ممكن الطبع يتغير و لا لأ . . . ؟؟

السلام عليكم

كل سنة و انتم بالف صحة و سعادة اولا

ثانيا حابة اسمع ارئكم ف موضوعي دة

هل ممكن الانسان يغير طبعه ايا كان الدافع لكدة

حب ،،،،،،،، دين ،،،،،،،،،،،، وطنية،،،،،،،،،،،،،، اي دافع

و لا الطبع بيفضل زي ما هو و استحالة يتغير

ايا كان السبب او الدافع

؟؟؟؟؟

و لكم مني وافر التقدير

و ارق تحية . . . . . .

والله ياايجبت
انا شايفه انا الطبع عمره مايتغير
والانسان مهما حاول يغير من طبعه مش هيقدر
لان الطبع غلب التطبع
وشكرا ليكى عالموضوع الرائع ده
تقبلى مرورى

لو هنتكلم عن الطبع فبالطبع الطبع يغلب التطبع ..انما لو هنتكلم عن الحب ,الدين.الوطنية ف دي مفاهيم ومعتقدات و ممكن تتغير لكن الطبع بيكون عبارة عن صفات زي الكرم الشجاعة العصبية الغرور الأنانيه أو حب الظهور مثلا و دي حاجات عمرها ما بتتغير

روووبي

رأيك دة انا بحترمه و دة رأي نااس كتير

نورتيني انتي و مشاركتك الجميلة

كريستال

انا طبعا عارفة ان الحب و الدين و الوطنية كل دي معتقدات

بس كنت اقصد هل ممكن تغير المعتقدات دي ممكن يغير من الطبع

او يأثر عليه

بمعني انا ممكن اكون مثلا حاجة معينة و عشان حبيت شخص معين

ممكن اتغير عشانه

او ممكن اكون كداب بس عشان المعتقد الديني ممكن ابطل

و هكزا

اتمني يكون قصدي وصلك

شكرا ليكي

قصدك وصلني يا ايجبت ولو على كده فممكن الانسان يتغير "مؤقتا " بس في الاخر هيرجع برضه لطبعه الأصلي وتحياتي ليكي

زائر

اولا وانتى طيبه يا هند وكل سنه وكل الاعضاء والامه الاسلاميه كلها بخير

ثانيا الطبع ده راسخ فى الانسان الواحد بيتوارثه زى التركه من جد لاب لابن وهكذا

والطبع او الشخصيه مش كلها بتبقى موروثه لأ

ان كان نص الطبع مستمد من الاب والام بالوراثه

ف النص التانى من الشخصيه بيتكون من البيئه المحيطه والعلاقات الاجتماعيه ومن الحياه

ولو كان الشخص ده سجين البيت ليس له علاقات اجتماعيه كتيييير

ف شخصيته بتبقى 100% من شخصية اللى فى البيت والده ووالدته واخواته

بالنسبه بقه ان الواحد ممكن يغير الطبع ولا لأ

هوه ممكن يغير فى النص التانى من طبعه هوه ده اللى ممكن يتحكم هوه فيه اللى هوه الطبع اللى اكتسبه من حياته ومن علاقاته مع الغير

اما الدافع او سبب التغيير فالدافع ده بيتغير حسب كل موقف هوه بيواجهه

مثلا يعنى لو بيحب شخص جداااا جداااا ممكن يغير حجات كتيييير فى حياته بس بردو فى الجزء التانى من طبعه
بمعنى انه هيعمل كل حاجه بيحبها وبتفرحه

لكن مش هيقدر يغير فى الجزء الاول المتوارث من طبعه مثلا العيله كلها بخيله ومعرفه ان مفيش حد فى العيله دى كريم اعوذ بالله عمره فى حياته م هيتغير ولو اتغير هيبقى تغيير فى الظاهر علشان يعجب بس لكن هيه بتبقى موجوده جواه

