اللي بيحصل في المكتبه لازم يتغير

السلام عليكم ورحمة الله وبركاته

زمااااااااااااااااااان خالص وتحديدا في 2003 وانا زعلان جدا أني دخلت ألسن كنت بغلف الكارنيه في
المكتبه اللي في الدور التاني في كليتنا
ولقيتهم بيقولولي نعملك كارنيه المكتبه ومتخفش ببلاش، قلتلهم عادي أعمله
رحت مره أصور ورق بعد كده لما شفت الزعاق والتكشير على وجه الموظفين قلت توبه أدخلها تاني
وسمعت أنها عمرها ما اتغيرت وزي ماهي
النهارده قلت ابقى طالب مجتهد وأروح أصور امتحانات السنه اللي فاتت
وأدخل المكتبه ، ولا كأني دخلت مبنى أمن الدوله
لقيت أنسه أنت يا أستاذ يا أستاااااااااااااااااذ رايح فين؟
مش عارف اللي بيدخل المكتبه بيبقى رايح فين يعني
المهم
قلتلها هصور قالت أكتب أسمك وسيب اللي معاك بدل ما وأنت طالع تدخل في سين وجيم وأسلوب
بجد ميتسكتش عليه، أنا لولا أني مش عايز مشاكل كنت عرفت أرد بجد
وأدخل وأدور وأجي عشان أصور
اللي خدت مني الورق ولا كأني والله العظيم قاتل حد من أهلها
خطفت مني الورق وقالت عايز ايه
ووشها ولا كأنه شافت عدو اسرائيلي ليها
أنا كنت مذهول بجد
بعد ما صورت قعدت تزعق خدني منه 40 قرش
أنا كنت مش مصدق نفسي بجد من سنه 2003 لحد 2008 ومفيش وقفه جاده مع موظفين المكتبه
أسلوبهم والله مينفعش يتعامل بيه بني آدمين
أنا مش عارف الواحد اللي بيروح المكتبه دا داخل يلعب يعني ولا داخل يجيب حاجه ويطلع

أنا بطلب من عميد الكليه ووكيل الكليه وكل مسئول في كلية الأسن
أنهم ياخدوا موقف حازم مع الموظفين دول لأن الشكاوى كترت منهم بجد

وبجد توبه أدخلها تاني المكتبه دي
وآسف على الإطاله

والله عندك حق يا ياسر اسلوبهم وحش اوى زى ما يكون دخلين نسرق

ويكلموك بقله ذوق والموضوع ده لازم ينحل

ميرسى يا ياسر على موضوعك

والله أنا عندي أمل يكون فيه تغير وموقف جاد من الكليه

وشكرا على مرورك

عادة موظفين كلية السن كلهم كدا
من اكبر واحد
لاصغر واحد
من الدور الاول للدور الخامس
كلهم معاملتهم سيئة جداااااااااااااااااااااااااااااا
بجد ياريت حد يشوفلنا حل فى الموضوع دا

و الله يا ياسر انا لما تعمل معايا كدة مقدرتش اسكت

و شديت معاهم بالفعل

لانه زي ما انت قلت اسلوبهم وحش

و في منهم لازم تعامله بشده عشان يحترمك

يعني بجد ناس غريبة

لما هما قرفانين كدة و زهقانين

ما يقعدو ف بيوتهم

و انا بضم صوتي لصوتك و بطالب باتخاز اجراء

ف موضوع الموظفين دة

تقبل مروري

والله يا ايجيبت أنا ممكن أرد ومش اسكت

بس الأكيد لو اتكلمت هتبقى مشكله كبيره

ودا انا مش عايزه

لأن عايز حد من أعضاء هيئة التدريس يكلمهم عشان هم شكلهم كدا ...

وربنا يسهل

وشكرا للمشاركه يا أدمن وايجيبت

نفس الكلام بيحصل عندنا وممكن أكتر كمان

بس أنا معرفتش أخد المتحانات قوللي مفيش امتحانات في المكتبة

وأنا بقي قولتهم ازاي الدكتور هو اللي قالي أن الأمتحانات في المكتبة وردت عليا بأسلوب زباااااااالة

قولت والله وأنا ساكتة وهروح الدكتور بس أصلا والله يا ياسر معظم اللي عندنا دا إذا مكنوش كلهم

كدا أسلوبهم زباااااااااالة سواء دكاترة معيدين موظفين والله دا حتي العمال كده محدتش بيطقنا والله

مش عارفه ليه

والله يا جماعة مرة في اعدادي روحت استعير مرجع يقولي لألألألأ مينفعش ازاي يا جماعة أنا محتاجة المرجع

ده أووي قوللي مينفعش بقلة ذوووق وبأسلوب زبالة

قولت والله لروح للعميد السكرتير مرضيش يدخلني وبقي عمال يقولي ليه ومش ليه

أنا بقي معنديش أمل أن الناس دي أسلوبها يتغير عندنا

أنما عندكم ممكن

انا في ناس اتعاملت معاهم كتير في الكليه وكويسين جدا

دا طبعا بعيد عن أعضاء هيئة التدريس لأني بجد والله مش مجامله قمه في الاحترام والتعامل

أما عندكم بقى ربنا يهديهم

وشكرا للمشاركه

معاك حق والله يا ياسر والواحد احسن له يضرب مشوار لتمريض ولا لعلوم ارحم من انك تتعامل معاهم ولا يا سلام لما تاخد تكشيرة منهم تحس ان الدنيا انسدت فى وشك وان اليوم دا مش هيعدى على خير

أنا والله مش عارف الناس دي مسمعتش أن الابتسامه في وجه أخيك صدقه

ولا هم فاكرين أنهم بيعملوا فينا جميله على أساس الورقه اللي معلقينها

أن سعر الورقه مدعم للطلبه و بـ 9 قروش

مش عارف هم بيضحكوا علينا ولا على نفسهم

اموت واعرف لو مش مدعم للطلبه كان وصل سعر الورقه كام

كتر خير الناس الغلابه اللي بره

انا شايفه يا ياسر انه مش حل انك تقول انك مش هتدخل المكتبه تانى
انت كده الى هتتضر و هما لا
ما تخليهمش يفرضوا اسلوبهم عليك
انت اللى تفرض اسلوبهم عليهم
لان ده مكانك انت مش مكانهم هما
و بعدين المكتبه دى حقك انت
و احنا بجد مش عارفين قيمتها
دى فيها شويه كتب تحفه و الله بس لو الواحد ادى لنفسه الفرصه
ف انت لو عايز بجد تستفيد منها ما تخليش حد يمنعك
وبكل بروود ادخل و اطلع عللى راحتك خالص

و اذا كان ع التصوير حاول بقدر الامكان انك ما تصورش هناك
عشان تتحاشى الكلام المباشر معاهم
بس لو هتدخل المكتبه عادى
يدوبك هتكتب اسمك و تحط اللى معاك بره و تدخل فى امان الله بدون احتكاك خالص بيهم

بالنسبه بقه لموضوع ان موظفين الكليه كلهم كده
ف انا شايفه العكس تماما كلمه حق يعنى
هو ما فيش غير بتوع المكتبه و واحد تانى كده و بس
الباقى بجد بيتعاملوا باحترام اوى
على حد ما شوفت و اتعاملت معاهم

بس بجد بالنسبه9للموظفين اللى ف باقى الكليات
عندنا ارحم بكتير
احنا المفروض نقول الحمد لله على كده
لو رحت اداب عشان تمضى و رقه بس
............
خلينا ساكتين

والله يا نودي انا عندي اسافر واروح اي مكتبه تاني ولا اقابل الناس دي

وعلى العموم خلااااااااااااااااااااااص هانت كلها شهرين ولا ثلاثه والواحد

ان شاء الله يخلص ويبقى الواحد لما يحب يتثقف يروح اي مكان تاني

أرض الله واسعه

انا متفقه معاك يا ياسر
دا الواحد كانه داخل
البيت الابيض تفتيش
وسيب ده هنا ومعامله
مش كويسه ابدا احنا
المفروض نعمل اضراب
ومندخلش المكتبه وخليهم
يصوروا بقى لنفسهم

لنا الله

خبر هام علمنا من مصدر موثوق انه سوف يتم نقل المكتبة الى مكتبة سوزان مبارك
ولا تزعلوا نفسكوا

الف مبروووووووووووووووك خدوا الشر وراحوا

ما هو هينقلوا مقر المكتبه بس
بس هيكونوا نفس العاملين هما هما يا حبيبتى

مع احترامي لاراء الناس وليك يا ياسر
الناس ده بتشوف شغلها كويس جدا وده عملهم هما مكلفين بيه
وهما بعملوا بتعليمات من الكليه يعني مش من نفسهم
وبعدين مانا بدخل المكتبه والحمد لله الناس بتتعامل معايا كويس ومحدش بيغلط ولا حاجه
بالعكس
ده راي واللي انا شفته بعينيا انا مشفتش منهم حاجه وحشه لحد الان
وتقبل مروري يا ياسر

واوعي تغير المحطه

لا ياحمد
بتوع المكتبه بصراحه يجيبوا الشلل
دول دايمين تلاقيهم مكشرين
ولا كانى جايين نشحت منهم
وانا كذا مره كنت هعمل مشاكل معاهم
بس معاملتهم الوحشه دى
مش عارفه ليه بصراحه بيعاملونا كده
ليك حق والله ياياسر انك تحلف متدخلهاش تانى

شوف يا أحمد كون أن الواحد يشوف شغله كويس دا شئ رائع والمفروض نقف جنبه
لكن دا موضوع واللي هم بيعملوا موضوع تاني خالص
دول زي ما يكون مسمعوش الحديث اللي بيقول الابتسامه في وجه أخيك صدقه
وبصراحه كدا معاملتهم وحشه بالمره
ودا تقريبا أغلب الناس مجتمعين على كدا

شوف يا احمد احنا مش بنعترض علي انهم شايفين شغلهم

بالعكس احنا معاهم ف كدة

احنا بنعترض ع الاسلوب بتاعهم اللي شايفين بيه شغلهم و غير شغلهم

اعتقد قصدي واضح

كون ان انت شايف انهم بيتعاملوا كويس يمكن دة معاك انت بس

لكن ناس كتير جدا بتشتكي من اسلوبهم

ياسر تقبل مروري

والله يا جماعه انا بتكلم عن اللي انا شايفه بعينيه

يمكن انتوا بيحصل معاكوا كدا بس مش بيحصل معايا شخصيا يعني ما شفتش منهن حاجه من ده

وادعولهم ربنا يصلح حالنا وحالهم

وتقبل مروري يا ياسر

واوعي تغير المحطه