ماشوفتش استهبال اكتر من كدا

انا بجد صعقت لما شوفت الصوره دى

انا كنت بدور على توقيع رمضانى علشان حاطه على المنتدى

وانا بدور لقيت الصوره دى

بجد ماكنتش مصدقه نفسى

الصوره وبكل بجاحه ووقاحه كمان

بتقولك كلها شهر وينقضى

يعنى الى هوا اعصر على نفسك لمونه واعبد ربنا شوية

ماجتش من شهر يعنى والشهر دا يغور بعد كدا

استغر الله العظيم يارب

يعنى ايه دا

هوا ربنا قالنا نصوم شهر رمضان علشان هوا شهر والسلام

وبعد كدا اعمل الى انت عايزه

الله علينا وعلى الى بنعملوا فى ديننا

انا الى حد معلوماتى ان رمضان دا شهر احنا بنكثف فيه عبدااتنا لربنا بس علشان بعديه
نمشى على نهجه مش علشان يبقى شهر ويفوت ولا حد يموت

انا عايزه رئيكوا فى الموضوع دا

ومعغلش ان كنت بتكلم بعصبيه
بس الموضوع بجد مستفز للغاية

مى انتى فهمتى الموضوع غلط

بيقولك كلها ايام وسينقضى

فلنكثر من الصالحات

ولنبتعد عن المعاصى

يعنى يتلحق يا متلحقش

الصورة مفهاش اى حاجة خالص بالعكس ده بيحفزنا على اكثار الصالحات والابتعاد عن المعاصى

ياريت تكونى فهمتى المقصود من الصورة

ايوة هوة دة اللى انا فهمتة من الصورة
الصورة بتدعو للاكثار من العبادات و الطاعات مفيهاش اى اساءة
و شكرا

ماشى يا جماعه االصوره ليها كذا معنى

انا واحده من الناس فهمهتها كدا لما شوفتها لاول مره
انت مكن لما تركز فيها هتفهمها صح

انا مش قصدى بالموضوع ان الرجال وحش او حاجه
او ان قاصد انه يقول كدا لا

انا بس كل قصدى

انه فعلا اساء التعبير
يعنى حد بيعمل حاجه زى دى اعتقد المفروض انه ياخد بالوا اوى من كل كلمه بيكتبها

بصوا يا جماعة
الصورة فعلا تحتمل المعنيين
ممكن المعنى الكويس ليها
وممكن المعنى اللى مى فهمته
بس فى اغلب الاحوال
الحاجة اللى فيها شبهة زى دى
كان من الاولى ان اللى عمل الكارد ده يوضح
هو مثلا مش بيكتب من بيت ابوه
ولعلمكوا بقى فيه فعلا ناس
بتحفز اولادها كده
بتقولهم فعلا
وبصريح العبارة
كلها شهر ويغور لحاله
طبعا ده تخلف
وجهل وكفر
انا كمان بشوف ناس فاطرة كتير قوووووى فى رمضان وكبيرة فى السن
برده كفر وتخلف
الناس دى بتعبد رمضان مش اكتر
وميرسى مى على الصورة

انا بردو شايفة ان مش قصده حاجة

هو يقصد ان احنا المفروض نستغل شهر رمضان كويس

و ان دي فرصة مش المفروض نضيعها و هو بيحفزنا

و بيقلنا انه مجرد شهر لازم مش نضيع فيه وقتنا

هو يمكن اساء التعبير بس الصورة ممكن تتفهم بالطريقتين

لكن اللي بيقول عليهم سايتو دول انا مش مصدقة ان في ناس كدة

بتتمني ان شهر رمضان يفوت

معقول ؟ لية يعني ؟

و طبعا ليكي مني كل الشكر يا مي

و كل سنة و انتم طيبيييييييييييييييييييييييييييييييييين

لا صدقى ايجيبت
والله الناس دول انا بشوفهم بعينى
مش حد بيقولى عليهم
دا انا حتى ممكن اصورهم واويهملكوا
ههههههههههههههههههه
مش للدرجة دى يعنى
ربنا امر بالستر

معلش اسمحيلى انى اختلف معاكى انا شايف ان الراجل قصده ان شهر رمضان 30يوم يعنى ايامه قليله جدا وهتمر بسرعه وهو ده اللى بيحصل كل الناس بتفوق متاخر بعد مايكون الشهر قرب ينتهىوقصده اننا نستغل ال30يوم ومنفوتش ولا لحظه فيه عشان مانندمش بعد ماينتهى وكل سنه وانتى طيبه واتمنى انى اكون وضحت وجهة نظرى

انا عارفه انه قصده كدا بس انا كل قصدى ان لما يبق حد بيعمل حاجه هتتنشر على مستوى زى دا
يبقى ياخد باله ويدقق وينتقى الكلمات الى بيكتبها
ومرسى على مروركوا

والله يا مى انا شايفة انه مش قصده حاجة
بس المشكلة فى الاسلوب بتاعه
هو اللى مش كويس
بس فى النهاية هو قصده خير
والله اعلم

مرسى على مرورك ورايك يانور

هو اكيد اسلوبه كتبها بيه وهو ونيته والله اعلم بيها
وربنا يتولانا ويتولاه برحمته ويبعد عننا ولاد الحرام يا رب
واوعي تغير المحطه

ماشى ياعم روتانا
هههههههههههههههه
ميرسى على ردك