alsunawy
عزيزي الزائر

لأنـنـا نـعـشـقِ التـميز والـِمُـِمَـِيّـزِيْـن يشرفنـا إنـظمـامك معنـآ في مـنـتـدانـا
منتدى ألسنـــــــاوي
أثبـت تـوآجُـِدك و كن من الـِمُـِمَـِيّـزِيْـن ..!



ادارة المنتدي



منتدى يجمعنا كلنا
 
الرئيسيةالبوابةاليوميةس .و .جبحـثالتسجيلدخول

شاطر | 
 

 بعد التخــرج .... بيجي التشــرد !!!

اذهب الى الأسفل 
كاتب الموضوعرسالة
Y a S s e R
المشرف العام
المشرف العام
avatar

ذكر
عدد الرسائل : 4319
العمر : 31
العمل\الترفيه : FedEx Express

تاريخ التسجيل : 16/01/2008

مُساهمةموضوع: بعد التخــرج .... بيجي التشــرد !!!   الخميس 11 يونيو 2009, 06:09



طابور طويل عريض... ماشيين فيه كلنا ... لابسين البالطو والكاب
الإسود... وورانا أهالينا واصحابنا وكل حبايبنا... اللي بيزغرط واللي
بياخد كام صوره في اليوم العالمي ده واللي بيعيط من الفرحة ومش مصدق إننا
خلاص كبرنا ودي طبعًا "ماما".
لأ وماشيين كمان وقدامنا زفة حسب
الله... هو المشوار مش بعيد من السلم لحد القاعه بتاعت الاحتفالات ... بس المشوار اللي مشيناه في حياتنا لحد ما وصلنا لليوم ده هو
اللي كبير وطويل فعلاً... 5 سنين ابتدائي على 3 اعدادي على 3 ثانوي وآخرهم
4 أو 5 جامعة... المهم إننا في اليوم ده وفي نهاية المشوار الطويل في
الدراسة من ابتدائي للجامعة القصير في المشي من السلم للقاعة... !!!
هناخد ورقة من الجامعة بتقول إننا إتخرجنا.... وهي في
الحقيقة بتقول إننا خلاص مبقاش لينا قعاد في الجامعة... بيني وبينكم هو
طرد بس بشياكة.... طول عمرنا من أيام المدرسة وهم دايمًا بيقولولنا
المدرسة بيتكم التاني ولما كبرنا شويه وسبنا المدرسة بقت الجامعة بيتنا
التاني... لأ وأحيان كتير بقت الجامعة بيتنا التالت والرابع كمان...
في
ناس كانت بتروح الجامعة عشان تتعلم وتاخد محاضرات وامتحانات، وفي
ناس تانية كانت بتروحها عشان هي النادي بتاعها فبتروح تشوف أصحابها وتقعد
معاهم أو يعملوا أنشطة يخرجوا فيها الطاقات الكبيرة اللي عندهم أو يقابلوا
أشخاص هم بيحبوهم، المهم إن كل الناس إللي كانت واخدة الجامعة جد أو اللي
كانت واخدها فسحة بقي عندهم فراغ كبير بعد ما اتخرجوا... وناس كتير منهم
حسوا إنهم اتشردوا.
بعد الجامعة الأيام بقت مختلفة... ومختلفة جدًا
كمان... بالنسبه للولد والبنت... يمكن لأسوء يمكن لأحسن... حسب الظروف...
بس عادةً اللي بيحصل إن البنت بعد ما بتتخرج- ده طبعا ف حالة عدم الحصول
على وظيفة- بتقعد جنب ماما تتعلم كل حاجة عن البيت خصوصًا وإن الحجج بتاعت
المذاكرة أيام الجامعة خلصت خلاص !!
أما الولد بقى فحالته
حالة... لأن أهله بيتحملوه ويتحملوا مصاريفه أيام الجامعة على أمل إن هو
لما يتخرج يشتغل... فلو مشتغلش بيسمع كل ساعتين كلمتين في جنابه.... لإنه
مش بس المفروض يلاقي شغل لكن المفروض كمان يعمل أي حاجة ما تخليهوش يقعد
في البيت زى البنات كده... !!
المهم
إن الحياة بعد التخرج ناس كتير بتشوفها وحشة... لأنهم بيعتقدوا إن النهاية
في التخرج.... وعلى فكرة كلامي اللي مكتوب فوق ده بيحصل للناس اللي بتبقى
