alsunawy
عزيزي الزائر

لأنـنـا نـعـشـقِ التـميز والـِمُـِمَـِيّـزِيْـن يشرفنـا إنـظمـامك معنـآ في مـنـتـدانـا
منتدى ألسنـــــــاوي
أثبـت تـوآجُـِدك و كن من الـِمُـِمَـِيّـزِيْـن ..!



ادارة المنتدي



منتدى يجمعنا كلنا
 
الرئيسيةالبوابةاليوميةس .و .جبحـثالتسجيلدخول

شاطر | 
 

 ولـــع ولـــعوا

اذهب الى الأسفل 
كاتب الموضوعرسالة
RaSmY
عضو شرف
عضو شرف
avatar

ذكر
عدد الرسائل : 171
العمر : 30
المزاج : eshta
العمل\الترفيه : 4 سياحه

تاريخ التسجيل : 12/07/2008

مُساهمةموضوع: ولـــع ولـــعوا   الجمعة 22 أغسطس 2008, 23:09




قبل ما أبدأ فى بوست ولع ولعوا بالصلاه على النبى كده ، أحنا لازم نتفق فى حاجتين مهمين أوى ، التالته أنى رغاى أوى فى المواضيع اللى زى دى وهرغى كتير أوى كمان وهقول اللى فى نفسى ، ومحدش هيمنعنى اقول كلمه واقفه فى زورى من يومين ، دى حاجه ، الحاجه الرابعه أنى لست بكاتب ولا حتى صحفى ، دى بس محاوله منى أنى أقول رأيى بصراحه وبمعنى جديد بس أوعى دماغك تروح لبعيد

خيبه بالويبه

... يعنى أيه مجلس الشورى ينحرق كدا بسهوله والله العظيم لو شوية ستات من بتوع أبوهلال بشوية حلل ميه من الترعه اللى فى بلدنا كانو طفوها .. ويقولو أيه أل أيه عربيات مطافى بالهبل وطيارات .. بيطفو فيها يجى ست ساعات وكأنهم بيتفاخرو بالعدد وكانه بيدل على الإمكانيات بتاعتهم ..

وربنا دا يدل على أن الحكومة دى يا دوب تدير حضانه رضع .. وكل وزير يمسكلو عيل يرضعوا .. يعنى ايه مبنى مهم ويعتبر السلطه التشريعيه فى البلد يتحرق بالمنظر دا وميعرفوش يسيطرو عليه .. يعنى خلاص مفيش جهاز انذار .. وأل ايه حكومة إلكترونيه .. دى حكومة متخلفه .. دى حكومة جردلية ..

واللى يفقع على الأعداد دى كلها أنى ما شوف فى التلفزيون إلا واحد بس بخرطوم بيطفى وياريت بيطفى فى الحريق لا دا بيرش ميه بعيد عن النار ..

الصوره أهى قدامكم شوفوا البيه بيعمل أيه بيرش فى المكان اللى مش فيه نار




وفيه مسئول كان بيتكلم ويقول أن عساكر المطافى غير مدربين على الإطفاء فى الأوضاع دى
كان هاين عليا أجيب جردل واطسه على دماغه .. وأقلو حضرتك مشلول ..يعنى إيه ..غير مدربين .. بتطفحو فلوس ونهبين البلد ..علشان تولعو فيها ولا إيه أمال شغلتهم ايه .. دا مبنى من تلت ادوار ومش عارفين يطفوه .. دول حسسونى أنها ولا حريق الغابات .. ويقلك بدأ تحقيق فى أسباب الحريق ..علينا برضو الكلام ده.. مهيا معروفه محروقه ليه .. علشان تحرق أعمالكم السودا .. يعنى بلاش نقرررررر على بعض .. بس ابقو قلو قبضين كام من الحكاية دى
مش هنحقد عليكم .. بس هنشوف هيا الحكايه مستهله ولا لآ ..