اما الجزء الاول من الطبع اللى هوه الوراثى م افتكرش انه ممكن يغيره

العادات الاولى تدوم

موضوع جميل شكرا ليكى

TITO7D

وأنتي طيبة يا هنوووووووود

بصي اختصارا للكلام اللي هكتبه أي انسان يقدر يغير أي حاجة فيه لو هو فعلاً عاوز يغيرها

أنما بالنسبة لكلام طارق أنا مختلفة معاه في حاجة بسيطة ممكن الواحد يغير في الجزء الأول ده اللي هو موروث

بس هيكون التغيير ده في قمة الصعوبة بس مش مستحيل ده رأيي مع احترامي لكم كلكم

استنونى لما ارجع للنت
هتشوفى كلام جامد يا ايجيبت
ههههههههههههههههه
وكل سنة وانتو كلكو طيبين

كريستال

شكرا ليكي ع الرد بس انتي كدة كلامك معناه ان الطبع مش بيتغير

كدة و لا اية ؟

طاااارق

كلامك جميل طبعا بس هل تغيير الطبع بيعتمد علي مصدر الطبع دة

منين و لا علي نوعية الطبع

يعني نقول طالما طبعه من العائلة يبقي مش هيتغير

و لا نقول طالما دة خاين يبقي عمره ما هيتعدل

سواء خيانته دي طبع من العيلة او من الحياة ؟؟؟؟؟؟؟

اموووووووووونة

شكرا ليكي علي ردك و انا مقتنعة بيه علي فكرة

سااااااااااايتو

و انت طيب و يا رب ترجع للنت

اكيد انا ف انتظاااااااار ردك

نورتوا بجد يا جماعة الموضوووووووع

تحياتي ليكووووووووووووا

اولا
كل سنة وانتوا طيبين يا جماعة
ثانيا
لما نييجى نتكلم يا جماعة فى موضوع زى موضوع الطباع البشرية دى
عايز اقولكوا اننا بندخل منطقة انعدام معايير
او انعدام مقاييس
بمعنى ان الموضوع كله نسبى من شخص لاخر
يعنى اى حد قال رايه فى الموضوع ده
رايه صحيح جدااااااااااااااااااااا ومنطبق بنسبة كبيرة على شخص معين
بس نفس الراى غلط جداااااااااااااااااااااااااااااااااااا بالنسبة لشخصية تانية وشخص تانى
لانى زى ما قلت فى الاول ان الموضوع كله نسبى بحت
انا بقى بختلف جدااااااااااااااااااااااااا مع
الكلام اللى مكتوب فووووووووووووووق
وبقول ان الطباع البشرية بعيدة كل البعد عن الموروثات الجينية
لانه ببساطة
الطباع البشرية شئ مكتسب
بمعنى ان الانسان بيكتسب طباعه دى
من الاشياء المختلفة
بس بالتاكيد الاشياء دى مش من ضمنها
او مش ليها اى علاقة بالجينات وبالوراثة
لان الاشياء اللى بتدخل فيها الجينات بيتولد الانسان بيها
يمكن الشخصية ممكن الوراثة تتدخل فيها ولكن بنسبة ضئيلة برده
انما الطبع نفسه بتاع الشخصية دى او بتاع البنى ادم ده
بعيد كل البعد عن الجينات وعن الوراثة
هنا ممكن يكون فى لبس
ان اساسا الناس مش تعرف الفرق بين الشخصية بتاعة الشخص والطبع بتاعه اللى هو جزء من الشخصية عامة
انما ده مش موضوعنا
ومثال للتوضيح ولاثبات كلامى
ان مثلا بيكون فى شخص عايش مع ابوه وامه
وبيطلع مختلف تماما فى الطباع عنهم
انما بقى لو وراثة اكيد هيطلع جزء من طباعه زيهم
انما بيطلع غيرهم تماما
وساعات بيكون النقيض كمان
ومراعاة لقفزات الاجيال فى علم الوراثة
ممكن اقول ان طبعه بيكون مختلف عن طبع اى حد فى عيلته كلها
مثلا
الاب شيخ زى ما بيقولوا ومقطع السجادة من الصلاة
والابن اخر صياعة ولا بيركعها
او العكس الابن اخر استقامة ويفرح وتلاقى الاب نفسه فى الضياع ومحتاج تظبيط
انا بقول ان الطبع شى مكتسب تماما
لا علاقة له بالموروثات الجينية
نييجى بقى لحتة ان الشخص بيكتسب طباعه من البيئة المحيطة بيه
انا بقى بقول عكس كده
الشخص بيكتسب طباعه على حسب رغباته وعلى حسب ميوله واتجاهاته اللى بترسم شخصيته
مش تحت شرط يكتسب اى حاجة من البيئة المحيطة بيه
هو بيكتسب اللى بيبقى عايزه
سواء من البيئة او من التليفزيون او من غيره وبيبنى احلامه على اشياء فى دماغه
بيبنى المفاهيم الخاصة بيه
اللى على اساسها بيكون عنده طبع معين
او طابع خاص
مثلا بيبنى مفهوم الحب عنده على اساس صورة شافها على غلاف كتاب
بيبنى مفهوم الجمال على اساس يوم مشرق كله حيوية ووجه بشوش بيحصى عليه وهو نايم فى الخلاء
الحاجات المزية دى
هى دى الحاجات اللى بيبنيها وبتكون خاصة بيه
وهى اللى بتكون طبعه
مش تحت شرط يكون من بيئته المحيطة بيه
وممكن يكونها تماما
من خياله واحلامه
اذا كان صاحب شخصية حالمة خيالية غير واقعية على الاطلاق
ولكن مش من البيئة المحيطة
بالمعنى اللفظى للبيئة المحيطة
مثلا
ممكن نلاقى واحد متربى فى مجتمع ريفى
ولكن طباعه لا تبت للمجتمع الريفى ده بصلة
او على العكس
ممكن نلاقى شخص متربى فى مجتمع حضرى او صناعى
ولكنه اشد تزمتا وتعسفا وحدة من الشخص الريفى
واكيد كلنا طبعا صادفنا مثل هذه الحالات
اما بقى لو رجعنا للسؤال الرئيسى اللى هو ممكن الانسان يغير من طبعه
الاجابة عليه هنلاقيها فى السطور اللى جاية
ديفيد بيكهام
قائد المنتخب الانجليزى واعظم لاعب فى تاريخ الكرة الانجليزية
كان ليه دايما مقولة
انا حاببها جدااااااااااااااا
كان دايما يقول
impossible is nothing
طبعا
باينة وواضحة المعنى العام بتاع المقولة بتاعته
ومش محتاجة تفسير
بس لازم علشان الواحد يغير من طباعه دى
لازم يكون الشخص ده ربنا اداله الحاجات دى
ربنا يعطيه البصيرة لرؤية الافض والحق
ربنا يعطيه القوة لاختيار هذا الافضل
ويعطيه الله الارادة للمتابعة على النهج الصحيح او نهج الحق
اتمنى ان فكرتى تكون وصلت
ودا مجرد راى ورايى انا فقط
قد يكون به زلل او خطا
وقد يتجنب الصواب نهائيا
بس انا واثق انه صح جدا مع ناس وغلط برده مع ناس
وومعذرة للاطالة
تقبلوا مرورى

طبعا احيي سايتو على راية الرائع وتحليلوا الفنى الى مش عارفة اقول علية
كل الكلام الى قالوا دا طبعا صح
عجيبتنى اوى نقطة ان الامر دا نسبى
فعلا الموضوع دا نسبى جدا
احب بقى اضيف حاجه

بصى يا ستى
هوا اولا فى خلط عند الناس مابين مفهوم السلوك ومابين مفهوم الطباع
بصى الطبع عادة بنعملوا عملية تهذيب او اخفاء
لكن تغيير تام
لا مش ممكن لان الطبع دا حاجه الانسان مولود بيها ولا بتبقى مكتسبة ولا اى حاجه دى حاجه كدا من عند ربنا
زى مثلا
التسلط وحب الامتلاك و الغيرة
الحاجات دى مش بتتغير وماينفعش نقول عليها حااجات مكتسبة
تعالى مثلا بقى عند السلوك
هتلاقى حاجات زى الانانية و حب الظهور والبخل والكرم دى سلوكيات
يعنى استحالة مثلا تلاقى واحد باباه ومامته فى البيت كرم مافيش بعد كدا
وتبلاقية هوا مثلا طالع بخيل استحالة
ممكن بعد كدا هوا بيغير نفسوا نظرا لظروف هوا واجهها فى البيئة المحيطة حوالية
ودى النقطة الى انا بختلف فيها مع كريستال لانها كدا خلطت مابينا لطبع والسلوك
والله ورسولة اعلم
ودا حسب اعتقداى الشخصى

اولا طبعا انا بحترم رايك يا ادمن
لانى زى ما قلت ونفس الكلمة اللى عجبتك
ان الموضوع نسبى
بس انتى نسيتى الكلمة دى فى كلامك
لدرجة انك بتقولى استحالة
لا انا بقى بقول مفيش استحالة ولا حاجة
لانه عن خبرة وعن معرفة شخصية بناس
عكس طباع الوالد والوالدة تماما
زى ما شرحت فوق فى ردى
الوالدين مثلا يبقوا كرما جداااااااااااااا
والابن يبقى بخيل جدااااااااااااا
كمان بختلف معاكى جدا فى حتة ان الطبع الانسان مخلوق وهو جواه
انا بشوف عكس كده خالص
وزى ما قلت الامر نسبى بحت
وفى الاخر
الله ورسوله اعلم
تقبلى مرورى

يعنى استحالة مثلا تلاقى واحد باباه ومامته فى البيت كرم مافيش بعد كدا
وتبلاقية هوا مثلا طالع بخيل استحالة
ممكن بعد كدا هوا بيغير نفسوا نظرا لظروف هوا واجهها فى البيئة المحيطة حوالية

ماهو بقول هتلاقية بسبب ظروف طرات علية

حابة بس احيي مي و سايتو ع الردود الجامدة دي

و هعلق علي رايكم المرة الجاية

بس حابة اقلكم نورتوا الموضوع

الموضوع حلو قوي وانا اضم صوتي الى راي سايتو لانه فعلا رد رائع جدا واحييه عليه واحب اضيف حاجة
ان الانسان لو وجدالدافع الحقيقي لتغيير اي شئ من طباعه سواء الدافع دا شخص اواعتقاد اومبدأ صدقيني ممكن يتغير وممكن يتحول لشخص تاني بس اذا حس واقتنع ان الدافع دايستاهل التغيير علشانه وعلى فكرة الكلام دا عن تجربه حقيقه وذلك لان الطبع زي ماقال سايتو مكتسب وليس موروث
شكرا ليك

طبعا بحيي سايتو علي رده الجميل و المقنع
وبحيي ايجيبت علي الموضوع الجامد اوي
بس كل واحد له رايه الشخصي
انا شايف انه صعب اوي الطبع يتغير بس هو مش مستحيل لان محتاج ارادة قوية اوي

انا شايفة ان موضوع تغير الطبع يتوقف على شخصية الانسان نفسه
يعنى فى واحد ممكن يغير من طبعه وواحد تانى لا يعنى زى ما قال ..موزا.. ارادة شخصية
وشايفة انه ممكن واحد يغير طبعه عشان خاطر حد بيحبه قوى..

على فكره يا جماعه ممكن طبع الواحد يتغير

بس هيبقى محتاج شويه وقت

اه هو فعلا يا جماعة الموضوع نسبي جدا

و بيختلف من شخص للتاني

بس من خلال نقاش مي و سايتو ف وجهتين نظر

ان الطبع شئ الانسان مولود بيه و ان الطبع شئ مكتسب

و سؤالي كمان لسايتو اية الفرق بين الطبع و الشخصية او ازاي الطبع جزء منها ؟