نفرتيتى وكنج سويت وزيكو صاحبى عرف ايه اللى جوه المج ؟

.
نفرتيتى وكنج سويت وزيكو صاحبى عرف ايه اللى جوه المج ؟
أمبارح نزلت من البيت الساعه اتناشر بليل وكنت رايح شلبى ازاكر عند زيكو صاحبى لحد تانى يوم الضهر
الجو ساعتها كان برد وشبوره فى الطريق وشارع الكونيش فاضى مفيش غير الناس اللى واقفه عند ابو سيد بيشتروا بليله والزى منه
وقفت بتاع عشر دقابق انى الأقى تاكسى مفيش كله مقبل واللى رايح العزبه .. اخيرا تاكسى اهو جى من بعيد .. يارب يوافق يروح شلبى
تاكس .. تاكس .. شلبى يا أسطى
ماشى اركب بس ب تلاته
تلاته تلاته المهم اركب مالسقعه دى
السواق كان مشغل الراديو ، مش عارف راديو ايه دا بس كانت اغنيه غريبه عجبتنى فكتبها فى الورق اللى كان معايا الأغنيه كان بتقول
سوسو ولولو
بياكلو حلاوة وشوكلاته
ودي حاجة تبوظ اسنانهم
وباباهم زعلان علشانهم
ياكلوا حلاوة ياكلوا جاتوه
ياكلوا كل اللي يحبوه
والتسويس والتسويس
أنا معجون مخصوص علشانهم
أنا معجون يحفظ أسنانهم
أسمك ايه؟
معجون المعاجين
وبعد الإعلان دا جه إعلان تانى تحفه
إعلان أبلة سنية سايبة المية في الحنفية عمالة ترخ ترخ ترخ
هههههههه حلاوتك دى ليه فل
جنب السواق كان راكب واحد صاحبه وماسك فى إيديه مج أبيض مرسوم عليه تاج وقعد يقولى اتفضل اتفضل
شكرا ربنا يخليك دا اكيد شاى او قهوه او اى حاجه سخنه تدفيه
مش عارف وقتها كان عندى فضول ايه المشروب اللى عزمنى عليه دا بس برضه معرفتش لسه
قولت يا سيدى فكك فقمت باصص فى ورق التاريخ الرومانى اليونانى اتعقدت اكتر ورميت الورق جنبى وبصيت من شباك التاكسى
كل شويه صاحب السواق ينزل تحت الكرسى ويطلع ويقولى اتفضل ..اقوله شكرا يروح ينزل تانى ويطلع ويقولى نفس البقين
يوه بقى دى ليله ما يعلم بيها إلا ربنا شكرا وربنا مش عايز
ياربى
ونفرتيتى اتجوزت السادات وجابو سبع بنات .. دا السواق بيقول لصاحبه
ايه ؟ نفرتيتى؟ اتجوزت السادات ؟
لا على فكره يا أسطى هى اتجوزت اخناتون مش السادات وجابو سبع بنات
قام باصص لى وقالى لأ السادات فقولت ماشى السادات السادات ..
قولت فى سرى عالم متخلفه صحيح مبتفهمش .. هيفهم ايه فى الفرعونى البنى ادم دا
التاكسى وقف لزبون تانى وقاله كنج سويت .. الأسطى قاله اركب
قعدت استنى ان الراجل دا يقوله اتفضل مفيش .. ليه بقى مش عارف
السواق راح ضربها غباء وطلع من طريق الكورنيش لحد حورس
الزبون قاله ياأسطى يا أسطى انا قولت لك كنج سويت مش حورس
يييييه عطله تانى قام لف ورجع تانى فى عدنان والزبون نزل والسواق ما صدق وساق ومخدش منه الأجره
الراجل كان بينادى عليه يا أسطى يا اسطى الأجره يا أسطى
السواق رجع بالتاكس بدهره وخد منه الأجره ولما وصل لحد الإخصاص كان فى قطر جاى من بحرى
ووقفنا بتاع خمس دقابق كمان لأن القطر كان بيتمخطر بالصلاه ع النبى اصله ماشى على شوك
يا نهار ازرق الساعه بقت اتناشر ونص وخمسه ولسه موصلتش شلبى .. صبرك يا رب
انا لو كنت خدتها جرى من عند ابو سيد بتاع البليله لحد شلبى كنت وصلت فى تلت ساعه .. اه والله مش بهزر
سلمى يا سلامه وصلنا شلبى بالسلامه
نازل فين يا باشا ..
التحرير يا أسطى
قالى ايه التحرير .. انت بتهزر
يا عم ونا اهزر معاك ليه بقولك نزلنى التحرير .. مسجد التحرير.. هى دى فيها هزار
قال اه ماشى
قعدت اتحسبن فى اليوم اللى ركبت فيه التاكسى دا
اديته خمسه جنيه وادانى اتنين جنيه
الحمد لله نزلت خلاص وهاتك يا فكيك
اديت مزد لصاحبى زيكو
بصيت على البلكونه من تحت ، لقيت زيكو واقف قالى رسمىىىىىىى أطلع
لما طلعت رنيت الجرس
ياد انت اتأخرت ليه أبقى قابلى لو فلحت
طبعا بيهزر ، فقمت حكيت له على الحاجات الغريبه اللى حصلت دى
نفرتيتى اتجوزت السادات
بدل ما ينزل الزبون فى كنج سويت كان عايز ينزله فى حورس
السواق نسى ياخد الأجره
صاحبه كان بينزل تحت الكرسى ويطلع اكتر من تلاتين مره
بقوله نزلنى التحرير فهمها التحرير اللى فى القاهره
يخربيت عقل السواق ، هو ايه اللى كان جوه المج

