علاقات الانترنت

بعمل بحث عن الاضرار والسلبيات اللى بتنتج عن استخدام الانترنت او بمعنى اصح الشات ومحتاج مساهماتكم ورايكم على الموضوع ده وقريب هجيب قصص من اشخاص ليها تجارب
وارجو منكم المشاركه بارائكم

انا عن نفسي برفض تمام اني اعرف حد من ع النت و نبقي اصحاب و الكلام دة

سواء ولاد او بنات

و مش بكلم حد ع الميل غير اللي بكون عارفاه ف الحقيقة

دي نقطة

النقطة التانية هي ان مش كل الولاد اللي عارفاهم بديلهم ميلي

ناس و ناس و مش كل اللي عارفاه ف الحقيقة بكلمه ع الميل

انا شايفة ان الميل دة المفروض يكون وسيلة للتواصل مع الناس اللي انا اعرفهم

مش وسيلة للتعرف ع الناس

دة طبعا رأيي الشخصي

شكرا ليك ع الموضوع دة

انا بستخدم الشات فى ممارسه اللغة وتحسينها وبتكلم مع اجانب عشان احسن اللغه وانا شايفة انى دى احسن طريقه لتحسين اللغة بس بتكلم مع اجانب على موقع بتعلم من عليه اللغة ومن خصائص الموقع انك تمارس اللغة مع ناس اصليين للغة اللى انت بتتعلمها وبتعمل كمان تمارين زى الكتابه والتحدث وبترسلها للاصدقاء من اهل اللغة ويصححوا الكتابه والنطق انا شايفة فوايد الشات فى كده بس