حبيبتي سابتنيعشان لقيت واحد غني

شوفتم اللي بحبها سابتني عشان الماديات وهتتخطب بعد بكرة ومش عارف اعمل اية والمصيبة انها بنت خالتي
وتعبت ومرة افكر انتقم منها ومرة اقول كل حاجة نصيب وبامكاني اكلم خطيبها واحكياه عن كل حاجة كانت بتحصل بينا واخلية يفسخ الخطوبة والتفكير تاعبني وباباها وافق علي العريس دة لانه راجل مادي حد يفضفض معايا ماتسوبنيش اهري مع نفسي حد يفهمني اعمل اية بالظبط ياجماعة انا مش بدخل البيت ولا باكل ولا بشرب وقربت اتجنن

لا يا اسامة مش صح ان انت تكلم خطيبها
وانا من راى ان اللى باعك بيعة وانت بتقول انها حبيتك
بس انا معتقدش انها بتحبك لو بتحبك عمرها ما
هتسيبك علشان الفلوس لان الفلوس عمرها ما بتخلق السعادة
اكيد طبعا صعب انك تنساها بس فكر كويس انها دلوقتى مبسوطة مع واحد تانى
فانت كدة الخسران انها سابتك وانك قاعد مقهور وهى مبسوطة
متسيبش نفسك للزعل كون مستقبلك واثبت ان انت كويس
وانها خسرت اما سابتك
كل شى صعب فى البداية بس بعد كدة هتتعود ومع اول واحدة
تعجب بيها هتنسى حبيبتك خالص
بس حاول من جواك انك فعلا تنساها
وربنا معاك