ممكن أكون لقيت ناس ممكن يكونوا من النوع ده

بس ربنا يسهل

ربنا يرزقنا كلنا

يارب يا ياسر
وشكرا لردك يا انجل و فعلا عندك حق مينفعش يكون فى
اكتر من توأم روح واحد

بجد يا جماعة لذيذ موضوع تؤام الروح دا
واعتقد ان تؤام الروح مش بالضرورى يكون بين اتنين بيحبو بعض لان احيانا بيكون فى اتنين بيحبو بعض ومختلفين فى بعض الصفات والمزاج واعتقد ان ازمن دا صعب الواحد يلاقى فيه تؤام روحه وربنا يسهل ونلاقيه

يارب يا مصطفى
وشكرا على المشاركة

ميرسى يا انجل على الموضوع الجميل ده
بالنسبه لتؤام الروح انا فعلا حاسه ان ليه تؤام
روح وبحس بيه وبحس انه كمان هو بيحس بيه
احيانا بقعد اكلمه وبحس انه سامعنى وانه حاسس بى
انا مستنياه وحسه انه هو كمان مستنينى ادعولى الاقيه

مرسيه يا انجل المنتدى على الموضوع الجميل
انا فعلا بعتقد ان فيه توأم روح بس للاسف
لسه مالقتوش يا رب الاقيه عشان احساس حلو
اوى لما اكون مع توأم روحى

ميرسى يا جى جى...(حلوه جى جى دى ) ع الموضوع الجمييل ده........

انا شايفه ان مش شرط توام الروح يكون بين ولد وبنت.....لأ خالص ممكن جدا واحده صحبتك تلاقيها توام روحك.......

وانا الحمد لله لاقيتها.........وانتوا عارفينها ........فعلا بحس زى ما احمد قال انها اول واحده بفكر اكلمها لما اكون مضايقه....وانا انا ببقى مخزنه لها اخبااار قد كده واول ما نشوووف بعض بنقعد نرغى نرغى لغايه ما يبقى لااازم نسيب بعض وبيبقى للحديث بقيه برضه.....وهكذا.......الى ما لا نهايه

ليا عندها خصوصيه مش عند اى حد تانى وهى كمان ليها عندى خصوصيه مش لحد تانى.......يعنى هى ما بتحكيش لحد على كل حاجه زى ما بتحكيلى ولا انا.........

وانا حسيت ان دى فعلا اللى ممكن اطلق عليها تؤام روحى.......عشان بلاقى ان احنا بنعمل نفس الحاجات من غير ما نتفق ...
.يعنى انا مثلا واحنا فى سنه اولى كليه قولتلها مش انا دخلت مدرسه القران سنه اولى فائقات.......( وانا كان فى دماغى ان انا داخله كده عشان احفظ القران فى اربع سنين زى الكليه عشان لما اطلع من الكليه اكون حافظاه. بس ما قولتلهاش الكلام ده).......لاقيتها بتقولى ايه ده تخيلى ان انا كمان دخلت اولى فائقات.عشان اخلص القران مع الكليه.........شوفتى ازاااى يا انجل؟؟؟؟؟

.....لينا كده نفس الدماغ ونفس طريقه التفكير...نفس المبادى اللى بنحاول نثبت عليها احنا الاتنيين....وبنفوق بعض لما بنبعد عنها......انا فعلا حاسه انى عايشه معاها فى قصه حب

.مش بقوول ان احنا مش بنختلف فى حاجه.....بس ممكن هى تقنعنى بوجهه نظرها او انا اللى اقنعها.....او كل واحده تفضل على وجهه نظرها من غير ما نتخانق.......

بس يا خساره الحلو ما يكملش......المشكله انى مش بشوفها كتير لان الظروف كتييير مش بتسمح.......ولو كنت بشوفها على طوول ما كنش حالى هيبقى كده

ميرسى تانى يا انجل.........

:

زى مافى ناس متشابهة بالشكل اكيد فى متشابه بالطباع

اكيد فى تؤام او مشابه لروح الانسان

انا لاقيت كتير ناس متشابهة معى

ولاقيت الواحدة الى اقدر اقول عليها تؤام روحى فعلا

شكرا يانجل موضوع جميل

مرسي
علي الموضوع

فعلا حلو ان الواحد يلاقي توأم رحه
حد يحس بيك قبل ما تتكلم

شكرا لكل اللى شاركوا
وان شاء الله شبابيك 3 قريب