alsunawy
عزيزي الزائر

لأنـنـا نـعـشـقِ التـميز والـِمُـِمَـِيّـزِيْـن يشرفنـا إنـظمـامك معنـآ في مـنـتـدانـا
منتدى ألسنـــــــاوي
أثبـت تـوآجُـِدك و كن من الـِمُـِمَـِيّـزِيْـن ..!



ادارة المنتدي

alsunawy
عزيزي الزائر

لأنـنـا نـعـشـقِ التـميز والـِمُـِمَـِيّـزِيْـن يشرفنـا إنـظمـامك معنـآ في مـنـتـدانـا
منتدى ألسنـــــــاوي
أثبـت تـوآجُـِدك و كن من الـِمُـِمَـِيّـزِيْـن ..!



ادارة المنتدي

alsunawy
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


منتدى يجمعنا كلنا
 
الرئيسيةالبوابةأحدث الصورالتسجيلدخول

 

 هههههههههههههههه - اه يا بطنى - ههههه - بس كفايه مش قادر

اذهب الى الأسفل 
2 مشترك
كاتب الموضوعرسالة
زائر
زائر




هههههههههههههههه  - اه يا بطنى - ههههه - بس كفايه مش قادر Empty
مُساهمةموضوع: هههههههههههههههه - اه يا بطنى - ههههه - بس كفايه مش قادر   هههههههههههههههه  - اه يا بطنى - ههههه - بس كفايه مش قادر Icon_minitimeالجمعة 12 ديسمبر 2008, 21:51




انا قلت اعمل المشاركه دى للى عنده نكته او موقف طريف او اى حاجه ممكن تخلينا ننسى هم الدنيا



انا هأبدأ واحط لكم بعض الحاجات الطريف اللى لقيتها

اتمنى انها تعجبكم


مرة واحد مخنوق من الدنيا كلها رن جرس الباب الساعة 10 صباحا فتح
الباب لقى وحدة مذيعة بتقله ممكن نعرف بتعمل ايه لما تقوم من النوم
قال انا بقوم من ام النوم
اروح ام الحمام
افتح ام الحنفية
اغسل ام وشى
اروح ام الغرفة
اقلع ام الترنج
البس ام البنطلون
انزل من ام الشقة
اركب ام الاتوبيس
انزل من ام الاتوبيس
اروح ام الشغل
وبعد ما اخلص ام الشغل
ارجع ام البيت وخلاص
فقالت المزيعة شكرا يا فندم ويلعن ام البرنامج اللى خلانا نشوف
ام وشك



***



واحد صعيدي كان مسافر فلما وصل المطار لقاهم مركبين جهاز جديد عبارة عن مرايا لما تقف قدامها تعرف عنك كل حاجة, فالصعيدي انبسط و راح وقف قدام المرايا
المرايا قالت: أنت هريدي من الصعيد و عندك طيارة كمان نص ساعة
الصعيدي اتبسط و راح لبس خواجه و راح تاني وقف قدام المرايا,
المرايا قالت: انت هريدي من الصعيد و عندك طيارة كمان ربع ساعة
الصعيدي راح لبس خليجي و راح تاني وقف قدام المرايا
المرايا قالتله, ايوة انت هريدي من الصعيد خليك قاعد تستهبل كده لحد ما الطيارة تروح عليك



***

ابو العربى قابل مذيعة قالت له انا سمعت كتير عن بطولاتك فى الحرب...
قالها طبعا ابو العربى يسد فى كل مكان فى 48 واليمن و56 و67 و73 والعراق...
قالت المذيعه طب هأسألك كام سؤال...
- لو انت فى الحرب وطلع عليك دبابتين ومعاك قنبلتين هتعمل ايه؟
-قالها: هادخل عليهم وأفجرهم
-طيب لو خمسه؟؟؟؟؟؟
قالها: هادخل عليهم بالسلاح الأبيض
-طيب لو اربع دبابات... و عشر عساكر... وطيارتين؟
قالها جرى ايه يا وليه هو مفيش حد بيحارب غيرى وللا إيه؟؟؟



***



صحفيه تجرى لقاء مع واحد من ملاّك الأبقار
الصحفية : أنت بتأكــــل البقر إيه ؟
المزارع : انهي فيهم البيضا ولا الحمرا ؟؟
قالت : البيضا
قال : البيضا بأكلها برسيم
قالت : والحمرا
قال : و الحمرا برضو برسيم
قالت : طيب بتسكنهم فين؟
قال : انهي فيهم البيضا ولا الحمرا؟؟
قالت : البيضا
قال : البيضا بسكنها في الحوش الي هناك
قالت : والحمرا
قال : و الحمرا برضو بسكنها في الحوش نفسه
قالت : طيب لما بتفسحهم بتعملهم إيه ؟
قال : انهي فيهم البيضا ولا الحمرا ؟؟
قالت : البيضااااااااااااا
قال : البيضا بلف بيها حول الترعه لفتين
قالت : والحمرا
قال : و الحمرا برضو بلف بيها حول الترعه لفتين
قالت : انتا ليه كل مره اسئلك بتقولي انهو فيهم انهو فيهم
وفي الاخر بتعاملهم زي بعض؟
قال : اصل البقره البيضا بتاعتي
قالت : والحمرا؟؟
قال: والحمرا برضو بتاعتي



***



وحدة حامل فى ثلاث توائم يوم الولادة الدكتور بيطلع العيل الأول لقاه نايم وساكت
قعد يضريه على وشه حتى صرخ الطفل ركنه على جنب وطلع الطفل الثانى لقاح زى أخوه قعد يضربه لما فاق وركنه
جه الدكتور يدور على الطفل الثالث مش لاقيه راح ماشى وقال للممرضة كملى لأنهم اثنين بس
الممرضة جت تكمل لقت الطفل الثالث طالع براسه بالراحة وبيسألها
هو الراجل اللى بيضرب العيال مشى ولا لسة



***



مرة واحدة تتدلع على زوجها وتغنيله اغنيه نانسي عجرم " إهدى حبيبى كدة وأرجع زى
زمان"، الراجل طلقها و رجع لأيام العذوبية



***



واحد بيقول لمراته ... انا النهاردة عايز رومانسية فى البيت ...
راحت الزوجة سألت امها : يعنى ايه رومانسية يا ماما؟؟

الام : مش عارفة بس احتياطى إنقعى الرز



***



مرة واحد قال لصاحبه "عاوز أعمل مفاجأة لمراتي فى
عيد جوازنا"

صاحبه : "هتعمل لها إيه؟"

"حوديها
الصين"



"يا راجل فى
عيد جوازكوا العاشر توديها الصين، أومال فى عيد جوازكوا الخمسين هتعمل ايه؟!!!!!!"

"حروح اخدها ! "



*** **********************

اليسا وهيفاء وهبي ونانسي عجرم راكبين قطار
وبيتكلموا عن فارس أحلامهم
إليسا قالت : نفسي أتجوز ضابط
هيفا قالت : نفسي أتجوز صيني
نانسي قالت نفسي أتجوز لاعب كرة مشهور
سمعهم واحد
دخل عليهم وقالهم معاكوا العقيد شونج يونج الشهير بأبوتريكة


************************


صعيدي مراته ولدت بنت الساعه 3 بعد نص الليل ...دبحها وجال ماعنديش بنات
تيجى آخر الليل



******************************



حشاش بيقول لصاحبه :
أنا حلمت امبارح أننا بقينا فنانين
.. أنت فنان تشكيلي ..... وأنا فنان أشكيلك



**************************


واحدة بتقول لجوزها اطرد السواق كان حيموتني مرتين في حادثة قال لها
خلينا نديه فرصة ثالثة


************************


مره واحد تاجر كتاكيت ماشي بالعربيه وفيها كتاكيت وقفته لجنه تموين وقال له المفتش: الكتاكيت دي بتأكلهم ايه؟ رد عليه وقال له : ذرة يا بيه..... فقال له المفتش انتو ما بتفهموش حاجة الكتاكيت دي بتاكل علف........ وراح عمله غرامة 1000 جنيه.... راح مشي التاجر بالعربيه وهو في الطريق وقفته لجنه تموين تاني وقال له المفتش انتي بتوكل الكتاكيت دي ايه قال له رد عليه بوكلهم علف يا بيه فقال له المفتش انتي حمار انتي بهيم دي بتاكل ذدرة وعملل له غرامه 1000 جنيه وبعد شويه وهو ماشي وقفته لجنه تموين تاني وقال له المفتش انتي بتوكل الكتاكيت دي ايه قال له يا بيه انا كل يوم الصبح ادي كل كتكوت جنيه وهو ياكل اللي عايزه

******************

اتنين متجوزين من عشرين سنة .. قرروا يروحوا يصيفوا
>ع البحر بنفس الفندق اللى قضوا فيه شهر العسل زمان
>لكن الزوجة كانت مشغولة فاتفقت مع زوجها على إنه يسافر لوحده و هى
>هاتحصله بعد يومين
>وصل الزوج ع الفندق و دخل الغرفة فوجد كمبيوتر بالغرفة و متوصل بكابل الانترنت
>فقام يبعت ايميل لزوجته يطمئنها فيه على أحواله
>بعد ماكتب الرسالة و هو بيكتب عنوان البريد الالكترونى لزوجته أخطأ فى كتابة
>حرف فى العنوان
>و بالطبع راح الايميل لشخص تانى تصادف إنه كان لأرملة لسة راجعة من مراسم دفن
>زوجها اللى توفاه الله بنفس اليوم .. الست الأرملة فتحت الكمبيوتر بتاعها
>لتقرأ ايميلات التعازى وقعت ع الأرض مغمى عليها بلحظة دخول ابنها اللى حاول
>يسعفها بكل الطرق و لم يفلح فى إفاقتها
> نظر الابن إلى كمبيوتر والدته و قرأ الرسالة التالية :
>
>
>
>
>
>
>
>
>زوجتى العزيزة .. وصلت بخير .. و يمكن تتفاجئى لأنك ح تعرفى أخبارى عن طريق
>الانترنت لأنه دلوقتى بقى فيه أخباره لأهله و أحبابه يوم بيوم كمبيوتر
>عندهم و يقدر
>الواحد يبعت
>أنا بقى لى ساعة واصل و تأكدت إنهم جهزوا المكان و كل شىء و مش باقى غير وصولك
>لعندى هنا بعد يومين
>إشتقت لك كتير و مشتاق أشوفك و باتمنى تكون رحلة سريعة زى رحلتى
>ملاحظة : مش ضرورى تجيبى ملابس كتيرة معاكى لأن هنا الحر شديد قوى قوى يعنى
>جهنم !!!!!!


***************************

مرة واحد متجوز عنده دولاب قافلة 20 سنة والمفتاح معاه هوه بس,
مراته هتجنن وفي يوم راح الشغل ونسي المفتاح.
مراته فتحت الدولاب لقت 20 الف جنيه وبيضتين.
لما رجع سالته ايه حكاية البيضتين قالها بصراحه كنت كل ماخونك أحط بيض في
الدولاب الست قالت عشرين سنه جواز ومرتين بس مش مهم وسالته طب
والعشرين الف جنيه
قالها كنت كل ماجمع كرتونه ابيعها

**********************************
مرة حلاق و ابنة بيتفرجوا على متش كورة فقال المذيع :وشطها بمشط
رجلة و جت فى المقص فقال ابن الحلاق : بابا دول بيلعبوا فى العدة

**********************************

مرة واحد امريكي وواحد اسباني وواحد صعيدي اتفقوا مين
بجيب اكبر تمساح راح الامريكي جاب واحد كبير وراح
الاسباني جاب واحد اكبر وراح الصعيدي و ما رجعش راحوا
يدوروا عليه لقوه شايل تمساح صغير و بيغني له بابا فين ؟؟

*********************************************

صعيدى أخذ شهادة دكتوراه فقال لزوجته والله ماخبرشى ليه
الناس بيضحكوا على الصعايدة أدينى جبت الدكتوراه. فقالت
له زوجته: دق على الخشب عشان العين. فدق على
الخشب. فقالت الزوجه مين على الباب؟ فقال الزوج: خليكي
انا حاشوف مين

*****************************************

مرة بدوي قال لأبوه: عايز آخذ نوكيا قال له:على جثتى
حتاخد بنت عمك

*****************************************
بدوى اول مرة يشوف فلبيني قال يا بخته هذا شبعان نوم


**************************************
اتنين صعايدة بيلعبوا شطرنج الملك مات مشلول

********************************

مرة صعيدي طلعله عفريت علاء الدين وقال له شبيك لبيك
خدامك بين ايديك قال له
عايز كوبري من الصعيد الى نيويورك
قال له مستحيل شوف طلب غيره قاله طيب خلي الصعايدة يفهموا
فكر شويه وقال له عايز الكوبري اتجاه واحد ولا اتجاهين ؟

*******************************************

مره واحد صعيدى سافر مصر إتسرقت المحفظه بتاعته بلغ عنها
فقال له الظابط حاضر حجيبهالك من تحت الأرض طلع الصعيدى
بره لقى الناس بتحفر لخط المترو فقال لهم الهمه يارجاله هى
سوده وفيها سوسته

************************************************** *

. واحد مسطول بيقول لصاحبه مش عارف يأ أخي عود الكبريت ده ما بيولعش ليه مع إنه لسه مولع من شوية

************************************
· مرة مدرس رياضة اتجوز مدرسة رياضة خلفوا ولد متساوى الساقين

*******************************************
· ايه الفرق بين الاسبوع وموس الحلاقة والصحراء؟؟؟؟؟؟؟؟؟؟؟؟ الاسبوع فيه حد ، والموس فيه حدين ، والصحراء ما فيهاش حد

**********************************
· هل تعرف من هو اوفي مخلوق؟ نملة مات زوجها الفيل وقعدت طول حياتها تدفن فيه

************************************************** ***
· زرافة و فيل وأسد وفأر وثعلب وارنب ماشيين في الغابة ، وقعوا كلهم في حفرة إلا الزرافة ،قالولها :جيبي لنا حبل. قالتلهم :ما فيش. قالولها :إحنا جعانين عايزين ناكل .قالتلهم: ماعرفش أجيب لكم أكل. قالولها: والعمل؟ قالت لهم: كلوا أضعفكم ..... قام الفأر نط مفزوع وقال لهم : اللي حيقرب من الأسد حيعرف شغله

********************************************

· واحد أحول راح يجيب أبوه من المطار باس الشنطة وشال أبوه

***************************************
· مرة 10 اغبياء بيلعبوا على الطريق الصحراوى واللي تخبطه العربية مرتين يطلع برة اللعبة

***************************************

· تايه بيسأل واحد ماشى فى الشارع اية اسرع طريق اروح بيه للمستشفى ؟؟ قالوة غمض عينك وعدى الشارع

********************************
· مرة واحد غبي ماشي في الشارع لقي واحد صاحبه قاله ازيك ياعلي شكلك اتغير خالص الثاني رد عليه بس انا مش علي الاول قاله وكمان غيرت اسمك

*********************************************
· سواق ماشى ع الطريق واحد لابس احمر فى احمر شاور له فوقف السواق و قاله انت مين و عايز اية قالة انا الفرفور الاحمر و عايز توصلنى فقالة لا مبوصلش فرافير و مشى و سابة شوية لقى واحد لابس اصفر فى اصفر و بيشاورلة فوقف و قالة انت مين و عايز اية قالة انا الفرفور الاصفر و عايزك توصلنى فقالة لا مبركبش فرافير و مشى و سابة شوية و قابلة واحد لابس اخضر فى اخضر عمل معاة نفس الحكاية ف السواق سابة و مشى شو ية كمان كدة و لقى واحد لابس ابيض فى ابيض بيشاورلة ف السواق وقف و قالة يا ترى انت بقى الفرفور الابيض فقالة الراجل فرفور اية رخصك يا لا

****************************

هههههههههههههههه كفايه كده النهارده


وانتظروا باقى حلقات ضحك فى ضحك


مع تحياتى


TITO7D
الرجوع الى أعلى الصفحة اذهب الى الأسفل
celestina
عضو جديد
عضو جديد
celestina


انثى
عدد الرسائل : 809
العمر : 34
العمل\الترفيه : كلية الالسن قسم اسبانى
تاريخ التسجيل : 03/05/2008

هههههههههههههههه  - اه يا بطنى - ههههه - بس كفايه مش قادر Empty
مُساهمةموضوع: رد: هههههههههههههههه - اه يا بطنى - ههههه - بس كفايه مش قادر   هههههههههههههههه  - اه يا بطنى - ههههه - بس كفايه مش قادر Icon_minitimeالجمعة 12 ديسمبر 2008, 22:03

ههههههههههههههه

فى انتظار المزيد.......
الرجوع الى أعلى الصفحة اذهب الى الأسفل
زائر
زائر




هههههههههههههههه  - اه يا بطنى - ههههه - بس كفايه مش قادر Empty
مُساهمةموضوع: رد: هههههههههههههههه - اه يا بطنى - ههههه - بس كفايه مش قادر   هههههههههههههههه  - اه يا بطنى - ههههه - بس كفايه مش قادر Icon_minitimeالسبت 13 ديسمبر 2008, 02:41

ايه هوه اللى منتظرين المزيد هوه افترى

على اساس ان انا شكوكو هخترع نكت تانى وألف نكت من عندى

كل النكت دى وعاوزه تانى

طيب

هحاول

اشوقلك عند اسماعيل يس -- شوية نكت

celestina

شرفنى مرورك الجميل

TITO7D
الرجوع الى أعلى الصفحة اذهب الى الأسفل
lona22
مشرفه
مشرفه
lona22


انثى
عدد الرسائل : 849
العمر : 35
المزاج : الحمد لله على كل شئ
العمل\الترفيه : فنانة على قد الحال
هههههههههههههههه  - اه يا بطنى - ههههه - بس كفايه مش قادر Empty
تاريخ التسجيل : 16/03/2008

هههههههههههههههه  - اه يا بطنى - ههههه - بس كفايه مش قادر Empty
مُساهمةموضوع: رد: هههههههههههههههه - اه يا بطنى - ههههه - بس كفايه مش قادر   هههههههههههههههه  - اه يا بطنى - ههههه - بس كفايه مش قادر Icon_minitimeالأربعاء 17 ديسمبر 2008, 15:57

شكرا ليك
تضحك فعلا
الرجوع الى أعلى الصفحة اذهب الى الأسفل
زائر
زائر




هههههههههههههههه  - اه يا بطنى - ههههه - بس كفايه مش قادر Empty
مُساهمةموضوع: رد: هههههههههههههههه - اه يا بطنى - ههههه - بس كفايه مش قادر   هههههههههههههههه  - اه يا بطنى - ههههه - بس كفايه مش قادر Icon_minitimeالأربعاء 17 ديسمبر 2008, 16:22

نورتى بجد يا

LOONA 22

شكرا على مرورك


TITO7D
الرجوع الى أعلى الصفحة اذهب الى الأسفل
 
هههههههههههههههه - اه يا بطنى - ههههه - بس كفايه مش قادر
الرجوع الى أعلى الصفحة 
صفحة 1 من اصل 1
 مواضيع مماثلة
-

صلاحيات هذا المنتدى:لاتستطيع الرد على المواضيع في هذا المنتدى
alsunawy :: `·.¸¸.·´´¯`··._.·`( الضحك والفرفشة )`·.¸¸.·´´¯`··._.·` :: الفرفشه والضحك-
انتقل الى: