alsunawy
عزيزي الزائر

لأنـنـا نـعـشـقِ التـميز والـِمُـِمَـِيّـزِيْـن يشرفنـا إنـظمـامك معنـآ في مـنـتـدانـا
منتدى ألسنـــــــاوي
أثبـت تـوآجُـِدك و كن من الـِمُـِمَـِيّـزِيْـن ..!



ادارة المنتدي



منتدى يجمعنا كلنا
 
الرئيسيةالبوابةاليوميةس .و .جبحـثالتسجيلدخول

شاطر | 
 

 لو بمبى كخ وحشه هتكرهها ؟

اذهب الى الأسفل 
كاتب الموضوعرسالة
RaSmY
عضو شرف
عضو شرف
avatar

ذكر
عدد الرسائل : 171
العمر : 30
المزاج : eshta
العمل\الترفيه : 4 سياحه

تاريخ التسجيل : 12/07/2008

مُساهمةموضوع: لو بمبى كخ وحشه هتكرهها ؟   الخميس 12 مارس 2009, 20:08


زمااااااااااااان من أيام ابتدائي وهم بيعلمونا في المدرسة

ان اول ماحد يقولك بتحب مصر ليه ؟

تقول علشان سماها صافية ونيلها طعمه حلو وارضها مليانة خير

والجو فيها ربيع طول السنة وعلشان فيها الأهرامات

والفراعنة مدفونين فيها

ودا طبعاً قمة التخلف .. ودا السبب في العدد الرهيب من الشباب اللي دلوقتي بيدعي انه ما بيحبش مصر

أيوة بيدعي لأنه بيحبها بس مش عارف لأنه فاكر انه لما يحبها هيحبها لأن سماها صافية وجوها حلو ونيلها طعمه حلو !!

طب لو فرضاً صحينا الصبح لقيت السما لونها بمبي وماية النيل كلها كخ ووحشة هتكرهها ؟؟

ولو كرهتها هو دا اصلاً يبقى حب ؟؟

لأ طبعاً اللي بيربط أي بني آدم بحب بلده حاجة أكبر من كده بجد

حاجة زي الحبل السري .. بس مش بينقطع

حاجة غصب عنك تخليك تحن للمكان اللي اتولدت فيه

مهما كان .. حتى لو ما كنتش شوفته

حاجة تخلي الحنين جواك يبكيك .. حنين للمكان اللي اتولدت فيه .. للهوا دا .. للسما دي .. مهما كانت بعيوبها ومميزاتها

ياااااااااااااااااااريت بقى يبطلوا عبط ويبطلوا يبوظوا في دمغة العيال

ويطلعوا جيل محترم فاهم انه بيحب بلده حتى لو كانت عبارة عن خرابة

مش يحبها وهي حلوة ولو بقت وحشة يدور ع بلد حلوة وبنت ناس ويروح يحبها

الجيل اللي هيطلع متربي على فكرة ان بلده بلده لأنها بلده مش لأن نيلها فحلقي هو اللي هيقدر بجد يصلحها

لأنه بيحبها حب عذري مش حب مبني على المطامع والمصالح وبس

لاااااااااااااااااازم يغيروا المفهوم دا لأن بالاسلوب دا ماحدش هيحب مصر لأن في 100 ألف بلد دلوقتي السما بيصفوها

والتكييف بيظبط جوها ويقدروا ياخدوا ماية النيل - النضيفة - لحد عندهم


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
RaSmY
عضو شرف
عضو شرف
avatar

ذكر
عدد الرسائل : 171
العمر : 30
المزاج : eshta
العمل\الترفيه : 4 سياحه

تاريخ التسجيل : 12/07/2008

مُساهمةموضوع: رد: لو بمبى كخ وحشه هتكرهها ؟   الخميس 12 مارس 2009, 20:43


حتى شباب الجامعه لما سمعوا كلمه مصر منى إستغربوا جدا


وقالوا مصر ايه يسيدى غنى لنا حاجه تانيه

متأثرتش وقولتها برضه


قولت

اشك ان عمره يكون

عيون زى العيون

حروفها مليون كمانجاه

والإسم نور العيون

دى مصر

دى مصر ملكه جمال

فى نظره عنيها بتوه

يحن ليها الفؤاد

والإسم نور العيون

واد نجوم السما بحبك

وكل قلوبنا وروحنا فداكى

كل صباح بالبسمه نقابلك

كل مسا بالشوق نلقاكى

يا مصر يا غاليه عليا

الميم فيكى المحبه بين مسلم والمسيحى

والصاد شيمتك يا صبرا فى أعز المحن نلاقيكى

والـ ر رجاله قادره تعلى وتعلى بيكى

يا مصر يا غاليه عليا

فرق شاسع فى وشوش الطلبه وجوه عنيهم


لما غنيت لمصر وصحبى عنى لتامر حسنى

هو دا الفرق كببر اوى تصفيق حار لتامر وصمت رهيب لمصر

لانه ابله كل واحد فيهم قالت لهم لما كانو عيال بنحب مصر


عشان الشمس والرمله والسما والزرعه والنخله والقمر

مقالتش بنحبها زى ما تكون بمبى كحلى سمنى ولا حتى سودا

تخلف التعليم دلوقتى هيخلى العيال يبوطوا اكتر واكتر


انا حابب كل واحد يحاول يجاوب على السؤال دا

متقولش ايه اديتنا مصر قول هندى ايه مصر

مصر اديتك ايه وانت اديتها ايه ؟
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ES geht
عضو جديد
عضو جديد
avatar

انثى
عدد الرسائل : 1027
العمر : 29
المزاج : الحمد لله على كل شىء
العمل\الترفيه : طالبه بكليه الألسن
تاريخ التسجيل : 19/10/2008

مُساهمةموضوع: رد: لو بمبى كخ وحشه هتكرهها ؟   السبت 14 مارس 2009, 05:00

الموضوع ده مهم بجد شكرا

toten winkel
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
لو بمبى كخ وحشه هتكرهها ؟
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
alsunawy :: `·.¸¸.·´´¯`··._.· ( المنتديات العامه ) `·.¸¸.·´´¯`··._.·` :: سياسة-
انتقل الى: