دموعك ضعف ام ماذا؟

فى مشكله كبيره اوى بتواجه ممكن كذا حد
الى هى ايه

الدموع

لو انت انسان دموعك قريبه اوى

لو انسان حساس اوى

هل الناس بتفهمك انك انسان حساس ولا انسان ضعيف ؟

هل واجهت مشاكل بسبب الموضوع دا ؟


طب لو انت ماكنتش كدا


وقابلت حد دموعه قريبه اوى واول مابتحصل حاجه تروح دموعه نازله


بيبقى حكمك علية ايه ؟؟


هل بينزل من نظرك ولا ايه ؟


وياريت بقى لو حد عنده طريقه للناس الى دموعها قريبه يكتبهالنا هنا ؟

أنا عن نفسي دموعي بعيده جداً
بس لما بشوف حد دموعه على خده بحزن من جوايا بس الدموع بتزل بصعوبه مني
دا حتى لما شوفت الصوره كنت هعيط

مرسى على ردك ياسر ومنتظرين اراء باقى الاعضاء

مش كل دمعه تبقى دمعة ضعف

فهناك دموع الخوف من الله
وهناك دموع الفرح
والكثير من الدموع

وهناك دموع الابطال
وهناك دموع فقد الحبيب

الموضوع كله دموع الصراحه
اه نسيت صحيح
هناك دموع الطبيبخ
لما نقطع بصل
ودا باعمله كل اسبوع
علشان ارضى بطنى
اتعب عينى
ودى بتكون الذ دموع الصراحه

ههههههههههههههههههههههههههههههه
مرسى على ردك

اى خدمه

موضوع الدموع ده فكره حلوه وممكن يكون بيدل علي حساسيه الناشر (حلوه الناشردي) بس انا شايف انها بتختلف حسب الشخصيه والموقف لان مش لازم ابكي علي طول علشان مظهرش ضعيف قدام غيري وقدام نفسي وكمان هناك مشاكل لا يمكن حلها غير بالبكاء

يا جماعه انا قصدى على الدموع الى الواحد مش بيقدر يتحكم فيها
يعنى ممكن تلاقى مره واحده دموع كدا نزلت غصب عنك
زماقدرتش تمسكها فهل هذا ضعف؟

ايوه ايوه فهمت انت تقصدى ايه
هى مفيش غيرها
دموع البصل
بتنزل غصب عنى والله كل ما اقطع بصل
ومش باقدر اوقفها خالص

هههههههههههههههههههههه
لا مش دموع البصل
تقدر تسميها دموع الحزن او دموع الكرامه

ههههههههههههههههههههههه


ماهو برضه دموع البصل دى هى دموع الكرامه

لما الواحد يتزنق فى تقطيع البصل بتصعب عليه نفسه
تروح الدموع نازله
مش السبب البصل يعنى
لا لا
دا هو الواحد بس بتصعب عليه نفسه لما يقطع بصل

ماتخفيش من الدموع
الانسان الي بيبكي انسان عنده قلب
والدموع بتطهر الروح وتغسل الوش من ملامح
الهم
الضيق والحزن
واحلا ضحكه تضحكها وانت بتبكي
على فكره
انا بعرف افرق بين دموع التماسيح والدموع الحقيقية
يعني لما يبكي انسان قدامي
من موقف بجد بحس بيه وبتاثر عشانه
ومش عيب ابدا انا تكون دي طريقة تعبيره عن الموقف
انا بحترم المشاعر الانسانية ايا كانت
مدام طالعه من القلب وبصدق

مرسى على المشاركه
وياريت كل الناس تبقى زيك كدا

الدموع تعبر عن رقة صاحبها ومدى احساسه
ولكن مش مطلوبة فى كل الاوقات

المفروض ان الناس يقدروا يتحكموا في نفسهم قدام غيرهم والا هيبان ضعيف او عايز حاجه فمش عارف ياخدها بنفسه يضطر لانه يستخدم اخر سلاح وهو الشفقه (الدمع)وانا كلامي عن دموعي قدام غيري مش قدام نفسي

دموع الشفقه دى دموع التماسيح اعتقد
فى ناس فعلا ماعندهاش تحم فى روحها يامصطفى وانا كتبت انه لو حد عنده طريقه لتمالك الدموع
ياريت يكتبهالنا

انا عندى طريقه

اول ما تلقى نفسك هاتبكى كده ودموعك هاتنزل
افتكرى اى نكته حلوه
او موقف مضحك حصل لك

وحاولى متفكريش فى السبب اللى يخليكى تنزلى الدموع

ممكن بردو
اقتراح وجيه

بس يا انسه مى
احيانا بتكون الدموع
افضل واحسن طريقه للراحه بعد ذلك

فخروجها بيكون افضل من انى امنعها وبعدين يسبب لى ذلك اكتئاب اكبر
وياس
لكن الدموع فى حد ذاتها فضفضه
مش لازم نمنعها يعنى
ولا انا غلطان؟

من لا دموع له لا قلب ولا كرامة له
الدموع بسبب جرح فى القلب
او فى الكرامة ومن لا يبكى
على جروحه فلا احساس عنده
ومن لا يقدرها فلا تميز عنده


w ana m3a a7mad

مرسى لتفاعلكوا الكبير دا يا جماعه

الدموع بتريح احيانا كتير
احنا بشر بنتاثر ومن حق كل واحد ان يعبر عن تاثره بالطريقه اللى تعجبه
بس احيانا فى مواقف الواحد لازم يمسك نفسه فيها
عشان اللى حواليه

مرسى لردك ياقمر