بس اللى بجد مزعلنى اوى .. والدمعه هتفر من عينى .. هو صفصف .. صفوت الشريف يعنى .. بجد بجد شريف انه يا عينى عليه كان بيصيف .. وكان هيموت عايز ياخد اللون البرونزى

بس يا عينى ملحقش ...أهو جه لقاها محروقه وسواد ولما نشوف هيتشال فيها ..ولا هيبلط وتلاقى مبارك يديلو علاوه أهى برضه تنفعوا وتلاقى لقاء صفصف مع سرسرفى لقاء مونا يا مونا الشازلى فى العاشره مساء كان بصراحه يضحك ،

ده كان صوره كاريكاتوريه لآتنين كركيب من العواجيز المخرفين بيحكموا شعب 65 % من تعداده شباب تحت الخمسه وثلاثين سنه هما لسه عايشين لحد الوقت ههههه والله العظيم يا جدع .

يلا يعنى هى جت على المجلس وتقف ما كل حاجه مولعه ، ألاسعار والمواصلات والتعليم والعيش والمرتبات ، فاضل ايه مولعش ولا انحرق فى البلد دى

خصوصاً أننا داخلين على شهر رمضان بأه نسيت أقولكم كل سنه وانتم طيبين .. فلنا الدنيا ولهم الاخر باذن الله
..




وطبعا انا أول ما شوفت ولع ولعوا الولعه ولعت على طول توقعت انه بسبب ماس كهربائي ...مهى مفيش حريقه تحصل فى البلد دى ألا وقالو عليها بسبب ماس كهربائي ...يعني مفيش اي خطأ خالص من اي شخص او اهمال كل حاجة زي الفل و كله تمام يا فندم وكمان مفيش اي خسائر في الارواح لكن في اصابات ..حتى لو ماتوا في الطريق ...ومفيش اي ملفات او حاجة اتحرقت وديه صح لان اكيد المكاتب فاضية اصلا .. يعني شوية الجرايد القديمة اللي بيقروا فيها الموظفين وقدر الله وما شاء فعل ..


وبجد نفسي اسمع مرة في الاخبار عن حريق كبير في مصر مش بسبب ماس كهربائي او جريمة قتل كبيرة اللي ارتكبها مش مختل عقليا...

بجد حاجة تحرق الدم

شوفوا تصريحات الحكومه كل مره بتقول أيه

محاولة أغتيال الرئيس في بورسعيد بطلها شخص .... مختل عقليا
صاحب مذبحة المنيا .... مختل عقلياً
المسئول عن حادث الازهر ..... مختل عقلياً
الذين قاموا بالتحرشات في وسط البلدشباب .... مختل عقلياً
الذين قاموابالعمليات المتزامنة في كنائس فلمنج ومار جرجس والإبراهيمية .... مختل عقلياً
التوربيني وأعوانه .... مختل عقلياً
وأخيراً
سفاح المعادي .... مختل عقلياً
.....


كمان دى تصريحات الحكومه كل مره بتقول أيه

حريق سيتى ستارز ... ماس كهربائى
حريق مدرج جامعه الآزهر...ماس كهربائى
حريق سنترال رمسيس........ماس كهربائى
حريق مخازن القمامه مطار القاهره.........ماس كهربائى
حريق فندق زوسر ........ماس كهربائى
حريق مبنى مديريه الماليه باللازقيه......ماس كهربائى
أخيراً
مجلس الشورى .....ماس كهربائى

بجد مش معقوله دى مهزله وحاجه فعلا تحرق الدم

وده يا جماعه جواب انا نفسى يوصل للريس لو فى حد يقدر يوصله ياريت

بس انا عارف هيطلع جواب زى اللى كان بيبعتهم أحمد حلمى للريس فى فيلم اسف على الآزعاج





طيب ما نيجى نركز على الخيبه بالويبه اللى أحنا فيها دى وبلاش نبعد بعيد

و نعد مع بعض المهازل اللى حصلت ونشوف كل مهزله حصلت من مهازل حريق مجلس الشورى

يلا بينا



لما أبتدت الحريقه رفض أمن مجلس الشوري تسليم خريطه المبني إلي فرق الإطفاء لكي تقوم بمكافحه الحريق ، والسبب إنها (( ســريـــة )) واحد




كمان رفض أمن المبني أن يدلهم علي مداخل أخري للمجلس يتمكنوا منها من محاصره النيران ودى 2



و التالته أنو عساكر الأمن المركزي وظباط الأمن المركزي رفضوا إدخال فرقه طوارئ الغاز الطبيعي إلي المبني من أجل إغلاق مواسير الغاز الطبيعي حتي لا تزيد النيران ، وفشلوا في الدخول حتي أدخلتهم قياده أمنية كبيره

وكانت طريقه منعهم بنفس طريقه منع هاني رمزي من دخول فرحه في فيلم جواز بقرار جمهوري ( ممنوع - ممنوع - ممنوع



وبدلا من محاولة الإطفاء والمساهمه في الإطفاء كان رجال الأمن المتواجدون كل في مكانه فقوات الامن الخاصه بالمبني لم تتدخل لإطفاء المبني وتفرغت لحمايه المبني ومطارده الصحفيين وتكسير كميرات الصحفيين مثلما حدث مع مصور جريده البديل . وصلنا لكام ؟؟؟ متهيألى 4
اه 4



ودى الخامسه أنه العديد من رجال محافظه القاهره فوق عربيات ربع نقل لا يفعلون لا شيئ

وكمان انه رجال الأمن مارسوا دورهم الطبيعي في مطارده الناس وإبعادهم عن المكان ودى مش هعدها تقريباً الحاجه الصح الوحيده اللى أتعملت



نقول 6 : قوات الأمن المركزي بدلا من أن تمارس أي دور في محاوله إخماد الحريق لم تتحرك إطلاقا وظلت تحاصر المبني وتعيق دخول عربات الإطفاء التي تصل بعد عناء إغلاق العديد من الطرق.



7
ان شاء الله انه بدلا من إطفاء الحريق قامت إحدي عربات الإطفاء برش المواطنين الموجودين حول المبني بخراطيم المياه



وأخيرا 8 انه طائرت الهليكوبتر ألقت المياه التي معها من مسافه بعيدا جدا مما يجعل قوه المياه تتشتت .



ودلوقتى قراءه سريعه فى الصحف الصادره بعد وقوع ولع ولعوا الولعه ولعت
وولع ولعوا والمعنى جديد ، بس أوعى دماغك تروح لبعيد


البطل الشعبى يعلن عن A7A
مسئوليته عن العمليه ويعد بتكرارها كمان عشر سنين

كتائب الشهيد مالك مصطفى تنفى صلتها بالحادث وتندد بالغباء لدرجه حرق المجلس وهو فاضى

نقل مجلسي الشعب و الشورى للقاهره الجديده بتكلفة عشرميت مليار جنيه

- منع أعضاء المجلس من الإخوان المسلمين من الدخول بحجة ان اسمائهم كانت مكتوبه في الورقه القديمه اللي اتحرقت في البوفيه و لا يمكن إثبات صحة
عضويتهم

إعلان المصالحه بين حديد عز و مجموعة طلعت مصطفى من أجل الوحده الوطنيه في مواجهة هذه الكارثه الإنسانيه

إعلان مجموعة طلعت مصطفى عن مشروع "مجلسي" السكني مكان مجلس الشورى القديم

منح الأرض مكان المجلس القديم مجانا لمجموعة طلعت مصطفى لتشجيع الاستثمار

متحدث باسم حركة كفايه: حرق المجلس مؤامرة حكومية لمنع التظاهرات السلميه أمامه

أيمن نور يستنجد بأوباما: حرقوا المجلس و هيحرقوني وراه يا سيدنا

المتحدث الرسمي باسم وزارة الداخليه: حرق المجلس حادثه فرديه منفذها مختل عقليا

أقباط المهجر: حرق المجلس تم للتغطيه على اختطاف فتاه قبطيه من بلبيس

الدكتور حمدي السيد: لن يتم معالجة المصابين في الحريق بدون التأكد من ديانتهم أولا

مسئول كبيرأوى : حرق المجلس إشاعه للإضرار بسمعة مصر. المجلس سليم، سليم، سليم.


ودلوقتى أسيبكم تتفرجوا على صور
ولع ولعوا والمعنى جديد
بس أوعى دماغك تروح لبعيد































انا بصراحه مش عارف البلد دى فالحه فى ايه
مافيش حاجه فالحين فيها غير الخيبه والوكسه
يمكن هى دى الحاجه الوحيده اللى يمكن ننفرد بالصداره فيها عن باقى دول العالم....

بصراحه حاجه تكسف مفيش اى تخطيط او اداره للأزمات؟؟

والحمد لله ان ربنا ستر عالم بحالنا...

كنا أتمنى احتراق صاحب العبارة
وصاحب اكياس الدم الفاسدة
والناس اللى بتبوظ فى البلد
بس للآسف ورقهم ولع فى مجلس الشورى


أقولكم بصراحه بقى
انا شايف عقب سيجاره مرمى


RASMY MASRY ARABY MOSLEM
وأفتخر

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
AL_Administirator
Admin
Admin
avatar

انثى
عدد الرسائل : 3577
العمر : 29
المزاج : شغاال
العمل\الترفيه : طالبة على قد حالى

تاريخ التسجيل : 03/12/2007

مُساهمةموضوع: رد: ولـــع ولـــعوا   السبت 23 أغسطس 2008, 06:55

بص يابنى هى دى بلدنا ودا الوضع الحالى
للاسف ياس واحباط وكل يوم بنموت واحنا لسه عايشن
فى ناس بتموت من الجوع واحنا مش حاسين
وفى ناس بتتمنى الموت ومش عارفين
اعتقد الموت ارحم من الى احنا فيه
بس املنا فى ربنا كبير
وحياتنا بايدينا هتبقى احسن
ومصر هييجى يوم وترجع مصر
ام الدنيا
بلدنا
اجمل بلد فى العالم
بايدينا ننسى كل حاجه
وننسى كل الى حاصل
ونشتغل
ونكافح علشان نرجع مصر زى ماكانت
وشكرا يا رسمى على الموضوع الجامد دا

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو https://www.facebook.com/home.php?ref=home#/profile.php?id=102909
ruby
عضو جديد
عضو جديد
avatar

انثى
عدد الرسائل : 1468
العمر : 29
المزاج : ماشى الحال
العمل\الترفيه : طالبه بكليه الالسن قسم اينجلش
تاريخ التسجيل : 28/02/2008

مُساهمةموضوع: رد: ولـــع ولـــعوا   السبت 23 أغسطس 2008, 16:50

طبعا زى ماقالت مى
انى هى دى بلدنا وهو ده حالنا
وفعلا زى ماقولت كل حادثه بيقولوا ده بسبب ماس كهربى
وان كل جريمه مرتكبها بقا مختل عقليا
مش عارفه لحد امتى هنفضل نضحك على بعضينا
ولحد امتى هنفضل على الوضع ده
بجد بلدنا محتاجه تغيير شامل
محتاجه نقله جامده
دى الناس فى الدول التانيه بقت بتضحك علينا وعلى الخيبه اللى احنا فيها
بس احنا املنا فى ربنا كبييييير
وان شاء الله البلد هيجيلها يوم وتتغير وتبقى احسن من كده
وميرسى يارسمى على الموضوع الجامد ده
بجد انت فتحت مجال رائع جدا عشان نتناقش فيه
ميرسى اوى على المجهود الرائع ده
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو https://www.facebook.com/home.php?#/profile.php?id=1101457517&ref
seito
عضو جديد
عضو جديد
avatar

ذكر
عدد الرسائل : 1878
العمر : 30
المزاج : الحمد لله
العمل\الترفيه : المفروض طالب \الكورة والنت والرسم والغناء
تاريخ التسجيل : 09/03/2008

مُساهمةموضوع: رد: ولـــع ولـــعوا   السبت 23 أغسطس 2008, 17:36

هههههههههههههههه
اكتر حاجة عجبتنى السئول اللى قال
ان الحريق اشاعة
ههههههههه
راجل دماغة عالية
بس برده بحبها
وعمرى ما هكرهها
واملى فى ربنا كبير انه يدينى القوة وانا اللى اغيرها
على قد ما اقدر
اكيد طبعا بحبها
وعمرى فى يوم ما كرهتها
بس بكره ظلم ناسها وهمها
بكره جهل وتخلف حاسس ان هما فى دمها
بكره وضع حالى
بكره غربة وانا لسه فى ارضها

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.alsunawy.ahlamontada.com
moz_a
عضو جديد
عضو جديد
avatar

ذكر
عدد الرسائل : 1666
العمر : 28
المزاج : جاااااااامد اخر حاجة
العمل\الترفيه : طالب بكلية التجارة جامعة القاهرة
تاريخ التسجيل : 02/04/2008

مُساهمةموضوع: رد: ولـــع ولـــعوا   السبت 23 أغسطس 2008, 21:23

بجد يا رسمى موضوع جاااااااااااااااااااااااامد اوووووووووووى


بصراحة انا شايف ان البلد دى خلاص مفيش امل فيها تانى


بس لازم نحاول على قد منقدر نرجعها زى الاول مع انى متاكد انه مش هيحصل


الا لو حصل تغيير شامل وجذرى لكل حاجة فيها


ربنا يتولانا برحمته


شكرا رسمى على موضوعك الجامد اوى ده
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
seito
عضو جديد
عضو جديد
avatar

ذكر
عدد الرسائل : 1878
العمر : 30
المزاج : الحمد لله
العمل\الترفيه : المفروض طالب \الكورة والنت والرسم والغناء
تاريخ التسجيل : 09/03/2008

مُساهمةموضوع: رد: ولـــع ولـــعوا   الأحد 24 أغسطس 2008, 14:53

بص يا رسمى
انت من حقك تقول اللى انت عايزه
بس بصراحة انت متحامل على قوات المطافى
خلينى اقولم ايه
اللى انت بتقول عنه انى بيطفى فى حتة غير اللى فيها النار
ماهو لازم يعمل كده
اذا كان الامن مش مديهم
خريطة المبنى علشان يحاصروا النيران
طيب الراجل هيعمل ايه
لازم يرش فى الحتت القريبة
اولا يبلل الحتت دى علشان لو النار جت فيها مش تتحرق بسرعة
ثانيا
المية نفسها لو فضلت تترش بكميات
هتتحرك من مكان للتانى وهتطفى النيران
كمان الارتفاع اللى هو فيه مش مساعده
والهيلكوبترز
اللى بتتكلم عنها
لازم برده ترش من مسافات عالية
لان محركات الطائرات الهيلكوبتر
بتتأثر جدا بالدخان
وممكن تتعطل
وكمان الطيارات دى لاغراض مدنية
ممكن تكون بتاعة الجيش
بس مش حربية
هتستحمل الدخان والنار
علشان كده
مش ممكن تنزل عن ارتفاع معين
خاصة فى الحرايق
اللى ممكن يكون فيها انفجارات فى اى وقت
المر اللى بيأثر على معدات الطائرة
وممكن الكارثة كانت تكبر
انت بصراحة ملكش حق تتكلم عن المطافى
انت ممكن تتكلم فى اللى كانت بتعمله قوات الامن
والداخلية
والكلام التانى ده كله
دا رايى
وميرسى على الموضوع
وتقبل مرورى

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.alsunawy.ahlamontada.com
fulla_flower
مشرفه
مشرفه
avatar

انثى
عدد الرسائل : 3720
العمر : 30
المزاج : coOol
العمل\الترفيه : Germanistik

تاريخ التسجيل : 10/03/2008

مُساهمةموضوع: رد: ولـــع ولـــعوا   الأحد 24 أغسطس 2008, 19:56

شفت يا رسمى صورة الريس وصفوت وسرور

بذمتك كام مرة فى حياتك شفت الصورة دى

لما تتعمق فيها هتشوف اد ايه مصر دى بئت ست كبيرة عجزت خلاص

مفيش فى ايديها حاجه تعمله

يعنى تولع تتحرق تفلس نتبهدل مبئتش فارقه

اكتر حاجة عجبتنى شماتة الناس فى الحكومة

مع انه استحالة يحصل فى بلد محترمة فى الكون

بس حكومتنا وصلتنا لكده

واعتقد لو ان اسرائيل الى كانت ولعت فيه مكنش حد دافع عنه

لان شبابنا اكتره بيعتبر مصر دى مش بلدنا

مصر دى بلد الى بيسرقوها وواكلين فلوسها

وده كلام الاستاذ مجدى الجلاد فى المصرى اليوم

فى سؤال يارسمى

هو احنا ايه احنا ضحايا ولا مجرمين بجد لازم ترد

بس فى الحالتين نستاهل يتولع فينا

لاننا اعتقد لو ضحايا فاحنا شياطين لان الساكت عن الحق شيطان اخرس

ولو مجرمين يبئى كما تدين تدان

بس احب اشوف رئيكم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
seito
عضو جديد
عضو جديد
avatar

ذكر
عدد الرسائل : 1878
العمر : 30
المزاج : الحمد لله
العمل\الترفيه : المفروض طالب \الكورة والنت والرسم والغناء
تاريخ التسجيل : 09/03/2008

مُساهمةموضوع: رد: ولـــع ولـــعوا   الإثنين 25 أغسطس 2008, 15:44

انا من رايى
احنا ولا ضحايا ولا مجرمين
احنا حاجة كده بيتلعب بيها
مش اكتر
انا بشوف ان التغيير
لازم يكون من تحت ومن فوق
مش من الحكومة
ولا من الشعب
لا
من الاتنين مع بعض
الشعب كلمته اعلى
بس الحكومة هى اللى ممكن تقود التغيير
وممكن تحقق حاجات حلوة كتير
لما تعمل اللى فى مصلحة الشعب
هما شغالين فى نظام اقتصادى معين
فاكرين انه نافع
ممكن يكون زى ما هما فاكرينه
بس هما مش حاطين فى بالهم الناس
مش بتكلم عنهم
انا مش بعتبرهم من الناس
انا بتكلم عن الناس البسيطة
الناس اللى لما تبصى فى وشها تحسى باصالة مصر
تحسى قد ايه هما تعبانيين
تحسى قد ايه هما عاجزين
للاسف احساس مش لذيذ بالمرة
بس زى ما بيقولوا فى الخليج
البركة بالشباب
وطبعا شبابنا جامد جدا جدا جدا جدا
شباب
low weast
dirty
انا على فكرة مش بتكلم عن موضة
ولا بهاجم اللى بيلبس كده
انا بالعكس شايفها حرية شخصية
بس للاسف الفكرة اتكونت خلاص عند الناس
ان اللى بيعمل كده
فاضى
هايف
لايعتمد عليه بالمرة
انا كمان ابتديت احس كده
شبابنا اللى المفروض يغير ويعدل فى بلده
شبابنا اللى المفروض
يضمن حياة احسن ليه
ولاسرته واطفاله من بعده
عايز كله يهاجر
ولو يطول يعمل زى ما الناس اياهم بيعملوا
هيعمل
ومن غير تردد
هيقولك حلال عليهم وحرام على
مش عارف
بصراحة احنا رايحين لفين
بس بفرح قوى لما الاقى حد بيفكر فى بلده
وعايز يعملها حاجة
ببقى لو فى ايدى اديله عنيا
اديهمله
بس شبابنا بيسكت
ومن حقه
ماهو خايف يتكلم
يترمى فى حتة هو نفسه لو قالوله امشى
مش هيعرف يطلع منها
شبابنا عايز يتخرج
ويشتغل بمرتب حلو
ويتجوز ويجيب عيال
ولما تسأله عن بلده
يقولك وانا هعمل لها ايه يعنى
هو انا اللى هغير الكون
بجد بجد
انا مش عارف احنا رايحين لفين
وبس
خلص الكلام
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.alsunawy.ahlamontada.com
MOUSTAFA
عضو جديد
عضو جديد
avatar

ذكر
عدد الرسائل : 1409
العمر : 29
تاريخ التسجيل : 05/12/2007

مُساهمةموضوع: رد: ولـــع ولـــعوا   الثلاثاء 26 أغسطس 2008, 05:45

والله يا جماعة الحريق دا مأثرش فيا جامد مع انه كارثة كبيرة لكن الواحد فى مصر اتعود على المصايب دى واللى اكبر منها طيب مافى مصيبة العبارة واللى صاحبها خد براءة وواحد بس اتحكم عليه بست شهور مع ايقاف التنفيذ ودى مصيبتها مش بس فى ان دم المصريين اللى ماتو دول ذهب مع الريح لكن المصيبة الكبيرة ان القضاء المصرى كمان اتأثر بجو الفساد اللى حوليه بعد ما كنا بنتفاخر بنزاهة القضاء


