سكت الكلام والكلاب هوهوت والبنت زعقت

الساعه تمنيه الصبح وانا رايح الجامعه لوحدى بصيت على شلبى وقلت انزل من الباص اتمشى شويا لحد الكليه وفضلت ماشى فى شلبى واداب كانت زحمه أوى ولحد ما دخلت الجامعه ولسه عند المدينه الدنيا كانت شويا رايقه ومكنتش فيه غيرى انا وبنت ماسكه شاسيه شكلها بنت من فنون وقدامى لقيت جرار مليان زباله أوى والريحه معفنه والسكه مش متسفلته والكلاب ماليه الدنيا ولما عديت الحته دى عادى جدا ووصلت لحد الأكشاك اللى عامله زى الثكنات الرصاصى دى ونا ماشى سكت الكلام والكلاب هوهوت والبنت زعقت لما سمعت زعاقها دا بصيت ورايا لقيها بتجرى والكلاب وراها لحد ما وقعت على الأرض وسندت نفسها بالشاسيه والكلاب خلاص مشيت وقتها مكنتش عارف اعمل ايه ومفيش غيرى فى السكه الفاضيه ديه فرجعت ليها اوام وقولتلها انتى كويسه ؟ قالتلى اه قولتلها اوكى حصل خير ولقيت نفسى مليش لزمه فمشيت علطول وانا ماشى حسيت انى قصرت اوى معاها وحسيت انى اتأخرت فى انى ارجع ليها واحوش عنها الكلاب بس هى كانت بعيده عنى ولحد ما وصلت ليها كانت خلاص وقعت والكلاب مشيت بس مش عارف حسيت بالذنب شويا وقولت كان لازم اعمل حاجه ايه هيا ؟ مش عارف ؟
كنت عايز ارجع ليها واسألها انا قصرت معاكى ؟ بس مقدرتش اصلا ابص ورايا تانى ومشيت لحد ما وصلت للكليه وانا قاعد افكر لو حصل الموقف دا تانى هعمل ايه اللى معملتوش ؟
- قولت كان لازم من اول ما سمعت انها بتزعق اجرى عليها واحوش عنها الكلاب
- كنت ساعدتها فى انها تقوم من على الأرض
- كنت شفت لو حصلها اى جرح فى رجلها وكنت رحت جبت مسعفه المدينه خصوصا هى كانت اقرب حاجه
بس كل دا ما اتعملش لأنى كنت فى موقف مش عارف افكر فيه خاااااالص
ممكن اى بنت تقولى اللى عملته دا كفايه ولا كنت عملت اى حاجه من اللى قولتها ولا فى حاجه تانيه كان المفروض اعملها ؟
بجد الموضوع دا مدايقنى وياريت الأقى مشاركه خصوصا من اى بنت تحط نفسها مكان البنت دى

ازيك يامحمد

موضوع جميل بجد

رايى انت مقصرتش خاااالص

مع البنت

كانت ممكن الكلاب تعوضك اصلا لو جيت حوشتها صح

وانت بتقول كانت بعيدة عنك

لكن لو هى ماشية جنبك والكلاب جت عليها لا مفروض تساعدها

بس موقف جميل

وشايفه انك تعاملت كويس معاه

ربنا يكتر امثالك Wink

محمد
يمكن الموقف نفسة فاجاك علشان كدا انت ماعرفتش تفكر
بس هوا انت سالتها ه كويسة ولا لاء
وبعدين انت كنت بعيد عنها
انت كنت ممكن استنيت معاها شوية
او بجد سيبك من دا كلوا
انا رايي انك تكلم حد على الكلاب دى
وبكدا انت تكون فعلا خدمتها بجد

أنا رأى أن اللى أنت عملته كفابه
لأن هى لو كانت عايزه حاجه كانت
هتقولك وأنت مقصرتش أنت كان ممكن
تمشى وتسبها بس أنت رجعت اللى أنت
عملته كان صح وزى ما قالت مى ممكن
تكلم حد عن الكلاب لو لسه حاسس بالذنب
وربنا يكرمك

الصراحة اللى عاجبنى ولفتانتباهى فى الموضوع دا كله
انك مخفتش من الكلاب انت كمان
برافو عليك

بصراحة دا موقف رائع.رائع.رائع .وانا شايف انك ما قصرتش .ههههه
وكويس ياعم انك ما كنتش جمبها كانت الكلاب سابيتها ومسكت فيك انت هههههههههههههههههههههههه بهزر .
اصلك فكرتنى بموقف حصلى .
مرة كنت ماشى فى الشارع وقابلتنى اخت .قالتلى ممكن بس يا اخويا تعدينى من الشارع دا.
قلتلها ماشى وبعد ما وصلتها للبيت اللى كان فى الشارع.
ببص وانا راجع شوفت حاجة نايمة كدة ببص لقيتة كلب نايم وانا بوصل البنت ما شوفتهوش هههههههههههههه.
بلاش بقى احكيلكو اللى حصل بعدهاااااااا
يا ريتنى ما وصلتها يا جدع ههههههههههههههههههههه

ويحك يا رجل
اتسأل البونيه اى البنت
وتسيب الكلاب