لــحظة من فضلك.....!!!

السلام عليكم ورحمة الله تعالى وبركاته

ازيكم عاملين ايه
وحشتونى قوى وكل يوم بغيب عنكم فيه بتوحشونى جدا
المهم...
طبعا رمضان خلص من زمان يعني اهو داخلين فى اسبوع وانا والله حزينة جدا
انا نفسى السنة كلها رمضان
الكلام اللى هقوله دا المفروض كنت قولته فى اخر يوم فى رمضان بس كنت مشغولة شوية فمش عرفت ادخل ولا اكتب حاجة
بس انا نفسى اوصلكم اللى فى قلبى
عايزة اقولكم خلينا ربانين لا رمضانين
طبعا فهامين صح
يعني احنا فى رمضان مش بنسيب الجامع اعتكاف وعبادة وصلاة وكل العبادات وكل حاجة نيجي فى اخر ايام رمضان او بعد ما رمضان يخلص نقوم نقل فى العبادة"الا من رحم ربى"يعني انا بروح اصلى فى مسجد فى فى يوم 23كده لقيت الجامع ناقص فيه ناس قليلة بجد حاجة تحزن عايزة اسال سؤال ليه احنا بعد ما رمضان يخلص مش بنهتم بالعيادة"الا من رحم ربى"يعني احنا فى رمضان بنكون حرصين ع اننا نختم القران ع الاقل 3مرات فى الشهر وبنبقى خايفين اصل رمضان يخلص واحنا مش خاتمين لكن بعد رمضان بيبقى مفيش اهتمام"الا من رحم ربى"يعني نخلصه او مش نخلصه سواء عادي يعني كذلك فى الصلاة ممكن ناخر الصلاة عن ميعادها"الا من رحم ربى"وكمان لو صلناها بنصليها فى البيت والجامع بيبقى فاضى ليه بس عايزين نتخيل السنة كلها رمضان
يلا تخيل نفسك فى رمضان وافتح المصحف واقرا وحاول انك تخلصه الشهر دا كذا مرة واعمل كده ع طول ومش تقطع صلة الارحام ويلا تصدقك ع الفقراء والمساكين وزور اليتامى خلى نفسك فى رمضان
فهمينى
طبعا البعض هيقول وانتى مالك
بس انا والله بقول الكلام دا ليا وليك وليكي
مش لحد معين "طبعا كلكم فهمينى صح ولا لاه
فمش عايزة حد يزعل اوك
الكلام دا بقولى لنفسى ولكله كل يوم
انا بس خايفة عليكم وعليا
فبلاش زعل اوكك
وعاية رايكم بصراحة
اوك
ونمعلش طولت عليكم
والسلام عليكم ورحمة الله وبركاته
lona22

بحب تريكة قوووى

و هنزعل منك لية يا لونا
وانا برضة حزينة ان رمضان خلص
وربنا يقدرنا ويثبتنا ويعنا على طاعتة
شكرا ليكى لونا

والله يا لونا عندك حق في كل كلامك
احنا فعلا بعد رمضان بنكون مقصرين جدا في العبادات
ربنا يهدينا ويثبتنا على الطريق المستقيم

ويجزيكي خير يا لونا على التذكير
ويجعله في ميزان حسناتك

احنا عمرنا مانزعل منك ابدا يالونا
فعلا والله حاجه تحزن
تلاقى الناس كلها مهتمه بالعباده فى رمضان
وبعد رمضان تلاقى الناس غير مهتمه خالص بالعباده
ياريت ياجماعه كلنا نتهم بالعباده فى كل وقت وحين
وربنا يثبت الايمان فى قلوبنا يارب
وربنا يجازيكى كل خير يالونا

الله يكرمك
ويجزينى ويجزيكم يا رب
وشكرا لمروركم جميعا
وبارك الله فيكم

؛؛؛

الواحد عمره مابيحس

بحلاوة وبركة الايام غير برمضان

بجد اجمل ضيف فى السنة

وكل كلامك صح وواقعى جدا يالونا

ربنا يتقبل منك ياحبيبتى

؛؛؛

يا رب يا فلة يا قمر
شكرا لمرورك الذى اسعدنى