| ماتقومش لأي بنت في المتروووووووو !!!! | |
|
+8كبيرة الزملكاوية a7medshaban ES geht Blume fulla_flower DuNkeLmAnN NOODY Y a S s e R 12 مشترك |
كاتب الموضوع | رسالة |
---|
Y a S s e R المشرف العام
عدد الرسائل : 4319 العمر : 37 العمل\الترفيه : FedEx Express تاريخ التسجيل : 16/01/2008
| موضوع: ماتقومش لأي بنت في المتروووووووو !!!! الجمعة 13 مارس 2009, 16:28 | |
| مساء الجمال يا شباب
نخش ف الموضوع ع طول
دلوقتى الأخت سحر الجعارة تطلع تقول ان المرأة لها نفس حقوق الرجل في المجتمع،
والأخت إقبال بركة تقول إن مصدر جمال المرأة هو عقلها مش جسدها ولازم التعامل معاها كعقل بدون النظر إلى الجسد هيه عاملة فيه ايه..
ده علي اساس ان الواحدة تبقى ماشية في الشارع وواحد بقى يعاكسها: يا ابو عقل جامد..ياواد انت ياابو مخيخ ..حوش شعرك عشان نشوف جمال عقلك يا قمر والواحد بقى يكلم صاحبه وهما شايفين بنت ماشية..شفت ياد العقل اللى لابس أحمر ده؟؟ !! كل الكلام ده ماشى
والأخت هالة سرحان بيجيلها تخلف عقلى لو سمعت ان راجل قال لمراته حضَّرى العَشا.. علي اساس ان العشا رجس من عمل الشيطان !!
والأخت العزيزة سعاد حسنى تقول البنت زى الولد ماهيش كمالة عدد..
ومش عارفه مين قال ان البنت كمالة؟؟ !! البنت طبق كشرى بحاله من الكبير ابو تلاتة جنيه..!
والأخت عبير صبرى ربنا يهديها تقول ازاى الراجل المتوحش القاسى اللى بيطلع نار من مناخيره بيتعامل مع الأنثى اللى هيه نسمة ماشية ع الأرض.. " يا ولداااااااااااه" !! مش مهم مش مهم
طبعا انا عادي الكلام ده بالنسبالي لأنى عارفه الولد المحترم بيعامل البنت المحترمة ازاى.. والزوج المحترم بيعامل الزوجة المحترمة ازاى .ومش محتاجين نصايح (اسم الله على جمالهم وأدبهم اللى فاتوا دوول) ________
المشكلة بقى مادام بيقولوا البنت زى الولد.. ليه الولد بيقف في المترو عشانهم بقى؟؟ يعنى الولد لما يركب المترو كام مرة في اليوم وكل مرة يكتشف انه لازم يقف عشانهم تبقى مشكلة!!!
يدخل المترو في أمان الله ويقعد بعد جهد جهيد وهو شايف واحدة موظفة مع صاحبتها راجعين من الشغل وصحتهم زى الفل.. وقاعدة تحكى لها ازاى تعمل محشى الكوسة وقاعدة تئور في الهوا يمين وشمال عشان يبقى الشرح عملى وصوتها عالى.. واول ما تدخل المترو تلاقى الشلل الرعاش حلّ عليها.. وعينيها مش قادرة تفتح من الإرهاق ياعيني وتيجى هيه وصاحبتها قدامه بالظبط وتعلـّى صوتها وتقول لصاحبتها:
معدتش باقدر أقف كتير يا سنية..
ترد عليها زميلتها واللبانة ف بقها:
ومين سمعك يا حبيبتشى..
الدكتشور قاللي انى لو وقفت على رجلى خمس دقايق هارجًّع ع اللى قدامى علطول
وللا البنت اللى لسة شباب.. يبقي الولد قاعد لا بيه ولا عليه ويلقى المحروسة داخلة المترو .. بنت حلوة وشعرها ع الخدود يهفهف ويرجع يطير.. وتيجى تقف قدامه.. وفجأة..... تفضل تظبط شعرها وترميه ورا ضهرها زى إعلان صابون كامى عطر فرنسى الإيحاء.. ومتوقعة ان الزبون اللى هوه الواد المحترم الغلبان هيقوم يبوس ايديها انها تقعد مكانه.. والله لو خلعتلك شعرها كله وادتهولك على سبيل المقايضة زى قدماء المصريين..بردو ماتقومش!!
وبعدين الأول كانت عربيات السيدات في المترو قدام ومع ذلك كانوا منتشرين في كل العربيات وقلنا ماشى.. بعد ماحصلت حادثة مترو حلوان البسيطة اول المترو.. قالوا لا .. هاتوا السيدات في نص المترو..ليه بقى؟؟
ده علي اساس ان لو حادثة حصلت في أول المترو والسيدات قدام هيصوتوا ويلموا الدنيا انما الرجالة بتموت من سكات!!! صلاة النبى
طب حد من الرجاله اعترض ان السيدات ماليين مترو الرجالة؟ .. أبدا..انما شوف بقى ياعم الحاج لو حظك الأغبر وقعك انك ركبت من غير قصد في عربية السيدات..ياداهية دقى..تسمع بقى أحلى كلام.. أولا..سوفاااج..سوهاج..راجل؟؟..واللى تحط وشها في الأرض من الكسوف..واللى تقول أوووه.. راجل..فانتستيك..صلاة النبى..
انتى عمرك ماشفتى راجل ياضنايا؟؟؟مش برضه انتى جاية من شغلك وهوه هناك .. وراجعة بيتك هتلاقى واحد في وشك زى القضا المستعجل؟
والبنت اللى في الجامعة .. آه لو شافت راجل في المترو.. هيغمى عليها من الخضة..
ماانتى لسة جاية من الجامعة يختي وكنتى انتى والولاد قاعدين تلعبوا صلح وعسكر وحرامية.. عمرك ماشفتى راجل ياكميله؟؟؟
طلاما بتقولو مساوااااااه يبقا في كل حاجه بقا!!
. زى ما الولد بيشتغل وهيه بتشتغل.. يبقى اللى يلحق الكرسى يقعد باعتبار انها إبراهيم ابن خالته يعنى عادى ..ومادام فيه مساواة ولازم نتعامل مع عقل البنت.. يبقى بلاش تلعبي فى شعرك وتوريلو انك بتحطي هيد أندشولدرز ضد القشرة عشان تقوميه! لأن هو كمان بيحط هيد أنشولدرز ومن الحجم الكبير كمان أبو عشرين جنيه.. هههههههههه
انا مش بقول انك متقمش خالص
.بس قوم عشان حد يستاهل.. يعنى ست كبيرة مريضة.. راجل عجوز تعبان.. ست شايلة تسع عيال على ايديها..كده يعنى.. حالات تستاهل.. انما واحدة عندها تلاتين اربعين سنة وقاعدة عاملالى فيها حسين رياض لما اتخرس في رد قلبى.. تقفلها ليه؟؟
وكمان شوف الموقف ده.. الواد يقف عشان واحدة ست تقعد..ويبقا واقف جنبها.. وأول ما تيجى تنزل محطتها تشاور لاقرب بنت أو ست عشان تقعد مكانها!! صلاة النبى..حتى الكرسى بيتوارث يا جدعان؟؟ خيال مآتة واقف جنب الكرسى ؟؟؟دا واقف عشانك !!! وموقف ورا موقف تكتشف في لحظة ان كل الستات والبنات قاعدين..وكل الرجالة ماسكين جرايد وقاعدين يهووا عليهم: ألف ليلة وليلة.. قصة كل ليلة..احكى ياشهرزاد.. احكى لشهريار حاجه تجنن يا جدعوووووووووووووون
وللا البنت اللى تيجى تقعد جنبك ومش طايقة نفسها قال إيه المكان ضيق ومش قادرة تقعد مرتاحة.. بنت ناس يعني ههههههههههههههههههههههه
طب ما دام انتى متضايقة كده ماتقومى تقفى بلاش القعدة المقرفة دى.. وللا يعنى عشان كل مرة واحد محترم هوه اللى يقف عشان المكان يوسع للهانم.. أم طاقية.. طاقية حمرا.. للهانم البيضا.. والهانم السمرا لا تعليق احنا اصلا شكلنا معدش لينا عيش في الزمن ده ههههههههههههههههههه
| |
|
| |
NOODY مشرفه
عدد الرسائل : 1138 العمر : 34 تاريخ التسجيل : 18/01/2008
| موضوع: رد: ماتقومش لأي بنت في المتروووووووو !!!! الجمعة 13 مارس 2009, 17:12 | |
| | |
|
| |
Y a S s e R المشرف العام
عدد الرسائل : 4319 العمر : 37 العمل\الترفيه : FedEx Express تاريخ التسجيل : 16/01/2008
| موضوع: رد: ماتقومش لأي بنت في المتروووووووو !!!! الجمعة 13 مارس 2009, 17:21 | |
| | |
|
| |
NOODY مشرفه
عدد الرسائل : 1138 العمر : 34 تاريخ التسجيل : 18/01/2008
| موضوع: رد: ماتقومش لأي بنت في المتروووووووو !!!! الجمعة 13 مارس 2009, 17:23 | |
| | |
|
| |
DuNkeLmAnN عضو جديد
عدد الرسائل : 594 العمر : 35 العمل\الترفيه : كلية اللغات والترجمه تاريخ التسجيل : 25/01/2008
| موضوع: رد: ماتقومش لأي بنت في المتروووووووو !!!! الجمعة 13 مارس 2009, 18:16 | |
| | |
|
| |
NOODY مشرفه
عدد الرسائل : 1138 العمر : 34 تاريخ التسجيل : 18/01/2008
| موضوع: رد: ماتقومش لأي بنت في المتروووووووو !!!! الجمعة 13 مارس 2009, 18:27 | |
| | |
|
| |
fulla_flower مشرفه
عدد الرسائل : 3720 العمر : 35 المزاج : coOol العمل\الترفيه : Germanistik تاريخ التسجيل : 10/03/2008
| موضوع: رد: ماتقومش لأي بنت في المتروووووووو !!!! الأربعاء 25 مارس 2009, 16:05 | |
| هههههههههههههه عادى يعنى اساسا معدش فى رجالة عندها زوق فى الزمن دا وانا ضد اساسا الستات الى اتكلموا باسم المراة | |
|
| |
Y a S s e R المشرف العام
عدد الرسائل : 4319 العمر : 37 العمل\الترفيه : FedEx Express تاريخ التسجيل : 16/01/2008
| |
| |
Blume عضو جديد
عدد الرسائل : 201 العمر : 35 المزاج : الحمد لله العمل\الترفيه : خ.المانى 2010 تاريخ التسجيل : 29/12/2008
| موضوع: رد: ماتقومش لأي بنت في المتروووووووو !!!! السبت 28 مارس 2009, 13:57 | |
| فى الاول اشكرك على شوية الضحك الجمال دول انا فعلا كنت محتجالهم بص الحكاية حكاية ذوق وعلى فكرة مفيش ولد بيقوم غصب عنه وعلى فكرة كمان الولد بيتمنى الحكاية دى لاحظ كده تعبير وشه وهو بيقوم لبنت بالذات علشان يقعدها لانه بيحس وقتها انه حامى الحمى والديار يبقى متظلمش البنات وبس | |
|
| |
ES geht عضو جديد
عدد الرسائل : 1027 العمر : 35 المزاج : الحمد لله على كل شىء العمل\الترفيه : طالبه بكليه الألسن تاريخ التسجيل : 19/10/2008
| |
| |
a7medshaban عضو جديد
عدد الرسائل : 1446 العمر : 37 المزاج : عااااااااااااااااااااااااااااااااااااااااالى العمل\الترفيه : عاااااااااااااااااااااااااااااااااااااطل تاريخ التسجيل : 19/02/2008
| موضوع: رد: ماتقومش لأي بنت في المتروووووووو !!!! الثلاثاء 07 أبريل 2009, 07:26 | |
| | |
|
| |
كبيرة الزملكاوية عضو جديد
عدد الرسائل : 141 العمر : 32 العمل\الترفيه : مفيش تاريخ التسجيل : 25/10/2009
| موضوع: رد: ماتقومش لأي بنت في المتروووووووو !!!! الخميس 29 أكتوبر 2009, 06:25 | |
| موضوع يهلك من الضحك فعلا تحفة والله | |
|
| |
Y a S s e R المشرف العام
عدد الرسائل : 4319 العمر : 37 العمل\الترفيه : FedEx Express تاريخ التسجيل : 16/01/2008
| |
| |
naira عضو جديد
عدد الرسائل : 10 العمر : 32 العمل\الترفيه : وانت مالك تاريخ التسجيل : 13/10/2009
| موضوع: رد: ماتقومش لأي بنت في المتروووووووو !!!! السبت 31 أكتوبر 2009, 11:31 | |
|
عدل سابقا من قبل naira في السبت 31 أكتوبر 2009, 11:36 عدل 1 مرات | |
|
| |
naira عضو جديد
عدد الرسائل : 10 العمر : 32 العمل\الترفيه : وانت مالك تاريخ التسجيل : 13/10/2009
| |
| |
Y a S s e R المشرف العام
عدد الرسائل : 4319 العمر : 37 العمل\الترفيه : FedEx Express تاريخ التسجيل : 16/01/2008
| موضوع: رد: ماتقومش لأي بنت في المتروووووووو !!!! السبت 31 أكتوبر 2009, 12:21 | |
| أكيد طبعا من الذوق أنه الواحد يقوم بس الموضوع من بابا الفكاهه
شكرا على مرورك
| |
|
| |
doby عضو جديد
عدد الرسائل : 142 العمر : 35 المزاج : gut mesch batal العمل\الترفيه : تدريس اللغه فى مراكز خاصه تاريخ التسجيل : 22/01/2009
| موضوع: رد: ماتقومش لأي بنت في المتروووووووو !!!! السبت 31 أكتوبر 2009, 20:35 | |
| هههههههههههههههههههههههههههههه جامد قوى الموضوع دة واللة انت لو ركزت هتلاقى ان الاولاد مش بيقوموا الا لو كانت البنت حلوة يعنى يعمل نفسة سبع رجالة فى بعض قدامة وحتى دة قليل انت بتلاقى كل الاولاد قاعدين وبيوزعوا ابتسامات محدش بيقوم من مكانة دلوقتى بيقولوا ان الرجالة ماتوا فى 73 هههههههههههههههههههههههههههههه ميرسى على الوضوع جامد واللة | |
|
| |
Y a S s e R المشرف العام
عدد الرسائل : 4319 العمر : 37 العمل\الترفيه : FedEx Express تاريخ التسجيل : 16/01/2008
| موضوع: رد: ماتقومش لأي بنت في المتروووووووو !!!! الأحد 01 نوفمبر 2009, 11:27 | |
| ما متوش ولا حاجه بس بعيد عنك الأخلاق انعدمت من بعض الناس
شكرا ليكي على المرور
| |
|
| |
HEBA ALLAH عضو جديد
عدد الرسائل : 92 العمر : 32 المزاج : الحمد لله العمل\الترفيه : اولى السن باءذن الله تاريخ التسجيل : 31/08/2009
| موضوع: رد: ماتقومش لأي بنت في المتروووووووو !!!! السبت 07 نوفمبر 2009, 11:33 | |
| السلام عليكم ورحمه الله وبركاته الموضوع جميل اوى بس يا ترى هما ليه خصيتوا نفسكوا انتو وبس طبيب ماممكن اى بنت تقف لست كبيره يعنى IT IS NOT ABIG PROBLEMوشكرا واللسلام عليكم ورحمه الله وبركاته | |
|
| |
sehs_bond007 عضو جديد
عدد الرسائل : 133 العمر : 33 المزاج : prima العمل\الترفيه : Student تاريخ التسجيل : 02/06/2009
| موضوع: رد: ماتقومش لأي بنت في المتروووووووو !!!! الأربعاء 18 نوفمبر 2009, 12:07 | |
| شكرا يا ياسر موضوع جميل | |
|
| |
| ماتقومش لأي بنت في المتروووووووو !!!! | |
|