لا تشاهد هذا الفيلم

فيلم ضائع فى الترجمه
فيلم من النوع اللي ما تتتفرج عليه تقول لنفسك “ايه العبط دة وليه ضيعت ساعة ونص فى فيلم مش لاقى فيه فايدة مباشرة تريحنى , ولافايدة غير مباشرة أجتهد فى البحث عنها” …
ودة اللي حصل معايا بالظبط أول ما أسدل الفيلم أستاره .. بس لأنى كنت متأكد ان فيه معنى ما ورا الفيلم دة وفى نفس الوقت كنت حابب الفيلم من قبل ما اتفرج عليه ؛ فدورت على مقالات نقدية له على أمل انى افهم هو عايز يقول ايه .. قريت عنه كام مقالة كدة لكن اللي شد انتباهى جملة فى احد المقالات دى أن الفيلم دة هو فيلم “المشاعر العصية على الترجمة” …
الفيلم دة فكرته كلها مش فى احداثه ولا فى قصته .. الفيلم كله مستخبى فى الأسم ..”ضائع فى الترجمة”
كام علاقة انسانية على مدى حياتك بينك وبين أى حد انتهت أواندثرت أثارها أو اتقتلت روحها أو أخذت منحي أخر لمجرد فشل فى الترجمة بينك وبين الطرف الآخر؟!
فشل فى ايصال وترجمة مشاعرك الحقيقة له .. ايجابية كانت أم مشاعر سلبية
والدك .. والدتك .. اخوك .. اختك .. أصدقائك .. زملاءك .. شريك حياتك .. أى حد تهمك علاقتك بيه أو حد عموماً يتعين عليك التعامل معاه من وقت لأخر
ولو حصل وأحد الطرفين أو كلاهما قدر يتجاوز جدار ترجمته العازل بيكون :
1. الطرف الآخر مصمم على الاختباء وراء جدار ترجمته العازل
2. الآوان فات وحان الفراق .. فراق فى الأمكنة مثلاً
3. فراق نهائى نتيجة انتهاء حياة أحد الطرفين
الفشل بتقع مسئوليته على عاتق الطرفين…
على عاتق المرسل فى ايصال رسالته سليمة .. وعلى المتلقى فى فهم الرسالة صح وتنحية الظنون والوساوس ومعاملات اساءة الفهم جانباً واللي بتؤدى فى النهاية لنتيجة واحدة .. ان يصبح كلا الطرفين …

نصيحه
لا تشاهد هذا الفيلم))
LOST IN TRANSLATION

RASMY_2008

لا فعلا قيمته عاليه جدا يا محمد
من اصعب الحاجات فى الدنيا انه يكون الانسان مابعرفش يوصل للناس الى ادامه كلامه

thanks for
this nice
topic