إعرفى عريسك بدرى بدرى..من طريقه أكله

اعرفي عريسك بدري بدري.. من طريقة أكله ....؟؟؟؟

1- إذا كان عادي يعني لا بياكل بسرعة ولا ببطء ولا دايمًا شبعان
ولامفجوع على طول..
يبقى شخص معتدل في عواطفه وقراراته ويبقى ده آخرالرجال المحترمين..

كلبشي.. واستعجلي الزفاف والحياة هتبقى بمبي

2- إذا كان بيحب الأكل زي عينيه.. وأول ما يدخل من الباب وقبل ما
يقوللك ازيك يقول لك ريحة التقلية تجنن ياروحي إنتوا عاملين ملوخية
على أرانب؟؟.. أموت أنا.. ويقعد ياكل ويحشر لحد ما يغمى عليه..
يبقي انسان طفس.. وهوائي.. وطايش

وأوعي تتجوزيه أحسن ياكلك وانتي نايمة....؟

3- أما إذا كان مش مهتم بالمرة.. لايقولك ده
حلو ولا ده عادب ولا مالح ولا مستوي ولا لسه ني ولا بيعلق أي تعليق..
وعمره مايقولك
جعان أو شبعان
يبقى إنسان مالوش لزمه.. وزي قلته..

وأنصحك بدل ما تتجوزيه إتبنيه..

4- أما إذا كان بياكل زى مايكون حد بيجري ورااااه وساعة الأكل بيجيله
حالة صرع معوي.. ويقوم من ع الأكل قبل أي حد تاني
يبقى متسرع.. ومتهورفي اتخاذ قراراته وممكن بعد الجواااز يكتشف إنك
لست ملهمته..ولست فتاةأحلامه ولستِ حلمه..
ويروح مطلقك
بالتلاتة..

إخلعي إنتي بدري أحسن لكرامتك.

5- أما إذا كان بياكل على مهله.. ويمزمز.. ف كل صنف لوحده.. ويسأل عن
كل صنف إيه مقاديره ومعمول إزاااي ويقعد يستطعم ف الأكل من
العصرللمغرب
حاسبي منه يا اختي ده النوع اللي له مخ.. وبيوزن الأموربطريقه تفقع
المرارة.. ولو في يوم طلبتي منه يقولك كلمة حلوة هايقولك مش عاملحسابي
ويقعد يفكر 3 سنين وبعدين يقول لك بحبك ويقعد يشوف وقعها عليكي
إيه؟؟
نظااااام شلل رعاش بدري.... بدري

إخلعي يا أمي

6- أما إذا كان بيقعد يقطع ف الأكل زي مايكون ف خناقة ويخبط فطبقه من
الغل.. ويقطع حتة اللحمة زي ما يكون بيدبحها.. ويتفتف.. ويتكلم.. طول
ماهو بياكل لما يغرق وشك أكل..
ده شخص عصبي جدًاااا.. ومع أول خناقة هايروح مناولك بالكرسي ف راسك
أوبالسكينة ف عينك يعمل لك عاهة مستديمة وبعدين.. يهدى.. ويقول لك:
"سوووري ياروحي هي جت فيكي..
معلش"

""معلش برَّه يا حبيبي وخد الباب ف أيدك""

7-أما إذا كان دايمًا قرفاااان دايمًا مش عاجبه العجب ولا الصيام في
رجب.. يع.. الملوخية تقيلة.. ياي.. السمنة كتيرة على وش الشوربة..
ياساتر.. دا محشي ولاصوابع مووووز.. أووووف.. الرز محصويل.. يامَّه
المكرونة معجنة..

إذا كان كده توكلي على الله وهاتي أحمى ساطووووورعندك
وأنا أعرف لك واحد محاميهايطلعك منها زي الشعرة م العجيييين

>>والأحسن من ده كله..... مالها القعدة ف بيت
أبووووووووكي؟؟

هههههههههههههههههههههههههههههههه
انا عارفه يا اخويا
والله جبت التايهه
بلا رجاله بلا جواز بلا وجع دماغ
ايه فعلا القرف دا

حقك عليا ياستي
عنك ما تجوزتي علشان متوجعيش دماغك

قشطة يا ياسر زى الفل
بس طبعا اكيد فى استسنائات

اه طبعاً
لكل قاعده شواذ
شكرا ليكي يا DERA على مرورك الجميل

والله انا احترت معاك
يا ياسر انته مع الولاد
ولا مع البنات
حدد موقفك بالظبط؟؟؟؟؟؟

انا موقفي وسط
علشان محدش يزعل
ازعل البنات شويه والاولاد شويه

ههههههههههههههههه

بعد الي قولته
هقعد في بيت ابويا
لايمكن افكر

ههههههههههههههههههه
لا موضوع جامد
افدتنا افادكم الله

شكرا لنصايحك الجامدة دى يا ياسر

nour
Prinzessin
fulla_flower

شكرا على المرور وربنا يكرم كل البنات

واذا كان ولا واحد من دول اعمل ايه ههههههههههههههه