alsunawy
عزيزي الزائر

لأنـنـا نـعـشـقِ التـميز والـِمُـِمَـِيّـزِيْـن يشرفنـا إنـظمـامك معنـآ في مـنـتـدانـا
منتدى ألسنـــــــاوي
أثبـت تـوآجُـِدك و كن من الـِمُـِمَـِيّـزِيْـن ..!



ادارة المنتدي

alsunawy
عزيزي الزائر

لأنـنـا نـعـشـقِ التـميز والـِمُـِمَـِيّـزِيْـن يشرفنـا إنـظمـامك معنـآ في مـنـتـدانـا
منتدى ألسنـــــــاوي
أثبـت تـوآجُـِدك و كن من الـِمُـِمَـِيّـزِيْـن ..!



ادارة المنتدي

alsunawy
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


منتدى يجمعنا كلنا
 
الرئيسيةالبوابةأحدث الصورالتسجيلدخول

 

 ياسر ويسريه قصه حب عصريه

اذهب الى الأسفل 
+14
eyes gravity
Egypt
LOLY
fulla_flower
osama
ahmed elshafeey
a7med sh7ata
ToTy FrOtY
Y a S s e R
katkotahanem
AHMED MARAKPY
mayoy
AL_Administirator
DuNkeLmAnN
18 مشترك
انتقل الى الصفحة : 1, 2  الصفحة التالية
كاتب الموضوعرسالة
DuNkeLmAnN
عضو جديد
عضو جديد
DuNkeLmAnN


ذكر
عدد الرسائل : 594
العمر : 35
العمل\الترفيه : كلية اللغات والترجمه
تاريخ التسجيل : 25/01/2008

ياسر ويسريه قصه حب عصريه Empty
مُساهمةموضوع: ياسر ويسريه قصه حب عصريه   ياسر ويسريه قصه حب عصريه Icon_minitimeالأربعاء 05 مارس 2008, 12:01

النهارده جايبلكوا قصه من واقع الحياه المصريه مع أضافه بعض روح الفكاهه والمرح بناقش فيها قضايا كتير زي الفقر والفراغ والاختلاف الكبير بين طبقات المجتمع ولكن بشكل كوميدي ..

أحداث القصه من واقع الخيال والخيال ما هو الا سيناريو


***
يوم جميل والشمس طالعه (وحرقت قفا الغلابه) انما سي ياسر يا سلام يا سلام يا سلام ياسر ده شاب كلاس اوي وفافي (فرفور يعني قولوا متتكسفوش) من عيله ارستقراطيه من بتوع رد كلبي وفي يوم من ذات الايام وفي مره من ذات المرامير ياسر يقابل اللي هتغيرله كل حياته ونرجع بظهرنا لورا لليوم التاريخي



ياسر صحى الصبح زي اي بنى ادم وضرب الكابوتشينو وضرب الجيل في شعره وضرب مفاتيحه (عالم مفتريه ربنا عالظالم) ونزل عشان يخرج مع هشام صاحبه ويروشنوا (ربنا يروشهم زي ما هم رواشنا )



هشام:صباح حاير طاير عالي المقامات جاي من جميع الاتجاهات يصبح على احلى البهواتياسر ويسريه قصه حب عصريه Wink2hx4


ياسر:ايه يا ابني الكلام ده كله بتجيبه منين

هشام:من عبده حركاتياسر ويسريه قصه حب عصريه 2828pe0

ياسر:وات(يعني ايه بس بالاسباني ربنا يكفيكوا شر الجهل)

هشام:انت لسه هتوتوت ده بقى معرفه اخوك حاجه كده معفنه ولوكال موت(بيئه يعني بعيد عن السامعين)بنروح نغير جو عنده بدل الخلق النضيفه اللي بنشوفها كل يوم

ياسر:وااااو دي فكره جامده مووووت مش كنت تديني الو من زمان

هشام:خلاص يا كبو انا هروحله بكره اخد عنده حصه تشرد تيجي معايا

ياسر:اوفكورز (يعني طبعا كسفتونا ادام الاجانب)ياسر ويسريه قصه حب عصريه Yahooiy6

هشام:لا ابوس ايدك بلاش تعليمك الاجنبي وحصص الاسباني بتاعتك دي تنقح عليك واحنا هناك احسن يتفكرك بتشتمه وساعتها مش هتلحق حتى تصوت بالهيروغليفيياسر ويسريه قصه حب عصريه 28491113yj6

ياسر:ولا يهزك بكره تشوف شاب من العشوائيات واقف معاك دوس انت بس وحددلنا معاد معاهياسر ويسريه قصه حب عصريه 54222283nn5

هشام:بيس يا مان نتقابل بكره افترنون (بعد الضحا في الآياله )ونروحله سوا

ياسر:بيس يا كبو سي يو

*******



ياسر:لازم اوطي على الموبايل واحب على ايده عشان تردياسر ويسريه قصه حب عصريه 888dt9


هشام:سوري يا مان كنت باخد شاور عشان ننزل

ياسر:شاور........ وبتقول انا اللي هفضحك هناك يلا يا عم النضيف خلصنا

هشام:اما نشوف مين هيفضح مين

ياسر: طيب يلا عاوزين نلحق معادناياسر ويسريه قصه حب عصريه 21096964sc0

هشام:انا لسه هلبس اقولك روح انت اسبقني على هناك وانا هحصلك

ياسر:اسبقك فين معرفش الادريس(الخريطه يا بني ادمين)

هشام:لا استناني انت عند الميدان وانا هجيلك ونروح توجزر( مع بعضياتنا)

ياسر:لا اوصفلي انت العنوان وانا هروح ده انت معاك ياسو على سن ورمح

هشام:طيب حاسب السن يتكسر وتضيع هيبتك يا سيد الرجاله بص انت هتسأل على حاره بسطاويسي الدهل وتمشي كده على طول على طول

ياسر:لحد ما تلاقي عماره دي وصفه سهله دي وصفه هايله

هشام:هيهيهيهيههي ايه الليله الكبيره اللي انت عايش فيها دي هوديك انا يا عم اللذيذ وخلصني

ياسر:لا خلاص انا هروح وهسأل على حاره بسطاويسي العبيط صح ؟؟

هشام:ههههههههههههه والله ما عبيط غيرك يا ابني الدهل مش العبيط

ياسر:يا عم كلهم من عيله المتخلف تربيه السرايا السفرا يلا سي يو زير(اشوفك هناك انا هاخد حق الترجمه في الاخر)

هشام: اوك سي يو



ويركب ياسر عربيته ويروح العنوان اللي وصفهوله ويقف عند أول الحاره مش عارف يروح فين ولا ييجي منين وملبوخ(فرفور يا جماعه حاولوا تقدروا الموقف)

ويقرر انه يطلع البطل اللي جواه وينزل من العربيه يسال اي مخلوق من اللي في الحاره عن عبده حركات
وينزل ياسر من العربيه والكل عمال يتفرج عليه كأنه من كوكو تاني شاب نضيف وريحته حلوه وشكله مستحمي قريب يعني خرج عن سلو بلدنا وماسك في ايده البتاع اللي اسمه النوبايل لدرجه انهم شكوا انه الريس بس متنكر ما هي مش بعيده عليه يعمل اي حاجه ده.............تيت............... (حذفت بواسطه الرقابه)مكنش حد راضي يقرب منه ولا يكلمه لحد ما شاف بنت على اد ما باين عليها الفقر وعلامات التشرد الا انها جميله والرقه باينه في ملامحها وحب يفرد عضلاته ويعمل جو لنفسه وراح يسالها عن عبده حركات و...........................



يُتـــــــــــــــ ياسر ويسريه ـــــــــــــــــبع
الرجوع الى أعلى الصفحة اذهب الى الأسفل
DuNkeLmAnN
عضو جديد
عضو جديد
DuNkeLmAnN


ذكر
عدد الرسائل : 594
العمر : 35
العمل\الترفيه : كلية اللغات والترجمه
تاريخ التسجيل : 25/01/2008

ياسر ويسريه قصه حب عصريه Empty
مُساهمةموضوع: رد: ياسر ويسريه قصه حب عصريه   ياسر ويسريه قصه حب عصريه Icon_minitimeالسبت 08 مارس 2008, 07:44

" الفصل التاني "
***
ويدخل ياسر على الانسه الحسناء وهو بيسبلياسر ويسريه قصه حب عصريه Elebda3492us8 وفاكر نفسه في الزمالك ميعرفش هنا ان اللي يبص للبت من دول لابد وحتما يكتب كتابه عليها امال ايه هو لعب عيال دي هتبقى مبصوص فيها ونعمل زوم على ياسر وحسناء الحاره..
ياسر: احم احم لو سمحتي يا انسه .....ياسر ويسريه قصه حب عصريه Elebda3492us8
يسريه"بتبصله من فوق لتحت": خير يا حيلتها تايه ولا ايه يا توتو يا صغير
ياسر: توتو ههههههههه عسل يو ار سو كيوت (عقبال عند الحبايب يعني دمك خفيف)
يسريه: والنبي عسل انت هتستظرف يا سيد أمك
ياسر: (وهو بيسبل بردو)ياسر ويسريه قصه حب عصريه Elebda3492us8 سوري مكنتش اعرف اني هزعلك اوي كده
يسريه"بفراغ صبر": مانت باين عليك بلسان ونص وبتشتم وليلتك زرقا كاروهات .. سوري ..أمال مكنش سوري ليه لما ضربت بؤك في الخلاط وأتكلمت ..
ياسر: لا لو ممكن بينك مقلم بالطولياسر ويسريه قصه حب عصريه Jumpycs2
يسريه: الله ده انت لذيذ وبتتكلم أهو .. قصر يا بن مامتك وقول عايز ايه شكلك نضيف مش عايزه ابهدلكياسر ويسريه قصه حب عصريه 101104vwf4

ياسر: خلاص انتي النرف عندك عالي ليه انا عايز اسال عن عبده اشتغالات عبده مقالب حاجه كده..
يسريه: عبده حركااااااااات تقصد.. في آخر الشارع جتكوا البله بليتوا البلدياسر ويسريه قصه حب عصريه Elebda3762zw1
ياسر: جرى ايه يا انسه هو انتي عشان شايفاني جنتل مان ومش راضي ارد على قله ادبك دي تقومي تتماديياسر ويسريه قصه حب عصريه 888dt9
يسريه: ياسر ويسريه قصه حب عصريه Elebda3762zw1 قله ادبىىىىىىىىىىىى نعم أنت فاكر نفسك واقع مع بت بجد لا يا واااااااااااد ده أنا أعملك فار وأخلي قطط الحاره تجري ورااااااااااك

((وتبتدي وصله الصويط))
يااااااااااااااااالهوووووووووووووووي
الحقوووووووووووووووووووني
ياسر: اييه ايه يا ست انتي ده
يسريه: الواد الملزق ده بيعاكسني.. " وبصوت واطي " .. ده انت هتاخد علقه مخدهاش حرامي فراخ في عشهياسر ويسريه قصه حب عصريه 77
ياسر: (وهو متعلق من قفاه زي خروف العيد بعد ما دبحوه من جزار الحته) وات؟؟!!! انا مجتش جنب فراخ والله يا اونكل ولا بحبها اصلاياسر ويسريه قصه حب عصريه Vavagifag0
وطبعا خد العلقه المتينه ومقدرش يروح غير لعبده التمرجي (ادي اخره اللي يمشي ورا عبده حركات)

_مشهد المستشفى _

ياسر وهو في المستشفى ومش باينله ملامح من علقه ست الحسن والجمال كلم وليد عشان ييجيله

هشام: الله الله ايه يا كبو اللي هزقك كده وخللي وشك شوارع
ياسر: شوارع اشوف فيك ويك بحاله هاتولي باباااااااااا هاتولي بابااااااااااااااا
هشام: يا حلو يا نايتي بابا ايه يا ياسو ما تهدي الجو احنا في المستشف ي هتفضحنا عيب علي طولك
ياسر: امشي من ادااااااامي انا غلطان اني بعرف واحد زيك انا كان مالي ومال عبده زفت بتاعك دهياسر ويسريه قصه حب عصريه 0001

(هشام جاي يقعد) ياسر: اااااااااااه قووووووووم من على رجلي جبتولي اعاقه وانا لسه زوغير
هشام: طب أهدي اهدي يا واد وأحكيلي مين عمل فيك كده بلدوزر عدي عليك؟!ياسر ويسريه قصه حب عصريه 176
ياسر: يااااااااااريت كنت قلت قضاء وقدر بس اما اشوفها بس اكله الاسفلت دي والله ما هسيب حقي
هشام: ياخبر ملون هي أنثي بني آدم اللي عملت فيك كده ولا أنثي حوتياسر ويسريه قصه حب عصريه 54222283nn5
ياسر: بس متقولش انثى دي مش انثى دي مكنه شتايم بلدوزر تهزيق موتور فضايح.. رحت اسالها عالزفت عبده هباب بتاعك ده لمت عليا الشارع واخر حاجه فاكرها كانت الفراخ وانا ما بحبش الفرااااااااااااااااااخياسر ويسريه قصه حب عصريه 0015
هشام: ههههههههههههههه بزمتك برزالتك المعهوده معاكستش كده ولا كده مرمتش كلمه يا فلانتينوياسر ويسريه قصه حب عصريه 156616
ياسر: فلانتينو ما خلالالالالاص انا ضعت مستقبلي المعاكساتي راااااح هعاكس بأنهي وش دلوقتي ضيعت مستقبليياسر ويسريه قصه حب عصريه 159
هشام: اه يبقي عاكست يا نايتي بزمتك يا أبو عين زايغه دي بنات تتعاكس ده ريحه البصل سابقاهم بمتر تعلن عن وصولهمياسر ويسريه قصه حب عصريه 56
ياسر: انا اعاكس المستوى ده انت حد ضربك على يور هيد قلتلك غلطت غلطه عمري و سالتها على عبده مقصات
هشام: مقصات ايه انت مقعدينك في مشرحه ولا ايه عبده حركات حركات
ياسر: كان يوم اسود يوم ما سمعت الاسم ده وكان يوم اسود منه لما عرفتكياسر ويسريه قصه حب عصريه Mad
هشام: خلاص هددي نفسك وعقاب البت دي معايا
ياسر: لالالالا ده تاري انا وحياه سوسو وتوتو وميمي اللي دوختهم ورايا وحياه صافي وكوكي اللي جبتهم برمش وحياه شاهي وبوسي وحياه كل اسم دخل في قاموس ياسو ما هسيب حقي ابداياسر ويسريه قصه حب عصريه 39
وبعدين انا مش عايز اعرفك تاني اصلا امشى من ادامىىىىىىىى
هشام: همشي ماشي وتليفونات بقي
ياسر: انت هتسيبني هنا و هشااااااااااااااااااااااااام
هشام: رنات يا ياااااااااسوياسر ويسريه قصه حب عصريه 0094
ياسر: هشاااااااااااااااااااااااااااااااااااااااااااااام

وطبعا مشي ولا عبره ( موسيقي التتر )

يُتـــــ ياسر ويسريه ــــــــبع



عايز الردود يا جماعة علشان أكمل
الرجوع الى أعلى الصفحة اذهب الى الأسفل
AL_Administirator
Admin
Admin
AL_Administirator


انثى
عدد الرسائل : 3577
العمر : 35
المزاج : شغاال
العمل\الترفيه : طالبة على قد حالى
ياسر ويسريه قصه حب عصريه Empty
تاريخ التسجيل : 03/12/2007

ياسر ويسريه قصه حب عصريه Empty
مُساهمةموضوع: رد: ياسر ويسريه قصه حب عصريه   ياسر ويسريه قصه حب عصريه Icon_minitimeالسبت 08 مارس 2008, 12:27

هههههههههههههههههههههههه
يوميات طريفه
وتم التثبيت
الرجوع الى أعلى الصفحة اذهب الى الأسفل
https://www.facebook.com/home.php?ref=home#/profile.php?id=102909
mayoy
عضو جديد
عضو جديد
mayoy


انثى
عدد الرسائل : 806
العمر : 34
تاريخ التسجيل : 11/12/2007

ياسر ويسريه قصه حب عصريه Empty
مُساهمةموضوع: رد: ياسر ويسريه قصه حب عصريه   ياسر ويسريه قصه حب عصريه Icon_minitimeالسبت 08 مارس 2008, 16:00

ههههههههههههه
جميلة اوى
thanksssssss
الرجوع الى أعلى الصفحة اذهب الى الأسفل
AHMED MARAKPY
عضو جديد
عضو جديد
AHMED MARAKPY


ذكر
عدد الرسائل : 27
العمر : 38
تاريخ التسجيل : 17/01/2008

ياسر ويسريه قصه حب عصريه Empty
مُساهمةموضوع: رد: ياسر ويسريه قصه حب عصريه   ياسر ويسريه قصه حب عصريه Icon_minitimeالأحد 09 مارس 2008, 04:07

very nice
thanks DuNkeLmAnN
الرجوع الى أعلى الصفحة اذهب الى الأسفل
DuNkeLmAnN
عضو جديد
عضو جديد
DuNkeLmAnN


ذكر
عدد الرسائل : 594
العمر : 35
العمل\الترفيه : كلية اللغات والترجمه
تاريخ التسجيل : 25/01/2008

ياسر ويسريه قصه حب عصريه Empty
مُساهمةموضوع: رد: ياسر ويسريه قصه حب عصريه   ياسر ويسريه قصه حب عصريه Icon_minitimeالإثنين 10 مارس 2008, 16:15

الفصل التالت

وتروح يسريه عند جارتهم فتحيه عشان تفضفض معاها بكلمتين



تك تك تك

فتحيه : ميييين طيب ياللي عالباب جايه اهو حاضر يوه..

يسريه!! ازيك كنت لسه هجيلك ادخلي يا حبيبتي

يسريه: ازيك يا موكوسه .. لسه متجوزتيش؟!ياسر ويسريه قصه حب عصريه 66

فتحيه : يختي ما الحال من بعضه ياسر ويسريه قصه حب عصريه 0001 بلا جواز بلا نيله

يسريه : خلاص يا بت هتخشيلي قافيه ولا ايه .. علي رأيك..
انما انتي كنتي هتسعدينا بوشك السمح ده ليه خير؟!

فتحيه: ال ايه يختي عرفت انك كنتي بتتخانقي النهارده قلت اجي اطمن عليكي واعرف ايه اللي حصلهو ايه اللي حصل يا بت ؟

يسريه: جاتكوا هم حاره غم مبتبلش في بؤوكوا خبر.. مفيش.. واد نايتي من بتوع الجامعه حبيب أمه عاكسني ربيته

فتحيه :اتنيلي هو انتي حد بيبص في وشك يوه.. قصدي ما تسيبيه يعاكس يعملك منظرياسر ويسريه قصه حب عصريه 111

يسريه: لا بيبصوا في وشك انتي يا أم 3 ودان ليه قرعه زيك انا يا بت ولا ايه؟ياسر ويسريه قصه حب عصريه 145

فتحيه: خلاص هو انتي مقدرتيش عالنايتي هتتشطري عالشمعدانياسر ويسريه قصه حب عصريه 99

يسريه: أيوه كده اتعدلي المهم يعني

فتحيه: المهم يا بتاعه المهم

يسريه : علقوه شبه الفرخه اللي عندها انفلونزا الطيور ونقلوه المستشفي

فتحيه : يا ضنايا يا ابني يا بت يا خايبه مش تتنصحي ولا هتفضلي طول عمرك زي الوابور كده تهبي وخلاص حد بيعاكس جريه عالبيت مش عالمستشفيياسر ويسريه قصه حب عصريه 0033

يسريه: يابت بقولك نايتي وبعدين الاشكال دي مش بتعاتنا أرضي بقليلك وأقبلي بالواد سيكا الميكانيكي مش هتلاقي حد يبص في خلقتك

فتحيه: بقولك ايه يا ميكا ايه اللي جاب سيره سيكا دلوقتي وبعدين نايتي نايتي عاجباكي يعني الخلق اللي بنشوفها كل يوم خلق متربه موضتها بطلت من القرن اللي فاتياسر ويسريه قصه حب عصريه 0001

يسريه : فضك م السيره دي وناوليني شويه رز ده انتي بت فاضيه

فتحيه : هو انا ما اشوفش خلقتك الا عشان تستلفي مننا رز عندك الرز في المطبخ على الله يتمر

يسريه: بتزليني يا فتحيه علي شويه الرز الله يرحم لما .......

فتحيه: خلاص خلاص يوه بضحك معاكي عندك الرز جوه خدي اللي انتي عايزاه بس ما تكتريش اوي حاكم انا عارفاكي مش ابو بلاش كتر منهياسر ويسريه قصه حب عصريه 77

يسريه : كاتك نيله وأنتي بت فقر اوعي من قدامي يلا سلام يا حجه أم فتحيه

أمي بتسلم عليكي وبتقولك لما تعوزي حاجه ابقي أطلبيها من جارتك اللي تحت

متتعبيش نفسك وتنزلي سلامياسر ويسريه قصه حب عصريه 145

فتحيه : سلام

بلا نيله جيران هم(( طبعاً بصوت واطي والا كانت هتبقي مجزه ))


طبعاً عايزين تعرفوا ياسر فين ومدبرله أيه

أستنونا الحلقه اللي جايه مع ياسر ويسريه
يُتــــــــــــ ياسرويسريه بــــع
الرجوع الى أعلى الصفحة اذهب الى الأسفل
AHMED MARAKPY
عضو جديد
عضو جديد
AHMED MARAKPY


ذكر
عدد الرسائل : 27
العمر : 38
تاريخ التسجيل : 17/01/2008

ياسر ويسريه قصه حب عصريه Empty
مُساهمةموضوع: رد: ياسر ويسريه قصه حب عصريه   ياسر ويسريه قصه حب عصريه Icon_minitimeالثلاثاء 11 مارس 2008, 02:01

قصة جامده
عايزين الكمالة
وشكراً للمجهود
الرجوع الى أعلى الصفحة اذهب الى الأسفل
DuNkeLmAnN
عضو جديد
عضو جديد
DuNkeLmAnN


ذكر
عدد الرسائل : 594
العمر : 35
العمل\الترفيه : كلية اللغات والترجمه
تاريخ التسجيل : 25/01/2008

ياسر ويسريه قصه حب عصريه Empty
مُساهمةموضوع: رد: ياسر ويسريه قصه حب عصريه   ياسر ويسريه قصه حب عصريه Icon_minitimeالثلاثاء 11 مارس 2008, 09:07

شكراً للردود يا جماعة
وانتظروا الكمالة بعد الردود
الرجوع الى أعلى الصفحة اذهب الى الأسفل
katkotahanem
عضو جديد
عضو جديد



انثى
عدد الرسائل : 4
العمر : 35
تاريخ التسجيل : 11/03/2008

ياسر ويسريه قصه حب عصريه Empty
مُساهمةموضوع: رد: ياسر ويسريه قصه حب عصريه   ياسر ويسريه قصه حب عصريه Icon_minitimeالثلاثاء 11 مارس 2008, 10:20

7lwaaaaa mooooooot ya yasser .... bas ya reeeeeeeeet tkmlha bsor3aaaa ....
الرجوع الى أعلى الصفحة اذهب الى الأسفل
DuNkeLmAnN
عضو جديد
عضو جديد
DuNkeLmAnN


ذكر
عدد الرسائل : 594
العمر : 35
العمل\الترفيه : كلية اللغات والترجمه
تاريخ التسجيل : 25/01/2008

ياسر ويسريه قصه حب عصريه Empty
مُساهمةموضوع: رد: ياسر ويسريه قصه حب عصريه   ياسر ويسريه قصه حب عصريه Icon_minitimeالسبت 15 مارس 2008, 12:16

((الفصل الرابع))

ويرجع ياسر بيتهم وهو مجروح الكرامه مشرأب العينين وقرر انه ينتقم من أكله لحوم الضفادع اللي بهدلته البهدله دي وهو سرحان وبيتخيل انه بيضربها مقص حراميه ياسر ويسريه قصه حب عصريه 76او حاططها مع اسد احول مراته بتشبشبله كل يوم وجتله عقده نفيسه في قفصه ياسر ويسريه قصه حب عصريه 163فيدخل عليه هشام

هشام:ايه يا كبو اللي واخد يور مايند
ياسر:انا مش قلت مش عايز اشوفك تاني انت السبب انت اللي قتلت باباتي ااااه يا باباتيياسر ويسريه قصه حب عصريه 125
هشام:ايه يا ابني هو انت مقدرتش عالدونكي هتتشطر علي اسمه ايه دهياسر ويسريه قصه حب عصريه 135 (قصده البردعه بس بعيد عنكوا ميعرفهاش)
ياسر:انامشفتش دونكي غيركياسر ويسريه قصه حب عصريه 178

هشام:ما قلتليش بردو سرحان في مين يا كبير
ياسر:بخطط للانتقامياسر ويسريه قصه حب عصريه 134
هشام:ايه امير الانتقام اللي انت عايش فيه دهياسر ويسريه قصه حب عصريه 176 وعاوز تنتقم من مين
ياسر:من فرانكشتين الحاره اللي بهدلتني البهدله دي كلهاياسر ويسريه قصه حب عصريه 0126

هشام:انت لسه بردو مصمم طب خدني جنبك بقى نفكر سوا

ياسر:تصدق انك معندكش اي بلود قوم مش عايز اشوف وشك تاني

هشام:ليه يا ياسو كده ده انا هجهزلك خطه ولا خطه توم كروز في ميشن ايمبوسيبل شفته ده حته فيلم جاااااامد كيك شفته لما ......ياسر ويسريه قصه حب عصريه 45
ياسر:بسسسسسس انت اللي ايمبوسيبل ان حد يستحملك خلينا نركز في خطتكياسر ويسريه قصه حب عصريه Bizar
هشام:بص يا سيدي احنا .................................................. ..ياسر ويسريه قصه حب عصريه 77

ـــــــ في الحاره ــــــــ

بلطجي1: يا جميل ياللي مدوخني وراك ايه الجمال ده ده ولا جمال عبد الناصر يا حلو ولا حلاوه الرشيدي الميزان يا قمر ياللي مغلبنيياسر ويسريه قصه حب عصريه 156616
يسريه: أهااااااااااا هو انت من أيام السنما الصامته ده انت زودتها أويياسر ويسريه قصه حب عصريه 182
بلطجي1: كله منك حلو يا جميل
يسريه: احترم نفسك يا واد هقطعك وربنا ياسر ويسريه قصه حب عصريه Boxe
بلطجي 2: طب تعالي معانا يا جميل وأحنا نروقوك
بلطجي1: ما تسمع الكلام بقى ما تتعبناش معاكياسر ويسريه قصه حب عصريه Besote

يسريه: ياااااااااا نااااااااااس هو مفيش راجل في الحته دي يحوش عني القطرين دول

ياااا نااااااااااس الحقوووووووونيياسر ويسريه قصه حب عصريه Aie

ويظهر ياسر ولا سوبر مان في زمانه (يختي عليه وعلى حواليه)ياسر ويسريه قصه حب عصريه 149

ياسر: جرى ايه يا نايتي انت وهو ايه مفيش حد مالي عينكم ولا ايه حد فيهم عملك حاجه يا انسه

بلطجي2: انت مين يا جدع انتياسر ويسريه قصه حب عصريه 187

ياسر: انا اللي هيربيكياسر ويسريه قصه حب عصريه 10

بلطجي1: تربي مين يا سيد الحبايب ده أنا أعملك شاورما وأحطك في عيش معفنياسر ويسريه قصه حب عصريه 137

ياسر: يبقى لسه متعرفنيش واللي ميعرفنش يجهلنيش عارف الخمسه اللي طاروا في حادثه المترو كنت انا بس المترو طلع مجدع وشالها بداليياسر ويسريه قصه حب عصريه 27 (الكلمتين اللي لقطهم من الافلام الهندي بتاعتنا)
بلطجي1: بقولك ايه مبحبش طوله اللسان عندك حاجه أستعملهاياسر ويسريه قصه حب عصريه Colere_rouge
طاااااااااااخ طراااااااااخ وطبعاً اداهم العلقه التمام ماهم متأجرين منه ..ياسر ويسريه قصه حب عصريه 147

ياسر (ولا احمد رمزي في زمانه)ياسر ويسريه قصه حب عصريه 166: انتي كويسه يا .......

يسريه: يسريه أسمي يسريهياسر ويسريه قصه حب عصريه 33
ياسر: اهلا وسهلا
يسريه: وانت اسمك ايه بقي ان شاء الله؟ياسر ويسريه قصه حب عصريه 187
ياسر: انا اسمي ياسر شفتي الصدف السعيدهياسر ويسريه قصه حب عصريه 0033

يسريه: سعيده علي نفسها مش علياياسر ويسريه قصه حب عصريه 4
ياسر: انتي كويسه اهم حاجه

يسريه: اه كويسه انت شايف ايه ولا البعيد اعمى و ان كان علي القطرين اللي انت ضربتهم أنا كان ممكن أعملهم ساندوتشات كوفته بس أنت مواعيدك زباله اساساياسر ويسريه قصه حب عصريه 175
ياسر: اه ما هو باين امال مين اللي صوت والحقوني ومفيش حد يحوش عني هي دي شكرا بتاعتك يعني مش كفايه اتعورت وكنت هروح فيهاياسر ويسريه قصه حب عصريه 42

يسريه: انت اتعورت جامد؟ (وهي بتضغط عالتعويره) مش جامد دي شويه دم يعنيياسر ويسريه قصه حب عصريه 164

ياسر: اااااه ايه ده خفي شويه .. متشكر اوي يا انسه يسريه .. عالعموم كويس انك بخير والمره الجايه هبقى اظبط مواعيديياسر ويسريه قصه حب عصريه 0011

يسريه: آه ياريت لأنك بتتأخر أوي يلا سلام ياسر ويسريه قصه حب عصريه 150

ياسر(وهو ماسك يسريه وبيوقفها)ياسر ويسريه قصه حب عصريه 11: ايه يا انسه يسريه ليه المعامله دي على فكره انا ما غلطتش فيكي انا كان كل قصدي اني اساعدك وانا اسف لو ضايقتكياسر ويسريه قصه حب عصريه 143

يسريه : بس بس بس بس بس متخشش علينا بطقمين الحنيه دول مبياكلوش معايا بتعب من السهوكه بتجبلي حساسيهياسر ويسريه قصه حب عصريه 0011

ياسر: وات سهوكه ؟؟!! ياسر ويسريه قصه حب عصريه 87عالعموم سلامتك من الحساسيه

يسريه: بقولك ايه اتكلم عدل واقف معووج وكانك بتكلم واحد صاحبكياسر ويسريه قصه حب عصريه 13
ياسر: اول حاجه صح تقوليها من ساعه ما شفت يور فيسياسر ويسريه قصه حب عصريه 111 انا حاسس فعلا اني بكلم واحد صاحبي بس صاحب لوكالياسر ويسريه قصه حب عصريه 0001
يسريه: شكلك بتغلط بس أنت أصلا كلك علي بعضك غلط جت في الكلمه ديياسر ويسريه قصه حب عصريه Aie

ياسر: الله الله لا انتي غريبه جدا على فكره (بس بردو مش هسيبك في سره )

يسريه : محمد رسول الله يا خويا يلزمشي خدمه أديك تمن اللزقه بتاعت الأوفه يا أمورياسر ويسريه قصه حب عصريه 9

ياسر: ولو اني مش فاهم بس مرسيياسر ويسريه قصه حب عصريه 15
يسريه: سيبني أمشي بقي وبلاش علقه المره اللي فاتت
ياسر: لا وعلى ايه الطيب احسن سي يو سون ماي فير لاديياسر ويسريه قصه حب عصريه 0013
يسريهياسر ويسريه قصه حب عصريه 87: تك نيله فيك وف علامك واللي علموكياسر ويسريه قصه حب عصريه 188 "في سرها" جوض نايط يا نايتي

ياسر:جود نايت دارلنج خدي بالك من نفسك وبلاش تمشي في الوقت المتأخر ده لوحدك بطلي لف في الشوارع
يسريه: خد بالك علي نفسك يا شاطر ليقلعوك هدومك وتاخد بردياسر ويسريه قصه حب عصريه Rigole

ومشيت يسريه وأكيد ياسر ناويلها نيه تانيه .. يا تري ايه ؟!ياسر ويسريه قصه حب عصريه 187

الرجوع الى أعلى الصفحة اذهب الى الأسفل
Y a S s e R
المشرف العام
المشرف العام
Y a S s e R


ذكر
عدد الرسائل : 4319
العمر : 37
العمل\الترفيه : FedEx Express
ياسر ويسريه قصه حب عصريه Empty
تاريخ التسجيل : 16/01/2008

ياسر ويسريه قصه حب عصريه Empty
مُساهمةموضوع: رد: ياسر ويسريه قصه حب عصريه   ياسر ويسريه قصه حب عصريه Icon_minitimeالأحد 16 مارس 2008, 04:06

ياسر ويسريه قصه حب عصريه Rigole ياسر ويسريه قصه حب عصريه Rigole ياسر ويسريه قصه حب عصريه Rigole ياسر ويسريه قصه حب عصريه Rigole ياسر ويسريه قصه حب عصريه Rigole ياسر ويسريه قصه حب عصريه Rigole
الرجوع الى أعلى الصفحة اذهب الى الأسفل
ToTy FrOtY
عضو جديد
عضو جديد
ToTy FrOtY


انثى
عدد الرسائل : 88
العمر : 35
المزاج : كله على الله
العمل\الترفيه : طالبة بكلية اللغات والترجمة
تاريخ التسجيل : 12/03/2008

ياسر ويسريه قصه حب عصريه Empty
مُساهمةموضوع: رد: ياسر ويسريه قصه حب عصريه   ياسر ويسريه قصه حب عصريه Icon_minitimeالخميس 20 مارس 2008, 05:57

يوميات جامده موووووووووووووت Laughing
منتظرين الكماله
الرجوع الى أعلى الصفحة اذهب الى الأسفل
a7med sh7ata
عضو جديد
عضو جديد
a7med sh7ata


ذكر
عدد الرسائل : 184
العمر : 36
المزاج : مع نفسه واوعي تغير المحطه
تاريخ التسجيل : 03/02/2008

ياسر ويسريه قصه حب عصريه Empty
مُساهمةموضوع: رد: ياسر ويسريه قصه حب عصريه   ياسر ويسريه قصه حب عصريه Icon_minitimeالخميس 20 مارس 2008, 09:43

هههههههههههههههههههههههههههههه
الله عليك
استمر
بس اوعي تغير المحطه
الرجوع الى أعلى الصفحة اذهب الى الأسفل
DuNkeLmAnN
عضو جديد
عضو جديد
DuNkeLmAnN


ذكر
عدد الرسائل : 594
العمر : 35
العمل\الترفيه : كلية اللغات والترجمه
تاريخ التسجيل : 25/01/2008

ياسر ويسريه قصه حب عصريه Empty
مُساهمةموضوع: رد: ياسر ويسريه قصه حب عصريه   ياسر ويسريه قصه حب عصريه Icon_minitimeالسبت 22 مارس 2008, 08:26

eh ya gma3a fen el rdoooooooooooooooooood
الرجوع الى أعلى الصفحة اذهب الى الأسفل
ahmed elshafeey
عضو جديد
عضو جديد
ahmed elshafeey


ذكر
عدد الرسائل : 35
العمر : 38
العمل\الترفيه : TOUR LEADER ESPANISH
تاريخ التسجيل : 28/02/2008

ياسر ويسريه قصه حب عصريه Empty
مُساهمةموضوع: رد: ياسر ويسريه قصه حب عصريه   ياسر ويسريه قصه حب عصريه Icon_minitimeالأحد 23 مارس 2008, 04:35

زي الفل يا ماااااااااااااااااااان
كمل وانت هتشوف الردود
الرجوع الى أعلى الصفحة اذهب الى الأسفل
Y a S s e R
المشرف العام
المشرف العام
Y a S s e R


ذكر
عدد الرسائل : 4319
العمر : 37
العمل\الترفيه : FedEx Express
ياسر ويسريه قصه حب عصريه Empty
تاريخ التسجيل : 16/01/2008

ياسر ويسريه قصه حب عصريه Empty
مُساهمةموضوع: رد: ياسر ويسريه قصه حب عصريه   ياسر ويسريه قصه حب عصريه Icon_minitimeالأحد 23 مارس 2008, 06:09

موضوع جامد يا بوب وكمل بليييييييييز
الرجوع الى أعلى الصفحة اذهب الى الأسفل
osama
عضو جديد
عضو جديد



ذكر
عدد الرسائل : 137
العمر : 37
المزاج : zay el fol
العمل\الترفيه : student
تاريخ التسجيل : 16/02/2008

ياسر ويسريه قصه حب عصريه Empty
مُساهمةموضوع: رد: ياسر ويسريه قصه حب عصريه   ياسر ويسريه قصه حب عصريه Icon_minitimeالأربعاء 26 مارس 2008, 11:49

eshta ya kbeeeeer
الرجوع الى أعلى الصفحة اذهب الى الأسفل
fulla_flower
مشرفه
مشرفه
fulla_flower


انثى
عدد الرسائل : 3720
العمر : 35
المزاج : coOol
العمل\الترفيه : Germanistik
ياسر ويسريه قصه حب عصريه Empty
تاريخ التسجيل : 10/03/2008

ياسر ويسريه قصه حب عصريه Empty
مُساهمةموضوع: رد: ياسر ويسريه قصه حب عصريه   ياسر ويسريه قصه حب عصريه Icon_minitimeالسبت 29 مارس 2008, 15:22

جميلة اوى شكرا يادونكل
الرجوع الى أعلى الصفحة اذهب الى الأسفل
LOLY
عضو جديد
عضو جديد
LOLY


انثى
عدد الرسائل : 1068
العمر : 34
تاريخ التسجيل : 01/01/2008

ياسر ويسريه قصه حب عصريه Empty
مُساهمةموضوع: رد: ياسر ويسريه قصه حب عصريه   ياسر ويسريه قصه حب عصريه Icon_minitimeالأحد 30 مارس 2008, 04:04

thankssssssss
DuNkeLmAnN
الرجوع الى أعلى الصفحة اذهب الى الأسفل
ahmed elshafeey
عضو جديد
عضو جديد
ahmed elshafeey


ذكر
عدد الرسائل : 35
العمر : 38
العمل\الترفيه : TOUR LEADER ESPANISH
تاريخ التسجيل : 28/02/2008

ياسر ويسريه قصه حب عصريه Empty
مُساهمةموضوع: رد: ياسر ويسريه قصه حب عصريه   ياسر ويسريه قصه حب عصريه Icon_minitimeالأربعاء 09 أبريل 2008, 14:14

تمام يا حبايبنا
الرجوع الى أعلى الصفحة اذهب الى الأسفل
Egypt
المشرف العام
المشرف العام
Egypt


انثى
عدد الرسائل : 1825
العمر : 34
المزاج : الحمد لله
العمل\الترفيه : طالبة ف رابعة الماني
ياسر ويسريه قصه حب عصريه Empty
تاريخ التسجيل : 18/06/2008

ياسر ويسريه قصه حب عصريه Empty
مُساهمةموضوع: رد: ياسر ويسريه قصه حب عصريه   ياسر ويسريه قصه حب عصريه Icon_minitimeالثلاثاء 24 يونيو 2008, 18:08

فيييييييييييين باقي القصة الجميلة؟؟؟؟؟؟؟؟؟؟
الرجوع الى أعلى الصفحة اذهب الى الأسفل
Egypt
المشرف العام
المشرف العام
Egypt


انثى
عدد الرسائل : 1825
العمر : 34
المزاج : الحمد لله
العمل\الترفيه : طالبة ف رابعة الماني
ياسر ويسريه قصه حب عصريه Empty
تاريخ التسجيل : 18/06/2008

ياسر ويسريه قصه حب عصريه Empty
مُساهمةموضوع: رد: ياسر ويسريه قصه حب عصريه   ياسر ويسريه قصه حب عصريه Icon_minitimeالثلاثاء 22 يوليو 2008, 01:48

عايزين الباقي يا دونكل ماااااااااااان

bounce bounce
الرجوع الى أعلى الصفحة اذهب الى الأسفل
eyes gravity
عضو جديد
عضو جديد
eyes gravity


انثى
عدد الرسائل : 453
العمر : 34
تاريخ التسجيل : 20/06/2008

ياسر ويسريه قصه حب عصريه Empty
مُساهمةموضوع: رد: ياسر ويسريه قصه حب عصريه   ياسر ويسريه قصه حب عصريه Icon_minitimeالأحد 17 أغسطس 2008, 21:27

جميلة اوى اوى وتهلك من الضحك
بس والنبى كمل وانا اديك حق الترجمة اللى انت عايزه
ههههههههههههههههههه
ميرسيه يا جميل
الرجوع الى أعلى الصفحة اذهب الى الأسفل
yoya
عضو جديد
عضو جديد



انثى
عدد الرسائل : 175
العمر : 36
تاريخ التسجيل : 04/07/2008

ياسر ويسريه قصه حب عصريه Empty
مُساهمةموضوع: رد: ياسر ويسريه قصه حب عصريه   ياسر ويسريه قصه حب عصريه Icon_minitimeالسبت 27 سبتمبر 2008, 17:48

ههههههههههههههه
بجد جاااااااامده مووت
ميرسي علي جهدك يا ياسو
بس ده شكله كده انت اللي اخدت العلقه دي
ههههههههههه
يلا كملنا بقي
الرجوع الى أعلى الصفحة اذهب الى الأسفل
NARO4
عضو جديد
عضو جديد



انثى
عدد الرسائل : 1
العمر : 34
المزاج : very happy
العمل\الترفيه : طالبة
تاريخ التسجيل : 26/11/2009

ياسر ويسريه قصه حب عصريه Empty
مُساهمةموضوع: رد: ياسر ويسريه قصه حب عصريه   ياسر ويسريه قصه حب عصريه Icon_minitimeالأربعاء 02 ديسمبر 2009, 01:01

بصراحة مشفتش خفة دم اكتر من كدة جميل جدا منتظرين الباقى Very Happy
الرجوع الى أعلى الصفحة اذهب الى الأسفل
 
ياسر ويسريه قصه حب عصريه
الرجوع الى أعلى الصفحة 
صفحة 1 من اصل 2انتقل الى الصفحة : 1, 2  الصفحة التالية
 مواضيع مماثلة
-

صلاحيات هذا المنتدى:لاتستطيع الرد على المواضيع في هذا المنتدى
alsunawy :: `·.¸¸.·´´¯`··._.·`( الضحك والفرفشة )`·.¸¸.·´´¯`··._.·` :: الفرفشه والضحك-
انتقل الى: