alsunawy
عزيزي الزائر

لأنـنـا نـعـشـقِ التـميز والـِمُـِمَـِيّـزِيْـن يشرفنـا إنـظمـامك معنـآ في مـنـتـدانـا
منتدى ألسنـــــــاوي
أثبـت تـوآجُـِدك و كن من الـِمُـِمَـِيّـزِيْـن ..!



ادارة المنتدي



منتدى يجمعنا كلنا
 
الرئيسيةالبوابةاليوميةس .و .جبحـثالتسجيلدخول

شاطر | 
 

 امضاء............. مسروقة هانم!!!!!!!!!!!!

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
eyes gravity
عضو جديد
عضو جديد


انثى
عدد الرسائل : 453
العمر : 27
تاريخ التسجيل : 20/06/2008

مُساهمةموضوع: امضاء............. مسروقة هانم!!!!!!!!!!!!   الخميس 11 سبتمبر 2008, 07:36

حكايتي مع العريس ......



الحكاية دي مايعرفهاش أي حد غير انا و ماما ..ماحكيتهاش لأي حد من أصحابي ..يعني ابقوا اتباهووا قدام كل أصحابكم بالأمتياز ده ...حصريا



احمم..مقدمة...عارفين ايه احساس واحده و هي ماشية في الشارع و تحس ان حد معجب بيها..مش معاكسه يعني و كده ..لأ بيبقى فيه كده مواقف غريبة ..و على فكرة فيه جوازات كتير بتبدأ كده ...واحد يشوف واحده في الشارع..يمشي وراها ..يعرف ساكنة فين و يسأل عليها و يخطبها ..ابن عمي عمل كده بس لسعته حتت قلم على وشة ..علم على صداغه 3 أيام ..هو اتكيف قوي و قال "البت دي واضح انها مؤدبة و متربية " وراح خطبها ..آه و النعمة..هي صحيح بعد كده اتضح ان ايديها بتطول عليه في كل المواقف مش في الموقف ده بس ..بس و الله الراجل مبسوط و بيحلف باليوم اللي شافها فيه..و بيلعن ...!! ولا بلاش



المهم أنا يوم نازله من البيت رايحه الشغل..حسيت ان فيه عين هتخرم قفايا ..بصيت ورايا بسرعه كده في الخباثة لقيتلكم راجل انما ايه ..طول بعرض بارتفاع.ماسك في ايده شنطة سودا و لابس بدله و كرافته و نضارة شمس....عامل كده زي العيال اللي كانوا بيطلعوا في الإعلانات..المهم الواد كان حليوة و انا قلبي هفهفله أول مالمحته ..استنيت شوية ع المحطه و بعدين جه الميكروباص..ركبت راح راكب ورايا..قلت الشياكه دي كلها هتركب مكروباص ليه يعني؟؟..أكيد في الأمر إنً ..و جِه كمان قعد جنبي ....يا حلولي يا حلولي..بس كنت خايفه ليعاكس و ساعتها أنا ماعرفش أبويا ...باللي ف رجلي و لايهمني لا شباب إعلانات ولاحتى جمال مبارك ولا حاجه أبدا..بس لاقيته في نص المسافه كده ..بيميل عليا و بيقول باسلوب رزين كده

...لو سمحتي ممكن أسأل حضرتك على حاجه ..وانتوا ماتعرفونيش... باتسطل لما حد يقولي حضرتك ..بس برضه مش سهله يعني..صدرت الوش الخشب و قلتله ..خير بمناسبة ايه ؟...يعني كنت عايز أسأل بس ..هو حضرتك مرتبطه ..واضح انك مش مخطوبة ولا متجوزة مافيش دبل في ايديكي ..بس الإرتباط بأه لازم أتأكد منه من حضرتك ..(حضرتك تاني يا حلولي)..والله الكلام ده مايتقالش في مواصلات و بعدين انا ماعرفكش و مش متعوده أكلم حد ماعرفوش ..طب يعني أنا لو معجب بحضرتك و عندي نيه أتقدم رسمي ..أعمل ايه ..أصلي بصراحه متابعك من مده بس دي أول مرة أتشجع و أحاول أكلمك ..ياحلاوة ياحلاوة متابعني من زمان ...ده واقع بأه..بس برضه على مين ..لازم أثبت ..و الله لو حضرتك متابعني زي مابتقول تبقى عارف بيتي و عارف بابايا ..هو الوحيد اللي ينفع يتكلم في المواضيع دي ..لو سمحت ماتحرجنيش اكتر من كده ..جامده جامده يعني ...الحقيقة انت كده أثبتيلي اني أحسنت الإختيار....ياسلام ياسلام..الله الله ..هو ده الكلام ...لحد كده الأمور كلها صح و مية مية ..صديته آه بس كمان قلتله كلم بابا..سيبتله سكه مفتوحه يعني .



الواد بأه التباع راح شاخط فيا في اللحظه دي ..الأجرة يا أبله والا هتركبوا ببلاش...يابن اللذينا ..دانا عماله أترسم من ساعتها تبعتر كرامتي كده ؟...جيت أمد ايدي جوه الشنطه لقيتلكوا الأخ بأه راح بسرعه مطلع فلوس و محاسبلي ..لأ مايصحش ..لأ بأه اسمحيلي ..أنا لا يمكن أقبل واحده هاتقدملها تدفع و انا موجود ...وجون وجون وجون ..هيتقدملي خلاص أيوة كده هو انا صحيح ماعرفش هو بيشتغل ايه و الا عايش فين والا بيقلد فنانين والا ايه نظامه بس الجواب بيبان من عنوانه.



أول ما المكروباص وقف لقيته نزل معايا في نفس المحطه و بصلي و قاللي ..أنا حبيت أنقذك يعني في المكروباص ..واضح قوي انك ماعاكيش فلوس...الدم ضرب في نافوخي.. انت هتتمنظر عليا والا ايه ؟..واضح ان شنطتك فاضية آخر الشهر بأه يالا وفرتلك أجرة المكروباص تنفعك ..بصتله بذهول كده و قلت له ..مين اللي قالك الكلام الفارغ ده ..انا عمري مامشي بشنطتي فيها أقل من 300 جنيه..قالي باستهزاء كده ..لاااااماصدقش..الدم كان خلاص قرب يطلع من نافوخي زي النافورة..رحت مطلعه كل اللي في المحفظه مورياهولوا ..أهه حتى شوف 50-100-200-220

لقيته مد ايده اخد الفلوس..و بصلها كده و عدها و قاللي آه صحيح انتي معاكي فلوس أهه

و في لحظه راح مطبقهم و حاطتهم في جيبه ..و قاللي انا هاخليهم معايا بأه سوفينير لحد لما آجيلكم البيت ..ماستوعبتش و قبل ما آخد فرصة أقول كلمه واحده كان راكب ورا واحد على موتوسيكل شكله كده كان ماشي ورا المكروباص و هوا ..فص ملح و داب

أختكم بأه واقفه في وسط الشارع هابلااااااااااه ..زي اللي اتدلق عليه جردل مايه مش نضيف..مش عارفه أصوت والا أطلع أجري وراه والا ألطم على وشي ...فضلت واقفه يجي خمس دقايق في الشارع مش عارفه اروح فين والعربيات تقعد تزمرلي و لما تلاقيني مسهمة تقريبا اللي سايقين يقولوا في نفسهم دي يا اما طارشه يا اما مجنونة يا اما م اللي بيبيعوا مناديل ...و الناس تعدي تبٌصِلي... و العيال الصغيرة يشدوا في هدوم أهاليهم ..بابا بابا هي الست دي عامله كده ليه؟

بعد شوية كده لفيت و دخلت مكان شغلي اللي باشتغل فيه ..و على وشي تعبير كده زي تعبير العمده الآلي بتاع زمان ..دخلت..قعدت ع المكتب ..و فجأه .....انفجرت في العياط ..و العيال زمايلي اتلموا حواليا..مالك ..فيه ايه؟...حد زعلك ..حد كلمك؟

من بين العياط و الشحتفه ما اقدرتش أقولهم غير كلمه واحده

............ ......... ......... ......... ......... .

اتســــــــــــــــــــــــــــــــــــــــــــــــــــــــرقت

............ ......... ......... ......... ......... .