حياتها في المذاكرة وبس... مع إن الحياة مش كده خااااااااالص.... وبجد
بعد
التخرج بيكون عند الواحد أكتر من اختيار... هتقولوا لي إن احنا بنتخرج
عشان نشتغل... طب ولو ملاقيناش شغل... نعمل ايه يعني؟!! نحط إيدنا تحت
خدنا ونقول ما هو ده حال كل الناس وكل الشباب مش لاقي شغل... لأ وإيه في
ناس كمان بتقول يللا نهاجر... طب وبعد ما تهاجر هتلاقي الشغل... والا
هتلاقي يعني الخضرة والوجه الحسن هناك؟!! Absolutely وعلى رأي المثل "من
خرج من داره إتقل مقداره"...
مش عارف بس أنا بأشوف، ودي وجهة نظر
شخصية... إن الحياة بتبتدي بعد التخرج... عارفين ليه؟!! لإن الواحد أيام
الجامعة بيكون كل تركيزه على المحاضرات والأبحاث والتكليفات
المطلوبة منه... ويا سلام لو هو مشترك في نشاط أو مثلاً بيمارس رياضة
وعنده بطولة فالتركيز بيكون مضاعف لإنه لازم يعمل كويس في المذاكرة أو على
الأقل يظبط نفسه إنه يعدي ولازم كمان يعمل كويس في الحاجة التانية اللي
عنده جنب المذاكرة... يعني من الآخر مش بيكون شايف قدامه...
لكن بعد
التخرج بيكون عنده وقت كبير... ناس كتير أول ما بتتخرج بتعمل دراسات عليا
ماجستير يعني.. ده كويس بس هم عادة ما بيفكروش قبل ما بيعملوا ده وما
بيدوش نفسهم فرصة عشان يفكروا أصلاً... لإن المفروض الواحد بعد ما يتخرج
ياخد على الأقل كام شهر يقعد فيها مع نفسه... يرتاح من المذاكرة ويحس إنه
اتخرج فعلاً وما بقاش عنده ضغوط المذاكرة والامتحانات ويفكر بقى برواقة هو
عايز يعمل ايه؟!! لإنه مثلاً ممكن يكون عاوز يشتغل في حاجة غير اللي درسها
في الكلية خالص... وهنا هيبدأ يتعرف على الحاجة الجديدة ديه ويحاول ياخد
كورسات فيها... وممكن قوي يشتغل في حاجة بعيدة خالص عن دراسته ومع ذلك
يلاقي نفسه فيها ويحب يطور نفسه أكتر... فيبقى لازم لو هكيمل دراسات عليا
يكمل في نفس مجال شغله عشان يستفيد من الدراسة في الشغل وما يكونش مخه
مشتت لإن الشغل في ناحية والدراسة في ناحية تانية خالص...
ده لو
احنا بنتكلم عن حد هيكمل دراسات عليا بعد التخرج... أما بقى لو حد مالوش
في المذاكرة أصلاً... وبدأ يدور على شغل فلازم يا جماعة الواحد يجرب كل
حاجة... ما نقولش أصل أنا خريج كلية الألسن ودراستي في المجال اللغات
فما أقدرش اشتغل في حاجة تانية... الشغل مهما كان صغير أكيد الواحد هيتعلم
منه... وحتى لو ما إتعلمش منه فهو أكيد هيتعلم من الناس اللي هيشتغل
معاهم... مهما كانت الوظيفة اللي قدام الواحد فهو لازم يروح ويجرب... ما
حدش عارف؟!! يمكن يطلع بيعرف يعمل الشغلانة دي كويس وهو ما يعرفش... يمكن
يخرّب كمان بس محدش بيتعلم ببلاش ومفيش حد ما بيغلطش... واللي ما بيغلطش
ما بيتعلمش أصلاً...
ناس تانية بقى بعد التخرج عملت حاجة أحسن من
الدراسات العليا والشغل كمان... حاجة هم بيحبوها وفي نفس الوقت مفيدة
ليهم... عارفين هي إيه؟!!... نموا مواهبهم... وما حدش يقولي أنا مش موهوب
في حاجة لأني متأكد إن كل واحد فينا بيتولد وجواه موهبة إدهاله ربنا يمكن
هو يكون عارفها بس مش مهتم بيها... يمكن يكون مش عارفها أصلاً... بس أكيد
كل واحد فينا عنده موهبة... عنده حاجة بيحب يعملها وبيعرف يعملها كويس

كمان... ...
المهم إن التخرج مش نهاية المطاف... ومع إني كاتب
في الأول بعد التخرج ييجي التشرد... بس التشرد ده حالة طبيعيه للخبطة اللي
الواحد بيعيشها بعد التخرج... لكن المهم إن فترة التشرد دي ما تطولش...
ويلحق يقعد مع نفسه يشوف هو عايز يعمل ايه؟ وليه؟ وازي؟!! وأكيد... هيلاقي
إن حياته الحقيقية ممكن يبدأها وبإيده بعد ما يتخرج...

_________________











عدل سابقا من قبل Y a S s e R في الخميس 11 يونيو 2009, 11:22 عدل 1 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
nilegirl_521
مشرفه
مشرفه
avatar

انثى
عدد الرسائل : 2887
العمر : 31
المزاج : ماشي الحال الحمدلله
العمل\الترفيه : لسه بدور!!!!!!!!!!

تاريخ التسجيل : 12/04/2008

مُساهمةموضوع: رد: بعد التخــرج .... بيجي التشــرد !!!   الخميس 11 يونيو 2009, 09:34

موضوع جامد جدا
وربنا يستر من التشرد
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Y a S s e R
المشرف العام
المشرف العام
avatar

ذكر
عدد الرسائل : 4319
العمر : 31
العمل\الترفيه : FedEx Express

تاريخ التسجيل : 16/01/2008

مُساهمةموضوع: رد: بعد التخــرج .... بيجي التشــرد !!!   الخميس 11 يونيو 2009, 11:24

شكرا ليكي على المرور

_________________









الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Egypt
المشرف العام
المشرف العام
avatar

انثى
عدد الرسائل : 1825
العمر : 28
المزاج : الحمد لله
العمل\الترفيه : طالبة ف رابعة الماني

تاريخ التسجيل : 18/06/2008

مُساهمةموضوع: رد: بعد التخــرج .... بيجي التشــرد !!!   الخميس 11 يونيو 2009, 15:08

Crying or Very sad
هفتقدكوا مووووت و ربنا

بس ربنا يا رب يكرمكوا و يوفقكوا و يكتبلكوا كل خير ف حياتكوا

و يرزقكوا بوظيفة و عروسة اجمد من بعض

و نسمع عنكوا كل خير يا رب

و لسة الحياة قدااااااااااااامكوا

تسلم ع الموضوع يا ياسر

_________________
المس خضار الشجر .. حس بضياء القمر .. انقش قلوب ع الحجر ...
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
fulla_flower
مشرفه
مشرفه
avatar

انثى
عدد الرسائل : 3720
العمر : 30
المزاج : coOol
العمل\الترفيه : Germanistik

تاريخ التسجيل : 10/03/2008

مُساهمةموضوع: رد: بعد التخــرج .... بيجي التشــرد !!!   الخميس 11 يونيو 2009, 16:13

يااااااااااااا دى الحظ

بعد ما كتبت رد طووووووووووووويل عريض دوست على ايكون غلط راح

Crying or Very sad

بعد التشرد,,,,,,,,,يبدا النحس

بس هرجع واكتبه والله
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Y a S s e R
المشرف العام
المشرف العام
avatar

ذكر
عدد الرسائل : 4319
العمر : 31
العمل\الترفيه : FedEx Express

تاريخ التسجيل : 16/01/2008

مُساهمةموضوع: رد: بعد التخــرج .... بيجي التشــرد !!!   الخميس 11 يونيو 2009, 16:53

Egypt
شكرا ليكي على كلامك شرفني مرورك

Fulla Flower
نورتي الموضوع ومستنين ردك

_________________









الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
doby
عضو جديد
عضو جديد
avatar

انثى
عدد الرسائل : 142
العمر : 29
المزاج : gut mesch batal
العمل\الترفيه : تدريس اللغه فى مراكز خاصه
تاريخ التسجيل : 22/01/2009

مُساهمةموضوع: رد: بعد التخــرج .... بيجي التشــرد !!!   الجمعة 12 يونيو 2009, 08:59

ميرسى قوى يا ياسر على الموضوع دة
بجد انا مخنوقة قوى والموضوع دة يمكن يدينى فرصة
علشان افضفض مع حد قبل ما اطق او اعمل حاجة فى نفسى
انا زهقانة قوى ومش لية نفس اعمل اى حاجة
حاسة انى كبرت عشر سنين ومش عارفة اعمل اية
مع ان الفترة اللى خدنا فيها الاجازة يومين بس
بس حاسة انى لية سنة قاعدة فى البيت
ومخنوقة ان فى ناس عمرى ما هشوفها تانى
وخلاص القرار فى كل حاجة فى حياتى بقى ليى لوحدى
وانا اللى هختار فخايفة قوى من الاختيار دة
ربنا يكرمنا كلنا والفترة دى تعدى على خير

pirat Crying or Very sad Crying or Very sad
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Y a S s e R
المشرف العام
المشرف العام
avatar

ذكر
عدد الرسائل : 4319
العمر : 31
العمل\الترفيه : FedEx Express

تاريخ التسجيل : 16/01/2008

مُساهمةموضوع: رد: بعد التخــرج .... بيجي التشــرد !!!   السبت 13 يونيو 2009, 07:55

والله يا doby دا حالنا كلنا ... حالة حزن رهيبة عندنا
عشان الأصدقاء والزملاء وأيام الجامعه اللي مش هترجع تاني
بس دي سنة الحياة ... وكان لازم يجي اليوم دا
أهم شئ أننا منفقدش الأصدقاء دول على طول ونفضل في تواصل معاهم

شكرا ليكي على المرور نورتي الموضوع

_________________









الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
nano
عضو جديد
عضو جديد
avatar

انثى
عدد الرسائل : 36
العمر : 31
العمل\الترفيه : عاطل بالوراثة
تاريخ التسجيل : 28/01/2009

مُساهمةموضوع: رد: بعد التخــرج .... بيجي التشــرد !!!   السبت 13 يونيو 2009, 16:01

Cool Cool Cool Cool Cool
هاىىىىىىىىىىىىىىىىىىىىىىىىىىىى
الموضوع جميل لكن انتو بداتو مراحل الباكتئاب بدرى جدااااااااااااااااا
اسئلوا الخبرة
دا انتو هتعدوا ف البيت لحد مياخد من جتتكو رئات

وهيضيع صحتكم لحد متنسوا الاكتاب وتفضوا للعلاج من امراض الفراش
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
nilegirl_521
مشرفه
مشرفه
avatar

انثى
عدد الرسائل : 2887
العمر : 31
المزاج : ماشي الحال الحمدلله
العمل\الترفيه : لسه بدور!!!!!!!!!!

تاريخ التسجيل : 12/04/2008

مُساهمةموضوع: رد: بعد التخــرج .... بيجي التشــرد !!!   السبت 13 يونيو 2009, 16:26

ياساتر يا رب
بس اقولك انا حاسه بكل الحاجات دي
بل الاكتر وهو اني حاسه اني بلا هوية او مستقبل وشايفه كل حاجة قدامي كلها علامات اسنفهام؟؟؟؟؟؟؟؟؟؟؟؟؟؟؟؟؟؟؟؟؟؟؟؟
rabbit pirat Crying or Very sad
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Y a S s e R
المشرف العام
المشرف العام
avatar

ذكر
عدد الرسائل : 4319
العمر : 31
العمل\الترفيه : FedEx Express

تاريخ التسجيل : 16/01/2008

مُساهمةموضوع: رد: بعد التخــرج .... بيجي التشــرد !!!   الخميس 18 يونيو 2009, 08:17

يالهووووووي يا ناس
الموضوع قصده غير كدا خالص انا عايزك تفكروا ازاي تخرجوا من الملل والزهق اللي
بيجي بعد التخرج باقتراح افكار جديده ممكن غيركم يستفيد منها

ربنا يخرجكم من الاكتئاب دا

_________________









الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ES geht
عضو جديد
عضو جديد
avatar

انثى
عدد الرسائل : 1027
العمر : 29
المزاج : الحمد لله على كل شىء
العمل\الترفيه : طالبه بكليه الألسن
تاريخ التسجيل : 19/10/2008

مُساهمةموضوع: رد: بعد التخــرج .... بيجي التشــرد !!!   الخميس 18 يونيو 2009, 11:02

اقول عليك ايه يا ياسر جبت للعيال اكتئاب من موضوعك دا
حرااااااااااااااااااام عليك دا احنا فى انتظار النتيجه
وتانى حاجه ما احنا عارفين من قبل ما ندخل الجامعه اننا هنتشرد
ايه الجديد لازم تفكرنا ربنا يستر
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Y a S s e R
المشرف العام
المشرف العام
avatar

ذكر
عدد الرسائل : 4319
العمر : 31
العمل\الترفيه : FedEx Express

تاريخ التسجيل : 16/01/2008

مُساهمةموضوع: رد: بعد التخــرج .... بيجي التشــرد !!!   الخميس 18 يونيو 2009, 13:50

اعتقد مفيش تشرد ولا الكلام دا انتوا بتفهموا الموضوع على عكس المطلوب منه
اللي عايز يشتغل هيشتغل
انصح الجميع انه يقرا الموضوع كويس

_________________









الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
nilegirl_521
مشرفه
مشرفه
avatar

انثى
عدد الرسائل : 2887
العمر : 31
المزاج : ماشي الحال الحمدلله
العمل\الترفيه : لسه بدور!!!!!!!!!!

تاريخ التسجيل : 12/04/2008

مُساهمةموضوع: رد: بعد التخــرج .... بيجي التشــرد !!!   الجمعة 19 يونيو 2009, 07:06

على فكرة احنا فاهمين قصدك
بس اللي جوانا طغى على اللي مفروض نعمله
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Y a S s e R
المشرف العام
المشرف العام
avatar

ذكر
عدد الرسائل : 4319
العمر : 31
العمل\الترفيه : FedEx Express

تاريخ التسجيل : 16/01/2008

مُساهمةموضوع: رد: بعد التخــرج .... بيجي التشــرد !!!   الجمعة 19 يونيو 2009, 17:17

ok

_________________









الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
doby
عضو جديد
عضو جديد
avatar

انثى
عدد الرسائل : 142
العمر : 29
المزاج : gut mesch batal
العمل\الترفيه : تدريس اللغه فى مراكز خاصه
تاريخ التسجيل : 22/01/2009

مُساهمةموضوع: رد: بعد التخــرج .... بيجي التشــرد !!!   الجمعة 19 يونيو 2009, 17:32

واللة يا es geht
احنا كدة كدة مكتئبين ونفسيتنا زى الزفت
ومش احنا بس المنتدى كلة باين علية كدة
وياسر ادانا الفرصة اننا نتكلم قبل مانطق من قلة الكلام
ربنايعدى الفترة دى على خير
Crying or Very sad Crying or Very sad Crying or Very sad
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
bosbos
عضو جديد
عضو جديد
avatar

انثى
عدد الرسائل : 1780
العمر : 30
المزاج : تمام الحمد لله
العمل\الترفيه : Post graduate student

تاريخ التسجيل : 23/08/2008

مُساهمةموضوع: رد: بعد التخــرج .... بيجي التشــرد !!!   السبت 20 يونيو 2009, 07:36

انا اهو بعد سنة من التخرج
ومع انى لسة بكمل فى الكليه
الا انى لسة مكتئبة لحد دلوقتى
ولسة مفيش حاجة واضحة قوى قدامى
واصحابى وحشونى جدا
بس فى ناس يا خسارة ولا كانهم كانوا اصحاب
نسيونا وحتى رنة الموبايل بيستخسروها
وناس تانى احسن من الاول وكويسين جدا
وبيصونوا العشرة
ربنا يعدي اول ايام ليكوا دى بعد التخرج على خير
شكرا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
بعد التخــرج .... بيجي التشــرد !!!
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
alsunawy :: `·.¸¸.·´´¯`··._.· ( ALSUN CAFE ) `·.¸¸.·´´¯`··._.·` :: اخبار الكلية-
انتقل الى: