alsunawy
عزيزي الزائر

لأنـنـا نـعـشـقِ التـميز والـِمُـِمَـِيّـزِيْـن يشرفنـا إنـظمـامك معنـآ في مـنـتـدانـا
منتدى ألسنـــــــاوي
أثبـت تـوآجُـِدك و كن من الـِمُـِمَـِيّـزِيْـن ..!



ادارة المنتدي



منتدى يجمعنا كلنا
 
الرئيسيةالبوابةاليوميةس .و .جبحـثالتسجيلدخول

شاطر | 
 

 كان وهم كبيييير بس مفيش حد بيتعلم بالساهل

اذهب الى الأسفل 
كاتب الموضوعرسالة
hams
عضو جديد
عضو جديد


انثى
عدد الرسائل : 1
العمر : 28
العمل\الترفيه : ?
تاريخ التسجيل : 17/05/2011

مُساهمةموضوع: كان وهم كبيييير بس مفيش حد بيتعلم بالساهل   الثلاثاء 17 مايو 2011, 12:53

عشت معاه كل حاجه كان نفسي فيها كان كل حاجه ليا ف وقت كنت فيه نجمة بعيده اوي محدش يحلم يوصلها
جيت لحد عنده بنفسي مش عارفه ايه خلاني اعمل كده و بسرعه بقيت بحبه اوي اكتر من اي حد تاني ونسيت نفسي معاه كان كل يومي بس ليه وبعدت عن صحابي و اهلي وكل الناس عشانه كانت الكلمة منه بتطلعني السما و كلمة تانيه تخسف بيا الارض و معاه اتنازلت عن كرامتي و استحملت تجاهله ليا و كنت بردو بكلمة عشان مش بقدر يعدي عليا يوم غير لما اسمع صوته و باقي اليوم بفكر ف كل كلمة قالهالي
اتغيرت اوي عشانه و عملت كل حاجه اقدر اعملها عشان ارضيه واقربه مني و اخليه يحبني مش زي ما حبيته عشان كان حبي ليه اكبر من انه يقدر يوصله بس كان نفسي احس باهتمامه بيا كان نفسي هوا اللي يبدأ بالسؤال عني كان نفسي يحس اد ايه ف عز تعبي كنت بسأل عنه واتطمن عليه و ياريته قدر كل دا
قاللي بحبك بعد 5 شهور من وقت ما قولتهاله وقتها كنت مبسوطه اوي و طايرة مالفرحه كنت حاسه اني ملكت الدنيا بالكلمة دي و اتعلقت بيه اكتر و نسيت نفسي اكتر واكتر ولا بقت تهمني مزاكرة ولا اكل ولا نوم بقت اهم حاجه عندي لما الاقي موبايلي بيرن باحلى نغمة و ارد عليه ببقى مش عايزة اتكلم و محتاجه بس اسمع صوته و لو سكت ثانيه كان بيوحشني و اقوله اتكلم انا عاوزة اسمعك وكان يضحك
معاه بقيت بسمع اغاني واركز ف كل كلمه فيها واسرح واحس انها بتتكلم عن حالتي معاه و شوية شويه ساعات الكلام بقت بتطول و ييجي وقت الصلاة ومش اقوم و بتروح عليا لحد ما وقفتها ..انام ولا اكلمة لأ اكلمه ازاكر ولا اكلمة لأ اكلمه اكل ولا اكلمه لأ اكلمه والصلاة؟ اصلي ولا اكلمه ازاي يعني اصلي واغضب ربنا ف نفس الوقت ماهو مش يحللي حتى لو مش بنتكلم ف حاجه حرام كلامنا ف حد ذاته هوا اللي حرام و بدال ما اوقف كلام وقفت صلاة و ف يوم بكلمة قاللي ستوب مش عاوزك تاني و سابني وقت طويل حاولت فيه اكلمه عشان مش قادرة اكمل من غيرة بس مكنش بيرد عليا خلاص عاش حياته وانا ولا على باله و مرت ايام وشهور و ف اليوم اللي قولت لنفسي كفايه حزن متخسريش نفسك لقيت موبايلي بيرن كلمني تاني!!
حسيت اني بحلم كان واحشني اووووي بس مكنتش عاوزة ابين دا بس هوا مش قاللي وحشتيني قاللي بسأل عنك مانتي ف يوم كنتي حد اعرفه بردو ..على اد ما كنت زعلانه من الكلام دا على اد ما فرحت و فرحت بجد روحي رجعتلي من تاني و رجعنا قريبين من بعض اكتر مالاول بس مش بنفس احساسي زمان لحد ما جبتله هديه و فضل يتريأ عليها وعليا من وقتها بقى حسيت اني بجد مش مستحمله كفايه كده بس من غير ما اقولها اهتمامي قل و كلامي قل مبقاش يفرق معايا اكلمه او لا اشوفه او لا و ابتديت اشوف عيوبه اه متأخر اوي بس بقيت بركز عليها و فالوقت اللي بقى مش قادر يستغنى عني انا قادرة اخد قرار زي دا
انا مش ندله ولا هنسى حد انا عرفته وكان اقرب الناس ليا ف وقت بس اللي مش يقّدر كل دا بجد مش يستاهلني وكفايه كده خسارة اضيع نفسي وابعد عن ربي اكتر
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
يويو
عضو جديد
عضو جديد


ذكر
عدد الرسائل : 116
العمر : 25
العمل\الترفيه : i love the love
تاريخ التسجيل : 18/07/2010

مُساهمةموضوع: رد: كان وهم كبيييير بس مفيش حد بيتعلم بالساهل   السبت 21 مايو 2011, 07:35

تقريبا انا عمرى ما شفت حد بيحب حد كده.
وانا اسف انى اقلك انك انتى الغلطانه.
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Blume
عضو جديد
عضو جديد
avatar

انثى
عدد الرسائل : 201
العمر : 30
المزاج : الحمد لله
العمل\الترفيه : خ.المانى 2010
تاريخ التسجيل : 29/12/2008

مُساهمةموضوع: رد: كان وهم كبيييير بس مفيش حد بيتعلم بالساهل   الجمعة 17 يونيو 2011, 19:21

الحب !!!! كداب اللى يقول فاهمه الحب هو اغرب شى فى الوجود وعلى راى الست ..اهل الحب صحيح مساكين.. انا راى يا همس انك كان لازم تتاكدى من حقيقة مشاعره ناحيتك قبل ما تحبيه وتثقى فيه كل ده, عالعموم خليها تجربة قدام عنيكى للايام الجاية وان شاع الله يا جميل تلاقى الحبيب اللى بجد يستاهلك.
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
كان وهم كبيييير بس مفيش حد بيتعلم بالساهل
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
alsunawy :: `·.¸¸.·´´¯`··._.· ( ALSUN CAFE ) `·.¸¸.·´´¯`··._.·` :: فضفضة-
انتقل الى: