تفتكروا العيب فمين؟؟؟

الامانى والرغبات اكيد عند كل واحد مننا ,ولكل واحد رغباته المختلفة...كل واحد بيفكر هيعمل ايه فى الاجازة بيفكر ازاى هيستثمر الوقت الكبير ده.. فى واحدة صاحبتى فكرت انها تروح الجيم هى دى كانت فكرتها لشغل وقت فراغها لكن هى مارحتشى.. لما عرضت على باباها الفكرة رفض وبشدة..عارفين ليه؟؟؟ باباها قالها انه خايف عليها!!!!طبعا انتوا مستغربين زى ما انا مستغربة.. باباها متابع قوى للتليفزيون واللى بيحصل كل يوم من خطف وسرقة واغتصاب للاسف فى الشارع المصرى دى وجهة نظر باباها,,خايف عليها..لكن هى ثارت وزعلت قوى لما سمعت رد باباها لانها شايفة ان سبب رد باباها غير مقنع هى عارفة كويس ان الدنيا مبقتش زى الاو شايفة انه الخوف منعها من انها تمارس حياتها العادية وقالتلى انه مينفعش الخوف يحبسنا ويمنعنا انا عن نفسى معرفتش اقولها ايه.. تفتكروا مين اللى غلطان ..باباها لانه خايف عليها زيادة ولانه شايف انه الدنيا مبقتش امان زى زمان حتى لمجرد انك تروح الجيم؟؟؟ ولا العيب فى الايام اللى عايشنها واللى خلت باباها يخاف للدرجاتى؟؟؟ ولاا العيب فى صاحبتى اللى رافضة ان الخوف يمنعها من ممارسة ابسط رغباتها؟؟؟...