مفاجأة الانتخاباااااااااااااااات ................

بداية طرحي للموضوع دة مش الهدف منه التجريح ف حد او اهانة حد

لكن كل هدفي هو الوصول للافضل و الارتقاء بمستوي كليتنا

انا اللي اعرفه ان موضوع الاتحاد دة مكون من الطلبة و لخدمة الطلبة

يبقي مفيش داعي لتدخل اي اطراف تانية ف الانتخاب

دي نقطة

النقطة التانية و هي وجود الاحزاب بقي ما بين الطلبة اللي نازلين ف الانتخابات

يعني انا لما جيت انزل اتحاد

لقيت نفسي بين اختيارين

اما اني ابقي مع فلان و بالتالي اعادي فلان

او العكس

و لو نزلت لوحدي عمري ما هكسب

انا بصراحة مش عارفة علي اية دة كله

و لما اتكلمت اتقي ان دي لعبة و لو ليا ف اللعب انزل

طبعا مفيش حاجة اسمها لعبة دة اتحاد المروض يبقي علي قدر من الشفافية اكتر من كدة

حتي لو دة بيحصل ف باقي الكليات احنا ملناش دعوة

نبدأ احنا نغير من نفسنا

و في ناس بتخسر بعضها بسبب الموضوع دة طيب لية يا جماعة

سيبو كل واحد يختار براحته

يختار اللي يستحق فعلا مش اختار اللي ف حزبي و هيدجيني صوته

احنا عمالين نعيب ف حكومتنا و احنا ف كليتنا حكومة مصغرة من حكومتنا الكبيرة

يعني اية اظبط للانتخابات ( و انا هقول الكلمة دي مجازا كدة ) قبلها بسنة

و يبقي فيها تصفية حساب بقي لمشاكل قديمة و كلام كتير ملوش لازمة

انا طبعا مش ملمة بكل المشاكل و مش عايزة اتكلم فيها لانها حاجة تكسف بجد

بس اتمني ان الوضع يتغير

ابقي انا نازل انتخابات وا دي صوتي للي يستاهل

و ابقي نازل و مش عارف مين هيصوتلي و مين لا

بس اللي عارفه هو شغلي و نشاطي اللي المفروض الناس تحكم من خلاله

و اللي المفروض يبقي هو الفيصل بين المرشحين

بغض النظر بقي عن خلافات الطلبة مع بعض او خلافاتهم مع المكتب او غيره

كلامي دة من زعلي ع الوضع اللي انا شفته لان انا كنت واحدة من الناس ناوية انزل

و اقوم بحاجات كتير و كنت نشيطة اوي بس للاسف

اتصدمت بالوضع و قررت اني ادي صوت و اطلع من اللعبة دى زي ما بيتقال عليها

طبعا مش هنقدر نرجع اللي فات بس نقدر نحسن الحالي و نغير المستقبل

و نتمني ان الاتحاد يعمل شغل جامد السنة دى

و اتمني محدش ياخد كلامي بحساسية

تقبلو تحياتي

المشكلة كمان الاكبر يا هند

ان موضوع الاتحاد سمعته وحشة

بصراحة يعنى طلبة مبتحضرش وطلبة هيعتمدوا ان الغياب يتمسح

وغير ده كله بنسمع كطلبة ان النتيجة بتكون معروفة مسبقا

وعارفه ان جزء كبير غلط بس لازم يورونا الصح

فعلا انا عرفت ان ناس كانت صحاب وايام الانتخابات وسمعتهم بودنى بيشتموا فى بعض

فعلا لو كلنا بنحب كليتنا يبئى ننزل الانتخابات علشان نفيدها مش منظر

شكرا ياحلى ايجبت

فعلا كلامك صح يا فلة

في ناس كتير خسرت بعض ف الفترة دي و دي اكتر حاجة زعلتني

و موضوع النتيجة المسبقة دة بردو اساس المشكلة

يعني بيبقي معروف ان حزب فلان هو الكسبان و موثوق من هزيمة الحزب التاني

يعني تقدري تقولي ان تصويت الطلبة دة كان منظر بسسسس

لان كدة كدة النتيجة محسومة

و دة طبعا بتدخل اطراف من المفترض ان هي ملهاش علاقة خالص بالموضوع دة

طبعا بنتمني ان طلبة الاتحاد السنة دي يورونا شغل يليق بكليتنا

و يعوضونا عن اللي شفناه ف الانتخابات

طبعا نورتي الموضوع يا فلة كالعادة

اية يا جماعة كنت متوقعة نقاش اكتر من كدة

انا زعلانة ان محدش رد ع الموضوع رغم انه مهم

بصوا يا جماعة
الموضوع طبعا مهم جداااااااااااااا
ومحدش ينكر ان فى حاجات كتير فى كليتنا كلها مش فى الاتحاد بس
عايزة تتظبط
وكلنا نفسنا تتظبط
كلام ايجيبت جميل جداااااااااااااا
بس للاسف مش عملى
او بمعنى اصح
الكلام الصح
والصح مش بيتعمل اليومين دول
المفروض الناس تدى اللى شايفاه احق واللى شايفاه
نشيط اكتر ونشاطاته اكتر ايجابية
مش موضوع تربيطات وتظبيطات من بره
ولما عملنا كده الناس زعلت
لانه من الاخر كل واحد شايف نفسه احق من التانى
ولما تقول لا انا شفت التانى احق
الناس تزعل وتقول ازاى دا كذا وكذا وكذا
على العموم
الموضوع خلص
والحمد لله
واللى مكتوبله حاجة شافها
واهى تجارب وبنتعلم منها
اما بقى يا فلة
موضوع غياب ومش غياب
اولا اى حد فى اى حتة من اى دفعة
اشترك فى نشاط
من حقه
ان غيابه يتشال
بمذكرة بيمضى عليها وكيل الكلية وبتروح
للدكتور بتاع المادة
والاستمارة دى حسب تعليمات الوكيل تكون قبل النشاط مش بعده
يعنى مش موضوع
ان النااس متحضرش
وتقضيها بره وتييجى فى الاخر
غيابها يتشال
وبدون وجه حق
لا
الموضوع مش كده
وبصراحة
انا شايف اننا ملناش الحق نتكلم فى النقطة دى
اللى ليه الحق هو الدكتور وكيل الكلية
مش حد تانى
واعتقد ان كلنا عندنا ثقة فى نزاهة الوكيل بتاعنا
يعنى من الاخر مش هتلاقى حد
ميستحقش وغيابه متشال
اما بقى موضوع ان الامر منتهى من قبل الانتخابات
الامر بيبقى منتهى بالنسبة للطلبة اللى بتترشح
مش بالنسبة للادراة
بالنسبة للطلبة لان كل ما معاد الانتخابات يقرب
بتتكشف اوراق وكل واحد بيعرف لو العدد الاكبر معاه
او مظبط معاه
وانا عارف الكلمة دى مش هتعجبكوا
بس هو ده الوضع الحالى
لما بيلاقى العدد الاكبر معاه
بيكون عارف ان النتيجة فى الاخر لصالحه
دا ملخص الحكاية
طبعا بعيدة كل البعد عن المثالية
ولكن ده وضع حالى
ويبقى
اننا نحاول نغيره
او نتكيف معاه
وكل التوفيق للناس اللى جاية
ويا رب يقدروا يغيروه
وهيلاقوا دايما الناس الخبرة اللى قبلهم فى خدمتهم
وميرسى على موضوعك المهم ايجيبت
وسورى للاطالة
تقبلى مرورى

اولا شكرا ليكى شكر خاص يا ايجيبت على الموضوع الهايل ده
كل اللى اقدر اقوله ان الحمد لله انى بره الموضوع ده لانه سببلى حاجات كتير ماكنتش اتمنى انها تحصل
بس والله الموضوع ده علمنى كتيييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييير جدا جدا جدا
وبرد على الزميل سايتو بكلمتين اتمنى والله العظيم ان انت تكون مقتنع بالكلام اللى انت رديت بيه
لان ابسط ما فى الامر انها لو مش تربيطات زى ما انت بتقول ما كنتش عطيت كلمه
المهم ده مش وقته احنا اتصفينا وخلاص كل شئ انتهى
بس احب اقولك ركز فى شغلك ومحضراتك ومذاكرتك علشان بس تكسب حاجه صح
سورى يا ايجيبت على الاطاله بس للعلم انا عمرى ماغلط فى حد نزل ضدى فى الانتخابات شكرا
العشرى008
لا ندعى التميز ولكن نسعى اليه

بص يا احمد
انا الحمد لله
عمرى ما بكتب حاجة او بقول حاجة او بعمل حاجة الا لما بكون مقتنع بيها
مليون المية
وشايفها صح
ولو بيبقى عندى ذرة شك
الحمد لله عندى اللى بشوره وبرده بياكدى وجهة نظرى
وطبعا الحاجات اللى انا بشوفها صح دى
من وجهة نظرى انا ومن رؤيتى انا للامور
واللى طبعا بتختلف من شخص لتانى
يعنى زى مانت شاايف غلط
غيرك شايفه صح
وغيرك ده مقتنع انك غلط
زى مانت مقتنع ومستعد تحلف على مصحف انه هو كمان غلط
فالموضوع كله نسبى
وبيختلف من شخص للتانى
وعلى فكرة انا مقلتش انها مش تربيطات
بالعكس انا بقول كلام ايجيبت صح جدا
بس مش دايما الصح هو اللى بيتعمل
ولو حد خالف التربيطات دى
يبقى ويبقى ويبقى
ومرة تانى بقول انت فهمت غلط
وابقى ركز المرة اللى جاية وانت بتقرا
واتمنى فعلا ان كل شئ يكون انتهى
زى مانت بتقول
مش موضوع كلام على الفاضى
زى ما ناس تانية شايفة وبتقولى
وميرسى يا سيدى على نصيحتك وربنا يكرمنى ويكرمك
وتتخرج ونتخرج كلنا
اما بقى موضوع مين غلط فى مين ومين قال ايه على مين
دى بقى
كل واحد عارفها كويس ومش محتاجين نتكلم فيها واللى بيغلط فى حد
بيلاقى برده اللى يغلط فيه
وكل واحد وضميره بقى
وخلاااااااااااااااااااااااااااااااااااااااااااااااااص
كفاية كده انا مش هتكلم فى الموضوع ده تانى
اعتقد انه اخد اكتر من حقه بكتير
واللى عايز يتكلم فى اى حاجة فى الموضوع ده يكلم نفسه احسن
واهو منه يبقى تسالى
وبرده ميسبش نفسه لوحدها
وميرسى ايجيبت مرة
تانية وسورى للاطالة
تقبلى مرورى

ساايتو

ما هو لو احنا فضلنا نقول ان الصح صعب يتعمل

يبقي عمرنا ما هنتقدم و مش بس هنفضل كدة لا كمان هنرجع لورا

احنا نحاول علي قد ما نقدر نغير ف المكان اللي احنا فيه

يعني و الحق ميزعلش حد و طالما انت واحد نويت تنزل انتخابات

يبقي المفروض تتقبل الاصوات زي ما الناس شايفة و من غير زعل

و تفصل بين الانتخابات و بين العلاقات الاجتماعية اللي برة

و طبعا كل واحد شايف نفسه صح دة اكيد

و الفيصل هناا صوت الناس بشرط

انه يكون من غير تربيط زي ما انت بتقول

كدة ملكش حق تزعل

لكن لو تربيط بقي و كدة دة بقي اللي يزعل

و انا واحدة من الناس بعمل الصح او اللي المفروض يحصل

و اللي يزعل براحته لاني برضي ربنا مش اكتر

كان نفسي نبدأ نغير النظام دة من السنة دي

بس اللي حصل

سااايتو نورتني كالعادة

احمد

حلوو انك تتعلم بس مش حلوو انك تخسر اي حد

عشان شئ مش مستاهل

و ربنا يوفقك و يكرمك و تتخرجو كلكو علي خير

و تفضل للكلية و لينا زكري حلوة ف بالكو

نووورتني يا احمد بتعليقك

بصوا يا جماعة محمد مش غلط

محمد بيتكلم فى نقطة بتحصل

وبيقول يا ريت نغيرها

ومش قال ان الصح صعب يتعمل

لا

هو قال ان الصح مش دايما بيتعمل وبعدين اشتروا دماغكوا وانا بكلم محمد كان دايما يقولى حديث لما حد يصدعه فى

موضوع ملوش لزمة ومنتهى

الحديث هو

انا زعيم بيت حول الجنة لمن ترك المجادلة ولو كان محقا وزعيم بيت فى وسط الجنة لمن ترك لمن ترك الكذب ولو كان مازحا

وزعيم بيت فى اعلى الجنة لمن حسن خلقه

صدق رسول الله صلى الله عليه وسلم

لولولولولولولولولىىىىىىىىىىىىىىىىىىىىىىىىىىىىىى

انا حفظته يا ناس

باركولى

هههههههههههههههههههههههه

المفروض بقى ان الناس تشترى دماغها وتطبق الحديث وتخليها واثقة ان الصح

واللى فى صالح الكلية هو اللى هيتعمل ان شاء الله

احمد محمود شحاتة امين مساعد اتحاد الكلية

واوعى تغير المحطة

هند
رايي قولتهولك قبل كدا
ومش هاقدر اقولهولك تانى
انا من زمان شايفة الوضوع وعايزة ارد علية
بس
اسمحيلى انى اقولك
مافيش فايدة

مع احترامي ليك يا احمد بس الحديث اللي انت قلته دة مكانه مش هناا

لان احنا مش بنجادل من اجل الجدال احنا بنتناقش عشان الصح

و دة بردو امر بيه الرسول صلي الله عليه و سلم

رسولنا امر بالعدل و حث ان الناس تبقي مترابطة و علي خلق زي

ما انت قلت كدة

و اسمحلي مفيش حاجة اسمها كل واحد يشتري دماغه لان

اللي شاريين دماغهم ملهمش لازمة ف الدنيا دي

و طبعا نتمني ان اللي ف مصلحة الكلية هو اللي يتعمل ف الاخر

و طبعا اللي حصل حصل بس احنا بنتكلم ف اللي فات عشان اللي جاي

و مبروك انك حفظت الحديث و مبروك انك بقيت امين مساعد

بس نتمني تكونو قد المكان اللي اتحطيتو فيه

احمد بشكرك ع المشاركة و اتمني تكون فهمت وجه نظري

نوورت

بصي يا مي الفايدة و التغيير مش بيبقو ف يوم و ليلة

بس اكيييد في فايدة ان مكنش دلوقتي يبقي بعدين

و احنا بنعمل اللي نقدر عليه و الباقي علي ربنا

و انا فعلا نفسي الوضع يتحسن مش اكتر

و اتمني ف الاخر النجاح و التوفيق لكل النااس

نوورتيني يا مي

على فكره اللى كلنا فى دا

بلاء من ربنا

اللى كسب ربنا بيختبره ؟

هل هو هيقدر يقوم بكل اللى مطلوب منه ولا لا

وطبعا هيساله يوم القيامه عن كل واحد هو مسئول عنه وعن المنصب اللى تولاه

واللى خسر دا بردو بلاء من ربنا

واختبار وبيشوفه هيصبر ولا لا

وهيسامح اللى خانه ولا لا

والحمد لله على كل حاجه

وربنا يعوض

ومبروووك لكل اللى كسب وشايف شغله بضميييييييييييييييير

وشكرا جدا ايجبت

هي الدنيا كلها امتحان كبييييير اووي

و مش سهل طبعاا

و ان شاء الله كلنا ننجح فيه

و ربنا يكرمنا جميعااا

مدحت نوووووووورت الموضوع

هاى ايجيبت
كان عندى سؤال هام
انتى ليه اخترتى العنوان وبدايته مفاجأة الانتخابات
اقصد المفاجأة فى ايه بالضبط
شكرا ليكى

لاني طبعا لما نويت انزل مكنتش عارفة الحوارات دي كلها

اللي انا حكتها ف الاول

و كانت مفجأة بالنسبة لياا و صدمة ف نفس الوقت

اقصد النظام اللي ماشية بيه الانتخابات

اللي هو كل اللي قلته ف الاول دة

اتمني يكون قصدي وصلك

شكرا ليك ع المتابعة

و نوووووورتني يا مدحت

بصى يايجيبت لعبة الانتخابات دى انا دايما
مسميها dirty game
يعنى للاسف اللى تغلبه العبه
وصدقينى اللى هيلعبها غير كده هيخسر
انا لعبتها مرتين مرة نزاهه ومرة قزارة
وعارف انا بقول ايه
بس بجد
والله والله مش مستاهله ان حد يخسر اى شخص
مهما كان بسببها
الناس اللى انا كنت مسميهم اعدائى
فى الانتخابات
والله والله
اتمنى اننا نبقى مع بعض ولو ساعة واحدة دلوقتى
وكل مافتكر اللى كنت بعمله فى الانتخابات بستتفه نفسى
وبالنسبة لحكاية الترابيط دى
دى حاجة عمرها ماهتتغير ودى مش وحشة
لانى انا برده مبجبرش حد انه يدينى صوته
بس كل اللى انا بعمله انى بحاول اقنع الناس بيه
وبحاول برده اخد منهم كلمة انهم هيدونى اصواتهم فى الانتخابات
وعلى فكرة
معظم اللى بيوعدونى بيبقوا عايزين مصلحتهم
يعنى تقدرى تقولى منفعة متبادلة
وعلى ماعتقد الوضع ده عمره ماهيتغر فى يوم من الايام
وشكرا على موضوعك اللذيذ
والف الف مبرووووووووووك
للفايز فى اجمل لعبة ممكن يلعبوها فى حياتهم
وهارد لك للى الحظ محالفوش
(عسى ان تكرهوا شيئا)

و انا رافضة اوي يا احمد ان اتحاد طلبة يتقال عليه

dirty game

و طبعا الاسم دة اتقال علي الاتحاد من اللي الناس بتعمله

و انا واثقة ان الوضع هيتعدل ف يوم من الايام

و موضوع الترابيط دة بردو لو هنمشي صح

يبقي المفروض يتلغي لان دة هو اسااااااس كل الفوضي والمشاكل

اللي بتحصل ف الانتخابات

يعني انا شايفة ان التربيط اساس المشكلة

النقطة بقي الاهم و اللي انا عايزة اوصلهاااااااااااا

و عجبتني اوووووووووي ف كلامك

ان مش مستاهله الناس تخسر بعضها

و انك بعد كدة بتزعل انك خسرت حد عشان حاجة زي دي

و انك بتتمني دلوقتي تبقي معااهم

و انت مجرب اهو

بجد نفسي الناس متبقاش زعلانة من بعضها و اللي فات خلص و عدي

المهم اللي جاي

احمد بحييك علي صراحتك و كلامك الجميل دة

نورت الموضوع و المنتدي كله

والله يا شعبان احب احييك علي ردك ه وانت عارف معزتك عند احمد شحاته وعند عبد العال وعند عنتر اللي انت نازله مخصوص واللي اجل سفره عشان يشوفك
واحب اقولك اننا ان شاء الله عمرنا ما هانخسر بعض عشان انتخبات يا حبيب قلبي يا شيكو

وانتي يا ايجبت مع احترامي ليكي انتي مكبرة الموضوع جدا علي فكرة وهو مش مستاهل لانك ما تعرفيش حاجه عن الانتخابات فهي زي ما قالك شعبان

وعلي فكرة الحمد لله انا مخسرتش حد في الانتخابات وكل الناس اخواتي وانا تحت امر اي حد يحتاج جاجه من الكليه
وربنا يعني انا واللي معايا في الاتحاد ونعمله اللي هو عايزه
وارجو ان الموضوع ده محدش يفتحوا تاني لو سمحتم يا جماعه لانكم كبرتوا الموضوع اوي زياده عن حده

وانت يا مدحت انا عارف انت بتتكلم علي ايه
بس انا ردي
no comment
مع احترامي الشديد ليك
وانت عارف انا بعزك قد ايه
بس المفروض اننا اتكلمنا في الموضوع ده كام مرة وخلصناه
ويا ريت نفتح صفحه جديده بقي وننسي اللي فات
ولتاني مرة بقولك ما تزعلش مني انت عارف انا بعزك قد ايه
وبجد يا شيكوا يا حبيبي نورت الموضوع والدنيا كلها ووحشتني جدااااااااااااااااااااااااا

وفي النهايه اسف للاطاله

واوعي تغير المحطه

لا انا مكنتش اعرف بس دلوقتي عرفت

و انا مش شايفة اني مكبرة الموضوع لانه اصلا كبير

و انا زي ما قلت ف الاول مش قصدي اهين او اجرح حد معين

بس انا شفت وضع مش صح و حبيت اسلط الضؤ عليه

و نشوف الناس شايفة اية

و لو في حلول تتقال

لكن طبعا الموضوع انتهي بس دة

ميمنعش ان اللي عايز يتكلم فيه يتكلم

و اللي عايز يقول رايه يبقي براحته

مش هنقدر نقول لحد اسكت

و طبعا انت و كل الاتحاد اخواتنا و احنا عارفين انكو دايما ف الخدمة

و يا رب دايما كدة

و طبعا كلنا اخوات ف الاخر و ف مركب واحدة

احمد اتمني كلامي ميكنش دايقك

و اتنمالك من كل قلبي انت و كل الاتحاد

و كل طلبة الالسن

كل تفوق و نجااح

نووورت الموضوع

هاى يا جماعه سورى بس انا كنت حابه اعلق ع الموضوع ده و طبعا موافقه احمد شعبان جدا
ان اللى هيدخلها بغير الطريقه دى هيخسر هيخسر بس من وجهة نظرى انا شايفه ان ليها جانب حلو انو لو كان الاتحاد
متفاهم من الاول مع بعضه هيعمل شغل كويس و طبعا طبعا لازم ف الاول و الاخر ان محدش يخسر اى حد من زمايله بسبب
حاجه زى دى و ده اللى حاصل حاليا بالفعل لان ف الاول و الاخر كلنا اخوات و اصحاب ف كلية واحده
و الاهم من ده كله المصلحه العااااااامه
حاجه اخيره انا معترضه تماااااااما على فكرة ان طالب الاتحاد دايما مش بيحضر و الكلام ده غلط انا اول الناس اللى بحضر و مش بفوت
اى محاضره غير اما بيكون فى حاجه ضروريه او نشاط للكليه و ف الغالب بيكون لان الطلبه مش مستعده تروح ف بنضطر نروح احنا و بيبقى عندى عذرى و بكون مستئذنه من الدكتور و وكيل الكليه عشان الغياب و برده عشان منضيعش نقاط النشاط من الكلية يعنى ارجع و اقول برضو عشاااااااان المصلحة
بليييييييييييز يا جماعه اللى يتكلم ع حاجه لازم يكون متاكد منها قبل ما يقولها
و سورى طولت عليكوو Cool

صح جدا كلامك يا روفى
ونفس النقطة اللى اتكلمت فيها
اننا بنبقى مضطرين علشان الطلبة نفسهم
مش بيشاركوا فى حاجة
وطبعا بضم كلامى لكلامك وبقول
يا ريت الى يتكلم فى حاجة يبقى فاهمها

انا عايز اعرف مين الى قال ان اتحاد الطلبة مش بيحضر محاضرات
على العموم احنا بنحضر
والى مش مصدق يروح لداكترة كل قسم ويسال على حضورنا مش على غيابنا علشان محدش يتكلم واحنا الحمد لله الدكاترة عارفانا
وياريت محدش يتكلم عن حد او يظلم حد الالما يكون واثق من الى هو بيقولوا

بصو يا جماعة انا نا بناقش قضية واضحة

الغياب دة حرية شخصية ف الاخر

لكن كلامي واضح

و اتمني محدش يفهم غلط

نوووووووورتو الموضوع