تنسيق ألسن ظهر يا ألسناويه

بسم الله الرحمن الرحيم

ازيكم كلكم يارب تكونو كويسين

وسنه سعيده عليكم ان شاء الله

مش هطول عليكم اكتر من كدا

النهارده الأحد 27 / 9 / 2009 الساعه 2 بعد الظهر

إتعلق كشوف التنسيق الداخلى للفرقه الأولى

وكمان الجداول لجميع الفرق الدراسيه الأربعه

وكانت النتائج كالأتى

دفعه اول ألسن 372 طالب وطالبه

قسم اسبانى 49 طالب وطالبه ..مجموع الدرجات 554 ..المئويه 97.19%

قسم إنجليزى 107 طالب وطالبه ..مجموع الدرجات 552.5 .. المئويه 96.92%

قسم أيطالى 62 طالب وطالبه .. مجموع الدرجات 548 .. المئويه 96.14%

قسم ألمانى 107طالب وطالبه .. مجموع الدرجات 544.5 .. المئويه 95.52%

قسم فرنسى 47 طالب وطالبه .. مجموع الدرجات 535.5 .. لمئويه 93.94%

وبالنسبه للأجازات الدراسيه

الفرقه الأولى يوم السبت اجازه

الفرقه الثانيه يوم الأحد أجازه

الفرقه الثالثه يوم الأربعاء اجازه

الفرقه الرابعه يوم الخميس أجازه

كشوف الجداول الدراسيه بالدور الأرضى بجانب الأسانسير

اسماء الطلاب بكل قسم موجوده فى الكشوفات التى بخارج المبنى

وبكدا بضع حداً للقيل والقال واللوكلوك الكتير

ودا يؤكد كلامى من اسبوع لما قولت النتائج ستظهر بعد اجازه العيد مباشره

انا مقولتش كدا من فراغ ولا منجم ولا مشعوذ

لكن الحمد لله لما باجى اتكلم اقول اى معلومه لازم بتأكد منها الأول كويس جدا واكون قدها وقدود

والحمد لله كنت قد الكلمه وقد المسئوليه وجبت لكم الأخبار الحصريه دى

شكرا ليكم واتمنى سنه دراسيه سعيده عليكم ان شاء الله

ميرسي ليك جدا ياتوتن
بس معلش يعني ليا طلب عند حضرتك
لوقدرت ياريت تنزل الجداول
بتاعت سنة اولى يعني علشان المغتربين كمان
ويبقى جزاك الله الف خيرررررررررررررر

انا فكرت فى كدا بردو بس مش هتبان اوى عشان هتلاقى شبكه سلك قدام الورق بس هحاول ان شاء لله اصورها من الشئون لو كدا هنزلها علطول وعد منى

على فكرة شكلها قصدها جدول المحاضرات يمكن

يا جماعه الدرجات المئويه اللى انا كاتبها الحد الاعلى مش الادنى
هبقى اجبلكم الحد الأدنى انشالله

ممكن حضرتك تنزل جدول المحضرات للفرقه الثانيه

والفرقة الاولى ربنا يبارك فيك

رسمي باشا دايما حصري

ربنا يكرمك