زيكو عرف ايه اللى جوه المج ؟
لو انت كمان عرفت اكتب كومنت ميفوتكش

توتن ﭬينكل

لو عايز تعرف اتصل بالمفتش كرومبوووووووووووووووووووو
هههههههههههههه

انت شكلك غلبان خالص عشان بعد كل ده وما تعرفش ايه اللي كان في المج
عموما احسن حاجة انك ما شربتش

يعنى لو كنت عرفت كنت شربت ههه غريبه دى شكرا
وفر نفسك اى كلام علشانى تسلم

نفرتيتى وكنج سويت وزيكو صاحبى عرف ايه اللى جوه المج ؟ Tatice

توتن ﭬينكل

هههههههههههههههههههههههههههه

منت قاعد بتزاكر ف البيت

لازم يعني تروح لزيكو

المج اكيد فيه شاي

هما وراهم غيره

شاى ايه هند اللى يخلى البنى ادم دا يتصرف بالشكل دا هههه والله شكلك بتهزرى

نفرتيتى وكنج سويت وزيكو صاحبى عرف ايه اللى جوه المج ؟ Tatice

توتن ﭬينكل

لا هما غالبا بتوع التاكسي بيبقوا ف حالة مش طبيعية

حتي لو مش بيشرب حاجة يعني السر مش ف اللي بيشربه

هما دايما كدة بيعملوا حاجات غريبة

و من غير سبب

المهم بس تكون زاكرت كويس

اه زاكرت الحمد لله إدعولى بقى اخر إمتحان بكره ان شاء الله
بس بقولك يا هند لأ ازاى دا السر كله جوه المج
اسهلهالك اول حرف من اللى كان بيشربه
ح
اوعى تقولى حلبه حصا هههههه

نفرتيتى وكنج سويت وزيكو صاحبى عرف ايه اللى جوه المج ؟ Tatice

توتن ﭬينكل

مووووفق ان شاء الله يا رسمي

و تاني حرف ش ؟

يا خوفي ليكون اللي ف بالي

تبقي الحلبة الحصي ارحم بقي

انا موافق علي فكرة المفتش كرومبو د
ي