انا اسف انى بعدت عن الموضوع الاساسى لكن عارفين ايه اللى يضحك فى حكاية الحريق دى ان الدولة اعلنت انها هتقيم مباراة ودية ما بين مصر ومنتخب كبير وهتخصص دخله لترميم المبنى اللى اتحرق يعنى الحكومة مفيهاش فلوس وهتستنى الماتش لما يتلعب
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Egypt
المشرف العام
المشرف العام
avatar

انثى
عدد الرسائل : 1825
العمر : 29
المزاج : الحمد لله
العمل\الترفيه : طالبة ف رابعة الماني

تاريخ التسجيل : 18/06/2008

مُساهمةموضوع: رد: ولـــع ولـــعوا   الثلاثاء 26 أغسطس 2008, 15:01

هههههههههههههههههههه

و الله هم يضحك و هم يبكي

بص يا محمد كل الهرج و المرج اللي حصل دة مش غريب

انت نفسك بتقول ان الفاعل معروف و اننا مش عايزين نضحك علي بعض

و طالما الفاعل معروف يعني حاميها حراميها

يبقي من الطبيعي جدا

تعاق عملية الاطفاء

لغاية ما كل المبني يولع لضمااااااااااااااااان السرية التااااااااااااااااااااامة

للاوراق و المصايب اللي كانت في المجلس و تحولت لرماد

و هو المطلوب

و المطلوب التاني طبعا انه يكون حجة من ضمن حجج نهب البلد اهو كام مليون كدة احسن من مفيش

و لا اية ؟

عموما احنا مش هنجيبها البر غير لما نلاقي حمامة السلام الامريكية الاسرائيلية

جاية تصلح لنا الاحوال زي ما انت عارف انها المصلح الاجتماعي بتاع العالم

متهيئلي ساعتها حكومتنا هتبتدي تفوق لنفسها

بس دة هيبقي بعد فواااااااااااااااات الاوان

و عموما الدور علينا و احنا كدة نايمين و مش حاسين احنا و لا حكومتنا بحاجة

و طبعا انا نفسي و مني عيني مصر تسترد مكانتها و عزتها بين العالم

و ايدي معاكو لو عندكو اي افكار نفيد بيها بلدنا و خلينا نبدأ

بنفسنا و نخلي الباقي علي الله

و طبعا ليك مني كل الشكر و التقدير علي موضوعك الجااااااااااااااااااامد دة

يا رسمي

_________________
المس خضار الشجر .. حس بضياء القمر .. انقش قلوب ع الحجر ...
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
eyes gravity
عضو جديد
عضو جديد
avatar

انثى
عدد الرسائل : 453
العمر : 29
تاريخ التسجيل : 20/06/2008

مُساهمةموضوع: رد: ولـــع ولـــعوا   الخميس 11 سبتمبر 2008, 12:13

والله يارسمى الموضوع اكتر من رائع بجد
وشغلك حلو اوى فيه
وكمان دمك خفيف مووووووووت
المشكلة بقى انى زى مصطفى محستش انى متضايقة او زعلانة لما اتحرق مجلس الشورى
يمكن ده لاننا فعلا اتعودنا خلاص على المصايب والكوارث
اللى كل يوم بنصحى عليها وبنسمعها
وبقت دى حاجة عادية عندنا
بس ازاى نغير بلدنا
البلد مش هتتغير غير لما كل واحد فينا يبدأ بنفسه
يغير نفسه
ويعمل حاجة لبلده
لو نبطل السلبية
كلنا بنتحمس ونعترض ونشجب ونرفع شعارات
وفى الاخر
شكرا
مفيش شغل
مفيش حماس
مفيش اجتهاد
فيه بطاله
فيه ملل
فيه كسل
ان الله لا يغير مابقوم حتى يغيروا ما بانفسهم
نعمل اللى علينا والباقى على ربنا
ننجح ونذاكر ونتعب
واكيد هنلاقى
انا كمان شايفة انك متحامل شوية مع رجال الاطفاء
والله دول غلابة
هيعملوا ايه يعنى
الف شكر مرة تانى


عدل سابقا من قبل eyes gravity في الأحد 14 سبتمبر 2008, 16:46 عدل 1 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
eyes gravity
عضو جديد
عضو جديد
avatar

انثى
عدد الرسائل : 453
العمر : 29
تاريخ التسجيل : 20/06/2008

مُساهمةموضوع: رد: ولـــع ولـــعوا   الخميس 11 سبتمبر 2008, 12:16

والله يارسمى الموضوع اكتر من رائع بجد
وشغلك حلو اوى فيه
وكمان دمك خفيف مووووووووت
المشكلة بقى انى زى مصطفى محستش انى متضايقة او زعلانة لما اتحرق مجلس الشورى
يمكن ده لاننا فعلا اتعودنا خلاص على المصايب والكوارث
اللى كل يوم بنصحى عليها وبنسمعها
وبقت دى حاجة عادية عندنا
بس ازاى نغير بلدنا
البلد مش هتتغير غير لما كل واحد فينا يبدأ بنفسه
يغير نفسه
ويعمل حاجة لبلده
لو نبطل السلبية
كلنا بنتحمس ونعترض ونشجب ونرفع شعارات
وفى الاخر
شكرا
مفيش شغل
مفيش حماس
مفيش اجتهاد
فيه بطاله
فيه ملل
فيه كسل
ان الله لا يغير مابقوم حتى يغيروا ما بانفسهم
نعمل اللى علينا والباقى على ربنا
ننجح ونذاكر ونتعب
واكيد هنلاقى
انا كمان شايفة انك متحامل شوية مع رجال الاطفاء
والله دول غلابة
هيعملوا ايه يعنى
الف شكر مرة تانى


عدل سابقا من قبل eyes gravity في الأحد 14 سبتمبر 2008, 16:49 عدل 2 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
eyes gravity
عضو جديد
عضو جديد
avatar

انثى
عدد الرسائل : 453
العمر : 29
تاريخ التسجيل : 20/06/2008

مُساهمةموضوع: رد: ولـــع ولـــعوا   الخميس 11 سبتمبر 2008, 12:17

معلش ياعم رسمى انا كبرت الكلام ورتبته وخليته فى الوسط عشان تعرفوا تقروا
يلا سلاااااااااام
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
eyes gravity
عضو جديد
عضو جديد
avatar

انثى
عدد الرسائل : 453
العمر : 29
تاريخ التسجيل : 20/06/2008

مُساهمةموضوع: رد: ولـــع ولـــعوا   الخميس 11 سبتمبر 2008, 17:23

يحكى أن رجلاً عندما بلغ العشرين كان يريد أن يغيير العالم وقرر ذلك ، وبعد عشر سنوات كاملة اكتشف أن شيئاً في العالم لم يتغير ، عندها قرر أن يغير هدفه ليكون تغيير دولته فقرر ذلك ، وبعد عشر سنوات لم يتغيير شيئاً من دولته ، فقرر أن يغيير مدينته واستمر على ذلك مدة عشر سنوات ولكن شيئاً من مدينته لم يتغيير ، وعند ذلك قرر أن يغيير الحي الذي يسكن فيه وبعد فترة عشر سنوات شيئاً من حييه لم يتغيير ، فقرر أن يغيير بيته وبعد عشر سنوات شيئاً من بيته لم يتغيير ، وعندما وصل إلى السبعين من العمر وعند وفاته اكتشف أنه كان ينبغي له أن يبدأ ويغير نفسه ، لأنه بتغيره لنفسه يستطيع تغيير بيته فالحي الذي يسكن فيه ثم المدينه فالدولة وربما يغيير العالم كله بعد ذلك ، فالتغيير يبدأ من الداخل .
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
MYSTIFIEDGIRL
عضو جديد
عضو جديد
avatar

انثى
عدد الرسائل : 53
العمر : 27
المزاج : مبسوطة جدا وانا معاكم
العمل\الترفيه : طالبة
تاريخ التسجيل : 03/12/2009

مُساهمةموضوع: رد: ولـــع ولـــعوا   السبت 26 ديسمبر 2009, 00:47

لحد امتي هنقول بكرة نتغير لية كل واحد بيرمى غلطة علي التاني لية متبداش بنفسك الاول قبل ان تخرج القذى التي في عين اخيك انزع الخشبة التي في عينك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
ولـــع ولـــعوا
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
alsunawy :: `·.¸¸.·´´¯`··._.· ( المنتديات العامه ) `·.¸¸.·´´¯`··._.·` :: سياسة-
انتقل الى: