alsunawy
عزيزي الزائر

لأنـنـا نـعـشـقِ التـميز والـِمُـِمَـِيّـزِيْـن يشرفنـا إنـظمـامك معنـآ في مـنـتـدانـا
منتدى ألسنـــــــاوي
أثبـت تـوآجُـِدك و كن من الـِمُـِمَـِيّـزِيْـن ..!



ادارة المنتدي



منتدى يجمعنا كلنا
 
الرئيسيةالبوابةاليوميةس .و .جبحـثالتسجيلدخول

شاطر | 
 

 شباب مصر خارج نطاق الخدمه

اذهب الى الأسفل 
كاتب الموضوعرسالة
sehs_bond007
عضو جديد
عضو جديد
avatar

ذكر
عدد الرسائل : 133
العمر : 28
المزاج : prima
العمل\الترفيه : Student
تاريخ التسجيل : 02/06/2009

مُساهمةموضوع: شباب مصر خارج نطاق الخدمه   الأربعاء 10 يونيو 2009, 16:44

هل أنت ولامؤاخذة مثقف؟؟
هل فكرت وغامرت واتهورت مرة وقريت كتاب؟؟
بتقرا حاجة غير مجلة ميكي ؟؟
عندك مصدر بتجيب منه معلومات غير قعدة القهوة؟؟
تعرف يعني إيه حزب؟؟
هل تعلم ماهى الليبرالية والفدرالية والإشتراكية ؟؟
يا ترى بتدخل ع النت ليه؟؟ عشان تتثقف؟؟
إذا كانت معظم إجاباتك هى ( لا ) لا تقلق عزيزي الشاب أنت طبيعى 100% ولا تحتاج إلى أي تحاليل أو إشاعات..فكل الدراسات والأبحاث تشير إلى أن الشباب المصرى عليه العوض وهو في أسوأ حالاته الثقافية في ظل أزهى عصور الحرية والديموقراطية والتقدم .......!! -يعني احنا شباب تمام..في العصر التمام-حيث تشير إحدى الدراسات إلى أن:
80% لا يقرأون الصحف و70% من الشباب الذين يشاهدون التلفزيون..أنهم يفعلون ذلك بدافع الهروب وقتل الوقت وتحتل البرامج الدينية المرتبة الأولى في قائمة البرامج التي لا يهتم الشباب بمشاهدتها بنسبة 64%-لا شباب متدين صحيح-
أما في الصحافة الصفحة الأولى التي يهتم الشباب بقرأتها هى..صفحة "الحوادث" تليها "الصفحة الرياضية"..وإذا كانت علاقة الشباب بالإعلام كأحد مكونات المجتمع المصري تبدو ضعيفة..فإن علاقته بالمؤسسات السياسية تبدو مصيبة..ففي البحث الذي أجري عن ثقافة الشباب المصري ذكر أن 10% من الشباب لا يعرفون بوجود أحزاب فى مصر من الأساس-يا حلاوة!!-..و الكارثة بجد هى وجود أكثر من 74 % من الشباب لا يعرف اسم أول رئيس للجمهورية -محمد نجيب يعني-وذكر أيضاً أن 19 % يظنون أن مصر فيها حزب واحد فقط-أكيد قصدهم على حزب النادي الأهلي-..بينما أكد 17% من الشباب أن عدد الأحزاب في مصر هو ثلاث أحزاب..وأكتشف البحث أن 50% من الشباب لا يعرفون عدد الأحزاب الموجودة في مصر..مع العلم أن بها 22 حزب (يا ترى أنت كمان كنت عارف؟؟ ولا انت من الــ50%)..مع إن الأحزاب في كل بلاد العالم تعتمد أصلاً على الشباب بشكل أساسي..ويستطيع الشباب من خلالها إقامة واسقاط الحكومات فنجد أن الشباب الأوكراني وبالتحديد طلبة الجامعات هم الذين أسقطوا النظام الديكتاتوري في أوكرانيا من خلال ثورة شعبية أقامها هم..وهذا هو نفس سبب سقوط الحكومة في فرنسا حينما قام طلاب الجامعة هناك بمظاهرات حتى أسقطوا الحكومة عندما قدمت قوانين للعمل لا تناسبهم..
طب تعالوا نشوف ازاى الشباب المصرى بيستفيد من الإنترنت:
فحسب تصنيف مؤسسة أليكسا العالمية عن أكثر 100 موقع يدخله المصريون كان ترتيب هذه المواقع هى مواقع الشات..والمواقع والمنتديات الجنسية ثم مواقع تحميل الأفلام ومواقع نوادي الكرة ومواقع النغمات والبلوتوث ولم تشمل هذه القائمة سوى 4 مواقع إسلامية في حين أنها لم تشمل على أى موقع علمي!!!
لكن الكارثة الكبرى هى أن مصر تحتل المركز الثاني في قائمة أكثر 10 مناطق فى العالم بحثاً عن المواقع الإباحية على شبكة الإنترنت وفقاً لتصنيف محرك البحث جوجل !!.. فى حين إن ناس غيرنا وشباب غيرنا هم اللي بيستفيدوا بمليارات الكتب والمعلومات الموجودة على الإنترنت..عشان كده بيتقدموا..
فنلاقي مثلاً إن الهند تحتل المركز الأول على العالم فى البحث عن البرمجيات وده يفسر لنا ليه الهند هى الأولى على العالم فى صناعة البرمجيات الآن؟؟
فى الحقيقه الكلام ده قلقني جامد فقلت لازم أطمن على الأرقام دي بنفسي.. وعلى الشباب الجامعي المثقف..فنزلت للجامعة وعملت استطلاع لعينة عشوائية من طلاب الجامعه ( 20 طالب ) وكانت النتيجة ان معظم الطلاب 17طالب يستخدمون النت للشات ( مش للبحث العلمي لا سامح الله ) وإن 15 طالب لا يقرأون إلا الكتب الدراسية (ده إذا كانوا بيفتحوها أساساً ) ونسبة قليلة 3 طلاب يقرأون الروايات الأدبيه العظيمة مثل رجل المستحيل وملف المستقبل -الحمد لله أهو لقينا حد بيقرا حاجة-..
طبعاً مش لازم تبقى محمد حسنين هيكل..ولا لازم تكون فهمي هويدي-مصيبة لا تكون مش عارف دول كمان-لكن على الأقل تكون فاهم..وعارف..وداري باللي بيجرا حوليك فاهم العالم ماشي إزاي ومين عايز إيه؟؟ ومين بيعمل إيه عشان يكسب إيه؟؟وقبل كل ده تكون عارف كويس..أنت عايز إيه؟؟
لأن فعلاً جهلنا واضمحلال ثقافتنا في كل شئ خلانا أمة نايمة مش بتفكر ولا عايزة تفكر..دماغنا فاضية..مفيهاش أي حاجة..ولا أي قضية..ولا عايشين لهدف..وكل اللي نعرفه في حياتنا..وكل معلوماتنا..عن الممثلين والكورة..حتى ديننا منعرفش عنه إلا الوضوء والصلاة اللي اتعلمناهم واحنا صغيرين..فحين إن العالم كل بيتقدم بسرعة جنونية..واحنا لسه محلك سر!!..يا ترى الفكرة وصلت؟؟ولا لسة؟؟
م ن ق و ل
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
neo
عضو جديد
عضو جديد


ذكر
عدد الرسائل : 5
العمر : 27
العمل\الترفيه : play FIFA 2007
تاريخ التسجيل : 10/06/2009

مُساهمةموضوع: رد: شباب مصر خارج نطاق الخدمه   الأربعاء 10 يونيو 2009, 17:23

موضوع بجد جامد و احنا لازم نقرا و نتثقف مش هانفضل دايما ورا
و فخر ان اكون اول واحد يرد عليك
و سلملى على كرومبو
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
nilegirl_521
مشرفه
مشرفه
avatar

انثى
عدد الرسائل : 2887
العمر : 31
المزاج : ماشي الحال الحمدلله
العمل\الترفيه : لسه بدور!!!!!!!!!!

تاريخ التسجيل : 12/04/2008

مُساهمةموضوع: رد: شباب مصر خارج نطاق الخدمه   الخميس 11 يونيو 2009, 03:40

sunny
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Y a S s e R
المشرف العام
المشرف العام
avatar

ذكر
عدد الرسائل : 4319
العمر : 32
العمل\الترفيه : FedEx Express

تاريخ التسجيل : 16/01/2008

مُساهمةموضوع: رد: شباب مصر خارج نطاق الخدمه   الخميس 11 يونيو 2009, 05:26

والله كلامك بصراحه يحزن الواحد ويخليه ميعرفش يرد
لأن دا فعلاً حالنا
بس الناوي على أنه يغير نفسه ويطور منها هيقدر

شكرا ليك على الاحصائيات
وعلى موضوعك
تقبل مروري

_________________









الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
sehs_bond007
عضو جديد
عضو جديد
avatar

ذكر
عدد الرسائل : 133
العمر : 28
المزاج : prima
العمل\الترفيه : Student
تاريخ التسجيل : 02/06/2009

مُساهمةموضوع: شكرا ليكو   الإثنين 29 يونيو 2009, 14:23

شكرا جزيلا على الرد ده
باذن الله هاتنجح
وشكرا لnilegirl اللاذعه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
nilegirl_521
مشرفه
مشرفه
avatar

انثى
عدد الرسائل : 2887
العمر : 31
المزاج : ماشي الحال الحمدلله
العمل\الترفيه : لسه بدور!!!!!!!!!!

تاريخ التسجيل : 12/04/2008

مُساهمةموضوع: رد: شباب مصر خارج نطاق الخدمه   الإثنين 29 يونيو 2009, 16:28

sehs_bond2288 كتب:
وشكرا لnilegirl اللاذعه
يعني ايه مش فاهمه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
a7medshaban
عضو جديد
عضو جديد
avatar

ذكر
عدد الرسائل : 1446
العمر : 31
المزاج : عااااااااااااااااااااااااااااااااااااااااالى
العمل\الترفيه : عاااااااااااااااااااااااااااااااااااااطل
تاريخ التسجيل : 19/02/2008

مُساهمةموضوع: رد: شباب مصر خارج نطاق الخدمه   الأربعاء 01 يوليو 2009, 07:23


يعني احنا شباب تمام..في العصر التمام
الجملة دى جميلة جدااااااا
وبجد تسلم ايدك على الموضوع الجميل ده
موضوع اكثر من رائع
وفى الاخر
هيه دى مصر ياعبلة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
sehs_bond007
عضو جديد
عضو جديد
avatar

ذكر
عدد الرسائل : 133
العمر : 28
المزاج : prima
العمل\الترفيه : Student
تاريخ التسجيل : 02/06/2009

مُساهمةموضوع: رد: شباب مصر خارج نطاق الخدمه   الجمعة 24 يوليو 2009, 09:56

شكرا ليكم جميعا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
شباب مصر خارج نطاق الخدمه
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
alsunawy :: `·.¸¸.·´´¯`··._.·`( شبااااب و بنااات )`·.¸¸.·´´¯`··._.·` :: للشباب فقط-
انتقل الى: