alsunawy
عزيزي الزائر

لأنـنـا نـعـشـقِ التـميز والـِمُـِمَـِيّـزِيْـن يشرفنـا إنـظمـامك معنـآ في مـنـتـدانـا
منتدى ألسنـــــــاوي
أثبـت تـوآجُـِدك و كن من الـِمُـِمَـِيّـزِيْـن ..!



ادارة المنتدي



منتدى يجمعنا كلنا
 
الرئيسيةالبوابةاليوميةس .و .جبحـثالتسجيلدخول

شاطر | 
 

 موقف مصر و معبر رفح . . . .

اذهب الى الأسفل 
كاتب الموضوعرسالة
Egypt
المشرف العام
المشرف العام
avatar

انثى
عدد الرسائل : 1825
العمر : 28
المزاج : الحمد لله
العمل\الترفيه : طالبة ف رابعة الماني

تاريخ التسجيل : 18/06/2008

مُساهمةموضوع: موقف مصر و معبر رفح . . . .   الأربعاء 31 ديسمبر 2008, 04:46

اولا خااااااااااااالص العزاء و الدعاء لاهالي و شهداء غزة

طبعا الوضع مش محتاج كلام يوضحه

بس انا بجد عايزة افهم لية مصر مش راضية تفتح معبر رفح ؟

هل دي دواعي امنية فعلا ام انها اتفاقيات دولة ام انه تواطؤ مع الحكومة الاسرائيلية ؟

لان الناس دلوقتي سابت الموضوع الاساسي كعادة العرب و مسكت ف موضوع فرعي هو مصر و المعبر

يا تري احنا موقفنا كدة لية ؟

سمعت كزا وجه نظر بس عايزة بردو اعرف رايكو ف الموضوع دة

و لكم مني ارق و اجمل تحية . . .

_________________
المس خضار الشجر .. حس بضياء القمر .. انقش قلوب ع الحجر ...
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
bosbos
عضو جديد
عضو جديد
avatar

انثى
عدد الرسائل : 1780
العمر : 30
المزاج : تمام الحمد لله
العمل\الترفيه : Post graduate student

تاريخ التسجيل : 23/08/2008

مُساهمةموضوع: رد: موقف مصر و معبر رفح . . . .   الإثنين 12 يناير 2009, 06:39

انا سمعت انها دواعى امنية مش تواطىء و لا حاجة
و لاهالى غزة خالص العزاء و الدعاء
ربنا ينصرهم ويثبت اقدامهم
شكرا هند واعذرينى انا مليش قوى فى السياسة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
sasaitaliano
عضو جديد
عضو جديد
avatar

ذكر
عدد الرسائل : 264
العمر : 31
المزاج : تمام
العمل\الترفيه : بدور على شغل
تاريخ التسجيل : 07/03/2008

مُساهمةموضوع: رد: موقف مصر و معبر رفح . . . .   الإثنين 12 يناير 2009, 11:48

lلقد فتحت مصر بالفعل معبر رفح لدخول المساعدات والادويه ولكن قناة الجزيرهكالعاده تزيف الحقائق تقول ان مصر لم تفتحه وهذا لانها تريد ان تاخذ مكانه مصر كقياده للدول العربيه ولكن هذا لن يحدث لان دور مصر لايقبل اى مزايده من احد وارجوا منك ان تفهمى ان مصر تفتح المعبر بالفعلوان تقدرى ماتفعله مصر منذ سنوات طويله للقضيه الفلسطينيه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Blume
عضو جديد
عضو جديد
avatar

انثى
عدد الرسائل : 201
العمر : 29
المزاج : الحمد لله
العمل\الترفيه : خ.المانى 2010
تاريخ التسجيل : 29/12/2008

مُساهمةموضوع: رد: موقف مصر و معبر رفح . . . .   الثلاثاء 13 يناير 2009, 15:46

الموضوع يا هند خطير جدا مش زى ما ناس كتير فاكرة ان مصر متواطئة مع اسرائيل وانها باعت القضية دى اللى الدول العربية وللاسف تحاول ترويجه مصر موقفها حرج وحساس جدا وعلى فكرة مصر بيتعامل مع القضية بحكمة شديدة ومعبر رفح مفتوح والدليل انه في دكاتره مصريين ومساعدات دخلت فلسطين انا احيانا بشك من كتر اللى بسمعه بس مش برده جوايا احساس ان مصر عمرها ما هتتخلى عن فلسطين لان ببساطة مصر طول عمرها شايله الهم العربى على اكتافها قبلت او ابت واقولك على حاجه تطمنك حاجه بتخلينى اطمئن وسط كل الخوف والضباب والماسى اللى بنشوفها كل يوم على التليفزيون كل ماتشوفى طفل اوشاب اوست فلسطينيه ميته افتكرى ربنا وافتكرى ثاره لكل شهيد فلسطينى افتكرى قدرة ربنا التى لا تضاهيها قدره والنصر قادم قادمقادم لا محالة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Egypt
المشرف العام
المشرف العام
avatar

انثى
عدد الرسائل : 1825
العمر : 28
المزاج : الحمد لله
العمل\الترفيه : طالبة ف رابعة الماني

تاريخ التسجيل : 18/06/2008

مُساهمةموضوع: رد: موقف مصر و معبر رفح . . . .   الأربعاء 14 يناير 2009, 12:38

بووسي

شكرا ليكي و ربنا يسمع منك

صاصا

شوف هو انا من جوايا بقول كلامك دة بس بحاول بردو مكنش متحيزة لمصر

بس برجع بردو لنفس كلامك ان فعلا مصر شايلة القضية من اولها

و الكلام اللي بيتقال عنها كتير اوي بصراحة و اهانة لينا كلنا

انا كمان بستغرب اووي من موقف الجزيرة العدائي لينا

ف ظل ظروف احنا ف امس الحاجة للوحدة فيها

عايزة اقلك ان كل الناس متهمة مصر الاتهام دة

و من ضمنهم مصريين و عرب و ناس كتير

ربنا يصلح الاحوال و شكرا ليك ع الراي دة

blume

بردو كلامك ريحني اووي لاني بجد حزينة جدا ع الوضع دة مش كفاية دولة بتنتهك

حقوقها كمان هينتهكوا حضارة و مكانة دولة تاني و من مين من عرب زينا

بس هقول اية

امتي يتحدوا و يبقي ليهم موقف و يبطلوا بقي

و ربنا يسمع منك

شكرا ليكي ع المرور الجميل دة

_________________
المس خضار الشجر .. حس بضياء القمر .. انقش قلوب ع الحجر ...
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
دعاء الكروان
عضو جديد
عضو جديد
avatar

انثى
عدد الرسائل : 149
العمر : 28
تاريخ التسجيل : 06/12/2007

مُساهمةموضوع: رد: موقف مصر و معبر رفح . . . .   الأربعاء 14 يناير 2009, 15:25

ربنا مع اهل غزه وينصرهم ويوحد صفوفهم لان الوحده الداخليه بالنسبة لفلسطين اهم من الوحده الخارجيه اذا كان الشعب مش متفق ازاى العرب هيتفقوا وتذكرى قول دكتور مبروك ان العرب اتفقوا على الا يتفقوا وده شئ يحزن القلب امتى هنكون على قلب رجل واحد ده حلم كل عربى بيتمناه ان العرب يتفقوا مش بس العرب الامه الاسلاميه كافة وعلى فكرة دور مصر دور عظسم من غير اى مزايده وافتكرى كمان ان فى كل الحروب اللى مرت بيها مصر محدش ساعدنا ولا وقف جنبينا. مصر هى اللى حررت نفسها وفضلها على العرب عظيم هى اللى حررت كل دول العربيه ساعدتهم بالسلاح وده واضح فى الثورة الجزائريه وهى اللى حررت اليمن والسودان وغيرها من الدول العربيه اللى بتنكر فضلها حد يقولى الدول العربيه قدمت ايه للقضيه الفلسطنية وبلاش نشتم بلادنا ونسبها ودى سياسة دوله يمكن احنا مش فاهمين الحكايه صح لاننا بنسمع وبنردد اللى بيتقال
معلش يا جماعة كترت عليكوا تصبحوا على خير
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Egypt
المشرف العام
المشرف العام
avatar

انثى
عدد الرسائل : 1825
العمر : 28
المزاج : الحمد لله
العمل\الترفيه : طالبة ف رابعة الماني

تاريخ التسجيل : 18/06/2008

مُساهمةموضوع: رد: موقف مصر و معبر رفح . . . .   الأربعاء 21 يناير 2009, 04:05

اللهم آمين

عايزة اضيف كمان ان مصر عليها كل العتب دة لانها قائدة الدول العربية كلها

يعني لو اي دولة تاني مكنش كل دة حصل لان الناس منتظرة من مصر بالزات رد فعل

معين حصل مش عكسه بس ع الاقل حصل اقل من المنتظر ع المستوي الرسمي طبعا

و زي ما تقولي لما يكونوا مجموعة اخوات تحصلهم مشكلة و بغض النظر عن مين السبب فيها

علي طول بيجي العيب ع الكبير اللي هي مصر بالنسبة للعرب

لكن احنا حابين بقي نفهم الحاجات اللي انتي بتقولي عليها دي ممكن منكنش فاهمنها

و ربنا يحفظ بلادنا و اوطانا يا رب

دعاء شكرا ليكي ع المرور الجميل

_________________
المس خضار الشجر .. حس بضياء القمر .. انقش قلوب ع الحجر ...
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
fulla_flower
مشرفه
مشرفه
avatar

انثى
عدد الرسائل : 3720
العمر : 29
المزاج : coOol
العمل\الترفيه : Germanistik

تاريخ التسجيل : 10/03/2008

مُساهمةموضوع: رد: موقف مصر و معبر رفح . . . .   الأربعاء 21 يناير 2009, 17:20

اولا هو احنا ليه من خيبتنا كل حاجه نقول الجزيرة وبتزيف وبتعمل

اشمعنا احنا الشعب الوحيد الى بيقول كده

وبعدين مصر خلاص ماعدش ليها ريادة ولا قيادة ولا دور

بئينا نلعب دور الوسيط بين اليهود واخواتنا ويمكن حليف لليهود اكتر

حاجة تكسف


2 ثانيا فى القونيين الدولية فى شرط انه لازم الدول تفتح المعابر والحدود مع الدول الاخرى الى فى حالة حرب


لكن مصر طبعا كان املها ان اسرئيل تخلصها من حماس فى اسبوع لكن ربنا كبير ونصر اهلنا الصابرين الصامدين

3 موقف مصرى ده موقف عاااااااااااااااااااااار عليها وعمره ما هينساه التاريخ
ازاى شعب مسلم يجوع ويتشرد واطفال تموت واحنا بنحاصرهم


4

سمعت كتير ان المساعدات الى دخلت دى كلهاى ماتكفيش يومين من حاجه اهل غزة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Blume
عضو جديد
عضو جديد
avatar

انثى
عدد الرسائل : 201
العمر : 29
المزاج : الحمد لله
العمل\الترفيه : خ.المانى 2010
تاريخ التسجيل : 29/12/2008

مُساهمةموضوع: رد: موقف مصر و معبر رفح . . . .   الأربعاء 21 يناير 2009, 17:50

[center]ليه الموقف القاسى ضد مصر يا..فلة.. وبعدين ليه بتتكلمى بثقة كده اكيد معلوماتك دى مبنية على وسائل الاعلام واظن انه الاعلام لا يستطيع ان يصل الى خبايا السياسات واحب اقولك انه مصر لسه بخير لسه ما وصلناش للدرجه البشعة دى ما اظنش ياعنى .
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Egypt
المشرف العام
المشرف العام
avatar

انثى
عدد الرسائل : 1825
العمر : 28
المزاج : الحمد لله
العمل\الترفيه : طالبة ف رابعة الماني

تاريخ التسجيل : 18/06/2008

مُساهمةموضوع: رد: موقف مصر و معبر رفح . . . .   الخميس 22 يناير 2009, 02:20

بصوا يا جماعة لو دور مصر دة معتدل و كافي بصفتها دولة عربية عادية

اكيد مش هيبقي كافي بصفتها قائدة الدول العربية دي نقطة

اما بقي نقطة الجزيرة فهي فعلا متحاملة علي مصر يا فلة و مش عارفة لية يعني

لان هاتي سلبيات البلد مقلناش حاجة لكن زي ما بتجيبي سلبيات هاتي بردو ايجابيات

هي مصر فيها سلبيات بس و لا اية

مش دي القضية بردو الجزيرة مش قناة عادلة

بالنسبة للمعبر بقي في اتفاقيات علي فتحه و قفله و احنا اصلا مش طرف ف الاتفاقية

دي علي حد علمي و زي ما سمعت لانه يقال ان الاتفاقية تقتضي وجود السلطة الفلسطينية

و الحكومة الاسرائيلية و القوات الاوروبية و بكدة تقدر اي حاجة تعدي م المعبر

لكن حماس رافضة وجود اي وجود دولي ع الحدود و كمان مش عاطية الحكومة الفلسطينية فرصة

انها تمارس نشاطها و بغض النظر عن موقف حماس دة صح و لا لا

هو دة المأزق اللي محطوطة مصر فيه

زاد بقي و غطي ان الحود اضربت و مكنش ينفع اي حاجة تعدي خالص

و اللي كان هيعد كان هيضرب

هو م الاخر اللي اتاخد بالقوة لا يسترد الا بيها

يعني ان شاء الله لما العرب يبقي عندهم كرامة و يتوحدوا كدة و ينوا يحرروا الاقصي

ساعتها بقي تبقي بداية نهاية اسرائيل

لكن دايما مصر بتصدر نفسها و ساعة الجد كل الدول تنسحب و كأنهم مقلوش حاجة

و احنا مش قد حرب مع اسرائيل لوحدنا ابدااا

فلة

blume

شكرا ليكوا ع المداخلة دي

_________________
المس خضار الشجر .. حس بضياء القمر .. انقش قلوب ع الحجر ...
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
fulla_flower
مشرفه
مشرفه
avatar

انثى
عدد الرسائل : 3720
العمر : 29
المزاج : coOol
العمل\الترفيه : Germanistik

تاريخ التسجيل : 10/03/2008

مُساهمةموضوع: رد: موقف مصر و معبر رفح . . . .   الخميس 22 يناير 2009, 15:44

بخصوص قناة الجزيرة


مثلا انتى عمرك شفتى اعلامنا الغبى جاب مظاهرة جاب احتجاج جاب راى معارض دايما عن الحزب وسوزان ومبارك وجمال

عشان الجزيرة بتنزل الشارع وبتعرف رايه وبتعرضه قامت مصر تشتم فيها طيب ياريت عندنا قناة واحدة بامكانياتها وبمستواها


المعبر

ياايجبت ازاى احنا مش طرف فيها هى حدود مين

دى حدود مصر مع فلسطين

حسنى كمان رفض وجود قوات دولية

لان ده معبر مصرى فلسطينى

وبعدين حماس رفضت وجودهم لان دول هيهدموا الانفاق الانفاق دى مش بس فيها سلاح دى كمان مواد غذائيه

حرام نبئى قافلين المعبر وبنهدم الانفااااق على الغلابة دول


تالت حاجة

حماس هى السلطة الفلسطينية المنتخبة من الشعب الفلسطينى

والايام دى اصلا انتهت فترة ابو مازن يعنى هو الى مش شرعى

ولكن بالتاكيد دولتنا المعتدلة (على راى ليفنى رئيسة وزرا اسرائيل(

مش ترضى ابدا تكون حماس جارتهااااااا



ياجمماااااااااااااااااااااااااااعة الموضوع اكبر من كده مليون مرة

الموضوع ان غزة دى هى الامن القومى لمصر

وشفنا اليهود بيضربوا ويقتلوا مصريين ولا اتكلمنا يبئى طبيعى غزة ماتفرقش مع حكومتنااا

بس على الاقل احنا نبئى مدركين

ان بس غزة دى مش شعب محاصر او كده دى امننا القومى والاستراتيجى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Egypt
المشرف العام
المشرف العام
avatar

انثى
عدد الرسائل : 1825
العمر : 28
المزاج : الحمد لله
العمل\الترفيه : طالبة ف رابعة الماني

تاريخ التسجيل : 18/06/2008

مُساهمةموضوع: رد: موقف مصر و معبر رفح . . . .   الخميس 22 يناير 2009, 16:13

اولا : موضوع الجزيرة دة مش مقبول ابدا لانه هاتي سلبيات بس كمان هاتي ايجابيات

يعني لما تروح تصور مظاهرة ف المكسيك و اخر بلاد الدنيا

يبقي تيجي تصور ف مصر اولي و لا هو انحياز و خلاص

و بعدين في برامج مصرية كتير بردو بتجيب الراي العام و بتقف للحكومة

لكن الجزيرة علي كل مستواها و امكانيتها دي بتسئ جدا لمصر بانها

بتعرض سلبيات و سلبيات و بس و بتخلي منظرنا زبالة و بتطلعنا خونة

شعب بقي بحكومة كله مع بعضه مصر كلها علي بعضها

ثانيا : المعبر فعلا بيتفتح بس قليل و احنا لو خالفنا الاتفاقيات هندخل ف حرب

احنا مش قدها و مش مستعدين ليها ابدا دلوقتي

و بعدين لو كان موقف مصر وحش ف الاول اعتقد انها حسنته الي حد ما ف الاخر

و بعدين اية الفايدة لما نفتح المعبر و المعونات متوصلش و تضرب

يبقي عملنا اية

و لا لما نفتحه ع البحري ساعتها بقي فعلا امن مصر القومي هيضر

دة مش كلامي انا طبعا دة كلام ناس كتير و محللين سياسين

ثالثا : حماس و فتح و السلطة و الناس بتتخانق علي منظر و منظر بس كمان

اية يعني حكومة تحت احتلال يعني و لا حاجة يعني منظر و خلاص

يبقي احسنلي بقي ابطل انقسام ف الصف و اوحد نفسي كدة

بدل ما هما عمالين يتخانقوا و سايبين القضية نفسها و ماسكين ف السلطة

رايعا : في اطماع اسرائيلية ف سينا من زمان مش بس عايزة تاخدها

لا هي عايزة تصدر مشكلة غزة لسينا و دة بردو امر خطير

احنا متعاطين معاهم و كل حاجة بس بردو الامن القومي مهم عندنا

و كمان احنا مش عايزين ندخل نفسنا ف حروب احنا مش قدها حاليا

فلة شكرا ليكي ع المداخلة و المشاركة الفعالة دي

_________________
المس خضار الشجر .. حس بضياء القمر .. انقش قلوب ع الحجر ...
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
fulla_flower
مشرفه
مشرفه
avatar

انثى
عدد الرسائل : 3720
العمر : 29
المزاج : coOol
العمل\الترفيه : Germanistik

تاريخ التسجيل : 10/03/2008

مُساهمةموضوع: رد: موقف مصر و معبر رفح . . . .   الخميس 22 يناير 2009, 16:52

حبيبتى

1_الجزيرة

كتير جدا من المظاهرات بتتمنع فى مصر من الشرطة بتمنع تصويرها

غير كدا بتجيب دايما المستخبى فى بلادنا

فاكرة ساعة العبارة هى الوحيدة الى عرضت شريط الناس الى نجوا من العبارة الى هما عايشين ومحدش عارفهم فين

ومثلا ساعة الدويقه قعدوا يقولوا فى اعلامنا مسيطرين عالوضع والجزيرة جابت اهالى الناس واكتشفنا غير كده تماما

ومن ده كتير


2-المعبر

اتمنى كنتوا تسمعوا الاستاذ هيكل

تعرفى قال ايه على حسنى قال انا مش عارفه هو بيعمل كده ليه

هو اكيد جايله اوامر مايفتحش المعبر قال كمان ان حسنى ولا يقدر يسحب حتى نائب سفير اسرائيل

مفيش حرب يابنتى القوانيين الدولية تنص اننا لازم نفتح الحدود مع الدولة الى بتحارب علشان المدنيين يدخلوا دولة امنة

3-السلطة

معاكى ان الوحدة هى الحل بس يابنتى الى ماتعرفهوش

ان بعد عرفات بئت فتح راس الخيانة مش ضد حماس بس لا ولكل المقاومة

وهما عارفين مين الى قتل عرفات وساكتين

واكبر دليل خيانتهم شوفيهم فى الضفه

بيعاملوا المعارضين ليهم اوحش من معاملة اليهود ليهم

حماس دخلت انتخابات اخدت 70 فى المئة يعنى شرعية وكان يشرف عليها خبراء دولليين

4-سينا

سينا لا رجعت كاملة لينا ولا حاجة

سينا ياماما دلوئت محتلة ومن اليهود كمان

فعلا لو احنا خايفين على سينا اوى كنا عمرناااها بمدارس ومشاريع ومصانع مش بس سياحة وتفاهة

سينا ياهند اكبر مستشمريها يهوود

الى خلاهم وصلوا للسد العالى وعرفوا اسراه يبئى مش هيحتلوا سينا

5-الحرب

بلادنا فعلا مش فى حمل حرب بس الحرب مش اختيار الحرب فرض

اسرائيل اخترقت حدودنا كتيرررررر ولا سمعنا ولا كلمة

اصلا لو احنا دول اسلامية محترمة مكنش ده حالنا

ياريتنا بس ندعمهم بسلاح

ونشوف هيعملوا ايه فى اسرائيل

والله هيزيلوها

لانهم صمدوا باسلحة وصواريخ خفيفه 22 يوم يعنى ابطاااااااااااااااال ونصر رائع

مقلناش حرب بس اصلا اسرائيل فى اضعف حالتها العسكرية

مقلناش حرب بس قلنا عدل

يعنى لو احنا عايشين ايام عبد الناصر او السادات كان ده هيكون حالنا

على الاقل نقطع الغاز

على الاقل نسحب سفير

على الاقل نقول كلمة بضميرررررر


....حسبى الله ونعم الوكيل
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Egypt
المشرف العام
المشرف العام
avatar

انثى
عدد الرسائل : 1825
العمر : 28
المزاج : الحمد لله
العمل\الترفيه : طالبة ف رابعة الماني

تاريخ التسجيل : 18/06/2008

مُساهمةموضوع: رد: موقف مصر و معبر رفح . . . .   الإثنين 26 يناير 2009, 05:54

شوفي يا فلة

الجزيرة فعلا فعلا بتظلم مصر كتير

الفكرة مش فكرة منع تصوير و لا حاجة انتي يا بنتي مش بتشوفي حتي طريقة

المزيعين و هما بيقولوا اي خبر عن مصر بتبقي ازاي

بيبقي الاسلوب فيه زي تريقة و استهزاء

طيب بلاش دي لما تقارني بين العربية و الجزيرة هتلاقي ان العربية بتجيب حاجات

عن مصر اكتر و غالبا بتبقي ف صالح مصر الجزيرة مش بتجبها

الجزيرة مش بتجيب غير سلبيات مصر و باسلوب وحش كمان

و لما بتجيب حاجة عدلة بتبقي مضطرة عشان بيبقي حدث مهم

المعبر

للاسف سمعت البرنامج ف اخره

بس حتي لو الموضوع تعليمات و لنفرض اننا فتحنا المعبر زي ما هما عايزين

الناحية التانية مش هيعدوهم بردو

اعتقد لو المعبر اتفتح سكان كتير اوووي من غزة هيجيوا ف مصر و بالتالي

يتحقق هدف الجيش الاسرائيلي من تصدير القضية لمصر

و بعدين المعبر بيتفتح فعلا و احنا طلبنا عمل جسر آمن لمرور الناس

و المعونات و مصر استقلبت جرحي كتير و الباقي حالته صعبة و مش حمل نقل و بهدلة

راحوا الاطباء راحوا لغاية عندهم

و بعدين لازم ف الظروف دي يبقي في شوية حزم و مش اي حد يدخل و لا اي حد يطلع

في ناس كتير بتستغل الظروف دي و تعمل عمليات شغب و تخريب

زي مثلا ما الظابط بتاعنا اتقتل

و علي فكرة مصر كانت عمالة تكلم حماس و السلطة علي موضوع المعبر عشان يغيروا الاتفاقية

و محدش كان مهتم خالص

بالنسبة للقانون الدولي اللي بيقول انه المعابر تفتح ف حالة حرب

معنديش عنه خلفية بس حتي لو كدة يبقي من حق الدولة المستضيفة للناس دي

انها تامن نفسها بردوو و متعملش مشاكل سياسية لنفسها

خصوصا لما يبقي حالها اصلا مش ناقص

السلطة

لا معرفش موضوع فتح دة

بس ف كل الاحوال و بغض النظر عن اي ظروف و اي خلافات

لااااااااااااازم يبقي في وحدة ف صفهم اكتر من كدة بكتير

احنا مش هينفع نساعدهم بجد غير لو اتوحدوا

ع الاقل عشان نقدر نتوحد احنا كمان

سينا

سينا عندك حق ف كلامك كله

و لازم تعمر جامد و يبقي فيها ناس كتير

انا معاكي ف الرأي دة

الحرب

معاكي ان الحرب مش خيار بس ممكن دول تدخل نفسها ف حروب

و ممكن تتفادي حروب دي الفكرة و اللي عملته مصر

ان هي اتفادت حرب احنا مش قدها

و لو قصدك علي ان اسرائيل ف اضعف حالتها يبقي الضعف دة بالنسبة لنا مدمر

يا بنتي اسرائيل بتستعمل اسلحة نووية و امريكا معاااااها

و مهما ضعفوا بردو هيفضل مستواهم و تقنايتهم احسن مننا

ماشي ندخل ف حرب و مع اميركا و اسرائيل

لكن مش لوحدنا و مش بجنودنا بس و لا بجيشنا بس لما كل العرب

يتوحدوا كدة و يرسولهم علي بر

ساعتها ندخل ف حرب و نص كمان

مشكلة اسرائيل ف اسلحتها الجوية يا بنتي

احنا لو حاربناهم ارضي من غير جو او عندنا امكانيات

اننا نعمل قوة ردع اكييييييييييد هنغلبهم

لكن موضوع الردع دة مش مضمون و بقنبلة واحدة من اسرائيل

ع السد العالي بس يبقي مصر كلها غرقت

نصر حماس

معاكي طبعا انهم ابطال و ابطال جدا كمان و كسبوا المعركة

لان صمود الاضعف و انسحاب الاقوي يعتبر هزيمة للاقوي و نصر للاضعف

و ربنا يثبتهم و يعنيهم

السفير و الغاز

موضوع الغاز انا معاكي فيه و اترفعت قضية ف مصر ع الموضوع دة

و كسبوها بس مش عرفة وصلوا لغاية فين

بالنسبة للسفير انا كنت محتارة ف الموضوع دة لاني كنت شايفة ان السفير

هو وسيلة الاتصال الوحيدة لينا بيهم و اللي احنا محتاجنها لاننا الاضعف

تعرفي لو مكنش في خساير مدنية كتير و حماس كانت اقوي من كدة

كان ممكن نسحب السفير بقلب جامد

لكن السفير احنا مخلينيه عشان نعمل حقن لدماء المدنيين

يعني الموضوع مهديش اصلا غير بالمبادرة المصرية و التشاور

مع حماس و السفير و كدة

احنا ممكن نقطع علاقتنا الاقتصادية بيهم

لكن السياسية مش هينفع

دي وجه نظري ف الموضوع كله اللي كونتها بناءا ع الاحداث

و الاراء اللي بسمعها و الوضع الحالي

شكرا ليكي يا فلة ع النقاش الجميل دة

اللي انا بسوطة بيه اووي







_________________
المس خضار الشجر .. حس بضياء القمر .. انقش قلوب ع الحجر ...
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
موقف مصر و معبر رفح . . . .
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
alsunawy :: `·.¸¸.·´´¯`··._.· ( المنتديات العامه ) `·.¸¸.·´´¯`··._.·` :: سياسة-
انتقل الى: