المصري هو المصري

المصـري هـوّ اللـي

لو عمل حاجة حلوة يبعت لجاره طبق يدوقهوهو اللي

لو لقى الدنيا بتشتّي يجري يخبّط عليك يقولك لمّ الغسيلوهو اللي

لو شم عندك حاجة بتتحرق يجري يطمن عليك لا تكون اتخنقتوهو اللي

لو سمع صوت زعيق وخناق عندك يجي يصلحوهو اللي

لو لقى خناقة في الشارع يقف يحوش مش بس يتفرّج‎
وهو اللي

لو لقى حد بيغرق يجري ينط في الميه حتى لو هيغرق معاهوهو اللي

لو اتفرط منك كيس الجوافة في الشارع يقف يلمّ معاك

**********

المصري هو اللي

لو حس انك مزنوق يعملك جمعية مخصوص و يقبّضك الأولو هو اللي

يقف معاك في الأحزان و الأفراح زي مايكون من بقية اهلكو هو اللي

يلمّلك من الركاب فلوس لو مرتبك اتسرق منك في الأتوبيس رغم انه مايعرفكشو هو اللي
لو لقاك في مواصلة و كان عارفك يحلف ميت يمين ليدفعلك الأجرةحتى لو مافيش في جيبه غير نص جنيه

**********

المصري هو اللييقعد معاك
ع الفطار في رمضانالمصري اللييشتري بالونات لولادك في العيدالمصري اللييقف جنبك وانت بتدبح الاضحيةالمصري اللييباركلك لما ابنك يجيب مجموع ويساعدك يجيبله شغلانةالمصري الليييجي يقولك تجيب كشاكيل و أقلام بالجملة عشان توفر
المصاريف

**********
طيبة المصري مش ممكن تلاقي زيّها فى اي بلد تانية

دا كان زماااااااااااااااااااااااااااااان

مفيش الكلام دا دلوقتي للأسف

دا مين دا المصرى Exclamation

لامصرى ولا كويتى بيعمل كدا دلوقتى

ايه التشاؤم ده كله

هو فعلا ده المصرىوممكن بعض النفوس تكون اتغيرت شوية لكن مش كل النفوس ولسه مصر فيها ناس جدعان..طيبين..قلوبهم ..عمرانة خير.

لو سالت انت مصرى تقولى ايه
اهو بلاش تشاؤم Cool

ايوة كده
وحتى لو كنا كده لازم نرجع زي زمان

على ما اظن انا دا المصرى المسلم بتاع زمان
انما دلوقتى المصرى هو الراجل اللى بيسيب البنت واقفة فى المواصلات
المصرى اللى ممكن يدوس اخوه عشان يركب الاتوبيس قبله
المصرى هو اللى بيقطع عيش اخوه
المصرى هو اللى ممكن يموت واحد عشان العيش
المصرى دا يبا حاجة صعبة جدا
مش عارف اقول ايه تانى انا ممكن اكتب كتب عنه

يا ساتر يا رب