قولنا رائيك...

طبعا كتير منكم سمعوا عن اخر اخبار شيخ الازهر واجازته لنقل الاعضاء من المحكوم عليهم بالاعدام انا بصراحة مع الفكرة دى وفى رائى انها هتحل ازمات كتيرة قوى للناس اللى بيحتاجوا لنقل الاعضاء وكمان ليها فائدة مهمة جدا وهو ان الاجازة دى هتخفف من نشاط مافيا الاعضاء لان الناس خلاص مش هتضطر تروح للطريق الغير شرعى ما دام خلاص بقى فى طريق شرعى ,انا تناقشت مع بابا فى الموضوع ده واختلفنا لان بابا شايف انه جسم المحكوم عليه بالاعدام من حقه ومن حق اهله من بعده واعتبر ان نقل اعضائهم شى غير انسانى ,بس ايه المشكلة انى انقذ حياة انسان لسه عنده فرصة فى الحياة من خلال واحد فقد الحياة بالفعل انا مقتنعة برائى ..يا ترى انتوا ايه رائيكم؟؟؟

بصراحة انا مع نقل الاعضاء بس بشرط موافقة المحكوم عليه بالاعدام
وكمان ليه مانعملش زي الدول الاوروبية انه يبقى في بطاقة كل واحد موجود هل هو موافق على نقل الاعضاء ولا لا
بصراحة انا بعتبر الموضوع ده صدقة جارية طول ما المتبرع اليه بيستفاد منه

انا برضه موافقه على القرار دة
بس ياخدوا رايه كنوع من الاحترام لانسايته
شكرا بلومه

انا موافقه برضه بس يكون عارف وهو يكون عمل
حاجه خير فى حياته قبل ما يموت وياخد ثواب
شكرا بلوما

أتفق معاكو تماما ،لأن طالما ان المحكوم عليه بالإعدام ادرك انه لا أمل في الرجوع عن الحكم ، ومقتنع بذلك وموافق ، فهذا لن يضر أحد .
ولو مش موافق ، له مطلق الحريه ، كل واحد حر في أعضائه
شكرا علي الموضوع الجامد
تقبلي مروري
MIDOOOOOOOOO

حلوة فكرة البطاقة اللى فيها خانة التبرع بالاعضاء دى انا اول مرة اسمع عنها بصراحة...نورتى الموضوع نايل

هو انا ميتهيقليش انه ممكن واحد يكون داخل على الاعدام ويرفض حاجة زى دى ممكن تنجيه وعلى راى ..اس.. يبقى عمل حاجة حلوة قبل ميقابل ربنا..بسبس,اس,ميدو شرفنى مروركم وشكرا لارائك الجميلة دى

هى فكرة رائعة
وللعلم هتحل مشكلات مافيا العضاء ومشكلات عند كبل الناس لان فى جهات كتير بتتصرف تصرفات لا اخلاقية فى خلال الموضوع دا

نورتى يا ادمن...

فكرة حلوة كتير

بس نا كنت مع الراى الى يقول ان اجسامنا ملك لله تعالى ولا يجوز التفريط فيها

شكرا ليكى

بيتهيقلى يا فلة انه التفريط اللى انتى تقصديه هو الواحد اللى بيهمل فى صحته او اللى بيشرب سجاير مثلا والمخدرات ,,لكن لما اتبرع بعضو لحد هو فعلا محتاجله ده مش تفريط ...ولرائك كل الاحترام ونورتينى.

مش عارف

نورت يا محب وشكرا على مفيش رد

واللة انا من رايى مش موافق على حكاية نقل الاعضاء دى.الا لما ياخدوا اذن او لما يسمحلهم المحكوم علية دا بالاعدام انهم ياخدوا اعضاؤة ولا لاء .لان دى امانة .
.وعلى علمى.فيما معناة. ان ان الرسول علية الصلاة والسلام.قال كسر عظام الميت ميتا ككسرة حيا
واللة اعلى واعلم.
فحرام الميت يتالم وهوة لا حول لة ولا قوة وهوة متوفى