إزاى ألفت نظرها ليا من غير ميداس عليا

ازاى الفت نظرها ليا
اروح اجر عربيه
واقول للسواق يدوسها
واجرى انا وانقظها
واتصاب ع شانها واعمل عمليه
يمكن تبقى خايفة عليه
وتقولى بكل حنيه
"والله صعبت عليا"
ولا اروح أجيب نادورجيه
واخليهم يعاكسوها شويه
واجى انا اضربهم
وامثل افلام هنديه
واعمل نفسى بطل
وان القوة كلها فيا
ولا احسن اخليهم يتلموا عليا
ويضربونى العلقة اللى هيه
يمكن قلبها يتأثر ولا يرق شويه
وتقولى بكل حنيه
"والله صعبت عليا"
ولا اطلع على الشجرة اللى قدام بتها هي
واديها وردة حمرة او ممكن اصريه
او بوكية ورد واحطه فى زهريه
واقع من فوق الشجرة قدامها
وتتكسر حاجة فيا
يمكن قلبها يدق ويحس بيا
وتقولى بكل حنيه
"والله صعبت عليا"
ولا اديها جواب
ولا عمل من اعمالى الادبيه
زى القصيدة الشعريه
اللى كتبتهالها بأديا
يمكن تفكر فيا
او حتى لما تشوفنى
تبقى تسلم عليا
ولا بلاش لاخد شتايم من اللى هي
"جرى اية ياروح قلبى بقى انت معجب بيا"
وتيجى المنطقة كلها تتلم عليا
وكلهم يفضلوا يضربوا فيا
واللى يجيبوا السكاكين من النمليه
واللى يضرب بالطبليه
ولا يمكن لما تشوفنى
متكوم على الارض وفى الحالة ديه
تيجى تجرى عليه
وتمسك اديا
وتقولى بكل حنيه
"والله صعبت عليا"
واخيرا بعد كل الحورات ديه
هتجوز بقى انا وهيه
ونخلف فتحى ونبويه
وده كله جزء صغير من امانيه
بس للاسف
حتى المواقف ديه
حلم كبير عليا
ودى هى قصتى
حكتها لكم فى صورة كوميديه

ايه ياعم
هى فيها ضرب يعنى
بلاش احسن
تروح فى داهيه
قال انضرب قال
بلاش منه وجع القلب ده

هههههههههههه
شكرا لمرورك

هههههههههههههههههههههه
دا ايه البهدله دى

الحب بهدله وشندله
ههههههههههه

هههههههههههههههههههههههههههه
احسن فيكوا

thanks guys 4 ur replys

thanks very funny

welcome

ya 7araaaaam .. bas hwa kda (al 7ob bahdlaa )

والله صعبت عليا مابلاش منه الحب اللى يودى المستشفيات ده

ليه يا ابني ده كله
جمد قلبك وروح كلمها على طول
بطل اللي انت فيه Laughing

والله ياجماعة هوه الحب بهدلة
بجميع المقاييس يعنى تحسبها
كده هيه كده
وربنا يصبرنااااااااا

katkotahanem
magic
a7medshaban

thanks 4 ur replys

الحب بهدله يا بوب
استحمل شويه Laughing

اشطه يا شافعي