إمضاء

مسروقة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Y a S s e R
المشرف العام
المشرف العام


ذكر
عدد الرسائل : 4319
العمر : 30
العمل\الترفيه : FedEx Express

تاريخ التسجيل : 16/01/2008

مُساهمةموضوع: رد: امضاء............. مسروقة هانم!!!!!!!!!!!!   الخميس 11 سبتمبر 2008, 13:51

هههههههههههههههه

تعيشي وتاخدي غيرها

_________________









الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
celestina
عضو جديد
عضو جديد


انثى
عدد الرسائل : 809
العمر : 27
العمل\الترفيه : كلية الالسن قسم اسبانى
تاريخ التسجيل : 03/05/2008

مُساهمةموضوع: رد: امضاء............. مسروقة هانم!!!!!!!!!!!!   الخميس 11 سبتمبر 2008, 14:15

ههههههههههههههههه

فعلا زى ما ياسر قال تعيشى وتخدى غيرها
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
eyes gravity
عضو جديد
عضو جديد


انثى
عدد الرسائل : 453
العمر : 27
تاريخ التسجيل : 20/06/2008

مُساهمةموضوع: رد: امضاء............. مسروقة هانم!!!!!!!!!!!!   الخميس 11 سبتمبر 2008, 14:24

لالالالالالالالالالا
على فكرة
دى مش حكايتى انا
دى حكاية واحدة مسروقة
انا مالى
شكرا على مروركم
نورتوا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
mayoy
عضو جديد
عضو جديد


انثى
عدد الرسائل : 806
العمر : 27
تاريخ التسجيل : 11/12/2007

مُساهمةموضوع: رد: امضاء............. مسروقة هانم!!!!!!!!!!!!   الخميس 11 سبتمبر 2008, 16:54

هههههههههههههه
لا بجد قصة فظيعة تعيش وتاخد غيرها
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
eyes gravity
عضو جديد
عضو جديد


انثى
عدد الرسائل : 453
العمر : 27
تاريخ التسجيل : 20/06/2008

مُساهمةموضوع: رد: امضاء............. مسروقة هانم!!!!!!!!!!!!   الخميس 11 سبتمبر 2008, 17:10

ميرسيه يا احلى ميوى
والله نورتى الموضوع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
molo
عضو جديد
عضو جديد


انثى
عدد الرسائل : 270
العمر : 27
تاريخ التسجيل : 13/03/2008

مُساهمةموضوع: رد: امضاء............. مسروقة هانم!!!!!!!!!!!!   الأربعاء 24 سبتمبر 2008, 19:33

حرام صعبت عليا اوى بجد مش عشان اتسرقت مهى اساسا هبلة
صعبت عليا عشان بعد ياعينى مافرحت ان هيجلها عريس فجاءة كده يكسر نفسها
يلا ربنا يعوض عليها
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
king of passion
عضو جديد
عضو جديد


ذكر
عدد الرسائل : 30
العمر : 29
المزاج : زهقااااااااااااااااااان
العمل\الترفيه : singing
تاريخ التسجيل : 27/09/2008

مُساهمةموضوع: رد: امضاء............. مسروقة هانم!!!!!!!!!!!!   السبت 27 سبتمبر 2008, 03:17

المهم اوعى تكونى لسه مستنيه يجى يقابل باباكى
يا حلولى يا حلولى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
eyes gravity
عضو جديد
عضو جديد


انثى
عدد الرسائل : 453
العمر : 27
تاريخ التسجيل : 20/06/2008

مُساهمةموضوع: رد: امضاء............. مسروقة هانم!!!!!!!!!!!!   الإثنين 13 أكتوبر 2008, 12:24

ميرسيه يا مولو انت وكينج على مروركم
ونورتوا الموضوع
وميصعبش عليك غالى يا مولو
ومتخفش يا كينج هى فقدت الامل خلاص
ههههههههههههههههههههههه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
fulla_flower
مشرفه
مشرفه


انثى
عدد الرسائل : 3720
العمر : 28
المزاج : coOol
العمل\الترفيه : Germanistik

تاريخ التسجيل : 10/03/2008

مُساهمةموضوع: رد: امضاء............. مسروقة هانم!!!!!!!!!!!!   الأربعاء 29 أكتوبر 2008, 08:47

يااااااااااااااااااااااااه

ايه القصة التحفة دى بس الخاتمة طلعت اكبر مقلب فعلا

شكرا يا ايز انتبهى على حالك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
امضاء............. مسروقة هانم!!!!!!!!!!!!
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
alsunawy :: `·.¸¸.·´´¯`··._.·`( الضحك والفرفشة )`·.¸¸.·´´¯`··._.·` :: الفرفشه والضحك-
انتقل الى: