البندقيه ولا البنطلون!

مرة كنت راكب مع سواق تاكسي عجوز شوية و كنا معديين من قدام النادى، ولد صغير عنده 12 سنة كده وّقّف التاكسي عشان يعرف يعدي الشارع ف السواق وقفلوا.أتاري الولد كان بيعدي ببطء غريب عشان – معلش سامحوني ف اللفظ – البنطلون كان مدلدل حبتيين. بعدها بشوية لقيت الراجل بيقولي “إيه الموضة الغريبة دي؟ ده حته الواحد يختشي يبين الغيار بتاعه.مالهم منزلين البنطلون أوي كدة؟ هي الناس حصلها إيه؟ طيب لو إسرائيل ضربتنا هيحاربوا كده؟ طيب هيمسكوا البندقية ولا البنطلون؟؟؟؟؟؟؟؟؟”